هو ليه احنا دايما عندنا مفهوم الحب فى اضيق الحدود
من خلال الردود هنا ومن خلال مواضيع كتيرة الاقينا الحب عندنا هو مفهومه حب الواحد لواحده (خصوصا يعنى ان معظم اللى فى المنتديات مش متجوزين)
امال فين حبنا لربنا وده اسمى معانى الحب وحبنا لسيدنا محمد وحبنا لابونا وحبنا لامهاتنا وحبنا لاخواتنا واصحابنا وقرايبنا
بلاش نردد كلام مسلسلات واغانى ان الحب نادر
ده كذب
لما مامتك تبقى قاسية عليك وكرهاك يبقى ساعتها الحب نادر
لما وانت تعبان مبتلاقيش القلق والحزن فى عيون باباك ومامتك واخواتك ومتلقيش اقاربك بيسألوا عليك يبقى الحب نادر
لما بتكون فى وقت شدتك متلاقيش اصحابك واقفين جمبك يبقى الحب نادر
وكمان محدش يقول ان الصداقة والاصحاب شىء نادر لا هو مش نادر احنا اللى بنختارهم يعنى لو طلعوا مش كويسين يبقى سوء اختيار مننا
انا لما بتكلم هنا بقول بصفة عامة فى مجتمعنا
انا بتمنى لو فى موضوع يحمل كلمة الحب يبقى نتكلم فيه عن الحب بصفة عامة بكل انواعه
لكن بقه لو الموضوع فى المنتديات قصده عن الحب لواحد وواحدة يتم ده تحديده من عنوان الموضوع
وموضوعنا محددش معنى كده ان قصده الحب بكل انواعه
لازم يا جماعة يكون عندنا نظرة توسعية شوية فى المواضيع بصفة عامة
صح ولا انا غلطانة
يارب مشاركتى متكنش ثقيلة عليكم
ما الحب ؟
العرض العادي
