شبـــكة تـيـفـا نت - الجنيه بخمسة دولار .... ونص

منذ فترة ظهرت مشكلة كبيرة في العملة الصعبة خصوصا بعد انهيار الجنيه امام الدولار بالضربة القاضية ,فاجتمعت هيئة الحشاشين الحكومية لمناقشة القضية

- ايه اللي حصل للجنيه ده .. دي عمرها ما حصلت

- فعلا الجنيه دلوقتي بقي يساوي خمسة وتلاتين قرش بالكتير

- يا جماعة الجنيه محسود ومعمول له عمل علي رجل نملة شيللاه يا اسيادنا

- طب والحل يا جماعة

- لازم نبخر وزارة الماليهDownload23675

قام عضو متشدد دينيا وقال:
- يا جماعة دي ناس مؤمنة , كاتبين علي ضهر الدولار " بالله نؤمن " أما احنا حاطين صور أصنام والعياذ بالله , البلد دي مش هاتشوف خير أبدا

- يا عم ابو لهب انت اهدا , دي مش أصنام وبعدين ماحنا حاطين من قدام علي كل العملات صور جوامع ومآذن وكلها تقوي وايمان.. شفت الجامع اللي علي العشرة جنية , حاجة تفرح والله

- لازم اولا نعمل كونصلتو للجنيه , الجنيه كش وصغر وبقي شبه النص جنيه والدولار كبير وورقته أكبر من كف الأيد

- يبقي نكبر حجم الجنيه عشان يبقي قد الدولار بالضبط , وساعتها يبقي ماحدش أحسن من حد

- كمان الجنيه لونه أصفر وهزيل زي ما يكون عنده السل Download40626, أما الدولار لونه أخضر مزهزه والخير باين عليه

- خلاص , يبقي نغير لون الجنيه ونخليه أخضر عشان الخير يعم وعندنا المطابع والحبر والورق , مافيش مشكلة.

قام رئيس الحشاشين وقالDownload28063:
- حيث كده بقي ماتيجي نختصر و نطبع دولارات بدل الجنيهات , واهي أكسب .

- فكرة ممتازة يا فندم , ساعتها الدولار يكتر وما يلاقيش حد يشتريه وسعره ينزل الأرض .

- والجنيه يغلا ويبقي بخمسة دولار ونص

- وتيجي تصرف جنيهات من البنك الموظف مايرضاش , ويقول لك الجنيه دا عملة صعبة .. ممكن تصرف بالدولار .

- طيب والتضخم ؟؟

- التضخم دا هايبقي هناك في أمريكا ( ربنا يهدها ) تفضل تتضخم تتضخم لحد ما تفرقع ان شاء اللهDownload30979

- وممكن ساعتها نعمل صفقة مع بوش علي طريقة الأفلام العربي

- إزاي

- هو ييجي بشنطة البضاعة وواحد مننا يروح بشنطة الدولارات اياها , وفي محطة مترو محمد نجيب جنب شباك التذاكر
يتم تبادل الشنط ويروح علي بلده بالدولارات المضروبة .

- ونقوم فاقعينه مهموز و نبلغ عنه يقوم يتقفش في المطار ويتحبس ونخلص بقي منه ومن أذاه .

- والله فكرة

وتم الاتفاق علي أن تطبع الحكومة شوية دولارات تفك بيهم زنقتها وبعد أن طبعت كمية تجريبية جئنا بخبير عالمي في التزييف والتزوير ليبدي ملاحظاته علي الدولار المصري

" إن ما تحقق علي أرض مصر هو إنجاز غير مسبوق تاريخيا , والدولار المصنوع محليا متقن للغاية وممكن يغش أي هاوDownload64456 ولكن هناك عدة ملاحظات بسيطة يجب مراعاتها في الطبعة الثانية وذلك للوصول بالانتاج المصري من الدولار إلي الكمال

- أولاً : لا يوجد عملة قيمتها تسعة دولار .
- ثانياً : الدولار الأمريكي لا يحمل صورة روبي بالزي الفرعوني .Download23537

- ثالثاً : لا يوجد دولار مكتوب عليه " البنك المركزي المصري " .
Download23790

غير هذا لايوجد فرق بين الدولار الأمريكي والدولار المصري وربنا يوفق بلدنا للخير دائما .

وبالفعل أخذت الحكومة برأي الخبير ويتم الآن تلافي الأخطاء الصغيرة السابق ذكرها , وحين يتم طبع الدولارات الجديدة ( وهذا بيني وبينكم ) يمكننا الإبلاغ عن الحكومة بتهمة إصدار عملات مزيفة , وبكده نرتاح من الحكومة لمدة عشرين سنة بالميتDownload58043 .

قولوا آمييييين