ايمان بكرى دى مشكلة بجد,
انا بعد إذن silver shadow هحط كام قصيدة ليها حلوين اوى
ماكرينا
https://www.youtube.com/watch?v=eofMlmM8neg
ماكرينا حوالينا وحيقضوا علينا
وبعد الشر عن السامعينا
صحصح ويايا لحظات يا اخينا
ونفهم اللى مش فاهمينا
دول ماكرينا ودول ماكرينا
ماكرينا عايشين ويانا
حيخلصوا ع اللى معانا
وبينهبوا فينا وبياكلوا شقانا
والحاله جيم والناس تعبانه
دول ماكرينا!!
ماكرينا حكام وباعونا
لديابه فى الضلمه كلونا
حاصرونا ضربونا دوخونا يالمونه
حالفين ليخلصوا على اللى جابونا
دول ماكرينا
ماكرينا جم ضحكوا علينا
بسلام مضروب ورضينا
عملولنا حصار قولنل موافقينا
ضربونا بالنار غنينا شاكرينا
للماكرينا!!
ماكرينا بيخصخصوا فينا
والخيبه حتعم علينا
وفلوسنا فين ما حنش عارفيتا
وقريب قوى حنمد ادينا
للماكرينا!!
ماكرينا بيتكتكوا ليكا
علشان يوم يقضوا عليكا
نفتح اسواقنا لجون وماريكا
باسم العولمه جم غموا عنيكا
دول ماكرينا!!!
ماكرينا وده درس خصوصى
بين فك ديابه ولصوصى
حنروح فى كازوزه والنعمه يا جوزى
وحنرجع مشى ومن غير شوزى
للماكرينا!!
فاهمينا.. ربنا يهدينا
ولا يوم يتحكموا فينا
ابن جبان ندل ولا ابن لزينه
دا احنا شعوب العالم مساكينا
ودول ماكرينا!!
قول يا سمعان للى ما سمعوشى
وانت يا فهمان للى ما فهموشى
للى اتكلموا واللى مانطقوشى
خليكوا رجاله ولا طواطوشى
للماكرينا!!!!
الديك دا طور
https://www.youtube.com/watch?v=nWovc-HiisA&feature=related
ايها السادة اللى مش سادة
اليكم نشرة الهم المعادة
فى حديث خاص لاذاعة هس هس العالمية
صرح الوالى المعظم من ولاية ننا ننا
للولاية بتاعنا احنا
اللى عارف كل حاجة
واللى فاهم كل حاجة
والى مش محتاج لحاجة
الا لشوية عزيمة على حبة من ارادة
بس عايزين الصراحة
كان حديثة نيلة خالص
سورى عفوا
كان حديثة حلو خالص
والمذيعة حلوة خالص
والكلام كان حلو خالص
بس كان هايس ولا يص
خدنا فيه الساعتين بطوله
مش لاقى حاجة يقوله
واللى بيقوله يعيده واللى بيعيده يقوله
خلت العثمان بتاعنا عقله خلبت خلطة بيطة
قاله يخرب بيت ابوكى قولى حاجة يا مصيبة
انتى ويانا عليهم ولا وياهم علينا
تنح المذكور وقاله يا بلاوى افهمونى
انا طول عمرى حيادى
اعشق اللون الرمادى
بس فكرى كان ضرورى يكون احادى
زى فكر الى جبونى كان ضرورى يكون احادى
قالع عفوا يا عظمتك يعنى قصدك ديكتاتور
قاله ديك ده اللى قصادك
ولا طور
قاله ديك
قاله يبقى انت اللى طور
ديمولوخية
https://www.youtube.com/watch?v=j0jRjhQdeuc
سألت جارتنا أم بهية
جوزها العامل فى البلدية
ما تقوللى يا لفندى يا جوزى
معنى الكلام الأراجوزى
اللى قالوه فى التلا فز يون
ديمراقراطية .. ديرنقاطية
كلمة ما تيجى يوم على بال
واحلف دى شتمة يا عبد العال
قام قالها السيد جوزها
وهى بتمط فى بوزها
ما تبطلوا جهل يا جدعان
ديموقراطية يا بهية
ما تفهمى بقى يا ولية
ديمقراطية .. ديمقراطى
خصم الكلام عند الحاتى
واتعشى على كيلو حراتى
وانا أبوس فى أورطاس طعمية
ديمقراطية ومقرية
فى صحف جرايد مطوية
بتقول نعم بكرة وبعده
ولحد ألفين سنة جاية
ديمقراطية دى لعبتنا
عملوها جدعان حتتنا
عشان ما تحلو صورتنا
ويصدقوا إن عيشتنا
عايمة فى بحور العسلية
ديموقراطية تدلعها
وساعات كتير نلوى دراعها
بس اشترى يوم عتقية
ديموقراطية .. ديموقراطرط
وكلام كتير وبقى مراطرط
والكل مبسوط ومسأطط
ببرباطوسه اللى مناأط
من كيفه بقى ماشى يساأط
على باب حارتنا المنسية
ديموقراطية اتجنن قول
تحيا البقول ويعيش الفول
رزق المدهول على المسطول
والعيشة حلوة مسلية
ديموقراطية هى و موش هية
بس الشبه عشرة المية
تسعة عشان العالمية
احد لمون بالملوخية
ما تسكتى بقة يا ولية
فى داهية روحى انت وهية
دى عشان تفوت الوردية
يموت غفير عشرين ميه
وأعيش خروف من غير لية
وأموت قتيل وما ليش ديه
ايمان بكرى
العرض العادي
