إخلع و أمشي .. يا عم كفايه

**عاشق الايمان** · 2010-02-24, 11:57 PM

أمشي , إخلع , كفايه

إخلع و أمشي .. يا عم كفايه

كلمات : أسامه علي

إيه يا أخينا حكايتك قوللي

على طول كده لازق ف قفايا

من مدة كبيره وأنا شايفك

وإنته يا سيدي ورايا ورايا

شايف نفسك عيش بقا سنك

بص يا عم وشوف في مرايه

إبعد عني الله لا يسيئك

أصل الناس عملوها حكايه

ليه ماشي على طول ورا مني

قصدك ليه تعمللي وشايه

كل شويه إيديك ف جيوبي

ولو أنطق تعملها جنايه

ضاعت كل فلوسي و صابر

ولا عاد فيه مليم ويايا

روح بقا يللا وسيبني ف حالي

ناقص بس هدومي معايا
بدك بردو تقلعهالي

نمشي م بين الخلق عرايا

ومكفكشي معايا مؤبد

واللزقادي مالها نهايه

أهرب قبل م حد يجيلك

يللا بسرعة إعتقني يا اخويا

وبقولهالك كده بالذوق

إخلع وأمشي ...يا عم كفايه

Yogu , Hlad >> dh ul ;thdi

**silver_shadow** · 2010-02-25, 12:18 AM

يارب اكون فهمت المقصود
ومين هو اللي لازق في قفاناكلنا
بس اح اطمنك ده لاحيخلع ولا حيمشي غير لما القيامه تقوم
تسلم فارس
تقبل المرور....

**حبيبـة ابـوها** · 2010-02-25, 01:15 AM

دى ايه الرخامه دى لازق لزقه طين كدا ليه
بيفكرنى بدبان الشتا

حزورة دى ولا ايه
يمكن المقصود منه الشيطان وانه بيجرنا لورا
ولا جايز مخدرات ما هى بتخلص الفلوس بردو
وجايز عملنا بردو الله اعلم بئه
انت ادرى بئه يافارس ولا اسامه على ادرى
مشكوووووووووووووور

**محمد الجزار** · 2010-02-25, 11:45 AM

ربنا يكفينا شر الناس دول
شكرا لك فارس
وجزاك الله خير