مجلة تيفا نت .. العدد الاول .. بسم الله توكلنا علي الله

الجريده الالكترونيه .. العدد الاول .. بسم الله توكلنا علي الله

رئيس التحرير : محمد علي

اولا الفكره والتنفيذ

من عملي وتصميمي

العدد الاول

الفهرس

الجزء الاول

مين طفي النور !!!

من الدقهلية الي دمياط يا قلبي لا تحزن

فجااة بودن اي تنبيه انقطاع للتيار الكهربائي في الطريق العمومي

طبعا العبد لله في بلد تتوسط ما بين دمياط والمنصورة

يعني علي اليمين المنصورة وعلي الشمال دمياط

للاسف ولا يمين ولا شمال شغال

النور قاطع يا جماعه هو في ايه

ااااااااااااااه في واحد صاحبي شغال في شركة الكهرباء لما اساله

ماذا قال لي ؟؟

حسب كلامه وحسب ما سمع ان دولتنا الجميله وجدت ان القري وبعض الاماكن البعيده عن المحافظات والمدن

( ملهاش لازمه )

فقالوا نصدر الكهرباء ونقطع عن بعد المناطق العشوائيه دي الكهرباء

ده كلامه وانا مش صدقته وقلت تاثير صيام

طب ايه اسبوعين وزي ما احنا والحوادث كترت اووووي

ايه ده ده الخبر بقي في الجرايد ؟

ومطلعش المنصورة ودمياط بس طلعت الغربيه كمان هو

اهو اقرؤا معايا الخبر ده

بس مفيش اي كلام انهم بيصدروا الكهرباء

بس بصراحه الناس صريحه اوي وجابوها من الاخر

ورمضان كريم

ــــــــــــــــــــــــ

إن لم تستح فافعل ما شئت

احترام المساجد اصبح عند البعض من الاشياء الثاوية

فيكفي الفرد ان يدخل يتوضا ويرفع يديه مكبرا الله اكبر وينتهي من صلاته ويخرج

وكل عام وحضراتكم بخير

ذهبت في يوم الي صلاة التراويح وحضراتكم طبعا تعرفوا من بعض عادات المصريين في الفطار اكل

ما لذ وطاب

ربنا يدومها نعمه علي الجميع

لكن الشئ المؤلم ( مؤلم نفسيا )

هي الرائحه التي تخرج من الفم من البعض اثناء الصلاة دون ان يدركوا ما يفعلوه فيما يصلي بجوارهم

بصراحه انا بكتب في الموضوع ده لاني اعاني منه

ياعم بلاش المحمر ده خليه بعد الصلاة حفاظا علي مشاعر من يجاورك في الصلاة

او كل براحتك بس حاول تمشي قبل ما تدخل الجامع وتهضم اعمل اي حاجه بقت بصراحه حاجه لا تطاق

ولن اخفي علي حضراتكم ولن احرج فيما اقول رائحة القدم اصبحت بالامانه لا تطاق

تخيل اثناء السجود وانت تضطر الي كتم الانفاس لحين القيام ولا تسطتيع الدعاء

ياخي ده انت لو عندك معاد مهم شوف بتبقي عامل ازاي وجاي في اطهر مكان وتبقي كده

بالاضافه الي ما يفعله البعض بعد الانتهاء من الصلاة يجعلون الجامع مكانا للحديث واللهو وباصوات عاليه

اللهم اهدي الجميع

الدويقه وانهيار صخرة المقطم ..

تسعيرة رمضان في الدويقة . الميت بالف والمصاب بخمسمائة

ولمن لم يوفقه الحظ

حاول مرة اخري !!!!!!!

قرار النائب العام بعدم النشر في مقتل سوزان تميم .!!!! لمـــــــــاذا

انقطاع الكهرباء في اماكن متفرقه في مصر .. والسبب غير معلوم حتي الان !!

تعادل قطبي الكورة المصرية في مباراة مثيرة

الدالي .. ساقوم بعمل جزء ثالث للمسلسل

الجوامع امتلات في العشره الاوائل من رمضان .. قل نصفها مع بداية العشره الثانيه

اتمها بخير يا الله في العشر الاواخر

ـــــــــــــــــ

اتبكي ايها الانسان !

اتبكي ايها الانسان سوف تبكي بدوام ما دمت انت بهاذا الحال

جاوبني يا انسان

اتبكي من ذنوبك ؟ اتبكي من خشوعك ؟ ام تبكي من الاثنان

ايا كانت الاسباب مهما كان الجواب

بكاؤك او ذنوبك او خشوعك لا يكون الا الي الرحمن

فانت عبد من عباد الرحمن

ابكي يا انسان

ابكي يا انسان

سوف تبكي بدوام

ابكي للرحمن

ابكي للرحمن في كل الاحوال وفي كل مكان

ابكي يا انســـــــــــــــــــــــــــــــــــان

لسماع هذه الانشوده الرائعه بصوت صديقي واخوكم

احمد محسن

المعروف باسم

تائب الي الله

حملها من هنا

ياريت تحملوها رائعه بامانه

اشياء لم اكن اقوم بها في الصلاة وعرفتها

اذكرها لحضراتكم للافاده

1- دعاء الاستفتاح قبل الصلاة وهو

اللهم باعد بيني وبين خطاياي كما باعدت بين المشرق والمغرب . اللهم نقني من خطاياي كما تنقي الثوب الابيض من الدنس اللهم اغسلني من خطاياي بالماء والثلج والبرد.

2- بعد التشهد الاخير وقبل السلام

اللهم اني اعوذ بك من عذاب القبر ومن عذاب جهنم ومن فتنة المحيا والممات ومن شر فتنة المسيح الدجال

تقبل الله منا ومنكم

الرياضه

تعادل قطبي الكورة المصرية في مباراة مثيرة

بايجاز شديد

مباراة متكافاة ظهر بعد هدف التعادل عدم رغبة الفريقين في احراز اي اهداف وارتضيا النتيجه

سلوك غير جيد بالمرة من جماهير الزمالك لسب المحترم ابو تريكة بالام ( وهي مريضة ) ورد عليهم باحترام بالاشارة الي السكوت

اصبح موقف الزمالك صعب فهو يعتمد الي ضرورة فوز الاهلي علي اسيك بالاضافة الي ضرورة فوزه علي دينامو في ملعبه

مستوي سئ لاحمد صديق وتغيير غرييب بخروج احمد حسن ومستوي غير مطمئن لامير

متوي جيد لجمال حمزه

عبد الواحد ( حظك وحش اوي مع الاهلي )

حسام حسن اعتزل التدريب احتراما للنساء والاطفال الذين يشاهدون افعالك الصبيانيه
فالسب اصبح من سماتك
ولكنك مصمم علي ان يصبح مصيرك كما يقال الان

مزبلة التاريخ

كاركتيير

نظيف : اسالك الرحيل

مرتضي منصور : الحلو ما يكملش جرئ بس محتاج تتعلم فن الحوار

المسلماني : من اروع ما شاهدت من مقدمي البرامج فاهم وعاقل

تيفا نت : في تقدم دائم

ــــــــــــــــــــــــ

منقووله

كلمة اخيره

اتوجه بالشكر الي كل من قام بالسؤال علي خلال الفتره السابقه

وكل عام وحضراتكم بخير

ارجو ان تنال الفكره اعجابكم

وانتظرو كل ما هو جديد في مجلتنا الجديده التي ارجو ان تستمر دائما

واسف علي اي اخطاء

والسلام عليكم ورحمة الله وبركاته

محمد علي

---

l[gm jdth kj >> hgu]] hgh,g fsl hggi j,;gkh ugd

فكرة جميلة جداً المجلة دى بس دى هتبقى شهرية ولا أسبوعية ولا ايه النظام

السلام عليكم ورحمة الله وبركاته
حمدالله علي سلامتك يا محمد

كل سنة وانت طيب

وبجد والله والواحد مقرأِش موضوع ممتع وشيق مثل هذا من زمان

وفكرة موفقة ان شاء الله

احلى حااجه عجبتنى ف العدد الأول من المجله يا "ma852003"

الصوره والتعليق

وعلى الفكره المجله كانت محتاجه خبر جديد فى الدنيا حاجه تبع التكنولوجيا أو كده
ومتنساش برده ركن الكلمات المتاقطعه وحظك اليوم وحااجات تانيه بس الفكره جميله

موضوع جميل جدا جدا جدا يامحمد وزي مااتعودنا منك دايما موضيعك كلها شيقه وجميله ومتألقه

وحمدالله علي سلامتك ومتغبش علينا تاني بقي وابقي احجزلي ركن في المجله

وفي انتظار جديدك

ان شاء الله ده يعتبر عدد تجريبي

بس صورة وتعليق دي الحاجه الوحيده اللي منقوله في الموضوع

المشاركة الأصلية كتبت بواسطة chemi_mizo

احلى حااجه عجبتنى ف العدد الأول من المجله يا "ma852003"

الصوره والتعليق

وعلى الفكره المجله كانت محتاجه خبر جديد فى الدنيا حاجه تبع التكنولوجيا أو كده
ومتنساش برده ركن الكلمات المتاقطعه وحظك اليوم وحااجات تانيه بس الفكره جميله

جامد يا محمد والله مواضيعك كلها تمام انا مشترك فى المجلة دى

منتظر العدد الثانى بفارغ الصبر ........

اولا مبا بعوتك مره اخره يا محمد والحمد لله تانى عضو تمنيت عودته الحمد لله رجع


بخصوص الموضوعات اللى المجله تناولتها ليا شويه تعقيبات


اولا بخصوص الكهرباء

فاحقاق للحق انا اعمل فى مجال الانتاج يوجد فائض كافى فى الطاقه المولده على مستوى الجمهوريه

المشاكل التى تحدث ليس لها علاقه بموضوع التصدير لان المشكله تكمن فى التوزيع

وللاسف الوزير المبجل لا يعلم انه على راس احد اعمده الامن القومى الا وهوا قطاع الكهرباء وعندما تتاح فرصخ للتعامل مع شركات التوزيع بعرف ليه الكهرباء بتقطع كتير


قطاع التوزيع هوا للاسف المشكله فيما يحدث سؤاء انقطاع عن قرى او الطرق وليست الطاقه المنتجه هيا السبب

فالطاقه المنتجه تكفى وتزيد عن مجموع احمال الجمهوريه بالاضافه الى التصدير معا

(لابد من اعاده هيكله لقطاع الكهرباء من اوله لاخره خصوصا فى التوزيع لانه اللى بيحتك مباشره مع الناس عكس النقل والانتاج)


بخصوص المساجد وما يحدث فيها فما ذكرته جزء مما يحدث فى المساجد للاسف

من انعدام نظافه الى اهمال فى المكان

وتكمل بالمصلليين اللى بتقول عليهم

الرسول قال ان اللى واكل بصل يعتزل الناس لغايه مرحته تضيع علشان مياذي الناس



اما عن حادثه الدويقه ففى السريع اعرفكم ان فى طائره روسيه وقعت من كام يوم

التعويض 80 الف دولار كل ضحيه

معلومه اخرى

لو واحد هيجيب عجل يدبحه على العيد هيدفع كام

قارنوا الرقم وشوفوا حال الناس وصل لفين



تعليق صغير على صوره الراجل المدخن اللى مطلعش مدخن وطلع مضروب ورافع قضيه على وزاره الصحه يقولهم استخدمتوا صورتى من غير علم بالشكل ده وخليتوا الناس تتريق عليا

يا فرحتى على رجاله الاسلام

شكلها هاتبقي بظروفها يعني ممكن الفتره لجايه مفيش خالص لو روحت اعتكفت

لو محصلش هاتلاقي عدد ان شاء الله المهم يكون ده عجبك والمواضيع تكون كويسه وفيها مجال للنقاش

المشاركة الأصلية كتبت بواسطة عبدالرحمن م

فكرة جميلة جداً المجلة دى بس دى هتبقى شهرية ولا أسبوعية ولا ايه النظام

وعليكم السلام ورحمة الله وبركاته
كل سنة وانتي طيبه ورمضان كريم

والحمد الله ان الموضوع عجبك بجد وانتظرونا العدد القادم وهايكون معانا اول محرر او محرره انضم للجريده هايكون مفاجاه

في حاجه زعلان عليها اوي
حاسس ان مفيش حد حمل انشودة ابكي يا انسان ؟ مفيش حد قالي رايه فيها

المشاركة الأصلية كتبت بواسطة Lost Angel

السلام عليكم ورحمة الله وبركاته

المشاركة الأصلية كتبت بواسطة Lost Angel

حمدالله علي سلامتك يا محمد

كل سنة وانت طيب

وبجد والله والواحد مقرأِش موضوع ممتع وشيق مثل هذا من زمان

وفكرة موفقة ان شاء الله

مرسي جدا يا ايناس ومرسي اكتر لسؤالك وانا قاعدلكوا مش تقلقي وانتظري العدد التاني ان شاء الله

المشاركة الأصلية كتبت بواسطة ايناس

موضوع جميل جدا جدا جدا يامحمد وزي مااتعودنا منك دايما موضيعك كلها شيقه وجميله ومتألقه

وحمدالله علي سلامتك ومتغبش علينا تاني بقي وابقي احجزلي ركن في المجله

وفي انتظار جديدك

أهلا بعودتك مره اخري يا محمد وأهلا بعوده موضوعاتك المهمه
انا عجبتني فكره المجله جدااا وده شئ مش جديد عليك لانك دايما موضوعاتك تستحق الناقش

علي العموم احجزلي في الجزء التاني اعلان عن المسابقه واحجزلي كمان صفحه من المجله تتباع اخر تطورات المسابقه واعلان التطورات
هاااااااااااااا ايه رايك

والحساب عند الله وأجرك عند الله وطبعا اكيد مش زي ما سمعت في ردك في مشاركه موضوع المسابقه انك حجزت اعلان بس التكاليف مكلفه اكيد اكيد كنت بتهزر انا عارفه الموضوع ده ميطلعش منك هههههههههه

وبعدين ما بين الخيرين حساب
واحنا اخوات وكل الحاجات ديه تافهات

خرجت انا بره الموضوع بشكرك علي المجله وانا بقي حجزت اعلان وزي ما فهمتك

اسفه لو كنت طولت ومستنين الجزء التاني والي الأمام

شكرا ماندوز لسؤالك وكل سنة وانت طيب وبصحه وخير دايما

بالنسبة للكهرباء انا كتبت عتها لان فعلا في انقطاع في الكهرباء

والمقال اللي انا واخد جزء منه ده من المصري اليوم وكويس انك قلتلنا الكلام ده لزيادة معلوماتنا عن هذا الموضوع وربنا يصبرنا علي الناس دول


بالنسبة للجوامع بصراحه في ناس فعلا مزوداها اوووي

يارب يكون الموضوع عجبك وانتظر العدد الثاني ان كان في العمر بقية

في حاجه زعلان عليها اوي
حاسس ان مفيش حد حمل انشودة ابكي يا انسان ؟ مفيش حد قالي رايه فيها

علي فكرة انا حملت الانشودة من اول رد ليا وهيا حلوة اوي علي فكرة
جزاك الله خيرا

1- دعاء الاستفتاح قبل الصلاة وهو

اللهم باعد بيني وبين خطاياي كما باعدت بين المشرق والمغرب . اللهم نقني من خطاياي كما تنقي الثوب الابيض من الدنس اللهم اغسلني من خطاياي بالماء والثلج والبرد.

2- بعد التشهد الاخير وقبل السلام

اللهم اني اعوذ بك من عذاب القبر ومن عذاب جهنم ومن فتنة المحيا والممات ومن شر فتنة المسيح الدجال

اسمحلي اضيف بعض الادعية في الصلاة
وان شاء الله ربنا يتقبل منا جميعا

دعاء الركوع :

سبحان ربي العظيم 3 مرات
سبحانك اللهم وبحمدك اللهم اغفر لي
سبّوح ، قدوس ، رب الملائكة والروح
سبحان ذي الجبروت والكبرياء والعظمة
اللهم لك ركعت وبك امنت ولك اسلمت خشع لك سمعي وبصري ومخي وعظمي وعصبي وما استقل به قدمي .


دعاء السجود :

نفس دعاء الركوع باختلاف

سبحان ربي الاعلي
واللهم لك سجدت وبك امنت ولك اسلمت، سجد وجهي للذي خلقه وصوره ، وشق سمعه وبصره تبارك الله أحسن الخالقين

دعاء الجلسة بين السجدتين :

رب اغفر لي رب اغفر لي
اللهم اغفر لي وارحمني واهدني واجيرني وعافني وارزقني


وربنا يرزقنا الثبات والاخلاص جميعا

المشاركة الأصلية كتبت بواسطة ma852003

ان شاء الله ده يعتبر عدد تجريبي

بس صورة وتعليق دي الحاجه الوحيده اللي منقوله في الموضوع

ولا يهمك ......بس حقيقى العدد كله تمام
أفتكرنى بقى معاك بأى ركن أشارك فيه لو حتى اخبار التكنولوجيا

ربنا يخليك وياريت تبقي ترسالني علي الخاص

المشاركة الأصلية كتبت بواسطة chemi_mizo

ولا يهمك ......بس حقيقى العدد كله تمام
أفتكرنى بقى معاك بأى ركن أشارك فيه لو حتى اخبار التكنولوجيا

بصراحة بقرا وانا مستمتعة
وعشان نناقش كل اللى جواه عايزين صفحاااات

بس هقول ملحوظة صغيرة عن حادثة الدويقة
اخر حاجة سمعتها ان الانهيار ده العلماء توقعوه عام 1993
يعنى من 15 سنة
وبعض الناس طالبت الحكومة بتوفير مساكن فى الوقت ده
لكن الحكومة قالتلهم لا
المساكن كويسة ومفيهاش حاجة ومش هتقع

no comment


مش هنسى احمل الانشودة الجميلة
انا بقول جميلة لانى متاكدة انها جميلة قبل مسمعها
وده المعتاد من الاخ تائب الى الله
وياريت توصلنا سلامه لو كان فاكر تيفانت

فكرة جميلة وتنفيذ احلى

اهلا ببرنسيسة المنتدي منوره الموضوع

سلامك وصل لاحمد من الاراضي الدمياطية الي الاراضي السعوديه

وانتظر العدد الثاني قريبا ان شاء الله

حتي الان تم اضافة 3 محررين

حاسس ان الجريده هاتبقي كلها محررين ومفيش حد يقرا

المشاركة الأصلية كتبت بواسطة la princesse

بصراحة بقرا وانا مستمتعة

وعشان نناقش كل اللى جواه عايزين صفحاااات

بس هقول ملحوظة صغيرة عن حادثة الدويقة
اخر حاجة سمعتها ان الانهيار ده العلماء توقعوه عام 1993
يعنى من 15 سنة
وبعض الناس طالبت الحكومة بتوفير مساكن فى الوقت ده
لكن الحكومة قالتلهم لا
المساكن كويسة ومفيهاش حاجة ومش هتقع

no comment

مش هنسى احمل الانشودة الجميلة
انا بقول جميلة لانى متاكدة انها جميلة قبل مسمعها
وده المعتاد من الاخ تائب الى الله

وياريت توصلنا سلامه لو كان فاكر تيفانت

يااااااااااااااااه أنا إتأخرت أوى ف الرد
أولا حمد الله على سلامتك يا محمد وكل سنة وإنت طيب رمضان كريم
ثانيا بالنسبة للمجلة حاجة جميلة جدا وملهاش حل وتسلم إيدك بجد
وحاجة حلو أوى إنها متقسمة كل واحد هيروح للجزء اللى بيحبه
إعذرنى على التأخير وشكرا