من انت يا Eng shapon

**AlSam3r** · 2009-07-20, 08:18 AM

من انت يا Eng shapon

عضو تالق فى صفحات تيفا

اسمـــــــــــــــــك :
سنــــــــــــــــــك :
دولتك + مدينتك :
هواياتــــــــــــك :
عـــــــــــــــمـلك :

طريق معرفتك للمنتدي :
أصدقاء لك فى المنتدي :
القسم المفضل لــديك :
مين اهم عضو فى رايك فى المنتدى؟
ومين بتحب تقرا مواضيعه؟
شى لفت نظرك فى الفترة الاخيرة؟
/
\
/
\
/
\

واللى عنده سؤال يتفضل يسأله
مع مراعاة شروط القسم

lk hkj dh Eng shapon

**MafiawwY** · 2009-07-23, 05:50 PM

بتحب تاكل ايه ؟؟
اصدي مبتحبش تاكل ايه :d

خليك صريح مريح اكي

**Eng.Shapon** · 2009-07-24, 12:27 AM

عضو تالق فى صفحات تيفا

اشكرك جدا علي المجاملة دي

اسمـــــــــــــــــك :
محمد عيد شبانة
يعني ابن خالة سامح فوزي
يعني بقينا نسايب ههه

سنــــــــــــــــــك :
21

دولتك + مدينتك :
مصر _ المنصورة

هواياتــــــــــــك :
طبعا النت ومتابعة الجديد
وخصوصا الهاي تيك

عـــــــــــــــمـلك :
حاليا لايوجد ولكن مجالي في الكمبيوتر

طريق معرفتك للمنتدي :
الريس بتاع المنتدي صاحبي وحبيبي

أصدقاء لك فى المنتدي :
بصراحة معظمهم اصحابي

القسم المفضل لــديك :
تقريبا بحب اضطلع عليهم كلهم
وخاصة العام
والمسوده بتاعتي هههه

مين اهم عضو فى رايك فى المنتدى؟
بصراحة في الاونة الاخير يعتبر مفياوي اللي شايل المنتدي لوحدة
وربنا يعينة

ومين بتحب تقرا مواضيعه؟
حمتو لأن مواضيعة بحس انها من الاخر

شى لفت نظرك فى الفترة الاخيرة؟
اللي لفت نظري جدا
ان فيه اعضاء جديده مشاء الله شغالة تمام وربنا يوفقهم
ولكن الاعضاء القدامي مش عارف راحوا فين
مرة واحده كده اختفوا
ودخولهم بقة نادر

يارب يكون المانع خير

واشكرك بجد علي انتقائي لهذا النقاش

نيجي لمعالي الريس
بتحب تاكل ايه ؟؟
كل حاجه

اصدي مبتحبش تاكل ايه :d
ايوة هو دا المهم
الكوسة وساعات الفول والقرع والقولقاس
كل دول مابيحبونيش

غير كده انا معاك في اي حاجه

**MafiawwY** · 2009-07-24, 08:34 AM

زي الفل والله صريح من يومك

طيب خد السؤالين دول

هل فيه حب فى حياتك ؟ هل وجدت شريكة جياتك (مرتبط)؟؟
ايه هيا مواصفات شريكة حياتك؟

**Eng.Shapon** · 2009-07-24, 01:05 PM

لازم اكون صريح يادولة
انت تأمر

هل فيه حب فى حياتك ؟ هل وجدت شريكة جياتك (مرتبط)؟؟
لغاية الوقتي لأ
مش لاقي المواصفات اللي بتمناها

ايه هيا مواصفات شريكة حياتك؟
اولا تكون متدينة
مش هقولك تكون شيخة يعني
لأ عايزها تكون عارفة اساس دينها
وطبعا لو عرفت اساس دينها اكيد طبعا هتطبق الدين بينكم

وطبعا الدين لاينقصة شيئ
مش هقولك بقة تكون صادقة حنونة رومانسية الخ الخ
الدين بيضم كل دا

انا في نظري الوحدة لو عرفت دينها صح واللي ليها واللي عليها
هتعيش هي وجوزها في سعاده تامة
وهتعمل كل اللي انت عايزة من غير ماتقول اي حاجه

وبالحق كنت هنسي
وتكون طويلة حبتين
علشان انت عارف الازمة اللي عندي
ههه

**MafiawwY** · 2009-07-24, 01:46 PM

ربنا يوفقك يا رب وتلاقي الشريكة المناسبة لحياتك

**Sir.7amato** · 2009-07-24, 02:53 PM

اقتباس:

وتكون طويلة حبتين

لأ لأ حبتين إيه قول تلاتة قول أربع حبيات

اقتباس:

علشان انت عارف الازمة اللي عندي

ازمة إيه يا عم ،، على فكرة انت فاهم معنى الازمه غلط ،،
بص يا محمد إنت سيبها لله طويله قصيره مش هتفرق ،

أنا طبعا عاوز أسأل وبتاع وحاجات من الى بتتسأل دى ،،
بس مش عارف أسأل أقول إيه ،//

أمممممممم

مفيش أسئلة يا عم
لو لقيت أسئله هبقى أدخل تانى ..

**سجدة قلب** · 2009-07-29, 06:53 PM

تحية مباركة
السلام عليكم ورحمه الله وبركاته
طيب سؤال ع الماشي ..

ــــــــــــــــــــــــــــــــ
معلوم أن صندوق الرسائل الخاص بك هنا ممتلئ ..تمام كده
كم رسالة بدأتها ب / بسم الله الرحمن الرحيم او / السلام عليكم

**Eng.Shapon** · 2009-07-29, 08:02 PM

اقتباس:

معلوم أن صندوق الرسائل الخاص بك هنا ممتلئ ..تمام كده
كم رسالة بدأتها ب / بسم الله الرحمن الرحيم او / السلام عليكم

ماكذبش عليكي
تقريبا 3 ولا 4

بس الباقي بيبقي تكملة نقاش
او توجيه او رد علي طلب

انما لو رسالة افتتاحية مني لازم طبعا ابدأ بالسلام

وياريت بلاش السؤال اللي علي الماشي دا
لازم تتفضلي وتاخدي احلي واجب
وبعد كده تسألي براحتك

شكرا لمجهودك ،،،

**سجدة قلب** · 2009-07-30, 12:58 AM

اكذبش عليكي
تقريبا 3 ولا 4
كام بالتحديد؟

انما لو رسالة افتتاحية مني لازم طبعا ابدأ بالسلام

وياريت بلاش السؤال اللي علي الماشي دا
لازم تتفضلي وتاخدي احلي واجب
وبعد كده تسألي براحتك
أنا داخله صفحتك ..يعني الواجب منك ^_^
وما وجدت الواجب
اللي بالسؤال.
يعني كأن البيت بيتي ..خدمت نفسي^_^
شكرا لمجهودك ،،،
عفوا
وسلمت اليد المجيبة.

**سجدة قلب** · 2009-07-30, 01:10 AM

الصورة دي طبعا عبارة عن شمعة

ولكن ليس هذا السؤال المطروح
إنما اذكر 9 أشياء كي تضئ الشمعة
ولا تقول مرة بنار الكبريت ولا نار البوتجاز - لا -
ولكن ما اعنية مثلا مثل..
من كانت حياته مؤلمة فصبر فأضاءت الشمعة ، شمعة الحياة ، هنا المقصودة
ونكمل الباقي معك
لا تتأخر..آراك مجيبا

^%^

دمت باللي تتمناه..كل الخير إليك

**Eng.Shapon** · 2009-07-30, 01:14 AM

لالالالا

اللي بيشرب سجاير جنبي بكلمة ولو مصمم بقوم انا
مابستحملش ريحتها
ريحتها مقرفة

**سجدة قلب** · 2009-07-30, 02:00 AM

ايه اللي دخل السجااااااااااااااااير الوقتي يا بشمهندس
،،،
يبدو انك مش معانا..

**Sir.7amato** · 2009-07-30, 05:09 AM

اقتباس:

اللي بيشرب سجاير جنبي بكلمة ولو مصمم بقوم انا

سجاير أيه يا محمد ؟؟

**MafiawwY** · 2009-07-30, 08:12 AM

محمد هنج من اولها :d

على فكره يا ريموف سؤالك بعيد عن الموضوع
الموضوع لمعرفة معلومات عن العضو

شكلك هتقليبي الموضوع لعبة ونسلي بمحمد

**ابن مصر** · 2009-07-30, 08:31 AM

هلا حماده ازيك ياحبيبي

طموحاتك العملية ايه ياغالي ؟؟؟

**Eng.Shapon** · 2009-07-30, 12:02 PM

ياخرااااابي ايه اللي انا عملتة دا
معلشي يارجاله
كنت مطبق من امبارح وكان نفسي انام
انا كنت شايفها سجارة مش شمعة
كل واحد ونيتة بقة
هههه
كلها حاجات بتولع
سوري جدا والله ماخدت بالي
سوري ريموف

اقتباس:

على فكره يا ريموف سؤالك بعيد عن الموضوع
الموضوع لمعرفة معلومات عن العضو
شكلك هتقليبي الموضوع لعبة ونسلي بمحمد

قولها ياعم عادل
الوقتي انا شوفتها سجاير علشان حاجه شخصية
ههههه
عادي يادولة
اختنا الصغيره وبتحب تدردش شوية

اقتباس:

إنما اذكر 9 أشياء كي تضئ الشمعة
ولا تقول مرة بنار الكبريت ولا نار البوتجاز - لا -
ولكن ما اعنية مثلا مثل..
من كانت حياته مؤلمة فصبر فأضاءت الشمعة ، شمعة الحياة ، هنا المقصودة

فهمت ماتقصدين ريموف

اترك هذا السؤال لأني لا املك اجابة الان
سأعد الاجابة المناسبة واراكي لاحقا

**Eng.Shapon** · 2009-07-30, 01:17 PM

اقتباس:

هلا حماده ازيك ياحبيبي

طموحاتك العملية ايه ياغالي ؟؟؟

هلا فيك ياغالي
الحمدلله تمام انت كيفك ؟

بالنسبة لطموحاتي العملية

كان زمان ليا طموحات كتيير اوي
بس الحمدلله الدنيا ماشية ضدي

لذلك قررت اني اسيبها لله وفقط
علشان لقيت التفكير في المستقبل شيئ متعب

مش معني كده ان الواحد يلغي طموحة لأ طبعا

انا مستني اشوف موضوع الهم (الجيش)
وبعد كده ارجع لمسقط رأسي (طرابلس)

ساعتها بقة ممكن اقولك علي طموحي
انما الوقتي ماقدرش
لأني لسه ماحطتش رجلي علي طريق النجاح

اشكرك يا سيدي الفاضل لمشاركتك

**سجدة قلب** · 2009-07-31, 12:20 AM

اقتباس:

المشاركة الأصلية كتبت بواسطة MafiawwY

محمد هنج من اولها :d

على فكره يا ريموف سؤالك بعيد عن الموضوع
الموضوع لمعرفة معلومات عن العضو

شكلك هتقليبي الموضوع لعبة ونسلي بمحمد

تنشيط فقط..
لو حبيتم تلغوها يكون أفضل حتى علشان نحافظ على رونق الموضوع ونكون في ضل إطار القوانين
ولو حبيتم تسيبوها لتعطير الصفحة بيكون دا كويس
المناسب شفوه ..
بس خدوا رأي البشمهندس الأول ..حاجة شخصية ودي صفحته ^_^
لكم تحيتي
،،