تفسير ابو دبانة .. فى شرح الخيانة

قال الفيلسوف ابو دبانة فى شرح موجز للخيانة
ان الخيانة فعل حقير , من شخص معدوم الضمير , ومنها تتأوى القلوب , وتزداد لفعلها الذنوب ,
وتتصف الخيانة بالرائحة الكريهة , فهى من الافعال السفيهة , فقد اثبتت الابحاث , ان الخائن يعد من اقذر الناس , ومن شدة سوء رائحته , تتحاشاه الناس بعد خيانته , ويعد انسان وضيع , والشيطان له كالرضيع .
ومن الملاحظ فى الفترة الاخيرة , تفشى الخيانة فى اماكن كثيرة , واصبح لها منظمات , تعمل بمبدأ خد وهات ,
ولست ادرى ماذا اقول , فى عالم اصبح الكل فيه مشغول ,
ليس مشغولا بالاختراعات والاكتشافات , انما يتفنن فى عمل الموبقات , ونسى كل لاهى ان ابوه السقا مات ...!!!
وهذا شرح مبسط , لشخص لم يعد مظقطط , فادعولى بالهداية , وادعوله كمان معايا ...
وفى النهاية اقول سلام .. ويا ريتكوا ماقريتوا هذا الكلام
اصله شوية كلام عادى .. كاتبهم واحد فاضى

---

jtsdv hf, ]fhkm >> tn avp hgodhkm

كلامك تمااااااااام اوي يامحمد

ربنا يحفظنا من الخيانه والخونه

تسلم اديك وافتكرنا دايما بابداعاتك الجميله دي

ياااااه

اخيرا حد رد عليه

لا ومين دي ايناس بنفسها

ربنا يحفظك يا بنتي

ده انا كنت خلاص قربت اخد الموضوع واقف بيه علي باب السيده ممكن ربنا يسهل

متستعجلش على رزقك اللي مكتوبلك هاتخده دانت حتى كاتب ان الأرزاق من عند الله
وعلى العموم الموضوع حلو جدا بس ممكن افهم ليه كتبت انه شوية كلام عادي كاتبه واحد فاضي ده حتى ابو دبانة اللي انت بتقول عليه ده وصف الخيانة وصف حلو مش وحش

شكرا مصاري لردك واهتمامك

انا رحت سالت الواد ابو دبانه

انت ما شدتش شويه في وصفك ليه


قالي ياعم الناس دلوقتي ودن من طين والتانيه من عجين

اقول لمين واشكي لمين انا قلت اديكم نبذه قصيره عن صفه حقيره لعل وعسي الناس تتعظ



قلتيله زي ما انا حاسس بيك اكيد في ناس هاتسمع ليك

قالي ياسيدي اهو شوية كلام عادي ... كاتبهم واحد فاضي

شكرا علي موضوعك محمد وربنا يحمينا من الخيانه واصحابها

المشاركة الأصلية كتبت بواسطة اسراء

شكرا علي موضوعك محمد وربنا يحمينا من الخيانه واصحابها

.

ربنا يخليكي يا اسراء علي كلامك الجميل
وربنا يحمي الجميع من الخيانه
شكرا لمتابعتك