الساعة الرابعة و النصف صباحاً فى صباح أول أيام الإجازة الصيفية :
ma852003 خارج من الحمام وماسك الفوطة بينشف وشه وماسك جنبه الشمال وعمال يطرقع بالقبقاب الخشب (بعد كل العز إلى ف البيت الكبير وبرضة ma852003 لسة لابس القبقاب الخشب بتاع زمان ) وداير يفتح ف الشبابيك و الأبواب ف البيت وف أوض النوم بتاعة البنات و البنين وهو يردد
(الله أكبر الله أكبر - أشهد أن لا إله إلا الله - أشهد أن محمداً رسول الله - حى على الصلاة حى على الفلاح - قد قامت الصلاة قد قامت الصلاة - الله أكبر الله أكبر - لا إله إلا الله)..............
و الكل يغط فى نوم عميق من جراء السهر أمام ومع كل المفسدات ف البيت الكبير
رامي ( الطيب احسن ) خارج م المعمل و هو لا يكاد يرى أمامه متر ويصيح كأرشميدس :وجدتها ياma852003 وجدتها "
ma852003 : هى إيه دى إلى وجدتها ع الصبح الناس تقول يافتاح ياعليم يارزاق ياكريم وإنت عامل غارة وجدتها وجدتها ..... ......
رامي يا ma852003 بقولك خلاص ياma852003 دخلت التاريخ من أوسع أبوابه خلاص ياma852003 عملت إختراع هايل
ma852003: إتحفنى يا خويا
رامي : خلاص ياma852003 قدرت أحول الماء إلى ثلج بوضعه فى الفريزر ياma852003...........شفت أنا شاطر إزاى !!!!!!!!!!!!!!
ma852003: لا حول ولا قوة إلا بالله العلى العظيم ,,ربنا يشفيك يا رامي يا أخويا
طب يالا روح صحى إخواتك عشان يصلوا الفجر
...................................
وفى جناح البنين ................
البرنس : نايم صاحى وهيغمى عليه من كتر التدريب على النداء على اليسا فى المنام ( اليسا احد المغنيات العرب وكل يوم يصحى من النوم على ممكن رقم موبايلك من اجل تعارف شفاف )
نايم ع السرير ورابط ف طرف إيديه طرف الحبل إلى مربوط ف الموبايل بتاعه وعمال يهلوس : يالا ..يالا ياجدعان . .اليسا هتكلمنى ع التليفون وعمال يزعق فين ميزدانهارده يا اليسا
ف الغرفة الثانية امير الحب لابس شورت باللون الفحلقى الغامق و فانلة بحمالات وعمال يقول : واح إنين ..هوب ..هوب ..واح إنين ....هوب هوب صباح الفل ياma852003 ماتيجى تفك عضلاتك شوية ؟؟
ma852003 : يابنى روح إتوضى بلاش مسخرة وكلام فارغ ع الصبح علشان تلحق الصلاة
غرفة عاشق الجنه ......29 ورقة بلوك نوت ع الحيط مليانة نمر تليفونات ومواعيد و هو ماسك الموبايل و ع الودن التانية سارق خط التليفون بتاع ma852003 م المكتب و هات يامواعيد (أيوة ياسوسو ((لالا لا ..بلاش النهاردة أصلى مش فاضى )) ...أيوة ياتوتو (( أه أه ممكن بكرة بعد الساعة 12 الصبح))
ma852003 : إنت مش هتبطل بقة الحكايات دى ؟
عاشق الجنه : ياma852003 ما أنتعارف إن كل دة كلام ف الهواء بضحك بيه ع البنات و هما فرحانين بكدة
إستنى بس ياma852003 علشان أعرف أنظم إجازاتى مع البنات دى كلها ياma852003 لحسن باين عليا كدة هتلخبط وبعدين هعمل زى محمد فوزى ف الفيلم وكلهم يفرقعونى مرة واحدة .............
ma852003:"وهو يضرب كف بكف" عليك العوض ومنك العوض يارب ف الواد دة .....
فيب : يرتدى بدلة خاصة وطربوش ع الموضة و يمسك فى يده سلسلة المفاتيح الذهب ويقول للحاج: ياحاج إنت عارف إنى رايح أزور أخوالى التراكوة أصلهم مش بيحبوا يشوفونى لابس اليونيفورم بتاع البيت الكبير بيفكرهم
بأيام .....................................
ma852003: مفهوم ..مفهوم يا فيب .بس تحصلنا ع الجونينة مع إخواتك
فيب : حاضر ياma852003
مندوززز : خلاص ياma852003 باين عليا هسيبكوا خلاص . ........
"طول الليل و النهار ع النت بيشوف مواقع كرة القدم العالمية"
وعمال يقول : الدورى الإيطالى ...لا لا لا لا الدورى الإنجليزى ..............لا لا لا لا دورى أسبانيا ,,,,,,,,,,,,,,,لالالالالا خلاص هروح أدرب فريق كوالا لمبور .........فرصة العمر
ويب كراكر : يدخل إلى البيت مع الفجر و هو يلهث وراءma852003: مش قلت لك ياma852003 تكلملنا حد من معارفك ف الجيش علشان أنزل الأجازة كلها . ...أهوأنا يادوب نازل 48 بالعافية .ينفع كدة ياma852003؟؟؟؟؟ أنا معترض على أسلوب معملتك ليا
ma852003 : شوف ياويب : إنت عارف إن أنا أقدر أكلم حد من معارفى الكبار بس أنا عايزك تعتمد على نفسك .............مش تعتمد عليا .فاهم يا ولد؟؟؟
.................................................
فى جناح البنات ...................
البرنسيسه أول من صحى وراحت تطمن على اللبس إلى عملته وشافت ma852003 فقالتله :
ها ياma852003نمت كويس شايفاك ماسك جنبك ؟؟؟
أقولك .......اما أروح أشوفلك البت توتااا تلاقيها عندها لبخة ولا لزقة من الحاجات إلى عمالة تشتغل فيها دى ألف سلامة عليك ياخويا
فى سرها البرنسيسه تقول: يقطعنى......... ma852003 لو جراله حاجة من نومة الأرض دى علشان فصل القطن مش هسامح نفسى أبداً ..........دة مهما كان برضةma852003
ma852003: ها يابرنسيسه أخبار إخواتك أيه ؟؟؟.و الفساتين إلى عملتيها لهم أخبارهاإيه ؟؟
البرنسيسه : "ونظراتها زائغة ليكون حد من إخواتها لابس وخارج من أوضته ولا حاجة تبقى مصيبة" كله تمام ياخويا ............ما يجيى بعد زوقك ياma852003 .ربنا يخليك لينا يارب ...."نهارى أسود لو عرف إنى غيرت القماش تانى بعد ما بدله و ضرب الواد رامي "
أه بالمناسبة ياma852003 ....بس يمكن كدة يعنى تلاقي لون القماش متغير حبتين م الغسيل ماتاخدش بالك ياma852003 ...عادى يعنى ..أنا برضة إتصرفت ...ماإنت عارف عيوب الصناعة و الصبغة بتاعة الألوان ياخويا
ma852003: " ويبدو عليه إنه أكلها بمزاجه " ماشى يا برنسيسه المهم إنهم كلهم يكونو اعندهم لبس جديد ف الأجازة و السلام
انوش و توتااا وملكه الرومانسيه كل منهم ترتدى زى هندى غريب و عاملة ضفيرة طويلة مش عارفة جايبينها منين ............المهم
انوش : يالا يابنات قدامى ع المطبخ علشان نعمل سندوتشات الفطار و نشوف هنعمل إيه ع الغداء النهاردة ...............مش النهاردة برضه يومنا ف المطبخ ..؟|؟؟؟
رامي بكل إنفعال: يانهار مش فايت ...سندوتشات إيه ............إلحق ياma852003 دول هيرجعونا تانى لأيام المدارس ........لا لا لا أنا موصى على أكلة سمك وجمبرى وكبوريا من إسكندرية إنماإيه ياma852003 !!!!!!!!!!!!!عدالةواللهى العظيم ................
.............................
..............................
.................................
يذهب الجميع إلى إداء صلاة الفجرد و بعد العودة من الصلاة قامو اجميعاً بالتوجه إلى غرفة مكتب ma852003 فى مدخل البيت أمام البهو الكبير فى إنتظار المصروف
ma852003: طبعاً إنتوا عارفين إن إحنا بنصرف من التركة إلى ورثناها .............يعنى ميراث شرعى
...............يعنى الولد هياخد عيدية مصروف البنت ...........ها حد عنده إعتراض؟؟!!
يلقى الكلمة ويرمق البنات بنظرة لها معنى : وهو يعرف أنهم سيتزمرن"
تقوم أم نص لسان انوش وتقول: أه ياسلام ياخويا .....قال ماشى ع الشرع قال ...واللهى أنا عارفه إن الفلوس بتيجى لحدد عندنا و تقف و هو عمال .....إشى فيلا ف الشمالى و عزبة ف الجنوبى وإشى أبصر إيه و مادرك إيه و زلموكات إيه ...............إمتى بقة الواحدة تتجوز و تغور من هنا و تطالبه بميراثها الشرعى وأعمل زى الناس ...............
البرنسيسه ( قل أعوذ برب الفلق)
انوش وتجرى علي ma852003و تقوله " مش النهاردة ياma852003 برضة هنعزم أهل خطيبى ع الغداء ...؟؟
ma852003: مش قلنا إن ده عريس بومة ووشه يقطع الخميرة من البيت وبعدين أبوه هرب لما يتصل بيا الأول هيا الحكاية إيه سايبة .. زى الحلاوة الطحينية .. ما تجيبى الرشيدى الميزان
فى a7medLight: يا سلام عليك يا ma852003 وعلى الفاصل الإعلانى أنا برضه بأقول نجرب إيريال فى الغسيل وكفاية المسحوق السايب ده الهدوم بتطلع مبقعة أكتر ما بنبقى قالعينها ..
ma852003 : إش فهمك إنتا a7medLight هباب إنتا فى الأمور دى ..
مندوززز : أيوة صحيح يا وله إنتا إش فهمك ما تيجى تمسك المصروف بدل ma852003 أحسن .. إخصمله مصروف يومين يا ma852003 والزيادة دى وزعها علينا إحنا عشان يتعلم الأدب ..
ma852003 : بلاش المسامح كريم على العموم مصروف النهاردة للولد 50 قرش والينت 25 قرش ..
امير الحب ولم يحتمل الصدمة يا ma852003 مين قالك إن أنا عايز أشترى شيبسى أنا عايز مصروف يا ma852003
ma852003 : مصروف إيه يا وله ما إنتا واكل شارب نايم مستحمى مستغطى ماسك موبايل كمان وحاطط عليه نغمة البت الهيفا بتاعت أبوس الواو ..
البرنس : بوس الواوا دح ..
الجميع : يا سلام على الواوا يا ريتنى كنت واوا
ma852003 : نهايته هو ده المصروف وبعدين شوفوا عددكم وكمان البيت كان لسا خربان قريب وكفاية التصليحات اللى إحنا عملناها ..
black rose تخرج من غرفتها فيصيح الجميع : يانهار إسود ياma852003 ..عفريت ..عفريت ...إلحق ياma852003
تضحك توتااا بصوت عالى جداً .عفريت إيه ياجاهلة إنتى وهى .............دة ماسك
بصوا بقة : أنا عملت الماسك دة من طين معجون بفول سودانى عليه شوية طحينة و بعدين شريحة من عرف ديك عمره شهرين و عجنت عليهم شوية لبان دكر و قلبتهم بريشة من ديل هدهد يتيم مع شوربة فرخة أرملة
وعلى فكرة نفرتيتى هتفضل كدة ساعتين على الاقل لغاية ماتقدر تغسل وشها وبعدين هتشوفوا النتيجة .إيش فهمكوا إنتو ياجهلة ف الحاجات دى
................................
على باب الجونينة :
يقفma852003 بالسوبر جيت إلى جابه للعائلة علشان يوديها الجونينة
و يبدو أن الإنتظار سيطول .......................ف على الفور قام بالإتصال بمدير الجونينة على المحمول
وقاله .....................فراح الرجل فاتح باب خاص ل*** ma852003 و عائلته
وقبل دخول الجونينه تسمع أصوات هرج وهتافات .."خناقة..خناقة" إلحق ياma852003 دة سحيم فيها ياma852003 إلحق
ويهرع ma852003 إلى هناك فيرىالبرنس ماسك ف رقبة فيب وعمال يقوله: خلاص يعنى ..بنات الدنيا خلصت ,,مالقيتش غير بنات المحلة ,,عمال تعاكس فيهم وعايز تلضم مع واحد كمان منهم ؟؟؟؟
ma852003 .إنت يا عيال ...............
البرنس : " وهو فاكر أنه سيأكل بعقل ma852003 حلاوة" أهدى بس ياma852003 ....دة الواد دة مش فاهم حاجة دى ياma852003 بنت زميلتى شغالة ف مصنع للغزل و النسج وكنت موصيها تجيبلك بدلتين كدة على زوقك وكام بنطلون ليا ...بس أدى كل الحكاية
داخل الحديقة
من سيغرق فى جزيرة الشاى
إيه إلى حصل عند القرود
مين تاه م ma852003 هناك
الزرافة عضت صباع مين
سنلتقى بعد قليل
fhrd hgd,ldhj juhg,h ka,t vpgi huqhx hglkj]d
باقي اليوميات تعالوا نشوف رحله اعضاء المنتدي
العرض العادي
