|
عندما تتحول الكارثه الى مصيبه والعياذ بالله ( الجزء الثانى)
رابط الجزء الاول قرانا سويه 6 قصص عن 6 اشخاص يختلفوا عن بعضهم فى كل شئ ولكنهم انتهوا الى نفس الشئ انها جلسه جمعتهم بطريقه ما جلسه كان العنصر المهم بها هوا بدايه النهايه لحياه كل منهم ولما لا فطريق المخدرات لا توجد له الا نهايه واحده اذا استمر الشخص فى المضى قدما بداخله جلسوا يشربون فى المخدر الذى وجوده ملازا للهروب من همومهم ومتاعبهم جلس كل منهم مع شلته تحت سقف مكان واحد تسمعوا الضحكات هنا وهناك تظن للوهله الاولى ان هؤلاء الناس يعيشون فى سعاده ما بعدها سعاده وان الدنيا وردى اوى امامهم ولكنك اذا استمريت فى النظر ستجد انه بعد فتره تجد على وجوه الجميع شبح نظره حزينه تخفى ورائها براكين من الياس والحزن على واقعها الذى رفضوا ان يواجهوه ويتعاملوا معه وفضلوا الهروب واسهل الطرق جلسوا جميعا تحت سقف مكان واحد وان كان كل منهم فى شله منفصله عن الاخر اشتركوا جميعا فى النهايه رغم اختلافهم جميعا فى البدايه حتى زمايل العمل لا يعرفون بعضهم تحت سقف هذا المكان تبخرت العقول وتناثرت الابخره المحمله بالمخدر فى كل مكان لو نظرت اليهم لاشمئززت من مناظرهم هل خلقنا ربنا لنفعل ذلك هل مع كل مشكله فى الحياه اقف مستسلما لها فلنرى اخوانى الى ما انته اليه هؤلاء السته نبدا بمن كان تعيسا فى عمله خياته ماساه من وجهه نظره مقارنه باصدقائه الذين اغتنوا وتفوقوا فى اعمالهم بعد ان وقع فى مخالب هذا الاخطبوط لمسمى بالمخدر بدات ازماته تكثر فى العمل تكررت غياباته فى تلك الفتره عن عمله مشكاله تضاعفت مع مديره وابويه الموضوع وصل لحد التهديد بالرفد من العمل فى حاله استمراره فيما يفعله تعمل ايه دلوقتى وكل حاجه مقفوله فى وشك تنتحر احسن بقه وتريح وتستريح دلوقتى فرحان بنفسك بقه!!! .......................................... وهذا العاطل وشلته وقع فى فخ الادمان ويا بؤس امه وحالها بعدما انكسر العود التى كانت تتكئ عليه ما مصير اخوتك ماذا سينهى بك المقام هل بسقوطك المتعمد فى بئر هذا الوحش المفترس قد حللت مشاكلك تمر الايام عليه من اين ياتى بالفلوس المطلوبه لاراحه المزاج حتى المعاش ضيعته فى اول يومين ومش عارف امك واخوتك هيعملوا ايه لاخر الشهر من الهباب اللى بتشربه هسيبهم يموتوا من الجوع اسرق يعنى الظاهر انه مفيش غير السكه دى ياترى فرحان بنفسك بقه!!!!! ............................................ اما انته يا ابن الناس الطيبين وشلتك المطرقعه الى انته جى معاهم فرحانين بنفسكم اوى كده ليه فاكرين انكم بعمايلكم دى بتحققوا السعاده المطلوبه طب تعالى نشوف بعد فتره حصلكم ايه كل واحد فيكم بان عله التغير حتى اهله اللى بيشوفوه كل فين وفين لاحظوا كده ولان اهلك مخهم استثمارى فكروا ولقوا الحل هيقطعوا عنك المصروف يا بيه ياترى هتعمل ايه بقه مفيش مصروف يعنى مفيش خروج يعنى مفيش مزاج يتظبط يعنى ايه هيموتوك بالقهره دول مش بيحبونى دول بيكرهونى طول عمرهم بيكرهونى انا لازم ارد عليهم يا سلام هترد عليهم هتعمل ايه يعنى يا بن الناس الطيبين ياترى فرحان بنفسك بقه!!!!! .................................................. .. يتبع |
ماشاء الله عرض رائع لمشكلة كبيرة اوى وده فعلا اللى اتعودنا عليه من حضرتك مستنيين التكملة وان شاء الله يكون العرض الجميل ده طريقة جديدة تؤثر فينا كلنا وتبعدنا عن هذه الافة المدمرة بجد جزاك الله كل خير عننا كلنا |
très bon traitement en attente du comolement |
فى البدايه اعتذر عن الغياب فتره عن المنتدى وبالتالى عن متابعه قصتنا مع ال 6 اشخاص الذى حاولت ان يكونوا معبرين عن مختلفات الطبقات المعرضه لخطر الادمان والان دعونا نكمل قصتنا ............................... وانت يا من ترفض قضاء الله وقدره لم ترضى بما قسمه الله لك وتظن انه لا يعلم اين الخير لك هل تدعى انك تعلم مستقبلك ام تعلم القدر وما به من خيره وشره قسم لك الله ان تعيش فى دنيانا الحمد مطلوب فى كل الاوقات يا اخى ومع كل الظروف لاننا لو سلمنا مقاديرنا لسبحانه وتعالى لما حزنا ابد الدهر لانه يعلم اين الخير لنا فى دنيانا وعاقبه امرنا ولكن ماذا فعلت انت لجأت الى الوهم لجات الى طريق الشيطان الطريق الذى يقف فيه ابليس فارد زراعيه لمن يسلك هذا الطريق تدخله وانته تعلم انك تلقى بنفسك الى التهلكه تذهب يوميا الى معقل من معاقل الشيطان وترتفع فيها الضحكات الشيطانيه فى كل مكان فيه وتتراقص الشياطين من حولك انته وزملائك الذين سقطوا فى هذا الفخ معك والان فلننظر لحالك وماذا تغير فيه وهل اشتريت الراحه ام العذاب المشاكل فى العمل بدأت فى الظهور خصوصا مع المدير الاهمال فى العمل اصبح شئ طبيعى اما المرتب فححدث بلا حرج لم يكفى مرتبك فاصبحت تستولى على مرتب زوجتك لتصرفهم على المزاج وبعد انتهاء السهره تعودالى المنزل لتجد زوجتك الملكوبه على امرها فى انتظارك لا يوجد فلوس تتصرف فى البيت على الرغم من قله مصارفكم ولكن لا يوجد فلوس تبدأ فى الاستلاف من زمايلك فى الشغل تزايدت الديون وتركامت دينا بعد دينا اين كانت ايام العز من قبل انظر لحالك الان المنظر الذى كان زملائلى يحسدونى عليه اصبح منظر يشمئز منه الناس فى الشارع فهذا الموظف الذى كان يذهب الى عمله فى قمه اناقته ويفوح من ملبسه الرائحه الحميده اصبح يذهب بمنظر لا يليق الا لشحاذ يسير فى الشارع حيث يظهر الاهمال فى ملبسه والرائحه الكريهه سواء من فمه او ملبسه ياترى فرحان بنفسك بقه!!!!! .................................................. ...... وانت يا صاحب كوم العيال اتقى الله فى خلفك الن تحاسب عليهم يوم القيامه الا تدرى ان الله سيسالك عن اهلك وانت بما ستجيب معلش يارب كنت مشغول بجلسات الانس ومش فاكرهم انظر الى حالك ماذا اصبح بعد سقوطك فى هذا النفق المظلم تدحضر حالك فى العمل واصبحت مهدد بالرفد اما اولادك فمنهم من تفكر فى اخراجه من التعليم والحاقه باى عمل حرفى لياتى بدخل الى البيت ولما لا ومصدر الرزق اصبح مصدر للصرف فكل دخلك يصرف على الكيف ولا تكتفى بذلك وانما تبحث ايضا عن المزيد لم تهتم باهل بيتك لم تعد تكترث باولادك وبناتك لا تسالهم رايحين فين وجايين منين انقطعت صله الابوه بينك وبينهم تذهب صباحا الى العمل مترنحا وتعود لتنام حتى تستطيع ان تسهر فى النفق المظلم لتنسى هموم حياتك وانته توهم بنفسك انك تناساها وانته فى الحقيقه تعقدها الم تسال نفسك ماذا ينتظر اهل بيتك فى المستقبل وهم يعيشون واقع مظلم رميتهم بدون تفكير فيه اعمتك انانيتك عن وجاباتك تجاه زوجتك واولادك وبناتك عميت عن الحق واصبح انانى تفكر فقط فى اشباع الوحش المدمر الذى يدعى الادمان اصبح تضحى بالغالى والرخيص من اجله ويالته يفيدك فهو يقتلك ببطئ ويتلذذ بك الان ياترى فرحان بنفسك بقه!!!!! |
وانته انت يا من تجلس لترى الموضوع الان وتحس انى بتكلم عنك افرح بما انته عليه فرحان باللى انته فيه موقفك من الحياه الدنيا او حتى موقفك من ربنا يوم القيامه متطمن اوى يعنى شفت لما المصيبه ازاى بقت كارثه افتكر كده هوا كل ده ايه السبب فيه ايه اللى حصل وخلانى ابقى كده طب انته شايف حالك دلوقتى بقى ايه بصيت لنفسك فى المرايه خايف تبص ولا مش عارف تبص لان عنيك خلال بقيت نايمه وتايهه طول الوقت فينك فى الكليه يا سياده المعيد مبروك بقيت معيد ومش انته بس لا دا زميلك كمان اللى كان معاك فى المدرسه بقى معيد ولكن شتان الفارق هوا بقه معيد لان نجح وتفوق واصبح من اؤائل الدفعه وبيدرس دلوقتى وبيحضر الماستر بتاعته واشتغل فى مكان ممتاز وانته اتفرج بقه على تفسك معيد للسنه الثالثه بعد ما ربنا كرم وعديت من تانيه بعد 3 سنيتن اديك مبلط فى 3 بقالك 4 سنين وماشى فى الخامسه اهو ايه رايك شكلك حلو لما تخش السكشن وزميلك يدرسلك اكيد بتبقى فرحان لما بتشوفه قدامك بس احقاقا للحق بقت ليك شعبيه كبيره فى الكليه كل الدفعات عارفاك الاكثريه ينفرون منك والقليل يسعون لمصادقتك اتدرى من هم القليل انهم من هم على شاكللتك ياااااااااااااااااه اد كده بقيت وحش اد كده بقيت سئ خلاص كل احلامى وطموحاتى اتدمرت اما بخصوص البيت فحدث ولا حرج السيد الوالد خص هيطلع على المعاش كمان سنه والبيت مش هيبقى فيه مصدر رزق وشوف بقه مين هيصرف عليك فى امور العربده بتاعتك حتى اصحاب الانس اللى اتخرج واللى ساب الجامعه خالص مفيش الا واحد هوا اللى كمل زيك (عمك خالد ) وانتوا الاتنين فرحانيين اوى ببعض وعاملين نفسكم شله فساد منتشر مش حاسس بالقرف من نفسك لما بتخش تنام كل نوم الساعه 4 الفجر بتكون مبسوط وفرحان الكيف اللى بتشربه ده تفتكر انه حللك اى حاجه من الحاجات اللى لجات ليه علشان يحلهالك كام سنه عدت من عمرك كام سنه مرت عليك فى الضياع اللى انته عايش فيه ده زمايلك كلهم اشتغلوا الامر اللى يدعو للسخريه ان زميلك اللى فى كليتك اشتغل فى مكان احسن من زمايلك اللى دخلوا الكليه اللى انته كنت عايز تخشها طب ازاى اهلك بقه اللى رموا طبوتك خلاص ابوك قال لوالدتك انه استعوض ربنا فيك وحسبك ميت والدتك بتسيبلك الاكل فى قوضتك علشان لما ترجع من جلسه الشيطان اللى بتروحها تلاقى حاجه تاكلها وكل اول شهر بتديك اللى تقدر عليه وعليك يا بيه انك تعيش بيهم مع التنطيط على احد من الشله الفاسده علشان يفيس كل فتره يااااااااااااااااااااه كل دى مصايب فى حياتك غطى نفسك احسن ونام ينتظرك نهار جديد لا تعلم ماذا سيحمل لك ياترى فرحان بنفسك بقه!!!!! |
الان انتهينا من ذكر الجزء الثانى من قصتنا مع ال 6 اشخاص الذى حاولت ان اجعلهم يغطوا كافه جوانب مجتمعنا واجهنا مشاكلهم التى قد تواجه بعضهم راينا كيف استسلموا لها كيف وقعوا فى فخ الادمان ولكن هل هذه هيا نهايه قصتنا هل تحبون النهايات الجزينه ام السيئه كل واحد فينا لو كان مكان الناس دى كان هيعمل ايه كنتوا هتتصرفوا ازاى وبعد ما وقعتوا فى الادمان وحياتهم تقريبا اتدمرت ياترى تصرفكم هيكون ايه ياترى هتفضلوا كده ولا هتحاولوا تغيروا من نفسكم دعوه مفتوحه للجميع لاختيار نموزج معين من النماذج الموجوده ويطرح رؤيته الخاصه بما يجب عليه فعله ومن ثم سيتم وضع الجزء الاخير لقصصنا لنتعلم جميعا انه لا توجد مستحيلات وان الله عفو غفار سانتظر مشاركتكم هنا او فى الجزء الاول على ان ينزل الجزء الاخير فى الفتره القادمه باذن الله |
ربنا يكرمك
بارك الله فيك يا بشمهندس وجزاك الله كل الخير علي مجهودك الكبير
في هذا الموضوع والي فعلا اصبح مصيبة تحوم حولنا جميعا معلش الرد جه متاخر عشان فترة الامتحانات بقي ومكنتش متابعة الموضوع انا من رأي ان كل هؤلاء الأشخاص تغيب عندهم العقل والوعي لانهم لو فكروا لمجرد لحظة صغيرة او تأملوا في حالهم وكيف اصبحوا وماذا سيحدث لهم لانفضوا من هذا الطريق المدمر . والمشكلة ان معظم هؤلاء الاشخاص لا يجدوا من يدعمهم علي التوقف عن هذه المعصية وان معظمنا بردو بينظرلهم انهم شيء غير مرغوب فيه ومنفور منه وده بيخليهم يذهبوا لاصدقاء السوء اللي بيجدوا معاهم الانس والمرح والي محدش فيهم بيقول للتاني انت بتعمل ايه ولا غلط ولا حرام والاستاذ عمرو خالد وضح النقطة دي بشرح وافي في حملته الي علمها للادمان . واحب اختم بالاية الكرية يقول الله تعالى في كتابه المجيد: {يا أيها الذين آمنوا اتقوا الله ولتنظر نفس ما قدّمت لغد واتقوا الله إن الله خبير بما تعملون ولا تكونوا كالذين نسوا الله فأنساهم أنفسهم أولئك هم الفاسقون لا يستوي أصحاب النار وأصحاب الجنة أصحاب الجنة هم الفائزون}. ولي عودة مرة اخري ان شاء الله |
اقتباس:
اوجزتى هدف الموضوع كله بتلك الايه الكريمه لعلها تصل الى من كتبت من اجلهم اقتباس:
فى انتظار العوده بين صفحات الجزء الثانى حتى تختارى احد الامثله وتعقبى على حالها والتصرف الامثل لها |
| الساعة الآن 09:57 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى