ايه النظافة دى ....؟!!!!

**mohamed ali** · 2007-07-20, 04:23 AM

مقدمة الموضوع
مهداه من الست سنية المفترية " ربنا يفك سجنها " الى زوجها الاستاذ احسان الغلبان
وذلك بعد معركة طويلة استمرت 3 ايام قام بعدها برفع الراية البيضا مستسلما ,
كما تدعو له بالشفاء العاجل والخروج من المستشفى سريعا وذلك ليس خوفا عليه , ولكن اشتياقا منها لتكملة المعركة المنشودة لتفريغ شحنة كهربية زائدة عندها , قبل ان تضطرها الظروف لاخراجها فى الشارع وهو ما لا يحمد عقباه ....!

* * * * * * * *

كتاكيتى الحلويين

كتكوتاتى الحلوت

الحاضرين والحاضرات .. والغائبين والغائبات .. والمستجدين والمستجدات

وسامعك ياللى بتقولى " ابوك السقا مات " .

السلام عليكم ورحمة الله وبركاته

مش عارف اذا كنت وحشتكم طول فترة غيابى .. ولا كسرتوا ورايا كام قلة قناوى ..
بس بينى وبينكم ومن غير ما تقولوا لحد ,, كنت داخل على المنتدى ومتوقع الاقى صندوق الرسايل بتاعى مليان على الآخر.. بس لاقيته انضف من الصينى بعد غسيله ببريل

المهم انكوا على أد ماوحشتونى .. على أد مانا واخد على خاطرى
بس بصراحة الموضوع ده خلانى افكر شوية واقول يمكن العيب فيا انا .. وانا اللى ماعلقتش مع الناس .. وعشان كده قررت ارجع بفكر جديد .. وافكار جديدة .. واسلوب جديد
اتمنى انه يعجبكوا .. واتمنى ان مواضيعى تقدم ليكوا حاجة جديدة ومفيدة
المهم ناسى هاتقولى " وايه علاقة المقدمة بالموضوع ؟"
اقول وبكل تواضع " بصراحة مش عارف !! بس هو ده الفكر الجديد

hdi hgk/htm ]n >>>>?!!!!

**الطيب احسن** · 2007-07-20, 05:16 AM

اهلا بيك من تانى يا محمد

**mohamed ali** · 2007-07-20, 03:37 PM

اقتباس:

المشاركة الأصلية كتبت بواسطة الطيب احسن

اهلا بيك من تانى يا محمد

ربنا يخليك يا طيب انت يا طيب

ومرسي جدا ليك يا قمر

**3aShe2** · 2007-07-20, 04:00 PM

اقتباس:

مش عارف اذا كنت وحشتكم طول فترة غيابى .. ولا كسرتوا ورايا كام قلة قناوى ..

بس بينى وبينكم ومن غير ما تقولوا لحد ,, كنت داخل على المنتدى ومتوقع الاقى صندوق الرسايل بتاعى مليان على الآخر.. بس لاقيته

لالالالا ازاى يا راجل

دأنا من ساعة مانتا ما سافرت

وانا بدعيلك

ان المرة دى

مافيش حاجة تتسرق منك زى كل مرة

على العموم الحمد لله ان مافيش المرة دى خساير

بس ايه حكاية الفكر الجديد ده

ايه انته جايبه معاك معاك من بلاد بره

اصل محمد يا جماعه كان بيحلف القسم فى الصين عند بوذا

**ايناس** · 2007-07-20, 08:46 PM

اهلا بيك يامحمد واحشنا والله ياراجل يالا بقي ورينا همتك ومواضيعك اللي مفتقدنها بجد

**اسير الاحزان** · 2007-07-20, 08:54 PM

اهلا بيك يا حمادة مرة تانية

نورت المنتدى

**la princesse** · 2007-07-20, 09:00 PM

اقتباس:

المشاركة الأصلية كتبت بواسطة ma852003

اقول وبكل تواضع " بصراحة مش عارف !! بس هو ده الفكر الجديد

ايه رايك انا مش مجننى الا التواضع بتاعك ده
ما علينا.... الحمدلله على سلامتك
وحشتنا موضوعاتك اللى تفرس
وتبقى تحمد ربنا انك ملقيتش رسايل علشان كانت هتبقى مفخخة

**mohamed ali** · 2007-07-21, 05:45 PM

ايه ده كله ؟ ايه ده كله ؟
يا حلاوة يا ولاد ...

خلاص .. انا بعد الكلام الجامد ده هاغيبلى يومين كل اسبوع ولا حاجة ..

وربنا يكرمكوا ويجبر بخاطركوا .. ويعودلكوا فى عينكوا وعافيتكوا قادر يا كريم .. وحسنة قليلة تمنع بلاوى كتيرة .. وهنيالك

يا فاعل الخير والثواب

ايه النظافة دى ....؟!!!!

مقدمة الموضوع مهداه من الست سنية المفترية " ربنا يفك سجنها " الى زوجها الاستاذ احسان الغلبان وذلك بعد معركة طويلة استمرت 3 ايام قام بعدها برفع الراية البيضا مستسلما