انا مش بغِير
مع اني بحبك
مع اني غير
كل قبلي
غاروا في حبك
انا بحبك بكل مشاعري
وبروحي وحسابات عقلي
لكن انتي مصممه
تخليني أغير
وتحسسيني ان حبي ليكي قليل
بس لو تعرفي ان غيرتي مش دليل
اه لو تعرفي
وتفهمي وتقدري
اني بحبك
وحبي ليكي كبير
وغير والله غير
اي حب زمان قبلتيه
او حتي تعرفيه
مش هغير
وهقولهالك
لو هغير
مش هتكون الغيره ال ف بالك
انا قلبي كبير وحبي اكبر
والغِيره بتحرق الشوق وبتقدر
تِدخل شك تِدخل حيره
لكن ال في قلبي ليكي
مش حاجه واحده
مش حاجه قليله
وهتقدري تغيرها
مش هيجي يوم وهسئلك
من دا وكنتي فين
وليه مشغول تلفونك
وليه بقالوا قد ايه مقفول
ومهما يكون
انا واثق فيكي وعمري ما هاقول
لكن غِيرتي حاجه تانيه
واه لو تعرفي وتفهمي
يعني ايه
قلب زي قلبي
لو هيغير هيغير ازاي
هغِير لو حسيت ان قلبي حبك اكتر مني
هغِير وهحاول اسبقوا
هغِير لو لمست اديكي
وشوفت ملامحي في عنيكي
هتمني أدوب واتحول هوا
تتنفسيه واكون جواكي
هغير لو سهرتي يوم بليل
وشافك القمر وعِنيكي عليه
هغير من خيالي
وهوا سارح في هواكي
هغير من جنوني
لما يدوبني حنيني واكون معاكي
ايوا بغير
بس غيرتي مش هتغير احساسي
غيرتي
لمسه حاجه تانيه
خط فاصل بين
الحسوا وال بحلم اكون عليه
وبن الجوايا وال نفسي اوصل ليه
ومش هغير
مش هغير
la iydv
مش هغير
العرض العادي
