عاوزة رايكم فى مشكلة

[قمر الليالى]

هحكيلكو حكاية لواحدة اعرفها وعاوزاكم تقولولى رايكم


هيا كانت بتحب واحد حب رهيب مش قادرة اوصفلكم لدرجة لو طلب منها اى حاجة كانت بتعملهالو وكانت ليها واحدة صحبتها زى اختها تمام

فجاة معاملتة اتغيرت معاها وكان بيقولها نسيب بعض وكدة بس هيا استمرت تكلمة من كتر حبها فية وهو بردة كان بيحبها قوى

وفى يوم عرفت ان صحبتها وهو على علاقة ببعض بقالهم سنة بس عرف بعد كدة انها كانت بتكلمة حبة وسبتة اصل هيا كانت دايما تحب تاخد اى حاجة مع اى واحدة من صاحبتها

وطبعا صاحبتى اتعقدت معدتش بتحب تصاحب اى حد

بس هو صالحها ورجعلها تانى

مراية الحب عمية بقة

وفى يوم اتحقق حلمهم واتجوزو وكانو بجد اسعد زوجين فى الدنيا وخلفو ولد وكان فى ثقة بينهم رهيبة

كانت هيا بتشتغل وبحكم شغلها كان فى اختلاط مع زميلها الرجالى عادى وهو مكنش ممانع الحكاية دة وكان بالنسبالة عادى ان يكون فى صداقة بين واحد وواحدة وكانت بردة بتكلم قرايبة عادى وبيتصلو بيها بنين وبنات وهى كانت طبعا بتحكيلو على اى حاجة حصلت ليها

وفى يوم جة اخوة وقالى انها على علاقة باحد اقاربة وانة هيجبلة دليل على كلامة ولما سالة بعد كدة على الدليل قالة انة معرفش يجيبة وقالة يخلى مراتة معدتش تكلم الشخص دة

بس كدة طبعا دخل الشك فى قلبة فهو قالها معدتش تكلم الشخص دة وقعدها من شغلها وعمل عليها حصار

بس هيا للاسف عندت وفضلت تكلمة لانها كانت شايفة ان المفروض لو كان جوزها عاوز حاجة زى دة كان طلبها من نفسة ميستناش اخوة يقولة

وهى كمان مصحبتش حد من خوفها انها ممكن تصاحب تانى فبردة تكلم جوزها

بس صاحبت مرات اخوها وخلتها زى اختها واكتر كمان لانها كانت طبعا متاكدة ان عمر الاتنين مهيكلمو بعض وكان سرها كلة معاها

وفى يوم سافرت السعودية

ولما رجعت حست بتغيير من ناحيتة وهى مكنتش تعرف السبب

وفى يوم عرف انها لسة بتكلم قريبة فكانت طبعا نصيبة هى حاولت تفهمة وجهة نظرها بس هو مكنش راضى يفهم وعلى فكرة هيا كانت حامل للمرة التانية

حاولت تفهمة هيا اد اية بتحبة بس مكنش بردة راضى يفهم ومنعها من الخروج ومن التليفونات ومن كل حاجة وكان عاوز يطلقها بس هيا طبعا مكنتش عاوزة كدة

المهم اقتنع انهم يفضلو مع بعض بس كان دايما بيقولها انة هيطلقها بعد الولادة وكمان لان والدها كان تعبان قوى كان عندة سرطان والظروف مكنتش سامحة

وكمان كان بيتكلم مع بنات وقدام عنيها فى التليوفون يعنى بجد منها العذاب

فضلة قاعدين مع بعض 3 شهور هيا بتحاول طبعا تثبتلة انها بتحبة ومخلصالة

وفى يوم قاعدين الموبيل رن فشافة وهو مخبية بس هيا بردة لمحت الاسم ولقت انها مرات اخوها ولما سالتة مين قالها دة واحد صاحبة

هى كانت محتارة لية كدة عليها هيا فضلت مصرة انها تعرف مين فقام مطلقها

طبعا كانت مصيبة بالنسبة ليها وحاولت ترجعة تانى مفيش فايدة

قاعدو كدة فترة فى حدود شهر وبعدين رجعو لبعض تانى

وتانى يوم كان عاوزها تكتب وصل امانة على نفسها ولما رفضت قام مطلقها تانى

طبعا والدها جة وتدخل وبجد كان تعبان جدا جدا وقالة ان الى عملة غلط ومينفعش

ورجعو لبعض تانى بس مش هو بس الى كان بيشك فيها لا هيا كمان كانت بتشك فية

وللاسف بقة بدات مرحلة العذاب

هيا كانت والدها مدلعها بطريقة رهيبة

جوزها بقة بدا فى الزعيق عمال على بطال والضرب والاهانة والتجريح

وكانت مستحملة كل دة اولا علشان بتحبة ثانيا علشان اولادها ثالثا علشان هيا كانت مقتنعة فعلا انها غلطت وكانت عاوزة تصلح الغلط دة

وولدت وبردة هو مستمر على معاملتة ليها وفى يوم والدها مات من سنة تقريبا وكان هو اغلى حاجة فى حايتها للاسف بدل ميخدها فى حضنة ويواسيها كان سيبها لوحدها تايهة وبعد موت والدها باسبوع سافر يتفسح ويصيف من غير ميراعى مشاعرها وهيا كانت كمان تعبانة جدا يعنى قبل لما يسافر بساعتين كان عندها الدكتور

وفضلو على الحال دة كتير وطبعا دة كان عذاب بالنسبالها ومكنتش بتخلية محتاج اى حاجة

وفى لقت ابنها جاى بيقولها بابا رجلية اتكسرت انزلى كلمية من عند تيتة الكلام دة من 4 شهور جرت طبعا تشوفة مالة

هيا كانت بتكلمة فى التليفون فقللها انة كان عند مرات اخوها فى البيت واخوها جة فنط من البلكونة واتكسر

طبعا دة كانت صدمة عمرها

واهلها طبعا كانو مصممين على الطلاق بس هيا مردتش بس المرة دة مكنش علشان بتحبة المرة دة كان علشان عيلها

وطبعا هو فضل يصالحها فخلاص صلحتة وفضلت شايلاة شهرين كملين فى كسرة بتعملة اى حاجة عاوزها

وعرفت انها هى كانت سبب كا النصايب الى كانت فيها وعرفت كمان انها كانت بتقولة حاجات غلط عليها علشان تكرههة فيها يعنى مثلا انها على علاقة برجالة وكلام من دة وللاسف هو كان بيسمعلها

بس لحد لما عرف مين الى كان صح ومين الى غلط مين الظالم ومين المظلوم

بس طبعا جواها مزال نار

ممكن تعرفونى رايكم فى الحكاية دة

يا ترى تسامحة ولا لا؟

تستمر معاة ولا لا؟

عاوزة اعرف رايكم فى القصة كلها

[عليااااااا]

هى مشكلة فعلا
وخاصة انها معاها اطفال
بس هى غلطت انها سامحته من أول مرة ساعة ما خانها مع أقرب واحدة ليها صاحبتها اللى بيحب حدما مش بيخون ولا بيجرح
هى تنازلت وبعدين غلطت وتنازلت واستمر المسلسل ده
ودلوقتى صعب جدا تاخد قرار لان فى اطفال ما بينهم
هى اتاخرت كتير الوقفة دى كان لازم تقفها مع نفسها من زمان والقرار ده خلاص فات وقته
مش عارفة اقولك ايه بس بجد وبقلب صادق ربنا يصلح ذات بينهم
تقبلى مرورى وربنا يكون فى عونك

[قمر الليالى]

ميرسى يا عليا على ردك

ربنا يصلح ذات بينهم


امين يارب العالمين

[محمد عاشور]

بسم الله الرحمن الرحيم
إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ [هود : 88]
بدايــــــــــــــــــة
وبعد قراءة المشكلة
عاوز أقول حاجة مهمة
أ- مين الغلطان الأكبر
للأسف الزوجة
لأن الخطأ الكبير إنها رضت تتجوز منه بعد المرة الأولى
مهما كان درجة الحب
معلش لأن ده طبع والطبع عمره ما يغلب التطبع
ب- طيب اللى حصل حصل والمشكلة وقعت
لازم البنت دى تعرف
إن الخسارة القريبة أحسن من المكسب البعيد
ولازم تقعد مع نفسها وتركز لأن أقرب واحدة لمسرح المشكلة
وتفكر إن عمرها لما يكبر هتضيع أكتر
لكن وهى لسه صغيرة ممكن تتجوز تانى
وتعيش حياتها ومعلش برضه هتراعى عيالها
مبقولش علشان العيال أرضى بالذل
ولا البنت ديما تبقى مغلوب على أمرها
أنا بتكلم وحاسس إن اللى بيحصل ده مع أختى ( سامحونى )
بس لازم تعرف إن هى كمان غلطت غلطة كبيرة
والمفروض لما جوزها يطلب طلب منها بعدم التحدث مع فلان
فدى مفيش فيها نقاش
ولكن
الاتنين أخطأوا
وعلى الزوجة الجلوس مع نفسها وأن تؤدى صلاة استخارة
وتشوف اللى ترتاح فيه
أما عن نفسى فدى لو أختى حفاظا على كرامتها
لن أبقيها يوم واحدا على ذمة مثل هذا الرجل الذى لايقدر قول الله تعالى :
وَأَخَذْنَ مِنكُم مِّيثَاقاً غَلِيظاً [النساء : 21]

[قمر الليالى]

شكرا جدا يا محمد على ردك

وكلامك فعلا جميل جدا

أنا بتكلم وحاسس إن اللى بيحصل ده مع أختى

ودة طبعا الى انا عاوزاة ان كل واحد يبص للموضوع على انها اختة لو كانت بنت تحت نفسها فى نفس الموقف علشان تعرفو تردو على الموضوع

[عاشق الايمان]

السلام عليكم اناا جيت

معلشي اتاخرتم عليكم شويه بقالي يومبن كنت بدور الموضوع في دماغي مكنتش قادر اوصل لحل سواء كده اوكده

بس

انا من رايي يعني لو اختي يبقي بيت والدهاا طبعاا اولي بهاااا

ومتحاولش تنزل من كرامتها اكتر من كده حتي لو كان السبب ولادهااا صدقيني هيسوء فيهاا اكتر .

البني ادم لما يلاقي الحاجه بتيجي بسهوله من السهل قووووي انه يبيعهااا بسهوله
ولكن لو حصل العكس صدقوني هيتمسك بيهاا لاخر يوم في عمره

فيابنت الحلال كرامتك ثم كرامتك ثم كرامتك وصدقيني هو لو مقدرك وعارف قيمتك وهو حس بغلطته وعرف قيمه ولاده عنده, هيجيلك زحف راكع كمان علشان تسامحيه, وانتي مش من الساهل ترضي لازم تحسيسه بقيمتك الاول فوق اي اعتبار.

خليكي انتي الشئ الصعب الا يقدر يوصله علشان يقدر يتمسك بيكي تاني وميستغناشي عنك

وياارب يااارب ياقمر الليالي اكون يعني ولو حاجه بسيطه قدرت اساعدها (علي قدنا يعني)

[قمر الليالى]

شكرا ليك على مشاركتك

وعلى رايك

جزاك اللة كل خير

[l3lo3]

والله فعلا موضوع صعب وانا حاطة نفسى مكانها دلوقتى
هى طبعا زيها زى اى ست لما بتحب اوى بتضحى اوى عشان كده رضيت ترجعله بعد خيانته المرة الاولى مع صاحبتها وده طبعا كان غلط بس هل يجدى البكاء على اللبن المسكوب؟؟؟؟؟؟؟؟؟
بس معلش يعنى المرة الاولى نقول كان لسا مفيش بينهم حاجة رسمى بس المرة التانية فهى مراته وعلى ذمته وهى ام اولاده ومينفعش الشك اللى هما فيه هما الاتنين ده
ازاى اعيش مع واحد تحت سقف واحد والشك بيدور فى قلبنا احنا الاتنين
وهو برضو مقدرش انها هى حبيبته ومراته ومغفرلهاش الغلطة اللى عملتها بل غلط غلطة ابشع منها بكتيييييييييييييير
بس اسفة جدا فى المثل اللى بيقول
*ديل ال ....عمره مايتعدل
هى بصراحة برضو غلطت لما فضلت تكلم قريبه لان طاعة الزوج فرض عليها
بس صدقينى يااختى لو رجعتيله تانى هيسوء فيها ويتمرد كالعادة وهتلاقى العمر جرى بيكم وانتو ديما فى خلافات ومشاكل وده كله هيسبب مشاكل نفسية لاولادكم
ففى الحالة دى الانفصال افضل واسلم حل على الاقل تفضلو فاكرين بعض ومحترمين بعض من بعيد لبعيد ده لو مش عشان الحب اللى كان بينكم فى يوم من الايام يبقى عشان اولادكم اللى ملهمش ذنب فى اللى بيحصل ده
احنا بنجيب الاولاد عشان نربيهم ونسعدهم ولا عشان نشيلهم همومنا؟

ده رأيى وبصراحة انا شايفاه افضل حل.............

[ابن مصر]

السلام عليكم ورحمة الله وبركاته

أختي الكريمة أسعد الله أوقاتك بكل خير

أنا أخدت كلامك وطبعته وفضلت أقرأه أكتر من مرة عشان أحط ايدي على الأماكن الرئيسية في الموضوع بشكل عام ،،،
أختي الكريمة أعيد وأكرر كثيرا أن ما بنى على خطأ سيصبح خطأ طول العمر ، والعلاقات التي تبدأ في الخفاء عواقبها وخيمة ومهما انتهت كما خططوا لها فأن مشاكلها ستظهر أجلا أم عاجلا ،
في البداية صديقتك أحبت أنسان تافة لا يقدر أي مسئولية في حياته ، تعايشت في حلم رسمتها بيدها في خيالها دون أن يدري بأي مما تتخيله هي، تفاجأ بأن هناك من هي واقعه في حبه وتقدس كل كلمة يقولها لها ظنا منها أن هذا هو الحب الحقيقي ولكنه هو الوهم الحقيقي، شباب هذه الأيام بكل أسف هو من يستطيع أن يجعل أكثر من فتاة تحبه في أن واحد ويصبح بهذا الأمر فلانتينو ومقطع السمكة وديلها ، وكل واحدة للأسف ترى في أي شخص تحبه الفتيات أنه من حقها غيرة من زميلاتها أو أأصدقائها ، فالأساس مبنى على باطل منذ البداية، والعلاقة الزوجية ان لم تبدأ من باب المنزل فستنتهي بمشاكل لا حصر لها.
صديقتك قدر الله لها أن تتزوج هذا الأنسان ولكن كان من الواجب عندما تزوجته ان تعلم يقينا أنها تزوجت الشخص الخطأ فالجسم لا يحوي سوى قلب واحد لشريكة حياته الزوجية
ومن يدخل من باب البيت ليرضى بشروط فرضها اهلها لزاما عليه سيظل محبا ومخلص لها طول العمر وسيقدرها مهما حدثت من مشاكل بينهما.
طالما أن صديقتك رضت بالزواج فلترضى بالعواقب وتعمل على تحسينه ولتتقرب من الله وتتضرع اليه راجية اياه أن يصلح ما أفسده الماضي ولتبتعد عن أي مجال للشك سواء من ناحيتها او من ناحيته ولتعمل على أن تقرب زوجها من الله لأني على يقين أن زوجها بعيد عن الله في العبادة ولتجعل أبناءها يتقربوا من والدهم ويسألوه النصيحة ودائما ترجح رأي زوجها أمام أولادها حتى لو على خطأ ثم تعود وتتحدث بينهما بكل أدب على أن ما قاله صحيح ولكن لو ضفنا له هذا الرأي أقصد رأيها فما هو رأيك بكل أدب
أخبري صديقتك بأن أولادك هم حياتك الأن فتنازلي عن حريتك الشخصية في أي مجال قد يدعو للشك خصوصا في هذا الوقت الحرج الذي قد يجعله دائم الشك فيها
أخبري صديقتك بأن توطد العلاقة بأهل زوجها أمه و أبيه ان كانا على قيد الحياة وان كانا قد ماتا فلتطلب منه ان يذهبا لزيارة قبورهما ولتجعل كلمة ماما لأمه دائما على لسانها
المؤمن كيس فطن ، فلتتجمل صديقتك لزوجها ولتبحث في نفسها عن ما يجعل زوجها ينظر الى ما في الخارج وينسى بيته وزوجته ، تقابله بأحسن الثياب وأطيب الروائح ، لا تصيح في أبناءها أمامه ، تقبله وتحتضنه قبل خروجه وحين عودته من والى المنزل
دائما تبتسم في وجهه وتجعل الابتسامه تملأ بيته ، حين عودته من العمل لاتطلب شئ من مشاكل الحياة ، مال حلول ... الخ لكن تهيئ الأجواء له أولا ثم تختار الوقت المناسب ولا تجعل طلبها في صيغة الأمر ولتتقي الله فيه وهو المطلوب
وترجو الله أن يسامحها على أي خطأ ارتكبته في حياتها وأن يهدي لها زوجها

والله الموفق،،،

[قمر الليالى]

جزاكم اللة كل خير على ردودكم

وعلى مشاركتم الاراء