توست التونهـ بالباشميل ،،

**Sir.7amato** · 2010-10-19, 02:07 PM

توست التونهـ بالباشميل

مقادير الحشوة :

واحدة بصلة كبيرة ونصف
ملعقة صغيرة ثوم مهروس
ثلاثة علب تونة كبيرة ..
مكعب ماجي- ملح - فلفل اسود - كزبرة ناشفة .. كللو حسب الرغبة

نحمر البصل وبعدين نحط الثوم

وبعدين نحط البهارات والتونة ونخلطهم مرة كويس وخليهم يتشوح على النار شوية ..

آه افتكرت التونة لازم تتفتت زي ماهوا باين في الصورة ok

وبعدين نجيب زبدية نحط فيها الخلطة اللي هيا:

ملعقتين قشطة
ملعقتين مايونيز
ملعقتين جبنة سايلة ..
ونخلطهم كويس.. ماشي؟

وبعدين نجيب صينية ونرص فيها توست مقطع اطرافو وندهن التوست بلخلطة حق الجبن والقشطة والمايونيز..

وبعدين نحط نص كمية التونة فوق التوست المدهون ..

ونكرر نفس الطبقة الاولى نعملها في التانية..
توست بعدين ندهن بلخلطة >>> جبنة وقشطة ومايونيز.. وبعدين تونة ..
واخر طبقة تكون التونة تماااااااااام؟

وبعدين نجي للبشاميل حبيب البي..

مقادير البشاميل تبعي مش زيكم انا ماحط فيها لازيت ولاسمن ولا زبدة وتطلع طيبة مررررة

مقادير البشاميل :

9 ملاعق حليب باودر
4 ملاعق دقيق
وملح وفلفل اسود وآجي نوموتو
3 كاسات موية

حطيت اول شي الحليب بدون موووووووية ودقيق والبهارات وخلطهم على الناشف مرة كويس

وبعدين حطيت الموية وبدأت احركهم الين مادابو كووووووولهمممم بس مش على النار لا برا لسا..

وبعدين لما دابو حطيتهم على الناااااااارررر..الين ماتقلت

وحطيتها طبعا فوق التونة ودهنتها بصفار بيضة ودخلتها الفرن الييييييين ما انحرقت
ايوا من جد شوفوا

وبألف هنا

بالهنا والشفا يارب تعجبكو
وياريت تجربو وتقولولنا ايه الأخبار ؟

j,sj hgj,kiJ fhgfhaldg KK

توست التونهـ بالباشميل ،،

توست التونهـ بالباشميل مقادير الحشوة : واحدة بصلة كبيرة ونصف ملعقة صغيرة ثوم مهروس ثلاثة علب تونة كبيرة .. مكعب ماجي- ملح - فلفل اسود - كزبرة ناشفة