نكت على المشرفين

إزيكم ياجماعة - عاملين ايه ( يارب تكونو عاملين كفته على الفحم ومعاها شوية سلطه حامية )

المهم أنا جيتلكم أقولكم شوية نكت على المشرفين ( ربنا يستر - شكلى كده برسم على طردى من المنتدى )

النكت حصريا على منتدى شبكة تيفا وده أول عرض ليها ( التذكرة بـ 25 جنيه )

أنا بس طالب منكم خدمه
لما انطرد من المنتدى تعملوا مسيرة ومظاهرة وتضغطو عليهم يرجعونى تانى

=============================

1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف عربية مخالفة يديها تقييم سالب .

3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة

4 - مشرف زعلان من مراته عملها حظر

5 - مشرف عام غطسوه تانى .... محدش يضحك فى دى احسن الغى الموضوع

6 - مشرف خلف توأم إحتفظ بواحد والتانى حطه فى قاعة المكرر

7 - مشرف جاتله فاتورة التليفون كبيرة عملها تعديل

8 - زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف

10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...

11 - مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل

12 - مشرف عنده حالة نفسية كل مايكتب موضوع يحذفه

13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل قاعة المناقشات طلع منها بخمس غرز وإرتجاج فى المخ

16- مشرف دخل قاعة المرأة طلع منها بست اشهر

17 - مشرف دخل قاعة القضايا السياسية قبضوا عليه فى مظاهرة

18- مشرف إختلف مع المشرف عام نقلة مشرف على قاعة المواضيع المكررة

19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه

20 - مشرف مردش على الموضوع ده اختفى فى ظروف غامضة .

كان معكم المشرف السابق MafiawwY

---

k;j ugn hglavtdk

هههههههه .. نكت تجنن الواحد سنانه وقعت من كتر الضحك يااااه كل دا بيحصل من ورانا داانتو

علي طول كدا ولا ايه

في مشاكل

ايوه يا مفياوى

دلوقتى تقول المشرف السابق

اشتم فينا واطلع اجرى

ماشى يا سيدى

دلوقتى ماندوز يفرح فينا

ويزلنا

منك لله

هههههههه .. نكت تجنن

والله نكت حلوين على المشرفين

والله تمام قوى


عشره على عشره

وتم التصويت

ههههههههههههه
بس انت غلطان يا مافياوى انك عامل استفتاء
ههههههه ده جواه بلاوى يا شيخ
يمكن علشان كده مصوت انت كمان لنفسك
الصوت الوحيد اللى بيقول هنعمل مظاهرة ونقلب المنتدى
طلع صوتك انت

ههههههه


ميه ميه يا مفياوى



احسن حاجه انك قلت مشرفين وانا مش منهم



بس عجبنى اتنين

19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه


بصراحه بصراحه انا مكنتش عايز اقلك

بس فعلا حتتين الحشيش اتحطوا ومش هقلك مين اللى حطهم

واتبلغ تيفا وكراكر بالموضوع وتقريبا كده انته امنعت من الشفر وهيحجزوا عليك عن قريب

20 - مشرف مردش على الموضوع ده اختفى فى ظروف غامضة .


انا عارف هوا مين


وحصله ايه بس مش هفتن

ياسيدى نعتبره قلب وراح
ليه نتعب نفسنا
بلا مظاهره بلا وجع دماغ
لكن النكت لذيذه انا قلبى وقف مب كتر الضحك

شكرا
همسات عاشق

لا بس عاجبتنى اوى الحتة بتاعة

5 - مشرف عام غطسوه تانى .... محدش يضحك فى دى احسن الغى الموضوع

اكيد كانوا بيعلموه السباحة


وعلى فكرة انا عارف مين اللى حاططلك الحشيش وهابلغ عنك


ومش هاقول مين اللى احطط الحشيش

ولو تقدر تمنعنى

امنعنى