من انت يا AlSam3r

السلام عليكم ورحمة الله وبركاته

حبيت افتتح القسم الجديد بعضو مميز بعناوينه الملفتة للنظر ومواضيعه التي بها نستفيد
انا عارفه كويس
لكن حبيت تتعرفو انتو كمان عليه
دا اذا مكنش عنده مانع طبعاً

AlSam3r
عضو شرف و عضو مميز


اسمـــــــــــــــــك :
سنــــــــــــــــــك :
دولتك + مدينتك :
هواياتــــــــــــك :
عـــــــــــــــمـلك :

طريق معرفتك للمنتدي :
أصدقاء لك فى المنتدي :
القسم المفضل لـــــديك :

---

lk hkj dh AlSam3r

اسمـــــــــــــــــك : سمير
سنــــــــــــــــــك :25
دولتك + مدينتك :مصر دكرنس
هواياتــــــــــــك :كتابة الشعر وقرائته خاصه لنزار قبانى
عـــــــــــــــمـلك :حر

طريق معرفتك للمنتدي :مافياوى
أصدقاء لك فى المنتدي :مافياوى دلبيرو جولجمان
القسم المفضل لـــــديك :تاعام والسياسى ومن القلب للقلب

أفضل أصدقائك /

دراستك /

مشاريعك/

طموحاتك /

انا جييييييييييييييت

ايه ده سمير فى :
من انت ؟؟؟
ومن زمان كمان
ومحدش يقولى
ماشى ماشى
معلش بقى يا سمير
هرخم عليك شويه اصل انافاضى النهارده
وقولت لازم ارخم على حد .

ياله نبتدى:


1- بتحب تأكل ايه

2- بتحب تشرب ايه

3- ايه رائيك فى الحب

4- بتحب ولا لاء


5- ايه اول حاجه بتعملها اول ما تصحى من النوم

6- اخر حاجه بتعملها قبل ما تنام

7- اول تليفون بتعمله اول ماتصحى من النوم لمين

8- اخر تليفون بتعمله قبل ما تنام لمين

9-ايه رائيك فى الواد العريس اللى انا حماه اللى هوا جوز اختى واللى هوا ابن خالتى

10- بتدخن سجاير ولا لا
ولو اى عايز اعرف نوع السجاير( مش عارف ليه بس رخامه بقى)

مع انى عارف انك مبتدخنش
بس لازم اعرف ردك

اسيبك يوم كدا ولا حاجه وابقى ارجع تانى

أفضل أصدقائك /ديلبيرو وابن مصر وجولجمان والسامر ستار والمنسى وابو مهدى

دراستك /اداب اعلام

مشاريعك/والله بنداحل

طموحاتك /اكون حاجه مهمه فى البلد اللى تخنق دى
- بتحب تأكل ايه
المحشى وامشوى
2- بتحب تشرب ايه
سفن اب
3- ايه رائيك فى الحب
جميل وهو مذاق الحياة
4- بتحب ولا لاء
وليه محبش

5- ايه اول حاجه بتعملها اول ما تصحى من النوم
بصلى وبدخل ع النت
6- اخر حاجه بتعملها قبل ما تنام
بدخل ع المنتدى
7- اول تليفون بتعمله اول ماتصحى من النوم لمين
كتير بس فيه واحد مهم
8- اخر تليفون بتعمله قبل ما تنام لمين
اكيد انته عارف
9-ايه رائيك فى الواد العريس اللى انا حماه اللى هوا جوز اختى واللى هوا ابن خالتى
واد عريس ندل معتش يعرف حد
10- بتدخن سجاير ولا لا
ولو اى عايز اعرف نوع السجاير( مش عارف ليه بس رخامه بقى)
لا ممنوع التدخين

_مين اكتر الشخصيات اللى انت عرفتها فى المنتدى وتتمنى تكون صديق ليه؟
_اكتر موقف ندالة حصل معاك من وقت قريب؟
_اكتر واحد ظلمته فى حياتك؟
_اكتر واحد ظلمك فى حياتك؟
_لو عندك سر تقوله لمين؟
_اكتر حاجة تكرهها؟
_لو عرفت ان واحد صاحبك بيحب حبيبتك هتتصرف معاه ازاى؟
_لو عرفت ان حبيبتك بتحب صاحبك هتتصرف معاها ازاى؟
_لو فى يوم زعلت حد منك والحد ده غالى عندك اوى هتعمل ايه؟
_لو حبيت واحدة وغلطت فيك او زعلتك بقصد او بدون قصد تسامحها وتسمع لها وتقبل اعتذارها ولا هتاخد موقف منها فترة ؟

_مين اكتر الشخصيات اللى انت عرفتها فى المنتدى وتتمنى تكون صديق ليه؟

ابن مصر فعلا صديق
ملكة الرحمةفعلا اصدقاء
حماتو
مافياوى
برنسيس تيرز صديق فعلا
_اكتر موقف ندالة حصل معاك من وقت قريب؟
مفيش اصل انا اللى بساتندل محدش يستندل معايه
بس للحق
فيه موقف من واحد فى المنتدى بصى ولا اقولك بلاش
_اكتر واحد ظلمته فى حياتك؟
الحمد لله دايما مظلوم
_اكتر واحد ظلمك فى حياتك؟
ناس كتييييييييييييييييييييير
_لو عندك سر تقوله لمين؟
اقوله ل...............................
ليه بس الاحراج
هقوله لعضو عزيز عليه فى المنتدى
_اكتر حاجة تكرهها؟
الغدر والخيانه
والاكتر انك تحسى بالامبالاة من شخص يعز عليكى
_لو عرفت ان واحد صاحبك بيحب حبيبتك هتتصرف معاه ازاى؟
اكيد هقتله بس لو قالتلى انها بتحبه
هموته طبعا كام موته زيادةيعنى عشان اخلص روحه

_لو عرفت ان حبيبتك بتحب صاحبك هتتصرف معاها ازاى؟
اكيد هقتلها هى كمان يحصل دا ازاى انا بغير جدا وحطى هنا الف نقطة
اقولك خليهم
مليييييييييييييييييييييييوووووووووووون
_لو فى يوم زعلت حد منك والحد ده غالى عندك اوى هتعمل ايه؟
هفضل وراه لحد ما اصالحه
مبحبش حد يزعل منى الحمد لله
بحاول امتص غضبه
واضحكه
وبعدين نتناقش ياواش ياواش
_لو حبيت واحدة وغلطت فيك او زعلتك بقصد او بدون قصد تسامحها وتسمع لها وتقبل اعتذارها ولا هتاخد موقف منها فترة ؟
ممكن اسامحها بس بشرط تبين وجهة نظرها وتقنعنى
الحب شئ مبنشتريهوش
الحب احساس
لو محستهوش من اللى حواليك
اكيد لازم تتالم
كده يا لؤلؤ بتردى الواجب بتاعى يالا ع العموم لو فيه اسئلة تانيه انا صدرى رحب

اسفة استاذ سمير ان الاسئلة بتاعى جات متأخر اوى

هى ان شاء الله مش صعبة: هم سؤالين فقط لا غير ....
قولنا يا استاذ سمير :

س:ايه صعب يوم مريت بيه فى حياتك السنة دى ؟؟؟

عرفنا ان حضرتك مجنون بواحدة

س: الواحدة دى من اعضاء المنتدى ؟؟؟

بس
اسئلتى مش صعبة و لا حاجة

وسؤالى بقى
حضرتك كنت كاتب انك هتتوقف عن الكتابة لمدة 3 ايام
ايه السبب؟
والحداد خلص ولا لسا؟
وبكرر سؤال انين
حبيبتك من اعضاء المنتدى؟

اسفة استاذ سمير ان الاسئلة بتاعى جات متأخر اوى
ولا متاخر ولا حاجه
اتفضلى لك صدر رحب
هى ان شاء الله مش صعبة: هم سؤالين فقط لا غير ....
قولنا يا استاذ سمير :
ولا صعبين هى جت عليكى اتفضلى يا ستى
س:ايه صعب يوم مريت بيه فى حياتك السنة دى ؟؟؟
اصعب يوم
اصعب يوم
حقيقى سؤال صعب
بس اقولك يا ستى
بصى اصعب يوم مر عليه لما سمعت انا انسانه انا كنت بحبها لكنها كانت بتحاول تنكر شعورها
ظنت ان فيه انسانه تانيه بتحبنى وخافت تكون سبب تعاستها
قررت توافق على اول عريس يجيلها
بعد ما وافقت
وكتبت كتابها واتخطبت الاول
لقيتها بتعترف بالحاجه اللى قتلتنى بجد
انها فعلا محبتش ولا هتحب زيى
وانى احلى حاجه فى حياتها
تقدرى تقوليلى شعورك يكون ايه
كده كفايه عليكى
صح

عرفنا ان حضرتك مجنون بواحدة

س: الواحدة دى من اعضاء المنتدى ؟؟؟
مش مجنون بس
الجنون اقل ما يمكن قوله
بصى
هى مش من الاعضاء لكنها بتخش المنتدى كل يوم تشوف وتقرا كل كلمة بكتبها
ارتحتى ولا لسه

بس
اسئلتى مش صعبة و لا حاجة

مع احترامى لكلامك
وحياة ربنا انا كنت حاسة من حاجة ومن واحدة معينة من اول مادخلت
وفعلا دلوقتى اتأكدت من احساسى
بس المفروض اننا بنتكلم بصراحة
وانت قلت هى مش عضوة بس هى عضوة
يارب يكون ذكائى مخانيش المرة دى

سؤالى انا بقى

حضرتك عرفت منين انها بتدخل على المندى تتابع مواضيعك وهى مش عضوة فية؟

وحضرتك كمان
ماشى ياستى
هو ايه اللى حصل النهاردة
كله عليه ولا ايه
بصى يا ستى برنسيس
انا بحاول اتصل بيها من وقت للتانى اطمن عليها
وهى قالتلى انها بتخش كل يوم
وشافت الموضوع
اوكى
وكل ما تحب تخش بتدخل باليوزر بتاعى
انا بالنسبه ليها كتاب مفتوح

المشاركة الأصلية كتبت بواسطة Princess tears

سؤالى انا بقى

حضرتك عرفت منين انها بتدخل على المندى تتابع مواضيعك وهى مش عضوة فية؟

قلب المؤمن دليله

l3lo3
اولا انا لا اسمح ان حد يتدخل بالطريقة دى
فى حاجة تخصنى
ثانيا برنسيس دى بنت خالى وزى اختى
اوكى
مفيش بينا اى حاجه
بس هى بتحب ترخم
اوكى
وباكدلك تانى
هى مش عضوة فى المنتدى
ربنا يسامحك يا مافياوى
اللى بعمله فى الناس هيطلع عليه

im so sorry

المشاركة الأصلية كتبت بواسطة alsam3r

ثانيا برنسيس دى بنت خالى وزى اختى

اوكى

خلاص اوك
طلعت بنت خاله يا لؤلؤ
بلاش نرخم عليه اكتر من كدة

اولا يا جماعه الموضوع انتهى
اعلن خروجى من النقاش والمنتدى

يغلق للانتهاء...,