مــاذا يبقى عندما ينكـسر الحـــــب ....

ماذا يبقى عندما ينكسر الحب !!


؟

يتوزع اشلاء على الذكرى .. ويمضى مع النسيان فى اعماق النفس





من يواسيك وانت مذبوح على بوابة الزمن ..
تود لو تخلع قلبك من احشائه وتلقيه عرض الطريق ..
اذا انت كسير



فحين ينكسر الحب .. تنحدر من القمه ..
تحسب الوقت .. تحبس انفاسك ..
كل شىء يتوقف .. دنياك..نبضك..

صوتك يجف .. عيناك لاترى الالوان ..







تنزوى بعيدا ..! تتجنب الاختلاط بالناس.! تغلق على نفسك غرفتك باحكام كى لايواسيك احد





كى لا تستنشق رائحة الورد وتنساه الى الابد






وتذهب بذاكرتك المتعبه الى حكايات حبك الكسير ..
تصوغ منها شريطا جميلا.. لا تكاد تراه بديعا حتى تعرف انه سراب يذهب ولا يعود الا بالوهم





تشاغب الفشل .. تتمسك بالذكرى .!
وتتذكر كيف كنت تحمل اليقظه والحلم بين رموشك فى ليله حالمه
وعندما كنت تنعم باشعة الشمس يوم اللقاء.. وكيف لاطفك من تحب واهداك ابتسامه
مابقى لك غير ان تتحمل ذكرى الحب وتمضى تتسلل من بوابة الحياه كى تلفظ انفاسك الاخيره ..!لانك فقدت كل شىء..ماذا بقى بعد ان ينكسر الحب فى قلبك؟!






كل شىء يداهمك ..! القلق .. الهوس .. لوعة الذكرى .. الوقت المشاغب
وتسأل نفسك.. اتنتظر يوما جديدا وانت كسير؟





اتنتظر قلبا يمنحك حبه..او عينين ترعاك؟



لا....

عليك ان تهرب من هذا الوهم، عليك ان تغرب مع اول شمس تغيب ..! وتفر من هذا السراب







عليك ان تقف امام تلك الشجره التى مدتك بظلها.. ومدك الظل بالحلم ..!
وهناك اتاك الحب بدنياه الجميله ووهبك النشوه والامل ..عليك ان تحتفظ بالوفاء للذكرى لحبك






الكبير..ولقلبك الكسير

شكرا لانـــــك احببتني

ومـ ـن وجودك حرمتني

وبـ ـمنتهى الرقه تركتني

وبنـ ـفس الدقه ذبحتني

وبحـ ـنان المحب سلوتنـي
واحـ ـببت غيرى لاننــي

كـ ـان حبك كل مااهمنـي

شـ ـكرا لانك احببتنــي

فـ ـهجرتنــي

فـ ـالمتنــي

فــقـتلت قلبى لا والله بـل قتلتني

---

lJJh`h dfrn uk]lh dk;Jsv hgpJJJJJf >>>>

الكبير..ولقلبك الكسير

شكرا لانـــــك احببتني

ومـ ـن وجودك حرمتني

وبـ ـمنتهى الرقه تركتني

وبنـ ـفس الدقه ذبحتني

وبحـ ـنان المحب سلوتنـي

واحـ ـببت غيرى لاننــي

كـ ـان حبك كل مااهمنـي

شـ ـكرا لانك احببتنــي

فـ ـهجرتنــي

فـ ـالمتنــي

7amato

إستمتعت بكلماتك
التي تحمل هاجس روحك الرقيقة

كلماتك أنيقة
تنسرب في الروح بدون ادنى عناء

ما كل هذا الجمال في احساسك؟؟

رغم الألم الذي يحتوي أرجاء الكلمات
رغم الدموع التي تسيل من تلك العبارات

أحييك على ذاك التعبير
وذاك الاحساس

رائع جدا


لك مني وردة بيضاء بشريطة حمراء

لا تحرمنا من تلك العذوبة يا فتى

والسلااااااام

وحبي لك لن يموت كانتـ هناآا

رغم عجزى عن أن أنتقى رائحه كلام معسول
أكتبه اليكى
ورغم فرحى وساعدتى بوجودك فى موضوعى
وحيرتى التى امتلكتى باحثا عن ولو كلمه شكر واحده .

أختى العزيزه ..
بكل كلمات الشكر والأمتنان
اعبر عن شكرى وتقديرى أليكى
وأرجوكى لا تحرمينى من مرورك العطر
وكلماتك الرقيقه الدافئه النابعه من ثنايا قلبك..
أشكرك مره تانيه .

مع خالص حبى
7amato

الله عليك يا سى أحمد

كلمات روعة ف التعبير
قمة ف التصوير
إبداع بلا حدود
إبداع أقرب ما يكون إلى القمة
آلامتنى كلماتك


ماذا يبقى عندما ينكسر الحب ؟!
الحب حياة والحياة أمل فبدون أمل فى من تحب لن تكون حياة ولن يكون حب
إذا انتهى الحب بلحظة ندم فلن يكون هناك بكاء ولا حزن ولا ألم بل هى لحظة ندم
الصمت إنسان بداخل إنسان
للصمت وقت وللكلام شيريان يقطع الصمت وينهى الجرح ويفتح بابا للحياة
باب أمل باب حب



شكرا لمن أحبتنى
فإن كنت ف يوم أحلم بلقائك
عندما جاء اللقاء حلمت بحب
وعندما أحسست بالحب ولو للحظات حلمت بالمستحيل

فشكرا على حبك


وحبى لكى كان عاصفة فى يوم ممطر
فلا أعلم أيهما أقوى عاصفة شديدة ورياح عاتية أم أمطارغزيرة
أم أن هذا الحب وكأنه عجائز نخل خاوية


بالله عليك أخبرنى ما العمل وقد اشتد اليأس وخاب الأمل
إنتظرت حتى قاربت قدماى على الفراق
ودموعى على الإنهيار
قلبى بين هذا وذاك فى لحظة هذيان ودموع وإغتراب

موضوعك فى غاية الروعة وذاك إستمرار لسلسلة عطائك
إستمر ف هذا فنحن فى صحراء ننتظر كلماتك لنرتوى بها

إذا كان الحب حلما فيجب أن نرضى بالواقع



لك من حزنى الأغاريد ومن قلبى التمنى

الله عليك يا سى أحمد

يا باشا والله منورنى دا بعض ما عندكم

كلمات روعة ف التعبير
قمة ف التصوير
إبداع بلا حدود
إبداع أقرب ما يكون إلى القمة
آلامتنى كلمات

يا عم والله الكلام ده كبير علينا أوى
أحنا الحمد لله على قد حالنا
والله لو كنت اعرف ان كلامى هيألمك مكنتش كتبته
الف سلامه عليك يا معلم

سعيد بجد لمرورك ويارب متحرمنى من تواجدك دايما
لان لما تكون موجود تعطى للموضوع كيان
صدقنى مش مجامله

تقبل خالص تقديرى وأمتنانى أليك

7amato

ماذا يبقي صحيح ؟
انا بصراحه فضلت أقرا في الردود عجبتني أكتر من الموضوع ...
ميه ميه.

أشكرك يا أتش على ردك
منور يا معلم والله
يعنى أنت بتقرأ فى الردود ومقرأتش الموضوع
مش مهم يا معلم
المهم أنك شرفت الموضوع بجد
تحياتى

بجد موضوع جامد وردود أجمد مقدرش قول غير كده

الكبير..ولقلبك الكسير

شكرا لانـــــك احببتني

ومـ ـن وجودك حرمتني

وبـ ـمنتهى الرقه تركتني

وبنـ ـفس الدقه ذبحتني

وبحـ ـنان المحب سلوتنـي
واحـ ـببت غيرى لاننــي

كـ ـان حبك كل مااهمنـي

شـ ـكرا لانك احببتنــي

فـ ـهجرتنــي

فـ ـالمتنــي

فــقـتلت قلبى لا والله بـل قتلتني

الكلام ده للجماعة الحبيبه يا عم احنا ملناش في الكلام ده
انا اعرف ان الحب الحلال ربنا بيبارك فيه
انما الحب الي بشكل ده
لازم (فــقـتلت قلبى لا والله بـل قتلتني )
لازم يموت في الاخر وكلاهما بيخسر قلبه
معلشي يا احمد ده عن رأي واعتقد انه صح
وبلاش الصور معلشي الي بيبقه فيها حريم خالع رأسه
وماشاء الله الردود نزلة ترف علي ايه مش عارف
ههه علي العموم ربنا يهدينا ويعافينا
((((اللهم يا مقلب القلوب ثبت قلوبنا علي دينك )))

المشاركة الأصلية كتبت بواسطة AlmadarMobiuter

الكلام ده للجماعة الحبيبه يا عم احنا ملناش في الكلام ده
انا اعرف ان الحب الحلال ربنا بيبارك فيه
انما الحب الي بشكل ده
لازم (فــقـتلت قلبى لا والله بـل قتلتني )
لازم يموت في الاخر وكلاهما بيخسر قلبه
معلشي يا احمد ده عن رأي واعتقد انه صح
وبلاش الصور معلشي الي بيبقه فيها حريم خالع رأسه
وماشاء الله الردود نزلة ترف علي ايه مش عارف
ههه علي العموم ربنا يهدينا ويعافينا
((((اللهم يا مقلب القلوب ثبت قلوبنا علي دينك )))

السلام عليكم

انا قريت ردك يا AlmadarMobiuter
معرفش ليه جتلي رغبة غريبة في التعليق

معلش اسمحولي يعني
وحتى لو مكنتش هقول حاجة


حضرتك قلت للحبيبة
ومين قال إن الحب دا حرام
مهو ممكن برده يكون حب حلال
مش كل كلام حب يعني يبقى حب حرام لا سمح الله
يعني يمكن الواد بيكتب لخطيبته أو لمراته
انا بس عايزة أقول إن الكلام دا مفيش فيه حاجة
وبالعكس هوا عجبني جدا جدا
يعني دي وجهة نظري لا أكثر
حضرتك قلت وجهة نظرك واحنا برده قلناها
واختلاف الرأي لا يفسد للود قضية
أما حكاية الحريم اللي خالع راسه
فا مش عارفا واللهـ
أكتفي بالقول ( لا تعليق )

اانا بجد آسفة على التحشيرة اللي اتحشرتها دي

بس لما ييجي البتاع
لازم أكتب

متأسفة

ودمتم سالمين

السلاااااام

وعليكم السلام يا اخت ( ................)
انا محترم وجهة نظرك جدا
هو حد قال ان الحب حرام لا سمح الله

(((( لك مني وردة بيضاء بشريطة حمراءلا تحرمنا من تلك العذوبة يا فتى)))

المهم ..

انا بس مش عايز اخوض في جدال طويل
وفي الاخر مش هنوصل لحاجه تنفع
علشان قوانين المنتدي لا تسمح بذالك
وثانيا كلمة (الحريم خلها رأسها ) لايقصد بها الاستهزاء لا سمح الله
ولكن نوع من الدعابة مش اكتر واحمد (صاحب الموضوع ) عارف كده كويس
بس لما ييجي البتاع

؟؟؟؟؟؟

البتاع مره واحده ههه


وشكراا علي التعليق الجميل ده .
وانا مستني رد صاحب الموضوع
الي كان من المفروض انه يقول الكلام ده

[QUOTE]
وعليكم السلام يا اخت ( ................)
[/quote]

اسمي لا يعبر عن أي شيء بتاتا البتة مطلقا آت أول أبدا خالص
انا شفته في حتة وعجبني

فقط أونلي لا أكثر نت مور ونت ليس

((((

لك مني وردة بيضاء بشريطة حمراءلا تحرمنا من تلك العذوبة يا فتى)))

عجبني الموضوع جدا

إهداء أدبية تبحر في بحر الأدب لأدبي مثلها
أعجبني كلامه وما يحمله من معان في طياته
لا أكثر ولا أقل ولا بينهم حتى

وثانيا كلمة (الحريم خلها رأسها ) لايقصد بها الاستهزاء لا سمح الله
ولكن نوع من الدعابة مش اكتر واحمد (صاحب الموضوع ) عارف كده كويس

أحسب أن معك الحق في تعليقك على صور البنات

بس لما ييجي البتاع

؟؟؟؟؟؟

البتاع مره واحده ههه

شفت بقى

وانا مستني رد صاحب الموضوع

الي كان من المفروض انه يقول الكلام ده

آه صحيح المفروض صاحب الموضوع يخش
وهوا اللي يكلم
دا معناه إني بتحشر في اللي مليش فيه

بس نعمل ايه في البتاع

آسفه وأوعدكم دي آخر مرة

والسلام ختام

أولا محمد أفندى :

مش عارف ليه بس انت زعلان ومكير الموضوع كده
مش شايف الموضوع فى قله أدب أوى كده أو خارج عن الآدب العامه
الموضوع فى فكره أدبيه يعنى بنوصل معلومه للناس بطريقه أدبيه مش أكتر ولا أقل

الكلام ده للجماعة الحبيبه يا عم احنا ملناش في الكلام ده
انا اعرف ان الحب الحلال ربنا بيبارك فيه

كلام ايه الى للجماعه الحبيبه وهو ايه الى ملناش فى الكلام ده
يا محمد باشا مش شايف لكلامك أى أى معنى هو انا كاتب على الموضوع
من فوق ممنوع الدخول لغير الحبيبه وكل واحد يدخل ومعاه البت بتاعته
ايه يا عم محمد الكلام ده
وبتقول انا اعرف ان الحب الحلال ربنا بيبارك فيه طيب انت شايف انى فى موضوعى
تطرقت للنقطه دى انت بتتكلم على حاجه تانيه خالص والله الموضوع الى انا عامله
ممكن يكون بين إتنين مخطوبين أو متجوزين ومقولتش انه بين اتنين بيحبوا بعض
ومفيش بينهم أى علاقه شرعيه .

معلشي يا احمد ده عن رأي واعتقد انه صح

أيه يا عم محمد أنت داخل فينا شمال ليه كده يعنى دا رأيك ورأيك ياسيدى على دماغى من فوق
بس الاول افهم الموضوع بيتكلم فى ايه ؟؟؟
ياريت متعتقدش انه صح لان أنت فاهم غلط خااااااالص

وبلاش الصور معلشي الي بيبقه فيها حريم خالع رأسه

أما والله حاجه غريبه أنت داخل تتشاكل يا محمد منتاش لاقى حاجه تقولها
صور ايه الى فيها حريم خالع راسه
انت بتحسسنى انى حاطط صوره عريانه
دى صوره يعنى علشان تدى شكل للموضوع وشكلها مؤثر شويه تنفع للموضوع

وماشاء الله الردود نزلة ترف علي ايه مش عارف

بتهيالى انت داخل ترد على الموضوع وليك الحق انك تقول رايك فى الموضوع
ودا بيكون اما بتقول موضوع جميل أو والله يا احمد الموضوع مش تمام
بلاش بقى الردود نازله ترف و الامور بتاع العيال دى انت منتاش صغير

((((اللهم يا مقلب القلوب ثبت قلوبنا علي دينك )))

آمين يارب

الأخت الغاليه شــهد :

اانا بجد آسفة على التحشيرة اللي اتحشرتها دي

متأسفه على ايه بس لا حول ولا قوه الا بالله هو انت بتقولى حاجه غلط انت بتوضحى فكره غلط
بتهيالى يا شهد دى حاجه متتأسفيش عليها ؟

ايه يا محمد :

المهم ..
انا بس مش عايز اخوض في جدال طويل
وفي الاخر مش هنوصل لحاجه تنفع
علشان قوانين المنتدي لا تسمح بذالك
وثانيا كلمة (الحريم خلها رأسها ) لايقصد بها الاستهزاء لا سمح الله
ولكن نوع من الدعابة مش اكتر واحمد (صاحب الموضوع ) عارف كده كويس
بس لما ييجي البتاع

والله يا محمد أنت غريب أوى انت فى حاجه فى دماغك يابنى
انا حاسس انك سخن ولا حاجه
بقولك ايه روح الصيدليه هات أى حاجه للزور
ايه يابنى الهبل بتاعك ده انت عاوز ايه بالظبط فهمنى وانا اعملك الى انت عاوزه
بس يا محمد عمر الكلام مكان بالطريقه دى بتهيالى انت مش مستنى انى أقولك كده
أهدى يا عسل

تعالى يا شهــد انت باين عاوزه تزعلينى منك :

آه صحيح المفروض صاحب الموضوع يخش
وهوا اللي يكلم
دا معناه إني بتحشر في اللي مليش فيه

بس نعمل ايه في البتاع

آسفه وأوعدكم دي آخر مرة

والسلام ختام

هو المفروض انى كنت أدخل أتكلم فعلا بس انت كمان صاحبه الموضوع
المفروض انك متقوليش كده
وانت عملتى الى عليكى فعلا ورديتى على محمد وانا بشكرك على كده
وعلى فكره دا مش معناه انك بتتحشرى نهائى دا معناه ان فى واحد فاهم
حاجه غلط وانت بتصلحيلوه الفكره لا اكتر ولا أقل

وبلاش بقى انا آسفه ودى آخر مره والكلا م الاهبل ده
متخلنيش أغير نظرتى فيكى
عاوز أقولك حاجه كمان انت لما تكونى فى أى موضوع ليه أعتبرى الموضوع بتاعك
وبلاش بقى بتحشر والكلام الخايب ده
ارجو انك تحطى رد بعدى وتقولى ان خلاص كان فى سؤء تفاهم وأتحل
أشكرك يا شهد على تواجدك

اما انت بقى ياسى محمد يالى زورك بيوجعك لما اشوفك بس

من الحق

وعليكم السلام يا اخت ( ................)

على فكره أختك أسمها شهد
والنيك نيم بتاعها فى المنتدى وحبى لك لن يموت
ومتعملش فيها أهطل

يارب المايه ترجع لمجاريها
ومحدش يزعل من حد
تحياتى /

7amato

( أنت داخل تتشاكل يا محمد منتاش لاقى حاجه تقولها )
(بتاع العيال دى انت منتاش صغير)
(ايه يابنى الهبل بتاعك ده)
انا يا ا\ احمد عيل واهبل
وكل ده ليه؟ علشان شوية كلام في الحب

الكلام مايبقاش كده يا محترم
ولا انت ايه رأيك ؟
علي العموم حصل خير
الموضوع اصلا مش مستاهل انك تقول الكلام ده

(تعالى يا شهــد انت باين عاوزه تزعلينى منك)
اهم حاجة انك ماتزعلش منها
انا مش عايز اكون السبب في الزعل ده
وبدل ماحد يعملي من المشرفين وقف 3 ايام
زي ماحصل ما ناس تانية من غير مانعرف الصح فين
انا الي بقولك
زي ماانت عملت ( user) بتاعي
ياريت تلغية تاني



مع ارق تحياتي

معلش يا جماعة اسمحولى أتدخل ف الموضوع إن ماكنشى بصفتى إنى رديت ع الموضوع ومن حقى أقول وجهة نظر فيبقى عشان أنا مشرف عام والموضوع فيه كلام كتير لازم أحط تحته خط عشان أنا مسؤل ؟!

7amato

كاتب الموضوع , كلمات ولا أروع من كده زى ما سبق ورديت
بالنسبة لردودك ف الموضوع ردود إلى حد ما كويسة
ولا تعليق على كلماتك





وحبى لك لن يموت

ردودك كويسة وزى ما قال أحمد إنك صاحبة موضوع
وردودك دى من دافع حبك للقسم الأدبى عشان انتى كنتى مشرفة عليه
ولا تعليق على كلماتك





Almadar Mobiuter

أولا ده قسم من مليون قسم موجودين ف المنتدى
وثانيا الحب دى كلمة لا يدركها سوى ..........
وكلمة حرام وحلال دى مش مكانها فيه قسم تانى اسمه الإسلامى يختص بأمور الدين
ردودك لاسعة وفيها نوع من العصبية وده طبعا راجعة لسعة الصدر ومدى قدرتك على التحمل والمواجهة



وإذا كنت شايف ان الموضوع مش مستاهل فدى حاجة ترجعلك بس كان يبقى م الأول بدل من الردود اللى مكنتش قدها وإنك مقدرتش ترد على رد واحد





بالنسبة لعضويتك ف المنتدى :

المنتدى هو مكان يتجمع فيه الأعضاء لتبادل الخيرات ومعناه المنفعة المتبادلة وليس معناه أنت تسأل ونحن نجيب ولا حلال ولا حرام

وفعلا زى ما إنت بتقول الكلام مايكونشى كده يا محترم .



بالنسبة لحتة الإيقاف وكده :

توجد قوانين يعمل خلالها طاقم الإشراف , يعنى مش من الباب للطاق كده هيكون فيه إيقاف , وفيه ورانا إدارة تانية مهمتها مراقبتنا , وإن كان فيه حاجة كان ممكن تتعمل ف ع الأقل الحتة بتاعت احذف عضويتى دى ؟! مخالفة !!!!



نسيت أقولك ,

شبكة وإدارة تيفا غير مسؤولة عن الموضوعات , الموضوع يخص صاحبه , يعنى الموضوع والمشاركات السيئة تضر صاحبها مش هتضر المنتدى .


ولو مش عاوز تشوف حاجات مش بتحبها متدخلشى للأماكن اللى موجودة فيها .


Almadar Mobiuter

أنا اسف جدا لو كان ردى معجبكش أو كان رخم شويتين , لكن دى وجهة نظرى ف الموضوع ككل ,ومرة تانية أنا متأسف.




إقتباسات واجبة :

وماشاء الله الردود نزلة ترف علي ايه مش عارف

(((( لك مني وردة بيضاء بشريطة حمراءلا تحرمنا من تلك العذوبة يا فتى)))

مش فاهم ليه إنت خدت الكلام ده بين قوسين ( تريقة ) = ..........

علشان قوانين المنتدي لا تسمح بذالك

معاك حق أوى ف الكلمة دى

وبدل ماحد يعملي من المشرفين وقف 3 ايام
زي ماحصل ما ناس تانية من غير مانعرف الصح فين
انا الي بقولك
زي ماانت عملت ( user) بتاعي
ياريت تلغية تاني

no comment

7amato

بتهيالى يا شهد دى حاجه متتأسفيش عليها ؟

انا والله افتكرت إن مكنش المفروض إني أتدخل
سو سوري

عاوز أقولك حاجه كمان انت لما تكونى فى أى موضوع ليه أعتبرى الموضوع بتاعك

متخافش يا معلم إحنا عارفين إن البيت بيتنا
ربنا يخليك

على فكره أختك أسمها شهد
والنيك نيم بتاعها فى المنتدى وحبى لك لن يموت

أشكرك على التوضيح
والله كان نفسي أوضحه

a7med

ردودك كويسة وزى ما قال أحمد إنك صاحبة موضوع
وردودك دى من دافع حبك للقسم الأدبى عشان انتى كنتى مشرفة عليه
ولا تعليق على كلماتك

أشكرك على ذاك الذوق الرفيع
لك مني كل تحية واحترام


AlmadarMobiuter

زي ماانت عملت ( user) بتاعي 
ياريت تلغية تاني

أتمنى إنك تتقبل الموضوع بسعة صدر
دا كان نقاش
وإن كان حاد من قبل بعض الأطراف بعض الشيء

ولكن أرجع تاني وأقول
اختلاف الرأي لا يخلف للود قضية

وياريت نتقبل فكرة إن الانسان قد يخطئ وقد يصيب
نحن في مجتمع متحضر ..
كل الآراء قيد السماع .. وكلها برده قيد الاحترام

ارجو انك تحطى رد بعدى وتقولى ان خلاص كان فى سؤء تفاهم وأتحل

من عينيا

وفي النهاية احب أن أقول

" دا كان مجرد سوء تفاهم واتحل "

شكراً لكم أيها الاعضاء

والسلام ختاااااااااااام


وحبيـ لكـ لنـ يموتـ كانتـ هناآاآا

هوا فيه أيه ؟؟؟



اصلي صاحي من النوم .

منتظر دخولك يا محمد ،،

اولا يا جماعة انا بشكر صاحب الموضوع جدا جدا على الكلمات الرقيقة اللى كتبها لان كلامه عجبنى جدا جدا وبصراحة انا مش لاقى كلام اجمل من اللى هوة كاتبه علشان اشكرة بيه


اما ثانيا فمعلش محدش يزعل من كلامى :
انا بشكر كل الاعضاء اللى شاركوا معانا فى الردود بجد ردود جميلة جدا

لكن ليا تعليق على العضو AlmadarMobiuter

الكلام ده للجماعة الحبيبه يا عم احنا ملناش في الكلام ده
انا اعرف ان الحب الحلال ربنا بيبارك فيه
انما الحب الي بشكل ده
لازم (فــقـتلت قلبى لا والله بـل قتلتني )
لازم يموت في الاخر وكلاهما بيخسر قلبه
معلشي يا احمد ده عن رأي واعتقد انه صح
وبلاش الصور معلشي الي بيبقه فيها حريم خالع رأسه
وماشاء الله الردود نزلة ترف علي ايه مش عارف
ههه علي العموم ربنا يهدينا ويعافينا

وماشاء الله الردود نزلة ترف علي ايه مش عارف

اظن انت قريت احكام وشروط المنتدى واظن مينفعش ابدا الكلام اللى انت كاتبة فى الرد بتاعك دة وبعدين انا مش شايف اى كلمة فى موضع حمتو غلط بالعكس الموضوع رقيق جدا ومحترم جدا . فمكنش ليه اى لازمة الكلام اللى انت قلته وبعدين اية ( خالعين راسهم دى ) يا محترم مينفعش الكلام اللى انت بتقوله دة اة وعلى فكرة انا غبت عن الموقع لظروف شغلى وعلى ثقة كبيرة ف المشرفين والإدارة الكريمة .





وان شاء الله هتواجد معاكم باستمرار فى المنتدى ولكم منى جزيل الشكر والاحترام


وشكرا ليك جدا يا حمتو على الموضوع الجميل دة ويا ريت نشوف مواضيع اكتر من كدة


واتمنى انى مكنش طولت فى الرد واسفى لكل اللى شاركوا فى الموضوع



انا اسف يا جماعة مبعرفش ازوق لا مواضيع ولا كلام

منور المنتدى يا أكسلنص فينك من زمان

موضوع جميل