... , لحظه , الخطوبه , يادبلة , فضلكـ

يادبلة الخطوبه ... لحظه من فضلكـ !!

يادبلة الخطوبه .. عقبالكم كلكم



وتبنوا طوبة طوبة فى عش حبكم



ازاى هتبنوا طوب فى عش حبكم





ازاى هتحطوا فيه طوب



العش ده من القش ....صح

بس ممكن اوى يكون فيه طوب وزلط واسمنت مسلح كمان



بتحطيه انتى وهو من البدايه بدون قصد



من اول ما بتسمحيله انه يلبسك .....العمه



....قصدى الدبله







راجعى قول رسولنا الكريم


قال رَسُولُ اللَّهِ صَلَّى اللَّهُ عَلَيْهِ وَسَلَّمَ


"لأَنْ يُطْعَنَ فِي رَأْسِ أَحَدِكُمْ بِمِخْيَطٍ مِنْ حَدِيدٍ خَيْرٌ لَهُ مِنْ أَنْ يَمَسَّ امْرَأَةً لا تَحِلُّ لَهُ"







لازم تعرفى ان الخطبه لغة وعرفا وشرعا غير الزواج



هى مجرد حجز الخاطب للمخطوبه بحيث



يحظر على الغير خطبتها



قال رسول الله صلى الله عليه وسلم


"لا يخطب أحدكم على خطبة أخيه"


رواه البخاري (5142)، ومسلم (1412)،





واللفظ لأبي داود (2081)، والنسائي (3238) من حديث ابن عمر – رضي الله عنهما-






بمجرد ما لبستى الدبله فى ايديكى كدا يبقا كأنك بتقولى لكل الناس..خلاص،


الخط مشغول

حلم جميل،


مهما تشترى من دهب وخواتم ومجوهرات تفضل


لـ"الدبله" مكانتها الخاصه جداً عند البنات،


ومستحيل واحده تشتريها لنفسها كنوع من الحُلى او الزينه، لازم تيجى منه "هو" وبس



هاتى الدبله وتعالى بقى ..



لازم تعرفى انك فى مرحله خطيره ..




وان كان الجواز عسل .. فالخطوبه هو لدغ النحل ..



النحل اللى هيجيب العسل يافالحه ..



لازم تحطى ف بالك حاجتين .. علشان هنعوزهم بعدين





انك اتخطبتى اه .. بس لسه متجوزتيش

.. عزيزتى المخطوبه ..



بمجرد ما يعلن الخطيب (( مش اللى بيلعب كوره )) خطبتك



ويوافق ولى امرك على الخطبة



لابد وان تقلع تروس مخك معلنه ببداية المعركه .. ومنذ هذه اللحظه



تبدأى تطرطقى ودانك .. تفتحى عنيكى .. وتخلى مناخيرك ع الويتنج .. استعداد لتعقب



رائحة اى اثر للجريمه



..



الخطوبه هى مفتاح الجواز .. والباب الذهبى للسعاده



وماتش الافتتاح .. ولو لعبتيه صح ياقمر .. يبقى مبروك عليكى الكاس



هتتهاونى فيه .. انتى حره بقى هتنزلى دورى الدرجة التانية



مبدأيا كده يابنت الناس .. خطيبك ده ايا كان مين ؟حسام حسن .. بركات ملك الحركات






.. ملاك ونزل م السما



يقولك هاتى ايدك .. ورينى جمال خطوتك .. توريله العين الحمرا ع طول



يقولك اشوف شعرك بس طوله كام علشان اشتريلك شامبو هديه ..



اشوف رقبتك قطرها كام مللى .. علشان هجيب لمامتك خاتم ف عيد الام



تقسيله عرض اكتافه .. وتبعتيه ع اقرب نجار .. يختار نعشه كيفما يريد



..... الخطوبه دى فتره علشان تعرفى البطيخه



قصدى زوج المستقبل فيها وصفاته وايه مشترك بينكم؟



وهو بيحب ايه (( علشان متبقيش تعمليه ))



طبعا



وهو مبيحبش ايه (( علشان تخنقيه بيه وتطبخيه كل يوم )).... ده اكيد



وتتعرفى ع اهله وحياته وتشوفى هينفع معاكى ولا تشوفيلك بطيخه غيره



لكن لعب مراهقين بقى .. الفراغ العاطفى ده .. لا لا لا مينفعش



انتو داخلين ع حياه جديده عايزين ربنا يسترها عليكم ومعاكم ...



كمان هاتى ودانك كده





.. هو انتى ما صدقتى ؟ .. اقولك هاتى ودانك تدهالى



احنا قلنا ايه؟ .. اى حد يقولك هاتى حاجه متدهالوش ابدننننن



خطيبك هيطلب منك التنازلات دى .. تحت احتمالين



احتمال انه بيختبرك .... اه مااهو كمان عاوز يعرف البطيخه اصلها ايه؟



.. هو انتى فاكره انتى بس اللى ناصحه



والاحتمال التانى .. انه فعلا عايز يمسك ايدك .. بس اول مهيمسكها وياخد غرضه منها



ويحس بخشونتها ويسيبها .. الشيطان هيبدا يوسوله بقى ..



ويقوله لا .. ما هى بتمسك اهى .. شكلها مش اول مسكه ياابو الشباب



انت هتتخم ولا ايه ..؟؟؟؟؟



هيقولك امسك ايدك يانسمه .. هتقليله لا يافوزى



هيقولك ماهو محمود بيمسك ايد خطيبته .. ومصطفى ومعتز



وعلاء بيمسك ايد البت حبيبته من قبل ميخطبها









ويعمل بقى انه مضايق وانه شريف ابن شداد اللى خطيبته مش واثقه فيه



وياخد جنب وعنيه شويه وهينفجر منها الساحل الشمالى



اوعى تنخى .. اوعى تتنازلى ياحنينه ..



حتى لو هددك انه لو ممسكش ايدك هيبعتلك ورقتك



اوعى يهمك ياهبله هو اصلا لسه معندوش ورق يبعتهولك



وكمان تعالى نحسبها ..



هيمسك ايدك ف الخطوبه .. شويه وهيشوف شعرك



.. وسلسلة التنازلات هتبدا



خلاص راحت زهوة الجواز يابنتى ..



ممكن نشترى لبس جديد كل يوم ونلبسه



لكن لبس العيد بيبقى ليه طعم تانى ولبس اول يوم مدرسه ولبس اول يوم جامعه



كل حاجه بعيده وجميله ليها زهوه تانيه ..



متقليش انها حاجه بسيطه .. ايه يعنى ايدى .. ماهو لبسنى الدبله



ماهو ده اساس المشكلة


وده اللى بتكلم فيه


هو مسك صوباع .. خدى بالك م بقية الصوابع



هههههههههههه لا طبعا بس بجد .. لا لا لا لا لا



لو بدا التنازل يافوزيه .. مش هتعرفى تلميها م فين ولا م فين ..



سيبك انتى كمان .. انتى ايش عرفك ان ده اللى ربنا هيتمملك ع خير معاه



مايمكن لا قدر الله .. تحصل اى مشكله تعرقل سير الزواج



.. وتنتزع منها الدبلة



يعنى م الاخر



ربنا لا هيكون راضى ع كده ..



الشخص نفسه هتبداْى تقلى ف نظره ..



حتى لو اتجوزتوا هتفضل دى حاجه بعبع وراكى ..



هتروح زهوة الحجات دى اللى اتنازلتى عنها ف اوقات غلط



لما تيجى تعمليها ف اوقاتها الصح ..



مش كل خطوبه نهايتها جواز ..



لكن كل جواز كان اوله خطوبه الا حالات قليله


مش هقولكم زى مين؟




وأخيرا هننقل كلاما لفضيلة الشيخ ابن عثيمين رحمه الله في هذه المسألة :

( دبلة الخطوبة عبارة عن خاتم ، والخاتم في الأصل ليس فيه شيء ( يعني أنه مباح ) إلا أن يصحبه اعتقاد كما يفعله بعض الناس يكتب اسمه في الخاتم الذي يعطيه مخطوبته ، وتكتب اسمها في الخاتم الذي تعطيه إياه زعماً منهما أن ذلك يوجب الارتباط بين الزوجين ، ففي هذه الحال تكون هذه الدبلة محرّمة ، لأنها تعلّق بما لا أصل له شرعاً ولا حسّاً ، كذلك أيضاً لا يجوز في هذا الخاتم أن يتولى الخاطب إلباسه مخطوبته ، لأنها لم تكن زوجه بعد ، فهي أجنبيّة عنه ، إذ لا تكون زوجة إلا بعد العقد ) .

الفتاوى الجامعة للمرأة المسلمة



منقول

---

dh]fgm hgo',fi >>> gp/i lk tqg;J !!

موضوع رائع
يارب البنات تتعظ
وتسلم ايدك
تم التقيم+

اتحدى لو مكنش 90 مش هقولك 99 ولا حاجة فى المية
من بنات مصر بيعملوا كده

المشاركة الأصلية كتبت بواسطة alsam3r

اتحدى لو مكنش 90 مش هقولك 99 ولا حاجة فى المية
من بنات مصر بيعملوا كده

انا الا اتحداك في النسبه دي

لان تقريبا 90 % من مصر مسلمين

قول 40% او 35% بيطبقوا الاسلام صح

يبقي انت جبت النسبه دي منين

يبقي بلاش تاليف

وحاول تتكلم بمصداقيه

وفعلاا ياحبيبه بابا لازم كل بنت تاخد بالها من نفسهاا قبل ما ترخص نفسهاا

شكرا علي موضوعك الجميل

وياريت كل اخواتنا البنات يتعظوا

المشاركة الأصلية كتبت بواسطة الفـارس

انا الا اتحداك في النسبه دي

لان تقريبا 90 % من مصر مسلمين

قول 40% او 35% بيطبقوا الاسلام صح

يبقي انت جبت النسبه دي منين

يبقي بلاش تاليف

وحاول تتكلم بمصداقيه

وفعلاا ياحبيبه بابا لازم كل بنت تاخد بالها من نفسهاا قبل ما ترخص نفسهاا

شكرا علي موضوعك الجميل

وياريت كل اخواتنا البنات يتعظوا

سورى طب على اى اساس حضرتك رديت على اساس ان 90% دول الصح ولا الغلط
اه انا عارف اننا فى بلدنا مصر كلنا بلا استثناء ناصحين بتوع الفكاكة زى ما بيقولوا بس حضرتك على اى اساس رديت
انا مبالفش ياسيد دى تقولهالى واحنا بنلعب فى الشارع
دا رايى والخلاف فى الراى
قول رايك وانته حر

بارك الله فيكى على الموضوع والكلمات والنصائح

وصراحة انصح كل بنت بالأنصياع لهذه النصائح بشدة فهى جميلة وصحيحة 100%

ولو تكلمنا عن الواقع الفعلى فى مصر فأقول (لا تعليق)
ومن يتق الله يجعل له مخرجا ويرزقه من حيث لا يحتسب

كلامك رائع بجد

تسلم ايديكى يا جميل

ويارب كل البنات تشوفة يمكن يعملو بية

علشان بجد كلام صح 100%

واللي بيعمل كدا نسبة بسيطة جدا .. بس ظاهره جدا وبتزيد .. اللهم عافنا يارب

هوا مفيش احسن من الطريق المستقيم ... ادخل من الباب دغورري يا مورسي

تسلمي علي الموضوع .. جزاكي الله كل خير

اشكرك حبيبة
موضوع فعلا رائع

بس انتي كده الوقتي هتخلي الشباب ينخدع في البطيخة
يعني لو مثلا بنت قرعه ، بمجرد انها تقرأ الموضوع هتحاول تبقي حمره
عشان تكون البطيخة المناسبة .. يبقي انتي كده لخبطي الشباب ههه

مش هنعرف بقي دي حمرة ولا خضره ولا نظامها ايه
شكلنا كده هنقلب علي الكانتلوب

موضوع رائع حبيبه ابوها
سلمت يداك
ياريت نعمل كدا

المشاركة الأصلية كتبت بواسطة عيون الحب

موضوع رائع
يارب البنات تتعظ
وتسلم ايدك
تم التقيم+

اشكرك على تقييمك ويارب يسمعها منك ربنا

المشاركة الأصلية كتبت بواسطة AlSam3r

اتحدى لو مكنش 90 مش هقولك 99 ولا حاجة فى المية
من بنات مصر بيعملوا كده

دا نسبه كبيره جداا السامر اللى اقترحتها دى

المشاركة الأصلية كتبت بواسطة الفـارس

وفعلاا ياحبيبه بابا لازم كل بنت تاخد بالها من نفسهاا قبل ما ترخص نفسهاا

شكرا علي موضوعك الجميل

وياريت كل اخواتنا البنات يتعظوا

ياااااارب يافارس وياريت فعلاا يكون عظه وعبره

المشاركة الأصلية كتبت بواسطة WebCraker

بارك الله فيكى على الموضوع والكلمات والنصائح

وصراحة انصح كل بنت بالأنصياع لهذه النصائح بشدة فهى جميلة وصحيحة 100%

ولو تكلمنا عن الواقع الفعلى فى مصر فأقول (لا تعليق)
ومن يتق الله يجعل له مخرجا ويرزقه من حيث لا يحتسب

وبارك فيك يارب هو فعلاا لا تعليق وختمتها بالايه الكريمه خير رد بصراحه

المشاركة الأصلية كتبت بواسطة قمر الليالى

كلامك رائع بجد

تسلم ايديكى يا جميل

ويارب كل البنات تشوفة يمكن يعملو بية

علشان بجد كلام صح 100%

يارب يكون وسيله نفهم بيها البنات ان دا غلط وتكون توعيه كويسه علشان مترخصش نفسها وتحافظ عليها

المشاركة الأصلية كتبت بواسطة The_boss22

واللي بيعمل كدا نسبة بسيطة جدا .. بس ظاهره جدا وبتزيد .. اللهم عافنا يارب

هوا مفيش احسن من الطريق المستقيم ... ادخل من الباب دغورري يا مورسي

تسلمي علي الموضوع .. جزاكي الله كل خير

فعلاا الباب احسن من الشباك والطريق المستقيم احين من اللف والدوران والصبر حلو بردو ولاا هو الممنوع مرغوب ... وجزاك بمثل الخير

المشاركة الأصلية كتبت بواسطة Eng.Shapon

اشكرك حبيبة
موضوع فعلا رائع

بس انتي كده الوقتي هتخلي الشباب ينخدع في البطيخة
يعني لو مثلا بنت قرعه ، بمجرد انها تقرأ الموضوع هتحاول تبقي حمره
عشان تكون البطيخة المناسبة .. يبقي انتي كده لخبطي الشباب ههه

مش هنعرف بقي دي حمرة ولا خضره ولا نظامها ايه
شكلنا كده هنقلب علي الكانتلوب

لاا ما هى لما تقرا هتتعظ وتعرف ان دا ميصحش بعد الجواز براحتها تعمل ما بدالها حلالها وحقها انما قبل كدا خطررر كنتالوب ولاا بطيخ المهم تعرف ايه الصح وايه الغلط واللى ليها واللى عليها وبعدين تاكلها

المشاركة الأصلية كتبت بواسطة ملكة الرحمه

موضوع رائع حبيبه ابوها
سلمت يداك
ياريت نعمل كدا

يااااااريت والله ياملكه وربنا يهدى الجميع لما يحبه ويرضاه يارب... ويهدينا لجنته والطريق الصح ان شااءلله

شكرا عيون الحب - السامر - الفارس - web craker - قمر الليالى - The boss 22
Eng.Shapon- ملكة الرحمة

اللهم اهدنا لصراطك المستقيم واهدنا لجناتك وابعدنا عن المعاصى يارب وقوى قلوبنا بالايمان ... اللهم امين

اتحدى لو مكنش 90 مش هقولك 99 ولا حاجة فى المية
من بنات مصر بيعملوا كده

مع إحترامى يا باشا طبعاً لردك ووجهة نظرك
بس أنا مش فاهم هو انت قصدك بيعملو إيه ؟ بيعملو الصح ولا الغلط ؟

إما عن محتوى الموضوع ،،
بصراحة الموضوع شفته بس مكنش فى وقت أقرأه بس الحمد لله قرأته
الموضوع بإيجاز شديد ملخص لقعده بناتى بين بنت مثقفة وعاقله وفاهمه ومتدينه
والبنت التانيه تقريباً على وشك الخطبه والأولى طبعاً بتنصحها ،،

عاوز أقول للأخت صاحبة الموضوع جزيتى كل خير على نصائحك الجميله وفعلاً كلام واقعى جداً جداً

بس كان ليا تعقيب ،،

لابد وان تقلع تروس مخك معلنه ببداية المعركه .. ومنذ هذه اللحظه

هو التشبيه كويس جداً بس للأسف يا حبيبة هى مش معركه
وساعات لما العمليه دى بتزيد بتبقى خنقه اوى
فممكن بالراحه وبالهداوه كده والدنيا بردو هتبقى جميله وزى الفل إنما مش بالشكل الى انت قولتيه ده

تبدأى تطرطقى ودانك .. تفتحى عنيكى .. وتخلى مناخيرك ع الويتنج .. استعداد لتعقب
رائحة اى اثر للجريمه

هو ده بس كان تعقيبى على الجزئية دى
إنما باقى الموضوع متفق معاكى تماماً فيه
وأتمنى كل البنات تستفاد من الموضوع ده لأن بجد فى كلام مهم جداً

وكمان فى حاجات عاوز أخدها إقتباس لأهميتها

كل حاجه بعيده وجميله ليها زهوه تانيه ..

أو بمعنى أصح يا حبيبة الممنوع مرغوب ،،

مايمكن لا قدر الله .. تحصل اى مشكله تعرقل سير الزواج

كذلك أيضاً لا يجوز في هذا الخاتم أن يتولى الخاطب إلباسه مخطوبته ، لأنها لم تكن زوجه بعد ، فهي أجنبيّة عنه ، إذ لا تكون زوجة إلا بعد العقد

بارك الله فيكى أختى الكريمه على هذا الطرح الرائع
دمتى بكل ود
فى أمان الله //

المشاركة الأصلية كتبت بواسطة Sir.7amato

إما عن محتوى الموضوع ،،
بصراحة الموضوع شفته بس مكنش فى وقت أقرأه بس الحمد لله قرأته
الموضوع بإيجاز شديد ملخص لقعده بناتى بين بنت مثقفة وعاقله وفاهمه ومتدينه
والبنت التانيه تقريباً على وشك الخطبه والأولى طبعاً بتنصحها ،،

عاوز أقول للأخت صاحبة الموضوع جزيتى كل خير على نصائحك الجميله وفعلاً كلام واقعى جداً جداً

بس كان ليا تعقيب ،،


هو التشبيه كويس جداً بس للأسف يا حبيبة هى مش معركه
وساعات لما العمليه دى بتزيد بتبقى خنقه اوى
فممكن بالراحه وبالهداوه كده والدنيا بردو هتبقى جميله وزى الفل إنما مش بالشكل الى انت قولتيه ده

احترم رايك ووجهة نظرك

هو ده بس كان تعقيبى على الجزئية دى
إنما باقى الموضوع متفق معاكى تماماً فيه
وأتمنى كل البنات تستفاد من الموضوع ده لأن بجد فى كلام مهم جداً



بارك الله فيكى أختى الكريمه على هذا الطرح الرائع
دمتى بكل ود
فى أمان الله //

الحمدلله ان الموضوع نال اعجابكم وشكرا
Sir.7amato
لتعليقك وتعقيبك على الموضوع ؛؛

بجد موضوع روعه
يا رب الكل يستفيد منه
تسلم ايدك

افتكرت فؤاد المهندس الله يرحمه لما كان بيقول
كنتى سيبيه يمسكها يا فوزية يمكن تطرى فى ايده
بالتوفيق للجميع

المشاركة الأصلية كتبت بواسطة The therapist

بجد موضوع روعه
يا رب الكل يستفيد منه
تسلم ايدك

ياااااارب ياستى ان شاءالله

المشاركة الأصلية كتبت بواسطة MohanneD

افتكرت فؤاد المهندس الله يرحمه لما كان بيقول
كنتى سيبيه يمسكها يا فوزية يمكن تطرى فى ايده
بالتوفيق للجميع

الله يرحمه... يارب يوفق الجميع ان شاءالله

شكرا The therapist - MohanneD

.. ملاك ونزل م السما



يقولك هاتى ايدك .. ورينى جمال خطوتك .. توريله العين الحمرا ع طول

مش للدرجادي يعني ياحبيبه ابوها
هوا اه فيه بنات بتعمل كدا لكن اللي فاهم الدين صح وبيطبقه مش هتعمل كدا
ومالكم كدا جايين كلكم ع البنات
يعني خلاص الشباب كلها بقت متقيه
مفيش غلطه بيعملوها؟؟؟؟؟
والموضوع جميل واتمني كله يستفاد منه
شكرا علي الطرح اختي الحبيبه

المشاركة الأصلية كتبت بواسطة سندريلا

.. ملاك ونزل م السما



يقولك هاتى ايدك .. ورينى جمال خطوتك .. توريله العين الحمرا ع طول

مش للدرجادي يعني ياحبيبه ابوها

المقصد سندريلاا انها لو تهاونت فى اى حاجه هتبدأ تتنازل بعد كدا علشان كدا لازم تكون محافظه على نفسها كويس دا لنفسها مش لغيرها؛؛

هوا اه فيه بنات بتعمل كدا لكن اللي فاهم الدين صح وبيطبقه مش هتعمل كدا

واديكى بالجمله دى رديتى على كلامك

ومالكم كدا جايين كلكم ع البنات
يعني خلاص الشباب كلها بقت متقيه
مفيش غلطه بيعملوها؟؟؟؟؟

؟؟؟؟؟؟؟؟؟؟؟؟؟؟؟؟؟؟

والموضوع جميل واتمني كله يستفاد منه
شكرا علي الطرح اختي الحبيبه

وشكرا ليكى سندريلاا واحترم رايك

ياريت يا جماعه النقاش بأسلوب محترم ومهذب
يعنى مينفعش إطلاقاً نقف لبعض ع الوحده كده

ياريت منحولش الموضوع لخناق
والى عاوز يدخل يرد ،، ياريت يتكلم فى سياق الموضوع
الى معندوش رد ميدخلش الموضوع ولا يبوظ الموضوع لصاحبه عشان حوار تافه ملوش أى لازمه ،،

إتفضلو يا جماعه الى عندو رأى للرد على محتوى الموضوع يدلى بيه
ومن يتكلم فى أى حوار آخر خارج الموضوع يعرض نفسه بذلك الى المخالفه
الى عاوز يجدال حد يجادله فى الرسايل الخاصه مش فى المواضيع ،،

شكراً