حزمت ابو الهول ... ورقصته ع واحدة ونص

**black rose** · 2007-08-17, 12:18 PM

من يومين كدة....البيت بيتك استضاف الفنانة اللولبية ....
رانيا..او روبي...
ربنا يخليها للبشرية...بجد فخر الامة وفشخرتها ....انه يكون فيها واحدة زي كدة

للبيت بيتك اكسلوووووسف ...مسف ...مستفز....كليب الفنانة الجديد...اوع جاحة اخر عظمة ....عرضوه مرتين...عشان اللي مرارته لسة بتشاور عقلها ومش انفقعت من المرة الاولى ...مخه يخلي عنده دم بقى وينفجر من المرة التانية...

الهانم...في بانوراما هايلة قدام الاهرمات وابو الهول...تتلوى وتترقص...وهي ماشية ورا احساسها...ازاي معرفش....

المهم...انها استغلت الاهرامات للدعاية لها...
هدمت الاهرامات بالكليب دة....جدودها اشتغلوا وتعبوا فيه عشان يبقى رمز حضارة وتاريخ وتقدم وتنوير....والحلوة داست على تاريخها وهي عمالة تغمز لابو الهول بعينها وبلاوي تانية...بتغمز بيها بردو ....لما مسخرت البلد باللي فيها العايش والميت ....والفلاح الغلبان اللي بنى الهرم ايام الفراعنة لو شاف الكليب دة...هايقوم من تربته يهدمه بنفسه بدل ما تتعب هي نفسها ....

بجد حاجة تكسف....وواقفة تتصور لمجلة اجنبية عشان الغلاف...ولابسة فستان فاضح....وفي الخلفية ابو الهول هاينطق ويقولها ابعدي عن وشي ابوس ايدك.....

الفكرة اني انا مش يهمني هي تعمل اية....تولع هي واللي زيها ....انا اللي حارق دمي وخلاني اكتب اول موضوع ليا عنها....انها بتبيع تاريخها ...وبتهزءه على الملأ ...واللي ما يشتري يتفرج....حد كان قالها ان الاهرامات بتاعت المحروس دادي؟ ...عشان تستغلها في انها تبيع الكليب بسعر اعلى بعد اما عري جسمها بقى مش جايب همه؟...خليها في العجلة وبدلة الرقص والذي منه احسن...وتبعد عن اهرامات جدي والنبي ....انا لو اطول كنت ارفع عليها قضية سب وقذف....

وبعد عرضه اول مرة....منى الشرقاوي بتقولها....بجد كليب هايل وفكرة جامدة اوي....انا حسيت ان الهرم كدة بقى منور....

الله اكبر....بقى الهرم كان مستني من سبع تلاف سنة ان الحلوة تشرف وتتكرم عليه وتتعرى قدامه عشان ينور؟

وكانت عمالة طول اللقاء تقول كلام مستفز ....انا الناس بتحبني وبتموت فيا الحمد لله احمدك يا رب(يستاهل الحمد يا اختي ...)...والناس بتشوفني في الشارع تقولي انتي هايلة ...خليكي زي ما انتي واوعي تسمعي لاي كلام.....انا بناتي بيحبوكي اوي....ربنا يوفقك يا رب..(اميييين يا حجة روبي )....

دة غير منظرها لما كانت بتتصور مع المعجبين في لبنان ....انا كنت فاكرة لبنان كلها عريانيين في الشارع....فوجئت ان الهانم هي الوحيدة اللي لابسة بلوزة من غير حمالات اصلا...والناس كلها لابسة عادي .....هي الوحيدة اللي عريانة ومنظرها يكسف....والناس متلميين عليها زي قرد بيأكلوه الموز....

بالهنا والشفا يا ست الحلوين.....بس مالكيش دعوة بالاهرامات وابو الهول والنبي ....زنقت بيكي الدنيا وعايزة تشوفيهم....شوفيهم من بعيد لبعيد وانتي خارجة من كاباريهات شارع الهرم ....اهي حاجة من ريحة الاهرامات تتصبري بيها...وهاتناسب ميول سعادتك الفنية

منى كانت بتقولها كنتي حاسة باية وانتي بتصوري في الهرم؟.....قالتلها كنت حاسة بعبق التاريخ...واني فرعونة كدة.....احساس جامد موت

الله اكبر...فرعونة مش فرعونية....واخدنلي بالكم؟ ....واراهنكم اذا كانت تعرف يعني اية عبق اصلا....

اخخخخخخ يااااا بلد

>>>>>>>>>>>>>>>>>>>>>>>>>>>>>

اعتقد ملطوش احم

p.lj hf, hgi,g >>> ,vrwji u ,hp]m ,kw