أهم الأجزاء المحذوفة من مناهج النصف الدراسى الثانى - الصفحة 2

**عبدالرحمن م** · 2011-03-20, 06:55 PM

اقتباس:

ولا انت ناوى كل دفعه يبقى ليها دكاترتها ومحاضرتها المنفصله

نفس الدكاترة ... محاضرات منفصلة .. مدة ترم متساوية مع الدفعات التانية لكن مختلفة فى نقطة البداية والنهاية

**Muhamed** · 2011-03-20, 07:15 PM

هتجيب منين دكاتره عندهم القدره انهم يدرسوا نفس الماده 3 مرات فى اليوم

وهتجيب اماكن منين ل 3 دفعات بتدرس فى نفس السنه الدراسيه

وهتجيب منين امتحانات لازم تكون مختلفه ل 3 دفعات الفرق بينهم وبين بعض شهر

والتخرج برضه هيبقى 3 مرات فى السنه مثلا

**عبدالرحمن م** · 2011-03-20, 10:25 PM

اقتباس:

هتجيب منين دكاتره عندهم القدره انهم يدرسوا نفس الماده 3 مرات فى اليوم

وهتجيب اماكن منين ل 3 دفعات بتدرس فى نفس السنه الدراسيه

وهتجيب منين امتحانات لازم تكون مختلفه ل 3 دفعات الفرق بينهم وبين بعض شهر

والتخرج برضه هيبقى 3 مرات فى السنه مثلا

بدل ما تسأل ليه ... اسأل ليه لأ

طالما النظام اتغير .. الإقبال هيزيد على الكليات للإلتحاق بيها وده هيزود من عدد الدكاترة أو المعيدين

وحتى لو بنفس العدد أكيد هيكون فيه طريقة للجدولة والتجزئة

مش شرط يتوفر مكان لكل دفعة .. ممكن نغير مواعيد المحاضرات ونرتبها بطريقة تخدم الكل

أما عن وضع الإمتحانات فما أظنش أبداً إن دى فيها أى مشاكل

وحتى لو التخرج ميت مرة فى السنة .. ايه المانع ؟

طالما أمور أساسية هتتحسن ليه نشغل نفسنا من دلوقتى بهيدرسوا فين ولا هنجيب دكاترة منين ؟

**Muhamed** · 2011-03-21, 05:48 AM

اقتباس:

بدل ما تسأل ليه ... اسأل ليه لأ

هى الفكره يا عبده انى مقتنع ان حل مشكله التعليم فى مصر هى فى حل مشكله سوق العمل المتاحه امام المتخرج من كل كليه

عارف فى مره فكرت ان الكليات المتخصصه تركز على مجموع الطالب فى المواد المتعلقه بيها بس قلت ان ده معناه ان الطالب هيرمى كل المواد الباقيه ويكتفى بالنجاح فيها فى مقابل انه يركز فى المواد دى

من وجهه نظرى ان لو سوق العمل اتفتح وبقت كل الكليات فرصها فى العمل موجوده والفرص متساويه فى المميزات او قريبه من بعض فده هيخلى الطلبه اللى ملهاش احلام فى الطب والهندسه وجابوا مجموع انهم يخشوا الكليات التانيه مما يسمح ان الناس اللى غاويه انها تخش

**عبدالرحمن م** · 2011-04-05, 01:16 PM

اقتباس:

عارف فى مره فكرت ان الكليات المتخصصه تركز على مجموع الطالب فى المواد المتعلقه بيها بس

بعدها بحوالى 50 سنة أنا متأكد إن هييجى واحد فى ثانوية عامة ويقول لزمايله

"تخيلوا زمان كانت الكليات بتاخد من المجموع الكلى للمواد !!!"

وساعتها كلهم يستغربوا وواحد فيهم يقول "عشان كده حالهم كان بايظ ... الناس دى كانت بتفكر ازاى"

**Muhamed** · 2011-04-06, 07:00 AM

وهيقولوا ربنا يمسيك بالخير يا عبده يا صاحب ثوره التعليم