السلام عليكم ورحمة الله وبركاته
أكد عم هاني بتاع الفول في تصريح خاص لي
( و أنا بشتري منه ب2 جنيه فول وبجنيه طعميه وعلبة مسقعة وماينساش الطرشي )
أنه مستغرب من الناس في الاعلام والشوارع
انهم مش عايشين في الدنيا
وكل الناس عايزه تروح جنوب افريقيا - جنوب أفريقيا
مع ان مصر فيها أماكن سياحية تحفه بيجيلها الناس من أمريكا وروسيا وأسبانيا
والسويس وجميع انحاء العالم
ومستغرب ليه كله عايز يروح جنوب أفريقيا
وبيقولي هو فيه زي مصرام الدنيا وتقولي عايز تروح جنوب افريقيا ؟؟؟ 
ففهمته ان جنوب أفريقيا مش مقصود بها الفسحة والسفر
بل المقصود بها كأس العالم وحلم الوصول الى المونديال
فبرر لي باردو مصر أم الدنيا وتفهم قصدي
وفي اليوم التالي
( و أنا بشتري منه بنص جنيه فول وبربع طعميه ومش مهم الطرشي )
قعد يضحك ويقولي انا مستنيك
بقوله ليه يا عم هاني
لاقيته بيطلعلي جريده الاهرام وبيضحك
وبيقولي اهي يا عم
مصر راحت جنوب افريقيا في كأس العالم
ماتوجعولناش دماغنا بقى وكل شويه شوبير يقولي لسه عايز يروح جنوب افريقيا !
قولتله لا دي كأس العالم للقارات بطوله تانيه لسه كأس العالم في 2010
قالي المهم انهم راحوا جنوب افريقيا ويقدروا يقعدوا هناك لغاية البتاعة دي ما تبدء
ولو هتقولي فلوس ومصاريف هحلهالك : واتحاد الكوره اكيد هيدفعلهم الاقامة وفي
احسن الفنادق كمان
عجباني دماغ هاني قوي
ايه ده يا هااااني
ايه ده يا هاااااااااني
ارحمني
اسألة للنقاش :
1- ما رأيك في فول عم هاني ؟
2- ما رأيك في اقتراح عم هاني بعدم الاهتمام بجنوب افريقيا لان مصر ام الدنيا فيها
اماكن سياحيه افضل كثيرا 
؟
3- ما رأيك في اقتراح عم هاني في الانتظار في جنوب افريقيا حتى كأس العالم ويريحولنا دماغنا ؟
4- حدد مكان مطعم فول عم هاني واسمه رباعي وماركة التيشيرت اللي كان لابسه وهو بيكلمني ؟
ul ihkd fjhu hgt,g ,Hlhkd ;hs hguhgl
عم هاني بتاع الفول وأماني كاس العالم
العرض العادي
