فنجان وطن

[سندريلا]

الرابط لايظهر فى الأرشيف






مــا بين كلمه جاهينيه
و بين غنــوة منيريــة
باحب ارتـاح ف كراستي
و احب أسكن ف أغنيـة

مــا بين إحساس بيخنقني
و بين فرحــة بتسرقني
افك زرار قميصي و اطير
اقع ف الحزن بالنية

مـــا بين كلمة تبكيني
و بين نكته تضحكني
أنام ويا القمر أصحى
أدور ع الضيا فيا

مـــا بين حلم ف سما شارد
و بين نجم السما البارد
اخاف م الحب و استنى
يقع قلبي... ف رجليا

مابين جنة ف خيال خالي
و بين خلوة زمن جالي
كلام شارد على عودي
و انا عندي الغنا غيه

ما بين ذكرى من الماضي
و بين قلبي اللي فاض فاضي
أفضي العمر من جيبي
و اموت فيكي بلا ديه

مــا بين فنجان وطن ساده
و بين فنجان وطن مظبوط
بحب الشــاي على سطوحي
تدوب جــواه معــانيا

و انا بيني و بين نفسي
تبان بين البينين شمسي
اشوفني فيكي وانساني
مـــا بين اللحظه و التانيه
:icon26::icon26::icon26::icon26:
بحبك يامصر
sendrela

[ملكة الرحمه]

كلمات رائعه
تسلمى ياسندريلا

[عيون الحب]

الله عليكي ياسندريلا
كلمات رائعة
تسلم ايدك
وتقبلي المرور؛

[سندريلا]

شكرا علي مروركم ياجماعه
وانتظروا مفاجآت سندريلا

[سندريلا]

موضوعي ماعجبكوش ولا ايه ياتيفاويه
؟؟؟؟

[محمد الجزار]

ما بين ذكرى من الماضي
و بين قلبي اللي فاض فاضي
أفضي العمر من جيبي
وأموت فيكي بلا دية

تسلم أديكي سندريلا علي الشعر الرائع

[سندريلا]

شكرا يامحمد علي مرورك

[ابن مصر]

فنجان وطن ساده

ممكن واحد سكر زيادة :)