مخطوبة , لواحد , تعملى

تعملى اية لو مخطوبة لواحد زى دا؟

خطيب بارد جدا جدا




هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

في انتظار القمامير الحلوين وارائهم

تعملي اية ياقمر لو كنتي مخطوبة لشخص زي دا

والله دى حاجة تفور الدم

---

julgn hdm g, lo',fm g,hp] .n ]h?

كنت رميته فى الميه وربط عليه حجر كبير
وخليته يقول أحد أحد
واستنى لما يموت وانده وأقول غريق
لأن الى زى دا مايستهلشى آخد فيه ثانيه واحده حبس

المشاركة الأصلية كتبت بواسطة قطره ندى

كنت رميته فى الميه وربط عليه حجر كبير
وخليته يقول أحد أحد
واستنى لما يموت وانده وأقول غريق
لأن الى زى دا مايستهلشى آخد فيه ثانيه واحده حبس

انا كا ولد بشجعة اوى اوى
عشان هو مش بخيل ما هو صرف فلوسة على بنت حلوة يعنى خطيبتة هى اللى وحشة

يعنى انا احية من كل قلبى

المشاركة الأصلية كتبت بواسطة قطره ندى

كنت رميته فى الميه وربط عليه حجر كبير
وخليته يقول أحد أحد
واستنى لما يموت وانده وأقول غريق
لأن الى زى دا مايستهلشى آخد فيه ثانيه واحده حبس

انا كنت هعمل كدة بردة والله
هههههههههههههههه

المشاركة الأصلية كتبت بواسطة فتى المدينة

انا كا ولد بشجعة اوى اوى
عشان هو مش بخيل ما هو صرف فلوسة على بنت حلوة يعنى خطيبتة هى اللى وحشة

يعنى انا احية من كل قلبى

لا بس لازم يصرف ش بالطريقة دى يعنى

المشاركة الأصلية كتبت بواسطة CutE GirL

لا بس لازم يصرف ش بالطريقة دى يعنى

ما هو ولد صريح اهه ومكذبش وقال نسيتها

قالها الصراحه انه كان مع بنت امبارح وخلص فلوسه

يعنى لو حلوه او حاسس بوجدها مكنش بص بره

_ اكيد اموره

وغير كدا ماشيه تسفلق عليه

بنات اخر زمن
هع هع هع
يارب يكون كلامنا خفيف عليهم

هههههههههه

ولا عندك حق