أجمل عروسة

**كده تمام أوى** · 2010-10-09, 10:48 AM

زفوهـا وفرحوها
ولعريسها وصولها
باركولها وهنوها
وسلامي بلغوها

اجمل عروسة هتشوفوها
قلب امـها وفرحة ابوها
زينة البنات اخاف تحسدوها
من جمالها وبهاها داروهـا
غنولها بصوت عالي سمعوها

دي طالعة من بيت ابوها
رايحة لبيتها بالملح رشوها

لو سألتكوا عني , عن عيني ابعدوها
أخاف عيوني بتوب الفرح يشوفوها
يجـــروا علـيها يهـنوها
تنزل دموعهم ويجرحوها

خليكوا معاها انتوا وفرحوها
دا عريسها مستني ومعاه ابوها
هتهل عليهم زي الملاك وهيقابلوها
بالورد والياسمين يحاوطوها

متكلموهاش عني وسيبوهــا
تدوق الفرحة بلاش تحرموها
من احلي ليلة في حيــاتهـــا
روحولها ياللا غنولها وكلموها
وسلامي لها من بعيد بلغوها

ولو سالتكم عني اشغلوهـا
غيروا الكلام بلاش تفوقوهـا
من حلم جميل ارجوكم سيبوها

انا همشي بس الاول هبارك لنصيبها
اللي حرمني منها وخلي الاغراب ياخدوها
هسامحه بس عشان خاطرها
وهكون من الليلادي أخوها

H[lg uv,sm

أجمل عروسة

زفوهـا وفرحوها ولعريسها وصولها باركولها وهنوها وسلامي بلغوها اجمل عروسة هتشوفوها قلب امـها