أولا احب اشكرك يا 7amato علي موضوعك الرائع ده والتي قد يشكل خطر كبير علي ناس وفتيات المسلمين
ثانيا احب اشكر كل القائمين علي الحمله واشكرا ايضا احمد لايت لأهتمامه بالحمله
ثالثا اعلان أسفي لتأخري في الأشتراك واود الأن الأنضمام اليكم بكل حب في الأسلام
احب ان اهدي اولا هذه الأبيات الي الحمله
يقول أديب العربية الرافعي:" لا يعذّب فاقدَ الفضيلة شيءٌ مثلُ رؤيتِها في غيره ، وأنه لا يستطيع تحقيقَها في نفسه "..
بعزيزِ إيماني أصونُُ حجابي *** وأصونُ عرضي في حِمى جلبابي
كذب الذين يتاجرون بقصّتي *** كذبوا وكانوا مثل زيفِ سرابِ
تجريرَهمْ أبصرتُ لا تحريرَهم *** قد خابَ مَن قد سار خلف غرابِ
لا لن أكونَ كما أرادوا سلعةً *** ضاعت بسوق نخاسةٍ و بغابِ
لالن أحيدَ عن الحجاب وطهرهِ *** رغم الذئاب ورغم نبحِ كلابِ
ثار البغاةُ وكشّروا أنيابهم *** وغداً نحطّمُ صورةَ الأنيابِ
يعوي العبيدُ على صدى أسيادهمْ *** وعواؤُهم ما ضرَّ سيْرَ سحابي
أنا لستُ وحدي في قرار تحجّبي *** خلفي كثيرٌ يقتفينَ مَتابي
فمعي النساءُ السائراتُ على الهدى *** ومعي الحياءُ وفطرتي وكتابي
وايضا قول النبي صلى الله عليه وسلم : (( صنفان من اهل النار لم ارهما بعد _ وعد منهما _ونساء كاسيات عاريات مميلات مائلات رؤوسهن كأسنمة البخت المائلة , لا يدخلن الجنة ولا يجدن ريحها وإن ريحها ليوجد من مسيرة كذا وكذا ))
وفُسر الحديث بأن تكتسي المرأة بما لا يسترها ,فهي كاسية ولكنها عارية في الحقيقة , لأن كسوة المرأة هو سترها سترا كاملا , بحيث يكون كثيفا فلا يبدي جسمها , ولا يصف لون بشرتها لرقته وصفائه , ويكون واسعا فلا يبدي حجم اعضائها , ولا تقاطيع بدنها , فهي مأمورة بالأستتار والاحتجاب .
اما رأي فهذا الموضوع يطول
انا عمري ما حبيت او نظرت الي بنت لبسه ضيق وعليها حجاب واصحابي المقربين لي كنت بحاول انصحهم لكن للأسف سمعت الكلمه الشهيره ( الدين مش بلبس ) جميل الدين مش بلبس ولا بالمظهر بس ربنا غير راضي عن الكاسيات العاريات واي فتاه بتلبس ضيق هتبقي من الكاسيات العاريات بس للأسف كتير من البنات مش حاسين بالموضوع ده
وانت ماشي في الجامعه تلقي بنات استيل قاعدين عن مثلا مكان مشهور قوي في الجامعه وترد البنات علي وحده صحبتها انتي لسه بتلبسي الحجاب العادي ده ده خلاص انا بقي هقولك علي محل اوع علي الطرح الأسبنش هناك ولا الطرحه الكويتي ولا السعودي ده انا اشتريت طرحه منه الاسبوع اللي فات كانت ألوانها جامده كانت اصفر وفيها خطوط حمره وكمان خطوط خضره وفيها خطوط بنفسجي وخطوط بمبه ولفتها اسبنش بقي مع طرحه لبني مع البدي الأحمر في اصفر والبنطلون الجينز وخرجت مع ماما بس ايه كل العائله كانت هتجنن علي الطقم
هههههههههههههه
هتضحك اضحك ليك حق تضحك بس علي فكره ده اللي بيحصل
وارجع اقول اصل اللي في البيت والاب والأم
ماشي انا هقول كده بس في الاول وفي الأخر الاصل علي البنت ليه لان ربنا زودنا علي غيرنا من سائر المخلوقات بالعقل ولان ممكن البيت يمنع والأب يقول لأ والأم تقول هقول لأبوكي لما يرجع
بس هقولك البنت لو عايزه تعمل حاجه هتعمله
وده بيحصل والله بيحصل
وهقولك مثال
انا كان ليا واحده صاحبتي كان ابوها مدرس وكان محترم ومحافظ جداااا وكان بيتخانق معاها علي اللبس والميك اب
بس هقولك كانت تنزل من البيت بلبس وتروح عن وحده صاحبتها اما تتضايق لبسها وتفوكه وهي راجعها اما تغير اللبس عند صاحبتها في البيت وتنزل من عند صاحبتها بطقم تاني خالص وشويه ميك اب من عند صاحبتها وعلي متروح ان شاء الله هيكون اتمسح وتبقي تتدخل علي الحمام ووشها في الأرض عشان بابها ميشوفش باقي الميك اب
هتقولوا في بنت تعمل كده هقولكم اه وبيحصل قدامي
بس هي هتستفيد ايه ديه وللي زيها بيعملوا اكتر من مصيبه
بيغضبوا ربنا كل ده ليه علشان اعجاب من ولاد الجامعه ولا عشان تظهري جميله قدام الشاب اللي بتحبيه وميبصش لغيرك هتغضبي ربنا عشان كده وياريت نظره الشاب هتفيدك بحاجه ولا هيجي وراكي عشان يتجوزك ولا حاجه نظرته هتخليكي تخدي ذنوب وكمان بتكذبي وده كمان هيغضب ربنا عز وجل وكمان بتكذبي علي مين علي نفسك وعلي ابوكي اللي مديك الثقه انك تخرجي من البيت د انتي مفروض تكرهي نفسك وتخافي كل لحظه افرضي جاء قدر ربنا وموتي وانتي في الشارع وانتي عمله كل الذنوب ديه
ازاي هتقبلي ربنا !!
هتقولي ايه لربنا !!
هتبقي استفدي ايه من الدنيا !!
يا اختي المسلمه خافي لقاء ربك ..... خافي لقاء ربك
الحجاب هو حجب الناس عن رؤيه عوراكي هو حجب الناس عن النظر الي مفاتنك هو حجب الناس عن رؤيه جماك الذي طلب الله منك الحفاظ عليها بالحجاب والألتزام بيها
التزامي هتخسري ايه. البسي طويل هتخسري ايه البسي الحجاب كما امرنا الله هتخسري ايه امنعي الميك اب هتخسري ايه ارضي ربك هتخسري ايه
اللهم احفظ جميع المؤمنات من كل سوء
اما عن فكره الأسدال فهي انتشرت جدا منهم الموضه والبعض الأخر يري انها تغير واخر يري انها اهو توفير لبس وحيره انها هتلبس ايه النهارده طب ايه بكره والبعض الأخر ينظر اليها انها رؤيه صالحه وهدايه الي نور الله عزوجل
انا عن نفسي وبعد نقطه تحول في حياتي لاني كنت طبعا بلبس حسب الموضه وغيره والحمد لله ربنا هداني ولبست في بدايه الأمر الأسدال والتزامت ان يكون الأسدال هو الأسدال بمعني ان في تحريف في شكل الأسدال شويه فرح يعني او تكون الطرحه من بره والطرحه يكون لونها احمر مع معصم لونه احمر وشنطه حمره وجزمه حمره مع رفع الأسدال شويه عشان البنطلون الجينز يبان المهم انا الحمد لله معملتش اي حاجه من ديه لاني كنت لبسه الأسدال عشان يكون بدايه النور بالنسبه ليا والحمد لله ظهرت حاجه تانيه تعرف بأسم الملحفه ( وهي اكبر من الأسدال مرتين ) ولبست الملحفه مش عشان موضه لأ عشان انا شوفت انها احسن من الـأسدال والحمد لله انا بحاول اظهر الزي الأسلامي في احسن صوره والحمد لله الذي اهدني الي الطريق الصحيح
معلش طولت عليكم ولكن للحديث باقيه