لك سؤال ... وقت ما تحب !!!!

**MR.S** · 2007-02-02, 09:14 AM

لك سؤال ... وقت ما تحب !!!!

صباح الخير عليكو

ومساء الفل و النرجس والياسمين بردك علي اجمل منتدي .......

فيه فكره جميله شفتها وعجبتني جدا .. فقولت الفكره دي تبقي تمام

في
منتدي تيفا عشان الناس اللي في المنتدي ناس تمام التمام .. فقولت اهو

الواحد يشوف

نفسه بردك

ويوري المنتدي

ويارب تعجبكم الفكره

وكل واحد مينساش يسأل موش معقوله محدش عندو اسئله

شرحه :

انا هسأل سؤال واللي بعدي يرد علي السؤال بصراحه ويحط سؤال تاني للي بعده

خلينا كدا نطلع اللي جوانا..

سؤالي للي بعدي

ايه هو الحلم اللي بتفكر تحققه في مستقبلك ؟

g; schg >>> ,rj lh jpf !!!!

**فجر الاسلام** · 2007-02-04, 10:30 PM

انا الحلم اللى نفسى يتحقق اللى انا اتفوق فى مجال تخصصى ودراستى

**tota** · 2007-02-05, 10:48 AM

طيب هو يعنى المفروض كل الى هيدخل هيرود على السؤال ويحط سؤال تانى ولا هو السؤال كل اللى يدخل يجاوب عليه

**Muhamed** · 2007-02-05, 11:00 AM

فعلا هوا دا الى المفروض يحصل

وبالتالى على فجر انها تخش وتسال تانى

دايما تخش وتعفرت المواضيع

ياله فى انتظار السؤال العفريتى بتاعها

**tota** · 2007-02-05, 11:27 AM

ههههههههههههه

نعتذر عن عفرتت فجر فى الموضوع

لكن زى مانتم عارفيين انها متعفرتة ومش بتدخل كل يوم

عشان بتتعفرت فى كتب الثانيو العامة

فيعنى لو ممكن حد يحط سؤال علبال ماهى تبقة تدخل

مالموضوع اتعفرت خلاص

خلاص حد يحط سؤال وخلاص

**Muhamed** · 2007-02-05, 12:37 PM

خلاص اتشاورى انتى والطيب لان حظكم ال..... انكم الاقرب ليها

حد فيكم يسال بالنيابه عنها

**black rose** · 2007-02-05, 02:13 PM

بجد يا جماعه انا فرحانه بروح الاخوة

يعنى محدش هيسال لحد ما فجر تيجى ؟؟؟

عموما انا ممكن اسال سؤال لحد ما فجر تيجى لو مش ممانعين

فى الاسبوع اللى احنا فيه ده ايه اكتر حاجه سمعتها وفرحتك ؟؟؟؟؟

**MR.S** · 2007-02-06, 08:56 PM

يعني اقول ان الموضوع عجبكم

طيب علي بركه الله

انا بشكركم جدا علي مروركم الكريم

والفكره ان كل واحد يدخل الموضوع يلقي سؤال من اللي قبله موش مني بس يجاوب عليه ويحط سؤال للي بعده

اقتباس:

فى الاسبوع اللى احنا فيه ده ايه اكتر حاجه سمعتها وفرحتك ؟؟؟؟؟

انا الصراحه اللي سمعته وفرحني الأسبوع دا كان واحد صحبي وحبيبي عامل يكفيكو الشر يعني حادثه صغنونه كدا وكان في غيبوبه ولسه سامع امبارح انه فاء منها وبقي تمام الحمد لله .....

استأذنكو بقي عشان اروح اخلص

اصدي اطمن عليه عليه .....

السؤال:

ايه احلا حاجه بتحب تشوفها ادامك علي طول ؟

**فجر الاسلام** · 2007-02-06, 09:33 PM

هههههههههههههه معلش ع العموم انا هجاوب على سؤال mr.s
اكيد البحر
السؤاااااااااااااااااااااال اهو بدون عفرتة

ايه المكان اللى نفسك تزوره ومزرتهوش؟؟؟؟؟؟؟؟؟

**محمد إبراهيم** · 2007-02-06, 09:36 PM

المكان اللى نفسي أزوره ما زورتهوش :
القدس والسؤال ليه بتخشوا على شبكة تيفا؟؟؟؟؟؟؟؟؟؟؟

**الـبرنـس** · 2007-02-06, 11:00 PM

اقتباس:

والسؤال ليه بتخشوا على شبكة تيفا؟

لانه منتدى جميل يشمل كل شئ

فيه ناس كويسه محترمه

اعضاء ربنا يحمبهم

منتدى بجد انا عمرى ما هفرط فيه لانى حبيت الناس اللى فيه

واحد واحد وواخد فيه رحتى وحريتى الشخصيه

والسوال :::: ايه الشئ المكروه لديك دائما؟؟؟

خالد

**FREEDOM** · 2007-02-06, 11:39 PM

الانانية دى اكتر حاجة مكروها ليا

اية اكتر حاجة تفرحك واكتر حاجة تضايقك:::::؟؟؟؟؟

**منون** · 2007-02-07, 01:23 AM

اقتباس:

المشاركة الأصلية كتبت بواسطة دموع الخشية

الانانية دى اكتر حاجة مكروها ليا

اية اكتر حاجة تفرحك واكتر حاجة تضايقك:::::؟؟؟؟؟

اكترحاجه بتفرحني لما بحس ان في حدفاهمني وعارف ايه جوايا كويس وعارف شخصيتي
واكتر حاجه بتضايقني لما بلاقي اقرب الناس ليا مش فاهمني خالص ومش عارفين شخصيتي

امتى بتحس انك سقط من نظرنفسك وبتبقا مخنوق جدااااااااااااااا ؟؟؟؟؟؟؟؟

**الطيب احسن** · 2007-02-07, 02:11 AM

لما بعمل حاجه وابقى عارف انها غلط
ايه اللى انت مش قادر تعمله؟؟؟؟؟؟؟؟؟

**black rose** · 2007-02-07, 12:57 PM

انى انرفز مستر الالمانى بتاعى باااااااااااااااااااااااارد يا ربي

للى بعدى

ايه اكتر سؤال بتفكر فيه كتييييير وفى الاخر مش بتلاقيله حل ؟؟؟

اعترف يلا

**MafiawwY** · 2007-02-07, 04:51 PM

ايه اكتر سؤال بتفكر فيه كتييييير وفى الاخر مش بتلاقيله حل ؟؟؟

اه هوا ايه هوا ايه ................ اقولكم انا الحل

نفسى اعرف بتحبنى زى مابحبها ولا لاء

اسأل سؤالى بقى

ايه اكتر حاجه شداك فى شبكة تيفا ؟ يعنى ايه الحاجه المعينه ؟ السؤال دا ممكن يجاوب عليه اكتر من عضو

**3aShe2** · 2007-02-07, 06:06 PM

اقتباس:

ايه اكتر حاجه شداك فى شبكة تيفا ؟ يعنى ايه الحاجه المعينه ؟ السؤال دا ممكن يجاوب عليه اكتر من عضو

صراحه اكتر حاجة شدانى

الاعضاء الحليوة

ومتقهمونيش غلط فى الحليوة دى

انا قصدى على ماندوز واعوانه

الى بعدى

ايه اكتر حاجة تحب تكون موجودة فى صاحبك ؟

**black rose** · 2007-02-08, 08:10 PM

اكتر حاجة بحبها تكون فى صاحبتى انها تكون اعقل منى

وطبعا نادرا لما بلاقي ده فى صاحبات اليومين دول

السؤال للى بعدى ...

انت كنت جايب كام فى ابتدائي ؟؟؟

وبلاش شغل العيال بقي وتجيبلي ورق اللحمة وتقوللى اسمى فى الجريده اهو...ماشي

**Muhamed** · 2007-02-09, 04:28 AM

اقتباس:

انت كنت جايب كام فى ابتدائي ؟؟؟

وبلاش شغل العيال بقي وتجيبلي ورق اللحمة وتقوللى اسمى فى الجريده اهو...ماشي

بالظبط بالظبط كانت النتيجه 95%

طبعا الرقم ده حاليا وحش للغايه

بس انا كنت ال 3 او 4 على المدرسه

اقتباس:

ومتقهمونيش غلط فى الحليوة دى

انا قصدى على ماندوز واعوانه

ماندوززز واعوانه برضه ولا عصابه المنصوره

اللى بعدى

لو نفسك تشوف عضو من المنتدى لاى سبب كان هيكون مين وليه

(خلى بالكم ممكن يكون السبب انكم تضربوه زى منا نفسى كده اقابل شويه اعضاء منكم وبالفلكه بقه

)