يا عم ماندوز لإما إنت فاهم أوى لإما أنا عبيط ومش بفهم حاجة ف أى حاجة أنا مالى ومال ردها على الموضوع ومال النقطة اللى إنت بتتكلم فيها ف ردك الأخير ده هو أنا قلت أنا مش فاهم الموضوع بيتكلم عن إيه ...............

رد اميره اراه انه صلب الموضوع انا مش هفرح لما اميره تخش وتقلى شكرا

أميرة ردت الرد الأولانى ملناش دعوة بيه ده منك ليها إن كان فيه حاجة
رد أميرة التانى كان عبارة عن إقتباس كلام من ردها الأولانى وإقتباس رد المحترف وكتابة تحتها لاحول ولا قوة إلا بالله وهى دى النقطة اللى احنا بنتكلم فيها مش فاهم بقى ان زعلان دلوقتى ف ايه

المقصود بهدف الموضوع ان يصل صوتنا الى طبقه معينه من شباب هذا الجيل وهنا لا اقصد اعضاء المنتدى

أنا مش هكتب بقى لا حول ولا قوة إلا بالله زى أميرة أنا هسألك إيه معنى الجملتين دول وايه قصدك منهم

لأ انت برضه مش فاهم وجهة نظرى
أنا مش زعلان من رد أميرة الأولانى
أنا اللى ضايقنى إقتباسها لجملة المحترف وكتابة تحتها لا حول ولا قوة إلا بالله دون أى تعليق أو عتاب توجهه للمحترف

هى الجملة دى نظامها معاك إيه إنت مخدتش بالك منها ولا إيه

أنا آسف على التأخير كان عندى إمتحان

الأخ المحترف لا يقصد بتاتا كما فهمت مشرفة الإسلامى ولكن كان يقصد أن هذا البيت بيت لأحد من الناس , وعندما كتب جارى البحث أعتقد أنه بيعمل بحث عن هذه الصورة لمعرفة مصدرها الحقيقى زى ما ماندوز عمل وجاب صورة الجن وجاب الصورة التى تنفى ذلك ...

فيكفى انه اختزل الموضوع الى الجمله الاعتراضيه الخاصه برسام الدنمارك

أنا اللى ضايقنى إقتباسها لجملة المحترف وكتابة تحتها لا حول ولا قوة إلا بالله دون أى تعليق أو عتاب توجهه للمحترف

هو ده الكلام اللى أنا عاوز أقوله ولو كنت أعرف إن الكلمتين دول مكتوبين مكنتش داخل رادد تانى

لو الشكر ده موجه ليا عشان غيرتى على الدين
فاسمحلى اقولك ان الشكر مش فى محله
لان ده واجب علينا كلنا واى حد فى مكانى لازم يعمل كده
ولو الشكر ده لانك فاهم الكلام غلط فده معناه ان كلامى مظبوط
وانت فعلا بتنسى غلطتك وتاخد الموضوع على محمل شخصى للمرة التانية
على فكرة انا كنت بتكلم عموما ومقصدش حد معين

انا مش بشكرك على ردك الأولانى وملهاش دعوة بغيرتك ع الدين والكلام اللى انتى كاتباه أنا بشكرك على اقتباسك لكلامى اللى اانا رده وكتابتك لجملة ( لا حول ولا قوة إلا بالله ) من غير حتى ما تقوليلى ليه خدتى ردى اقتباس ( ) زعلتنى جامد بصراحة لأنى مش فاهم قصدك ايه

انا عايزة اعرف انت منين عرفت قصد المحترف ومنين عرفت انى فهمت غلط ومنين عرفت انا فهمت ايه اصلا
متهيالى دى حاجة المفروض هو اللى يوضحها وقصدى انا هوضحه بردو
ولو قصد المحترف من الكلمة اللى قالها كان الكلام اللى انت قلته ده
فدى تبقى مصيبة اكبر لانه بردو كده يبقى لسه مفهمش الموضوع
ومخدش باله الا من البيت الواقع وراح يدور على صحبه

ايه رايكم لو حد عمل موضوع وقال ان ده بيت الرسام الدنماركى وان ربنا خسف بيه وبداره الارض

أنا مش قصدى أدور ع صاحب البيت أنا خدت الحتة دى من جهة شخصية الموجودة ف الرابط ده

ولو كلمة لا حول ولا قوة الا بالله هى اللى خلتك تفهم كده يبقى للاسف كلامى كله طلع مظبوط

أشد ف شعرى ,,, سيبك م الكلمة دى دلوقتى إنتى ( حضرتك ) خدتى كلامى إقتباس ليه ,

ده مش بيت الرسام الدنماركى ده بيت................... شكرا على الموضوع

ليه ليه ليه

أنا مش عارف المحترف فين يرد على الموضوع ده

يا عم كنت بمتحن بمتحن

فبالتالى كلمه اميره لا حول ولا قوه الا بالله كانت موجزه لهذا الكلام

أنا حاسس إن إنت مش معانا ف اللى احنا بنتكلم فيه لأنك بتتكلم على نقطة وإحنا كلنا ف نقطة تانية

المقصود بهدف الموضوع ان يصل صوتنا الى طبقه معينه من شباب هذا الجيل وهنا لا اقصد اعضاء المنتدى

والنبى ما أنا عارف أرد أقولك إيه
يا حزنى ايه الكلام ده

اللهم لا حول ولا قوة الإبالله ..
تعجبت جداً لأسلوب كل من شارك فى الموضوع هنا ..!
وعذراً للجميع ، ولكنا نرى أن هذا الإسلوب لا يرقى أبداً لنقاش ..
فما رأيت إلا مجموعة شباب - صغير - تدفعه الحماسة للدفاع عن وجهة نظره أياً كانت ..
وتشبث رهيب بها دون مرونه فى الحوار ..
؛ ثم خرج الموضوع عن مساره تماماً وأصبح عبارة عن تبريرات وحجج لدوافع واهيه ..
وعندما عرجت على قوانين المنتدى لديكم لأجد مادة تنص عن حذف المشاركات التى تخرج عن مسار الموضوع ، فإننى للأسف لم أجد ..
الغريب فى الأمر أن المستوى العمرى لأعضاء المنتدى - على مايبدو - صغير وأحسب هذه النقطه تحديداً هى التى دفعت محمد - صاحب الموضوع - للموضوع نفسه ، ولكنى لا أحسبه تصور أن نفس السبب سيكون هو من يخرج الموضوع عن مساره ..
كنت اود النقاش والإستمرار ولكن بهذا الإسلوب أنا أعتذر ..

كلمة أخيرة ..
برجاء إمعان العقل فى هذا الحديث ..
قال الحبيب المصطفى صلى الله علية وسلم ..
(( أنا زعيم ربض فى الجنه .. لمن ترك المراء .. ولو كان محقا ))
صلى الله عليه وسلم
ربض = قصر ، المراء = الجدل

دمتم بكل الخير دائماً ..؛

قد نختلف جميعا ف الآراء قد لا نكون على حق قد يكون الجدال بين صغير وكبير فماذا يكون الحل أن يتواضع الكبير وينزل درجات السلم ليعلم الكبير أم يترك المكان ويلوم أناس آخرون ويبقى الوضع كما هو عليهمتوسط أعمار من قاموا بالرد على الموضوع يتجاوز ال 19 عاما ( مرحلة جامعية )

يا جماعه اهدو ا شويه العمليه مش كده خالص
والله انا حاس انى كل ما أدخل فى موضوع الاقى فيه شكل هو فى ايه ؟؟
يا جماعه الموضوع فى الاول وفى الاخر فى سوء تفاهم
ياريت منمسكش لبعض ع الوحده كده
كلامى ده موجه لناس فى المنتدى هما عارفين نفسهم بدون ذكر أسماء

أسف لو كان ردى ملوش لزمه فى الموضوع
بس بجد حاجه تخنق مش كل ما ادخل موضوع الاقى شكله
المنتدى تحول الى مكان للشكل وليس مكان للاستفاده العامه
المفروض اننا داخلين نفيد بعض مش نتشاكل مع بعض
ياريت يا جماعه نهدى شويه

تحياتى
7amato

انا مش بشكرك على ردك الأولانى وملهاش دعوة بغيرتك ع الدين والكلام اللى انتى كاتباه

والله انا عارفة يا استاذ محترف انك مش بتشكرنى على غيرتى على الدين
بس ممكن تقول انى مكنتش عايزة اسيء الظن بيك زى مانت اسأت الظن بيا

بالنسبة للكلمة (الكارثة) اللى سببت كل المشكلة دى واللى محدش منكم فهمها غير ماندوز والمنصورة عروس النيل
دى كلمة بتتقال لما انسان يستغرب من تصرف انسان او رد فعله
وده اللى حصل لما لقيت الاستاذ محترف سايب لب الموضوع كله وماسك فى القشور
وكان الموضوع كله لا يعنيه منه الا صورة بيت الرسام ومشافش غيرها اصلا
وبعد كل الخطب اللى قلناها مفهمش بردو المغزى الحقيقي ايه
والله اعلم بقى ايه السبب
بس واضح ان فى فكرة فى دماغه مخلياه يشوف اى حد بينتقد الصور كانه يقصده او بينتقده هو شخصيا
ومش عايز يفهم اننا بنتكلم عموما يعنى مش عنه هو بس


وبصراحة انا مذهولة انكم عملتولى المحكمة الكبيرة دى كلها عشان اقتبست جزء من رد
وكتبت تحته لا حول ولا قوة الا بالله وكان الكلمة دى جريمة
والاغرب ان الاستاذ احمد لايت بعد كده بيقول انه عاي الكبير يفهم الصغير وينزل لمستواه
انا معاك بس ده مش هيحصل طول ما الصغير مش متقبل اى كلمة من اى حد
ومش عايز يسمع ولا يعرف غير اللى هو عايزه لدرجة انه لو حد قاله لا حول ولا قوة الا بالله بيعتبرها اهانة
كده متهيالى الفجوة واسعة اوى وصعب يحصل نقاش او التقاء فكرى من اى نوع
عشان كده انا قررت اوفر النقاش ده لحاجة مفيدة
على الاقل عشان محسش ان كلامى ضايع فى نقاش مفيش منه امل

جزاك الله خيرا يا ماندوز
شكرا لتوصيلك المعلومة

.:دموع الخشية:.

بالنسبة للكلمة (الكارثة) اللى سببت كل المشكلة دى واللى محدش منكم فهمها غير ماندوز والمنصورة عروس النيل

زى مثلا واحد ماشى ف جنازة شاف واحد جمبه بيضحك ( قال لا حول ولا قوة إلا بالله ) ....

والاغرب ان الاستاذ احمد لايت بعد كده بيقول انه عاي الكبير يفهم الصغير وينزل لمستواه انا معاك بس ده مش هيحصل طول ما الصغير مش متقبل اى كلمة من اى حد ومش عايز يسمع ولا يعرف غير اللى هو عايزه لدرجة انه لو حد قاله لا حول ولا قوة الا بالله بيعتبرها اهانة

لا تعليق ,,,,,,

الأخت الفاضلة مشرفة الإسلامى

وده اللى حصل لما لقيت الاستاذ محترف سايب لب الموضوع كله وماسك فى القشور
وكان الموضوع كله لا يعنيه منه الا صورة بيت الرسام ومشافش غيرها اصلا
وبعد كل الخطب اللى قلناها مفهمش بردو المغزى الحقيقي ايه
والله اعلم بقى ايه السبب

أقولك ايه السبب إسألى ماندوز وهو يقول ومن فضلك أدخلى على الرابط ده وانت تعرفىإضغطى هنا








وتبقى تردى بعد ماتدخلى

والله اعلم بقى ايه السبب
بس واضح ان فى فكرة فى دماغه مخلياه يشوف اى حد بينتقد الصور كانه يقصده او بينتقده هو شخصيا
ومش عايز يفهم اننا بنتكلم عموما يعنى مش عنه هو بس

وانت دخلتى على الرابط ده قبل كده تبقى تقوليلى وتعرفى كويس أوى الموضوع لأنك مش فاهمة كل الجوانب من كلامك

ومش عايز يسمع ولا يعرف غير اللى هو عايزه لدرجة انه لو حد قاله لا حول ولا قوة الا بالله بيعتبرها اهانة
كده متهيالى الفجوة واسعة اوى وصعب يحصل نقاش او التقاء فكرى من اى نوع

طريقة كلامك هية اللى بتبين كده ده كل الموضوع

لا اله الا الله

هو انا اغيب اغيب وارجع ال اقى مشاكل وخناقات ودم

المنتدى ده محدش بيمشيه على العجين ميلغبطهوش غيرى


اولا احب اقول

ان اختلاف الراى لا يفسد للود قضية


وعلى فكرة الموضوع خرج عن مساره خالص خالص

رايى فى العرب مش بيتغير ابدا سواء على مستوى السياسة او على مستوى الافراد العاديين

يسيبوا الاساس ويمسكوا فى الفروع

بصوا يا جماعة انا هرد على الموضوع وبردى ده هرجع ليه لاصل الموضوع وياريت بعد ردى يمشى الموضوع فى مساره وبلاش ترجعوا لخناقتكم

انا رايى فى الموضوع

قدرة ربنا كبيرة جدا جدا

قدرة ربنا مش بتظهر لمجرد ان فى سحابة مكتب عليها لفظ الجلاله

قدرة ربنا بتظهر فى كيفية تكوين السحاب وازاى هى ماشية كده من غير متقع وازاى بتتحول لمطر

قدرة ربنا مش بتظهر لمجرد ان ثمرة مكتوب عليها لفظ الجلاله قدرة ربنا ظاهرة فى ازاى البذره انتجت تلك الثمرة

انا معاكم ان فى حاجات فى الحقيقة بتظهر عليها لفظ الجلالة زى بالظبط السمكة اللى جت على برنامج القاهرة اليوم

وانا بنفسى جبت الفيديو بتاع السمكة ونقلته على المنتدى

يعنى مثلا ملقتش الموضوع ده على منتدى تانى وجبته

لالالالالالالالالالالالالالا

السمكة دى شفتها بعينى ف التليفزيون يعنى اتاكد


لكن بقه فى مواقع كتير بتزور صور وتنسبها للاسلام

زى اما ماندوز بيقول

والصور دى كتييييييييييييييييرة


يا جماعة النت ده عليه حاجات غلط كتير وافكار غلط كتير

وللاسف بيتم نقلها وانتشارها بسرعة من غير دقة

المطلوب من اى واحد لو حب ينقلنا صور من دى يتحرى الدقة فى الموضوع الاول

نصيحة منى كمان

متخدوش النت كوسيلة اساسية للتعرف على الاسلام والتعلم ومعرفة الاحكام

نصيحة بجد

خدوا من النت الحاجات اللى فيها دعوة للخير ومرتبطة بالاسلام

لكن متخدوش منه الفتاوى والفقه والحاجات دى

مش موثوق فيها
احاديث صحيحة بيتم تضعيفها واحاديث ضعيفة بيتم تصحيحها

لو خدوا خليكوا دقيقين جدا جدا وتتبعوا ا لمصادر

واعداء الاسلام شغالين على ودنه عشان يدمروا الامة

والاعداء دول فى الداخل والخارج

وياريت الموضوع يمشى فى مساره الصحيح

وتكون فكرتى وصلت