مصطلحات سياسية مصرية

صطلحات سياسية مصرية


الدستور

هو الشئ الوحيد اللى كلما يتعدل..البلد يتعوج اكتر







المواطنة

أن توطن نفسك على انه مفيش فايدة







خطاب الرئيس

كلام يكتبه شخص ليقرأه شخص آخر على أشخاص يعرفون أن شخصا آخر هو الذى كتبه لكنهم يصفقون للشخص الذى يقرءاه






مجلس الشعب

هو الهيئة التى تساعد الحاكم لكى يجلس على نفس الشعب






التحديث

السياسات الحكومية التى تؤدى إلى جعل المواطن يمشى فى ربوع الوطن وهو يتحدث مع نفسه






التعدديـــــــــة

حرص نظام الحكم على ضمان تعدد الفترات الرئاسية للحاكم بحيث يستمر فى الحكم حتى يعدد الناس عليه






سينـــــاء

شبه جزيرة حررها المصريون بدمائهم ليمنعوا الإسرائيليين من التجول فيها

بالملابس العسكرية ولتسمح لهم اتفاقية كامب ديفيد بالتجول فيها بالمايوهات






قانون الطوارئ

القانون الذي يسمح للحاكم باعتقال من يشاء كلما طرأ ذلك على باله





العصيان المدنى

خروج المدنيين لإعلان رفضهم لسياسات الحكومة قبل أن يضربهم الأمن المركزى بالعصيان







الصراع الطبقى

صراع الشعب من اجل إزالة الحاكم الذى طبق على نفسه لعشرات السنين








سياسة الاعتدال

قيام الحاكم بالاعتدال على العرش فى نهاية فترته الرئاسية لكى يبدأ فترته الرئاسية الجديدة







الترشيح

الفلتر الذى لابد من استخدامه للتمكن من عصر خيرات البلاد حتى أخر قطرة








إقرار الذمة المالية

يقدم المسئول الحكومى عند بداية شغل منصبة إقرارا يؤكد فيه أن ذمته انتقلت إلى رحمة الله






الكسب غير المشروع

قيام الحاكم بكسب رزقه من نهب أموال المشروعات الحكومية من غير أن يركز

على مشروع واحد بالذات







التضخم

الحالة التى تصيب الشعب بعد ربع قرن من ضربة على قفاه




العدل

عدل المواطن حتى يأخذ على قفاه بشكل مريح لمن يضربه






السواد الأعظم

هو السواد الذى يشوفه الشعب الذى يسكت معظم أبنائه على استبداد وفساد حكامه







تطوير التعليم

العمل على جعل كل طالب مصري طورالله في برسيمه







سياسة التقشف

تجويع الشعب إلى أن يتقشف جلدة





إعادة الهيكلة

توفير كل الضمانات الأمنية والسياسية لعدم ترك الحاكم لعرش السلطة إلا وهو هيكل عظمى






حزب الأغلبية

الحزب الذى يذيقك الغلب والذل وتعيش تحت حكمة اغلب فترات حياتك






الانجازات

المشروعات التى تفتتحها الحكومة ويضخمها إعلامها لحد الناس ما تجيب جاز





العالم التالت

العالم الذى يتم فيه توريث الحكم دون أن يجرؤ الشعب على قول تلت التلاتة كام






النظرية النسبية

النظرية التى ابتكرها اينشتاين وطبقها شخص آخر بتشكيل



الكلام دا مش بتاعي

الكلام دا منقوووووول

من خاف سلم


tefanet.protector.pw

---

lw'gphj sdhsdm lwvdm

انا قرات الموضوع 3 ايام لغاية دلوقتي

عاجبني اوي بصراحه بس انت متوصي بالقفا زياده عن اللزوم

واضح ان صاحب الموضوع مش بيبص الا من الجانب الاسود فقط وفكرة الاضطهاد الحكومي مسيطرة عليه

ليه خايف ان الناس تعرف انك انت اللى كاتب الكلام ده
ما هم كده كده هيقراوا المنشورات اللى انت عملتها ويشوفوا كل ده
وحتى لو مشافوهاش هيعرفوا مواعيد التجمعات بتاعتك انت وزمايلك ويسمعوا كل الكلام ده
وكمان انت قلت انك ناوى تعلن مسؤليتك عن الحادث بعد مهتفجر البلد الاسبوع الجى
خلاص يبقى خايف من ايه
احنا وراك طبعا
بس وراك عشان نستخبى يعنى
لكن احنا اصلا ولا نعرفك والمنتدى مش مسؤل عن حاجة

محمد

شكرا علي مرورك

وكمان انت قلت انك ناوى تعلن مسؤليتك عن الحادث بعد مهتفجر البلد الاسبوع الجى خلاص يبقى خايف من ايه

ياساتر يارب
حادث ومتفجرات
وهفجر البلد الاسبوع اللي جاي كمان


انا والله يا جاعه ماليش دعوه بالكلام ده
انا معرفش حاجه
انا من الجامع للبيت ومن البيت للجامع


اسألوا برنسس جابت الكلام ده منين
اكيد ليها جناح في التنظيم
اعترفي احسن لك

وماتحاوليش الهرب
ماتحوليش الهرب


لكن احنا اصلا ولا نعرفك والمنتدى مش مسؤل عن حاجة

انا ما ليش دعوة بالحاجات دى
المواضيع ليها ودان
الحكومة حلوة والبلد جميلة والخير وافر
والناس شبعت والعملية تمام والدستور زى الفل
والتعليم تطور والانجازات كتيرة
ربنا يخلي لنا مصر