الله , الحكيم , العالي , بالشعر , يكتب , رسول , صخرة , عمرو

عمرو الحكيم يكتب سيرة رسول الله بالشعر العامي

الارض دانت للسما واتزينت


وترابها أصبح من دهب واتجهزت


وجبالها عليت والصخور أتلينت


ونجمة ظهرت في السما واتنورت

............


نزل للدنيا لقى نفسه يتيم


لكن نزل ليها شاكر وساجد


طفل مليح وجميل وبرضه أصله كريم


وختنه ربه والرحمة بيه بتتواجد

.................

والله الربيع مولده فتح فيه الزهور


من فجر يوم لاتنين شروقه غلب الشمس


الارض فرحت بيه والكون ملاه السرور


وربه عصمه من مس الشياطين واللمس


..................

ليلة ميلاده قربت النجوم للأرض


ونوره عم الكون وكأن ليله نهار


وفرحت كل الليالى بأمير السنن والفرض


من قبل خلق الكون ربه أصطفاه واختار

..................


ولما نزل للدنيا خضعت ليه العروش


وانطفت نار يسجد ليها الماجوس والفرس


وبقت السما حامية والشهاب مفروش


ومعدش يسمع جن والكهنة صبحت خرس

....................

وفى مكة تنزل من بنى سعد المراضع


يخدو كل رضيع ابوه غنى وعظيم


ويشيلوا كل رضيع أبوه للدهب واضع


ويسيبوا كل رضيع حليم لكن يتيم


....................

ومرضعة أسمها حليمة سعدية


من فقرها ناشفة والصدر خالى حليب


صعب عليها اليتيم وبيتمه مرضية


خدته..وكان هو ليها الدوا هو الطبيب

...................

الدابة الى كانت تركبها وتسافر


وكانها بتحبى وكل الدواب تسابقها


البركة حلت عليها من بركة الوافر


طارت فوق الطريق ولا دابه تلاحقها

.................

وجوا مضاربهم دخل اليتيم بنى سعد


وكانت الارض جدبا والخير مفارقها


حلت بركة الرضيع ارض بنى سعد


الخير نل فيها وفاضت براكتها


...................

يرضع من الصدر اليمين ويتملى شبعان


ويرفض رضع الشمال من رحمته بالشريك


الرب بيه الهمه ان اخوه جوعان


ماهو اصله من مصغره طيب حنون ورفيق

....................


وجوه صدره كانت علقة سودا للشيطان


وجوا الصحارى جاله ملاك شق صدره الصغير


وزرع جوا قلبه الخير وحشاله حكمة وايمان


حاسبوا عليه مالشر كهنة يهود بتغير

..................


وبعد شق الصدر رجع مكة لحضن الام


وكان عبد المطلب جده ليه يشتاق


وفرحوا بيه جدا ونسيوا بيه الهم


وكان عبدالله ابوه رجعلهم بعد الفراق

.....................


شيبة الحمد فرحان باليتيم وحمزة


وحمزة صاحبه وعمه وابن خالته


عبد المطلب كان ألف وحفيده ليه همزة


يقعد على مجلسه يشاورله بأشارته


.....................

يقعد الصبي جنب الجد فى الحرم الشريف


ويقدمه جده عن كل اعمامه


ولو يغيب عنه يألم يصبح رجيف


ولما يعود يهدى وتروح منه اوهامه

........................


شافوه قوافى الاثر قالوا يا شيبة الحمد


حافظ عليه الغلام دا اثره شبه المقام


الجد عبد المطلب نقبه واسمه شيبة الحمد


لاحظ بأن الحجر بيلين لرجل الغلام


...................

أمها استاذنت جده تزور قبر عبدالله


عبدالله هو حبيب امنة وهى ارملته


وخدت معاها ابنها الحبيب ابن عبدالله


وام ايمن جارية حبشية حنونة خدامته

......................


ركبوا قوافل تجارة للشام تعدي على طيبة


وجوا يثرب يزور اخواله بنى النجار


وفرح تراب طيبة بقدم الطفل الحبيبة


ولعب الحبيب فيها ولف وزار


......................

وجه ميعاد الرجوع لام القرى بكة


وامنة في الطريق تتعب تقابل ربها


يبكى عليها الصبى والقلب فيه شكة



وبالابواء يورايها التراب ودمعه يرطب قبرها
.............


وخالته هالة أم الحمزة بن عبد المطلب


كانت له واحة حب ورحمة وامان


بشوشة وطيبة ام الحمزة وزوجة عبد المطلب


يجازيها ربنا عنه من تقلبات الزمان


.......................

عبد المطلب شيبة و راجل كبير


يجيله الى مايسيب الفقير والمالك


يحس انه اجله قرب وامره خطير


يوصى بيه عمه من طرق المهالك

.........................


يموت شيبة امير سقايه الحجيج


ويبكى عليه الحبيب ويقطع القلوب


يواروه التراب وبكاه عامل ضجيج


يضمه عمه وما يجعله يبات مغلوب

...........................


يرجع ابو طالب بعد دفن ابوه للبيت


حاضن ايد اليتيم بايده اليمين


ام العقيل فاطمة تقول ياريت


يعيش معانا ديما طول السنين


........................

تربيه ما بين ولادها وتحن عليه


وعمرها ماتفرق بينهم بعطف وحنان


لا تجرح في يوم شعوره ولا تقول ليه


ابو طالب يحبه اكتر من ولاده كمان


..........................

رغما ابوطالب كان فقير الحال


وان طعامهم ماكنش يشبعهم


ابو طالب راجل كتير العيال


يقعد محمد مابينهم الاكل يشبعهم


.........................

عفيف النفس يشرب من الزمزم


يقولوا تعالى كل يقولهم شبعان


قلبه قنوع الصبي وعمره مايرمرم


طاهر كحيل ودهين الارض بيه بستان



.........................
أبو طالب يشوف مالغلام كرامات


يشوف النور يبوس وشه في قلب الليل


يشوف فحول الابل تتزل له زللات


ولما يكون القحط يستسقى يصبح سيل

.....................


وفى صيف يخرج ابو طالب يروح الشام


لجلا يتاجر ويرجع غنى كسبان


يشبط في عمه الغالم يروح معاه الشام


ويعدوا على صومعة راهب من الرهبان


.........................

بحيرا راهب مسيحى من النصران


عمره ماكان يهتم بيهم في السفر


قاعد بيعبد ربه في الصومعة وهيمان


فى ملكوت السما والذنب كيف يغتفر

.................


بحيرا لاحظ في السما بتتحرك غمامة


ماشية تضلل قافلة وكانها حراسة


سكينة هي على راس الصبي عمامة


بحيرة قلبه ارتجف طلت من الفراسة


.........................

جري ينادى القافلة يضايفهم ضيافة


كلهم لبوا الا الصبي قاعد جنب المتاع


سألهم بحيرا بهدوء ورقة ولطافة


فين الجميل الى لعينيه تلين السباع


.........................

ابو طالب يقول ابنى قاعد هناك


يقوله بحيرة ليه سايبه قاعد بهمه


غلامك نبى امتك أحفظه روحى فداك


وايته يموت ابويه ويكفله جده وعمه


.....................

جرجس بحيرا يشوف ختم النبوة


تحت الكتف اليمين كما وصف الكتاب


يحضن بحيرا الصبي بالحب ومروة


ويصرخ هو النبي هو الرسول ومش سراب

---

ulv, hgp;dl d;jf sdvm vs,g hggi fhgauv hguhld hguhgd wovm

يا مكة يا أم القرى .... قومى اشهدى نورك
دا يوم ميلاد النبى غطى على نورك
الظلم عهده انتهى يوم مولد الهادى
حالف لأضحى بمالى ... زادى وزوادى
علشان عيون النبى زادى وزوادى
صلى الله عليه وسلم

طبعا بتستغربوا جدا دا موضوع ملكة الرحمة وعمرو الحكيم سرقه بكل بجاحة وحطه جنب موضوعها
ارجو ان تكتبوا على محرك البحث جوجال
اسم عمرو الحكيم وهاتشوفول الموضوع مسجل على كام منتدى بتاريخ يسبق تاريخ الاخت
كمان هو مسجل وواخد رقم ايداع باسمي
لانه فيه ديوان جديد لى هاينزل السوق
عمرو الحكيم

طبعا بتستغربوا جدا دا موضوع ملكة الرحمة وعمرو الحكيم سرقه بكل بجاحة وحطه جنب موضوعها
ارجو ان تكتبوا على محرك البحث جوجال
اسم عمرو الحكيم وهاتشوفول الموضوع مسجل على كام منتدى بتاريخ يسبق تاريخ الاخت
كمان هو مسجل وواخد رقم ايداع باسمي
لانه فيه ديوان جديد لى هاينزل السوق
عمرو الحكيم

استاذ عمرو الموضوع هيتم مناقشته فى منتدى الشكاوى

المهم عاوز اعرف هاتعملوا ايه فى الموضوع
وده الرابط بتاعه فى منتديات عمرو خالد
Download24781

استاذ عمرو الحكيم

تم معالجة الامر

مع تمنياتى بقضاء اوقات سعيدة فى منتدى تيفا

استاذ عمرو اسلوبك مميز جدا دا والموضوع قديم وباسم حضرتك وحضرتك شاعر معروف
تقبل مرورى

المشاركة الأصلية كتبت بواسطة alsam3r

استاذ عمرو اسلوبك مميز جدا دا والموضوع قديم وباسم حضرتك وحضرتك شاعر معروف
تقبل مرورى

أسف جدا يا جماعة على فظاظتى والتى كان يمكن ان تكون باسلوب اكثر هدوء وقد تفهمت موقف ملكة الرحمة واعتذر لها على تسرعى
وشكرا لادارة المنتدى المستنيرة
وشكرا لحضرتك جدا على مجاملتك الرقيقة
عمرو الحكيم

استاذ عمرو انا اسفه اذا كنت نقلت الموضوع بس انا مش عارفه موضوع ايه بالظبط الى حصل معاه كدا بس فيه ليا شعر عن سيره الرسول عليه افضل الصلاه والسلام
بس بصراحه انا جايباه من منتدى تانى غير منتدى الاستاذ عمرو خالد
ومكانشى مكتوب عليه اى اسماء ولا تحته اى حاجه
ولولا ان ممنوع كتابه عناوين لاى منتدى تانى كنت اعطيت لحضرتك الرابط بتاع الموضوع دا
وانا اسفه على نقل الموضوع
وبعد كدا معتش هنقل اى شعر عامى خالص
ولا لحضرتك ولا لغير حضرتك
بس والله مكان مكتوب مين الى كاتب الشعر دا

وبعد كدا معتش هنقل اى شعر عامى خالص
ولا لحضرتك ولا لغير حضرتك
بس والله مكان مكتوب مين الى كاتب الشعر دا

هو الموضوع بس سوء تفاهم

انقلى عادى بس لو قدرتى توصلى لاسم الشاعر اكتبيه مقدرتيش اكتبى تحت انه منقول
وبكده هتكونى اخليتى مسؤليتك

المشاركة الأصلية كتبت بواسطة ملكة الرحمه

استاذ عمرو انا اسفه اذا كنت نقلت الموضوع بس انا مش عارفه موضوع ايه بالظبط الى حصل معاه كدا بس فيه ليا شعر عن سيره الرسول عليه افضل الصلاه والسلام
بس بصراحه انا جايباه من منتدى تانى غير منتدى الاستاذ عمرو خالد
ومكانشى مكتوب عليه اى اسماء ولا تحته اى حاجه
ولولا ان ممنوع كتابه عناوين لاى منتدى تانى كنت اعطيت لحضرتك الرابط بتاع الموضوع دا
وانا اسفه على نقل الموضوع
وبعد كدا معتش هنقل اى شعر عامى خالص
ولا لحضرتك ولا لغير حضرتك
بس والله مكان مكتوب مين الى كاتب الشعر دا

هو بدون ماتعتذري اخت ملكة الرحمة كان فيه سوء تفاهم وانا فهمت غلط انا الى بعتذر ليكي انتى اخت صغيرة لى وانا تسرعت
شكرا لمرورك الطيب وارجو الا ينقطع مرورك على صفحتى
عمرو الحكيم

المشاركة الأصلية كتبت بواسطة فجر الاسلام

هو الموضوع بس سوء تفاهم

انقلى عادى بس لو قدرتى توصلى لاسم الشاعر اكتبيه مقدرتيش اكتبى تحت انه منقول
وبكده هتكونى اخليتى مسؤليتك

من حسن حظ هذا المنتدى وجود انسانة محبة للخير بين الاخوان مثل حضرتك لقد ازعجتك كثيرا
اسف جدا وشكرا لمجهودك في تقريب وجهات النظر وازالة سؤ الفهم
عمرو الحكيم

المشاركة الأصلية كتبت بواسطة عمرو الحكيم

من حسن حظ هذا المنتدى وجود انسانة محبة للخير بين الاخوان مثل حضرتك لقد ازعجتك كثيرا
اسف جدا وشكرا لمجهودك في تقريب وجهات النظر وازالة سؤ الفهم
عمرو الحكيم

اكيد يا استاذ عمرو المنتدى كله

الحمد لله محترم وبيخاف على بعضه


وخير انه طلع سؤ تفاهم او تسرع


فى رد فعلك واهلا بيك فى منتدا تيفا


وان شاء الله خير