الشهر , الكريم , احترموا

احترموا الشهر الكريم

ليه الناس فى الشوارع مبقاش عندها احترام لقدسية الشهر الكريم
انا تقريبا مش بيعدى يوم فى رمضان غير لما يقابلنى خناقة فى الشارع لما بنزل اروح مشوار
على فكرة محدش يقولى صيام والدنيا حر والناس بتفقد اعصابها
دى كلها حجج ضعيفة جدا
لان الصيام تهذيب للنفس والروح قبل كونه امتناع عن الاكل والمياه
وكمان الموضوع دا موجود من زمااان بس السنتين اللى فاتوااا زادت اكتر

---

hpjvl,h hgaiv hg;vdl

فعلا والله يافجر الخناقات كترت بطريقه ملحوظه جدا
ومتعرفيش ايه السبب والكاريكتير حلو اوى وموضح ان الدنيا ذبابه يعنى مش مستاهله خناق ولا شكل
(كن فى الدنيا كمسافر استظل بشجرة ثم تركها )
فى الفتره الاخيره
ولا بئه فى احترام لرمضان ولا لقدسيته زى ما بتقولى
الا من رحم ربى
ربنا يسترها الايام الجايه
وكل عام وانتى بخير

المشاركة الأصلية كتبت بواسطة فجر الاسلام

ليه الناس فى الشوارع مبقاش عندها احترام لقدسية الشهر الكريم

لا مش كده يافجر

حته الخناق في شهر رمضان او العصبيه بتبقي ناتجه عن الاستعجال لان وقتك محدود في شهر رمضان ببقي قدام لغايه وقت معين مع العلم ان في الوقت ده بتبقي اغلب المحلات قافله واغلب الناس في بيوتهاا والكل مستعجل عايز يروح

تمشي في الشوارع تلاقي الشوارع فاضيه فاضيه فعلااا زي وقت الفجريه بالظبط

الناس بيبقي كل تفكيرها ان هي تروح بدري علشان تلحق المغرب واحنا السنه دي رمضان جااي في وقت الحر لان الناس بتبقي غصبن عنها برضه فالازم نعذر الناس

عمر الانسان وهو في بيته في الشهر الكريم ما هيكون عصبي زي ما هو في شغله وفي مواصلاته وضغوطه النفسيه

وبرضه العصبيه بترجع لاخلاق الناس لان الناس كلهم مش زي بعضهم الناس انواع

وفي الاخر كل الا نقدر نقوله كل سنه وانتم طيبين ويارب تفضل كل ايامنا رمضان من صلاه وصوم وقران

مع ان الموضوع قديم بس جميل جداااا مناسب لكل الاجيال شكرا يا فجر

الناس بتاكل فى بعضها يا جدعان

انا بحس بده فعلا لما بتابع اخبار مصر

فمش فارقه رمضان او غير رمضان

وللأسف مصر تتبع الأن المثل القائل ( الحاجة بنت .......... ) والكل يعرف التكلمة

فانشغال الناس بأمور حياتهم التي تعد من الاحتياجات صعبة المنال أكثر من انشغالهم بالعبادة

بكل أسف نحن نفتقد أنفسنا داخل مصر

الناس مخنوقه من كل حاجه حواليهم

لما يبقى الناس مرتباتهم مش اد كده

لما يرجعوا بيوتهم يلاقوا النور قاطع فالمروحه اللى مخففه عليهم الحر مش هتشتغل

لما يجى يفتح حنفيه الميه ياخد دش ساقع يرحمه من الحر يلاقى الميه قاطعه

لما يعطش ويفكر يشرب يلاقى الميه مش موجوده ولازم يشترى

حاجات كتير بيعانيها شريحه كبيره من المجتمع فى العصر الحالى

يمكن مع الوقت الحاجات دى بتتصلح سنه سنه

بس معدل التصليح بطئ

والنتيجه ان اعصاب الواحد بتبقى مشدوده ومستعد للخناقه فى اى لحظه

اعتقد بجانب الحاجات اللى ذكرتوها دى
ان الموضوع متعلق اكتر بالنفس البشرية

الموضوع متعلق اكتر بالنفس البشرية

بمعنى ؟؟؟؟؟؟؟؟؟؟؟؟؟

بمعنى ان فى ناس بتعيش نفس الظروف او اصعب من كدا بس مش بتلكك او عندها صبر اكتر وحسن خلق وتعامل احسن

يعنى معناه ايه لما مثلا واح ماشى فى الشارع غصب عنه خبط فى واحد تانى وفجأة تتقلب خناقة جامدة

صحيح الظروف اللى كلكم ذكرتوها لها تأثيرها وتثير محدش يقدر ينكره بس مينفعش نرمى عليها كل حاجة وان هى السبب الوحيد
لا نفس الانسان لهااااا دوور كبييير برضو
يعنى ممكن تلاقى عنده من الحياة من الترف ولا مشكلة كهربا ولا ميه ولا غيرو وبرضو بيتخانق فى الشارع

يعنى زى مبيقولوا اللى بيحترم بيحترم نفسه
فاحترام الانسان للشهر الكريم فهو احترام لنفسه

بس الكلام على النسبه العامه

معاكى ان اوقات هتلاقى فى ناس فى نفس الظروف وتصرفها احسن

ولكن

دول هيبقوا النسبه القليله اوى

النسبه الاكبر هيا اللى الموضوع بيتكلم عنها هنا ودى اللى ضغوط الحياه ماثره فيها جامد

الحمد لله رب العالمين ..
قال تعالى: "يا أيها الذين آمنوا استعينوا بالصبر والصلاة إن الله مع الصابرين"
وقال تعالى: "واستعينوا بالصبر والصلاة وإنها لكبيرة إلا على الخاشعين"
ورحم الله امرىءِ سمحا إذا باع واذا اقتضى واذا اشترى
يعنى محتاجين عبادة الصبر فى حياتنا اليومية . . .

واسيبكم اللوقت عشان المغرب بيدن
هممممم ياجمل