تعالوا ياجماعة عزونى.....

**لست ملاك** · 2010-07-10, 10:41 PM

ان لله وان اليه راجعون

توفت الى رحمة الله: لست ملاك

بواسطة مجموع الثانوية العامة للمرحله الاولى

اعرف ان الموضوع ممكن يكون مش مهم

لكنة مهم بالنسبة لى

فأنا واحده من الذين حلموا واملوا فى الفاضى

انصح كل واحد انه يدخل ازهر لأن التعليم الازهري مش متقلب زى العام

فأنا بسبب الثانويه العامه

مغلقة للصيانة النفسية ومدة الصيانة غير معلومة

ارجو من اى عضو /ة دخل انه يكتب رد ولو بسيط

juhg,h dh[lhum u.,kn>>>>>

**حبيبـة ابـوها** · 2010-07-10, 10:45 PM

ياحبيبتى مش نهاية الدنيا ان نتيجة مطلعتش كويسه
شدى حيلك لسه فيه مرحله تانيه
واعملى اللى عليكى وسيبى الباقى على ربنا
وزى مانتى عارفه كل واحد بياخد نصيبه
وربنا يوفقك وينجحك فى حياتك ياااااااااااارب انتى والجميع ياحبيبتى
ومفيش داعى لكلمة عزونى دى لانها كلمة تقيله اوى
ربنا يقويكى ان شااءلله
ومبرررررررررررررررررررررووووووووووووووووووووووووك
على نجاحك ياقمر لو انك مقولتيش المجموع

**لست ملاك** · 2010-07-10, 11:21 PM

اقتباس:

المشاركة الأصلية كتبت بواسطة حبيبـة ابـوها

ياحبيبتى مش نهاية الدنيا ان نتيجة مطلعتش كويسه

شدى حيلك لسه فيه مرحله تانيه
واعملى اللى عليكى وسيبى الباقى على ربنا
وزى مانتى عارفه كل واحد بياخد نصيبه
وربنا يوفقك وينجحك فى حياتك ياااااااااااارب انتى والجميع ياحبيبتى
ومفيش داعى لكلمة عزونى دى لانها كلمة تقيله اوى
ربنا يقويكى ان شااءلله
ومبرررررررررررررررررررررووووووووووووووووووووووووك
على نجاحك ياقمر لو انك مقولتيش المجموع

شكراً ليكى حبيبتى

بس بجد احباط

انا هحاول ادبى ان شاء الله عشان ازود مجموعى شويه عشان اعرف ادخل كلية كويسه

مرسي لمرورك ولأحساسك الجميل

تحياتى لكى

**عبدالرحمن م** · 2010-07-11, 12:02 AM

يا إخونا ..... اللى يشوف البنى آدم المستفز ده يديله باللى فى رجليه

عشان من الآخر احنا اتبهدلنا (وبهدلة تقيلة كمان)

..............

زى ما قلت لك فى الرسالة "إثبتى"

وفى حالة إن حد من تيفا هيبعتلى يسأل عن اللى عملته فى الإمتحانات فالرد هيكون "قدر الله وما شاء فعل"

بعد إذنكوا بابا بينادى عليا عشان يواسينى

**سندريلا** · 2010-07-11, 02:09 PM

ربنا يوفقك في السنه الجايه ولكن انتي اللي مازاكرتيش

وان شاء الله تبقي احسن السنه الجايه

**سندريلا** · 2010-07-11, 02:11 PM

والثانوي العام احسن كتير من ثانوي ازهري واسألي اي حد ازهري وهو يقولك
تقبلي مروري ياقمر

**silver_shadow** · 2010-07-11, 04:23 PM

كلامك فكرنى بنفسي يالست ملاك
وكان طبيعى اوى انى ارد عليك
خصوصا انى كنت زى حالاتك كده
كنت علمى وكنت بتمنى اخش هندسه
وف سنه تانيه الحمد لله ربنا كرمنى وجبت93%
ساعتها حسيت انه انا خلاص دخلت هندسه وانا حاطه رجل على رجل
وكملت علمى
وف سنه3 وبعد النتيجه حسيت انه الدنيا قلبت اسود ومعادش فى حاجه حلوة فيها خالص
وجالى احباط وعياط بالشهور والله مش بالايام
ولما جالى التنسيق واختارت اداب
كنت داخلاها بارادتى مش غصب عنى
لانه خلاص هندسه راحت
وكان لياعلوم بس رياضه بحته واللى سمعته ان اللى يخشها يبقى مش ناوى يخرج منها
وجالى اداب اول اسبوع مكنتش طايقه الكليه ولا القسم ولا الدكاتره
لدرجة انى حولت من القسم لقسم تانى خالص
وهناك لاقيت حاجات كتيييييييير اوى حلوة
من اصحاب ودكاترة حتى المواد
لاقيتنى حباها
وتعرفى لو الزمن رجع بيا لورا
والله هختار اداب لغه عربيه
كل اللى انا عايزه اقولهولك
انك تسيبيها على الله
واكيد هو شايلك الخير كله
بس برضه ماتستسلميش واعملى اللى عليك
وفالاخر مش لاقيه كلام اقولهولك
غير قدر الله وماشاء فعل
تقبلى مرورى

**سندريلا** · 2010-07-11, 04:53 PM

انتي داخله تحكي قصه حياتك ياسيلفر
البت عاوزه تفاؤل مش كدا
ياملاك حولي ادبي وزاكري والله هتجيبي مجموع اكبر
وماتسمعيش كلام اي حد ولا يهمك الناس
اهم حاجه نفسك
انا كنت علمي وحولت ادبي والحمد لله ربنا كرمني وذدت كتير جدا

**سندريلا** · 2010-07-11, 05:21 PM

وبصي ياملوكه اهم حاجه
الاراده
واوعي يكون عندك احباط انا عارفه انه بيبقي صعب بس
زاكري بجديه عشان تعوضي اللي فات
وخدي علم نفس وتاريخ واقتصاد واحصاء
دول 3مواد باشا
ومستوي رفيع فلسفه انا جبت فيه 9واخدت 2%ذياده

**عيون الحب** · 2010-07-11, 07:51 PM

شكلك انتي ياسندريلا اللي بتحكي قصة حياتك
وزي ماقلتلك سندريلا حولي ادبي وزاكري وشدي حيلك كدة وانتي تجيبي مجموع كبير

**Muhamed** · 2010-07-11, 08:07 PM

زمان اوى ( مش اوى يعنى ) تقريبا من 10 سنين ولا حاجه كان معترك الثانويه العامه بتاعتى

واحد من وسط جيل ما بعد التحسين

كنت اسمع وانا فى اعدادى على مجاميع بال 105% واقول ياه لو جبتها

ودخلت المعترك

ذاكرت مش انا لوحدى اكيد

ناس كتير ذاكرت وتعبت

المجهود والتعب اختلف من شخص لاخر

والنتيجه برضه اختلفت من شخص لاخر

كنت ساعتها انا وزمايلى شايفين ان الثانويه العامه حياه او موت

هيا اللى هتحدد مستقبل الواحد وهل هيكون المستقبل مشرق ولا مؤلم

طبعا بعقليتى دلوقتى انا شايف المنظومه بطريقه مختلفه

ولكن هقلك على حاجه مش هنساها

4 امثله شفتها فى حياتى

طالب جاب مجموع كبير دخل بيه هندسه القاهره

طالب اخر جاب مجموع كبير برضه ودخل بيه طب القصر العينى

طالب تانى جاب مجموع نص نص ودخل بيها تجاره القاهره

وطالب تانى جاب مجموع قليل ودخل كليه تربيه رياضيه

الطالب الاول اللى دخل هندسه ومتساليش ازاى لغايه دلوقتى موجود فى احد اقسام الكليه كطالب او افتكر انه اتخرج السنه اللى فاتت يعنى دخل هندسه وقعد فيها 8 او 9 سنين لانه اهمل وعاش عيشه الجامعه

الطالب التانى دخل كليه الطب وعاش حياته ونجح كل السنين مره بماده ومره بمادتين وفى النهايه تقديره التراكمى جيد وهوا حاليا استلم نيابته فى الصعيد بعيد عن اهله وفى مكان عشوائى

الطالب التالت اللى دخل كليه تجاره قابلته من فتره وانا رايح الشغل وقالى انه شغال فى البنك الاهلى اللى فى المعادى

الطالب الرابع اللى دخل كليه تربيه رياضيه فهو الان مدرب لاحد الفرق الخليجيه فى كره الماء

4 كانوا زملاء فى فصل واحد معايا

كل واحد فيهم كان ليه طموح فى الثانويه العامه

بعضهم توقف طموحه بعد النتيجه اللى وصلها وبعدها مات الطموح جواه

البعض التانى زرع طموح جديد فى قلبه لان هى دى الحياه

لازم نحط هدف لنفسنا ولما الهدف يخلص سواء بالسلب او الايجاب لازم نحط هدف جديد لينا

الثانويه العامه المرحله الاولى كان هدف وخلص

دلوقتى هدفنا هوا الحصول على اكبر مجموع فى المرحله التانيه مهما كان نتيجه المرحله الاولى

صفحه وراحت المفروض نبذل اقصى جهد فى المرحله الجديده والتحدى الجديد

وبعد المرحله التانيه الحياه مانتهتش بالعكس هتبدأى مرحله جديده باهداف اكتر

النجاح هدف من الاهداف

والتفوق ايضا هدف من الاهداف

اما الطموح فاستمراريته هوا اهم الاهداف

**سندريلا** · 2010-07-11, 09:40 PM

ايه ياماندوز الكلام الكبير دا
انا هجبلكم من الاخر بقي
الاراده هي اللي هتخليها تجيب اللي هي عاوزاه
وبطموحها هتوصل
لكن لو جالها احباط وحست بالفشل يبقي عمرها ماهتعمل حاجه
واقفلوا الموضوع بقي
ياكوكي شدي حيلك وخلاص
واعملي اللي عليكي وسيبي النتيجه علي ربنا

**لست ملاك** · 2010-07-12, 11:04 PM

عبد الرحمن

ان شاء الله هنثبت واوى تنحنى انت كمان

وربنا معانا

سندريلا

اشكرك كثيراً على احساسك وطيبتك

سلفر شادو

ونعم بالله ومرسي لك حبيبتى

ماندوز

مرسي لك وادعلنا بقى
ونكون زى الاتنين الاخارى

**silver_shadow** · 2010-07-12, 11:10 PM

ان شاء ياملوكه تبقى احسن منهم كمان
سندريلا
انت قلبت عربى ليه؟؟
هههههههههههههه

**لست ملاك** · 2010-07-13, 10:47 PM

اقتباس:

المشاركة الأصلية كتبت بواسطة silver_shadow

ان شاء ياملوكه تبقى احسن منهم كمان

مرسي ليكى يا سلفر يا حبيبتى

**راجية الفردوس** · 2010-07-15, 03:06 PM

السلام عليكم . بصراحة أنا مع سندريلا فى حاجة قالتها وإنتى عارفة أنا بقول كدا ليه.أنا وإنتى عارفين اللى فيها .صح؟

**عاشق الايمان** · 2010-07-16, 04:44 PM

خلاااص الزعل مش هيفيدك في حاجه

ارمي ورا ظهرك كل الا فات , عمر الا فاتت ما هيجي تاني ولا حتي نعرف نعدل فيه و علشان كده لازم تدوري علي الاحسن منه

" وعسوا أن تكرهوا شيئاً وهو خير لكم ، وعسى أن تحبوا شيئاً وهو شر لكم والله يعلم وأنتم لا تعلمون "

فكري في الباقي من دراستك وباذن الله هتحققي كل الا بتتمنيه

وبالتوفيق والنجاح باذن الله لست ملاك

**لست ملاك** · 2010-07-16, 10:11 PM

خلاااص الزعل مش هيفيدك في حاجه

ايوه صح

ارمي ورا ظهرك كل الا فات , عمر الا فاتت ما هيجي تاني ولا حتي نعرف نعدل فيه و علشان كده لازم تدوري علي الاحسن منه

" وعسوا أن تكرهوا شيئاً وهو خير لكم ، وعسى أن تحبوا شيئاً وهو شر لكم والله يعلم وأنتم لا تعلمون "

دى احسن جملة اتقالت

فكري في الباقي من دراستك وباذن الله هتحققي كل الا بتتمنيه

وبالتوفيق والنجاح باذن الله لست ملاك

مرسي لك يا فارس

]

تعالوا ياجماعة عزونى.....

ان لله وان اليه راجعون توفت الى رحمة الله: لست ملاك بواسطة مجموع الثانوية