!!! , .... , مثال , الطرقات , وأبناء

آباء وأبناء فى الطرقات .... !!!

*@* آباء وأبناء فى الطرقات *@*

فى طريقى أكتر شئ بيجذب انتباهى هو الأطفال لانى بحبهم كتيييييير وهما كانوا السبب فى انى اتعلمت حاجات كتيرى وسبب فى انى اكتب الموضوع دا

وانا ماشي فى طريقى للشغل شفت منظر جذب انتباهى .... اب ماشى وشايل بنته

اه عادى انه شايلها وماشى بيها تعالوا نشوف الصورة

الاب بيعرج برجليه وشايل بنته وماشى بيها فى الحر وبنته على ايده مستريحة ومبسوطة وهما ماشى بيها ومبسوط وبيداعبها

يا سلام على الحنان والابوة الجميلة بس فكرت

يا ترى البنت لما تكبر هتفتكر اللحظة دى ؟؟

ويا ترى زى ما شالها على ايده وهى صغيرة هتشيله و تراعيه لما يكبر ؟؟؟

برضه فى طريقى للشغل وانا فى الاتوبيس كان يوم زحمة جدا والاتوبيس على اخره ام دخلت ومعاها ابنها ووقفت فى وسط الزحمة وادت ابنها لاحد البنات تشيله وهى طول السكة واقفة فى زنقة الاتوبيس وخنقتها وعرفت منها انها رايحة بيه للمستشفى عشان بتابع حلقات علاج ليه هناك وهو نايم على ايدى البنت ومستريح وطبعا صورته

هو نايم ومستريح ومامته بتتبهدل فى المواصلات عشان علاجه وعشان تشوفه فى احسن حال

وبرضه هقول يا ترى لما يكبر هيفتكر اد ايه اهله تعبوا عشانه وهو صغير وهيقدر النقطة دى ؟؟

وفى يوم وانا بتفرج على برنامج كانوا مستضفين اب باع كليته عشان يعالج بنته

ياااااااه على الابوة والامومة

اب بيبيع حته من جسمه عشان بنته تخف يااااه شوفوا مدى التضحية



** كتير منا أهلهم تعبوا معاهم وهما صغيريين واى اب أو ام جداد دلوقتى عارفين اد ايه الطفل وهو صغير بيتعب وبيسروا عشانه ومن دكتور لدكتور ومن بلد لبلد عشان صحة طفلهم

بس للاسف لما بنكبر بننسى اد ايه هما ضحوا عشانا وممكن يتعاملوا معاملة الند للند

و افتكرت قول على بن الحسن ** زين العابدين ** لإبنه

يا بنى إن الله علم بإحسانى إليك فلم يوصنى بك وعلم أن العقوق يسبق إليك فأمرك بالإحسان إليى

يعنى مثلا الاب او الام بفطرتهم بيحبوا ابنائهم ولو مثلا فى يوم الاب ضرب ابنه او تشاجر معه فى امر معين وابنه دخل غرفته يبكى الاب يأكله قلبه فيبعت زوجته عشان تهدئ ابنها وتطلطف الجو

لأن قلبه بالفطرة لا يتحمل هذا الأمر اما الولد إذا أغضب والده فقد يظل بالايام والشهوروالسنوات لأن الشيطان قد تسلط عليه وليس من فطرة الابن مثل هذا الانكسار الذى لدى الوالد

وهو دا فعلا اللى بيحصل فى حياتنا

طب ما نيجى نشوف نماذج لبر الأنبياء بآبائهم






1- بر سيدنا يحيى بوالديه ..... ( وبرا بوالديه ولم يكن جبارا عصيا )

2- سيدنا عيسى ..... {وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا}

3- بر سيدنا سليمان .... { فَتَبَسَّمَ ضَاحِكًا مِنْ قَوْلِهَا وَقَالَ رَبِّ أَوْزِعْنِي أَنْ أَشْكُرَ نِعْمَتَك الَّتِي أَنْعَمْت عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِك فِي عِبَادِك الصَّالِحِينَ }

4- بر سيدنا ابراهيم بمن ؟؟ بابيه ... آااه .... بس ابوه مكنش مسلم لله وبرده كان بيبره وبجد انا لما قريت نموذج بره أبكانى وتعالوا نشوف سوى

( إذ قال لأبيه يا أبت لم تعبد ما لا يسمع ولا يبصر ولا يغني عنك شيئا ( 42 ) يا أبت إني قد جاءني من العلم ما لم يأتك فاتبعني أهدك صراطا سويا ( 43 ) يا أبت لا تعبد الشيطان إن الشيطان كان للرحمن عصيا ( 44 ) يا أبت إني أخاف أن يمسك عذاب من الرحمن فتكون للشيطان وليا )

يا ترى رد أبوه ايه ؟؟

** قال أراغب أنت عن آلهتي يا إبراهيم لئن لم تنته لأرجمنك واهجرني مليا **

يا ترى بقى سيدنا ابراهيم رد عليه انت كافر انت من اهل النار انت ظالم انت انت انت .......

طب تعالو نشوف رد فعله

( قال سلام عليك سأستغفر لك ربي إنه كان بي حفيا ( 47 ) وأعتزلكم وما تدعون من دون الله وأدعو ربي عسى ألا أكون بدعاء ربي شقيا ( 48 )

ياااااه على اللطف فى المعاملة مع ان أبوه كافر

طب تعالوا نشوف نموذج من بر الصحابة

** سيدنا ابو هريرة كلنا عارفينه ..... فى يوم كانت أمه تناديه وتقول يا أبا هريرة يا أبا هريرة

فرد ابو هريرة بصوت عالى قال لبيك .... بس ابو هريرة حس انه رفع صوته على صوت امه فقعد يستغفر ربنا ويقول رفعت صوتى على صوتى امى


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ .... احنا فين من ده ؟؟؟

** عبد الله بن مسعود أمه قالتله اسقينى فى يوم راح يجيبلها الماء ولما رجع لقاها فى فراشها غلبها النوم فوقف بالماء وكره انه يصحيها او يضع الماء ويمشى خوفا من انها تستيقظ فى جوف الليل ومتعرفش ان الماء موجود وتتنيها عطشانة فتناه واقف بالماء طول الليل فاذا تعب جلس وهكذا حتى استيقظت امه عند الفجر واعطاها الماء لتشرب

!!!!!!!!!!!!!!!!!!!!!!!!!!

!!!!!!!!!!!!

احنا فين من دول ؟؟؟؟؟؟

نموذج من بر التابعين

** شاب أتى للرسول صلى الله عليه وسلم من اليمن للجهاد معه زمان بقى مكنش فى طيارة ولا سيارة السفر كان بالمشى او الجمال يعنى شوفوا المسافه والمشاقة اللى شافها فى سفره

وصل الشاب ووقف بين ايدي النبى وقاله يا رسول الله جئت أريد الجنة فالرسول سأله هل والديك على قيد الحياة فالشاب رد قاله ايوة فالرسول قاله

ارجع إليهما وأحسن صحبتهما فإنها الجنة

**الامام حسن البصرى لما مات والده قعد يبكى فالناس قالوا له أنت عالم فكيف تبكى على أبيك

فقال انا لا ابكى لقلة صبرى ولا لعقوقى له فالحمد لله وجهى أبيض معه ولكن أبكى لأنى كان لى بابان إلى الجنة أغلق أحدهما ولم يبق إلا باب واحد

شايفين يا جماعة البر بالأباء ازاى ؟؟

انا كتبت الموضوع دا عشان أذكر نفسى واياكم ببر آبائنا حق البر ونشوف النماذج دى عشان نقعد مع نفسنا كلنا ونفتح مع اهلنا صفحة جميلة ونعرف قدرهم ومكانتهم صح

والبر اننا نعمل كل اللى هما عاوزينه ما دام مش هيغضب ربنا وبرضه من البر ودا بيسعدهم اووووى اننا نفكر او نشوف ايه اللى هما عاوزيه او ممكن يفرحهم ونعمله من غير ما يطلبوا

طب ما تيجوا كدا كلنا بقى نتعاهد اننا نعمل شوية الحاجات البسيطة دى



نقبل ايدين والدينا ..... ندعيلهم فى كل صلاة ** رب ارحمهما كما ربيانى صغيرا **

لو مسافر اتصل بوالديك واطمن عليهم وقولهم كلمتين حلوين يسعد قلوبهم ويبرد شوقهم وقلهم عليك

لو والديك بياخدوا العلاج تابع الاوقات واديهولهم فى اوقاتهم

يا سلام كدا واحنا داخلين البيت ومعانا هدية بسيطة وردة شيكولاته اى حاجة جميلة حسب المقدرة والميزانية بتاعتك المهم انك افتكرتهم وجيبتلهم هدية دى هتفرحهم اووووووووى

ناخد بابانا ومامتنا ونروح نزور قرايبنا او جدتنا

يوم الجمعة نقعد كدا ونقرا سورة الكهف سوى الولد ياخد باباه ويروحوا يصلوا سوى

عاوزين نرد الجمييييييل اللى عمرنا ما هنقدر نرده زى رسولنا ما قال لأحد الصحابة راح يقوله يا رسول الله انا شيلت امى على كتفى وحجيت بيها طبعا عارفين مشاق الحج

فسأله يا رسول الله انا كده اديتها حقها فالرسول صلى الله عليه وسلم قاله موفقتهاش طلقة من طلقات الولادة

معنا باب للجنة منسبهوش ونقرب منهم ونعرف اللى هنعمل مع والدينا هيترد لينا مع ابناءنا

ربنا يهدينى ويهدى شباب المسلمين ويجعلنا جميعا من الابناء البررة

اللهم امين يارب العالمين


منقـــــــــــــــــــــــول

---

Nfhx ,Hfkhx tn hg'vrhj >>>> !!! lehg

اولا هى دى سنة الحياة والفطرة ان الاهل يتعبوا علشان اولادهم
وكلنا نرىفى ظل هذة الظروف كل شىء اتغيرت حتى احترام الاولاد لااهليهم فنجد
من يضرب امة ومن يضرب ابوة بل تصل فى بعض الاحيان للقتل
ربنا يهدينا لطاعتة وعبادتة وبر الوالدين
مشكور عاشق الايمان