بلدنا , عاليه

غاليه بلدنا علينا,, هى غاليه فعلا ولا ايه ؟؟

ازيكم يا تيفاويه ؟؟


من غير مقدمات هدخل فى الموضوع على طول ,, زمان كنت بسمع عن الوطنيه والانتماء
وان الناس كلها كانت تحب مصر مكانش حد بيشتكى اد كدا رغم ظروف الاحتلال والحرب وكل الظروف اللى مرت بلدنا بيها ,, بس كنت تحس فعلا ان البلد فيها ناس فعلا عندها وطنيه وانتماء
واتوجدت اغانى كتيرة جداااا وطنيه منها الوطن الاكبر ,, ويا حبيبتى يا مصر ,, وموسوعه حليم فى الاغانى المصريه الوطنيه فى عهد الرئيس اللى ملوش زى ولا مثيل جمال عبد الناصر

النهاردة وفى ايامنا دى اه سمعنا شيرين ومشربتش من نيلها وغيرها من الاغانى دى ويمكن اغلب مناسبات الاغانى اللى تخص مصر فى الايام دى كانت علشان خاطر كأس الامم الافريقيه 2006 :: 2008 ::2010


هنا السؤال بئه ياترى بلدنا لسه غاليه علينا فعلا ,,

الحقيقه مفيش حد الا لما الاقيه بيشتكى من البلد سواء الغلاء او البطاله او العنوسه او الاجرام او حتى الشباب اللى يتعلم وان لقى شغل يلاقيه فى غير مجاله والشباب اللى يسافر يتمرمط وكرامته تتهان فى بلاد ناس تانيه ,, وغيرها شكاوى كتير يتعمل منها مجلدات

حتى كان فى برنامج واحد من الناس كانت المذيعه بتسأل الناس فى الشارع على البلد وحالها واحد رد عليها يقولها : هو سعد زغلول قال مفيش فايدة وهو فعلا مفيش فاايدة ..؟؟ وتسأل واحد تانى بتشتكى من ايه ,, يرد عليها يقولها السؤال الصح المفروض تقولى في ايه مش بنشتكى منه ؟؟

للدرجه دى البلد دى مبقاش فيها اى حاجه حلوة خاااااااالص حتى نشيد بلادى اللى طلع عليه تريئه بئه حماتى حماتى ,,, وكلمة مصر هى امى بئت مصر هى مرات ابويا ,,

ارجو ان يكون مغزى الموضوع واضح ليكوا ,, وسؤالى هل لسه البلد دى غاليه علينا فعلا ..؟
هل لسه عندنا الانتماء والوطنيه اللى كانت موجودة أيام زمان ..؟؟

وفى النهايه طبعا الاختلاف فى الراى لا يفسد للود قضيه ,,
ومش معنى كدا انى كارهه البلد دى ,, بل بالعكس زيى زى كتييييييييير جدا نفسهم ان بلدنا تبقى احسن

---

yhgdi fg]kh ugdkh<< in tugh ,gh hdi ?? uhgdi

شكلك ياحبيبة هتكوني مشرفة معانا المرة الجاية ان شاء الله في السجن

ياحبيبتي يامصر يامصر

والله ياحبيبة ابوها رايى ان العيب مش فى البلد
العيب فينا احنا فيبقى لية البلد مش هتبقى غالية علينا
اكيد لو كل واحد صلح من نفسة البلد دى هتبقى احسن بكتير
وهتبقى بجد ام الدنيا

يمكن تعدد شرائح المجتمع هيا السبب اللى خلى سؤالك مطروح

الا انت سؤالك موجه بقه لاى شريحه منهم بالظبط ؟

اه متستغربيش سؤالك ده مينفعش اقول انه بيتسأل لشعب مصر كله وعايزه اجابه واحده

ولكن ممكن يتسأل لشريحه معينه من شعب مصر علشان تحصلى على اجابه واحده

واجابه السؤال ستختلف بالطبع باختلاف الشريحه

هناك الرجل الذى جاوز الاربعين وربما الخمسين

هذا الرجل الذى عايش عبدالناصر فى طفولته والسادات فى شبابه ومر بقه زمننا الحالى

هذا الرجل ستجد له نوعان لا ثالث لهما

اما انه من اصحاب المناصب او المال وده رده على السؤال ان مصر دلوقتى احسن من زمان كفايه ان الموظف زمان كان بياخد 3 قروش دلوقتى بياخد 1000 جنيه

اما النوع التانى هوا المنظر اللى فى دماغهم اللى لو سالتيه هيقلك الردود المكتوبه فى الموضوع فى جزئيه حوار واحد من الناس


نيجى للشاب اللى فى الثلاتين ودول برضه كذا نموذج

نموذج للعربيه التويوتا اللى رايح بيها شغله وماشى فى الشارع بيكلم زميله على الموبايل ابو 4000 جنيه على خروجه فى شرم بعد ما ياخد اجازه من شغله ابو 10000 جنيه فى الشهر

ده لو سالتيه هيقلك نفس اجابه هتظهر بعدين

النموذج التانى هوا لشاب برضه ونفس السن شغال فى شغلانه معقوله ومرتبه 1500 جنيه

وبيحاول يلم علشان يجهز تمن الشقه علشان يتجوز ويرتاح من اكبر الهموم قبل الزواج

النوع الثالث هوا زى التانى بس يفرق ان اهله كان معاهم فلوس فاتجوز بدرى

النوع التالت هوا الطبقه المتوسطه فى مصر وده رده هيكون ان شاء الله ربنا يعدلها

نخش بقه على الجيل الصح صح صح

جيل العشرين وهى فتره الشباب مابين ال 20 و 30 سنه

دول بقه انواعهم لا حصر لها علشان كده كل شويه انواع زى بعض نختصرها فى نوع واحد

النوع الاول يماثل النموذج الاول فى جيل الثلاثينات ولكن يختلف عنه انه معندوش البذخ ده يمكن اه ابوه معدى ولكنه برضه لسه فى بدايه حياته فى شركه بترول او شركه اجنبيه ابوه شغله فيها بمرتب 3000 او 4000 فى الشهر علشان تعيين جديد وده هيشتكى من الديموقراطيه لكن كحياه وكده يقلك على حاجات موجوده فى اوربا ولاقها فى مصر زى المولات والحاجات دى

النوع التانى

الخريج اللى اشتغل فى مكان حكومى او شركه خاصه بمرتب لا هوا عالى ولا هوا قليل
وده هتلاقيه محبط ومخنوق ولكنه عنده امل فى بكره وان شاء الله بكره احسن على المستوى الاقتصادى والاجتماعى
اما النوع الثالث
فده اللى اتخرج او متخرجش وقاعد كده مش عارف هوا المفروض يعمل ايه
نوع هوا ناتج لفساد كل شئ فى المجتمع
دول مستبعدش انهم لو اتعرض عليهم يخونوا البلد هيخونوها زى قضيه الجاسوسيه المثاره حاليا



فى النهايه

محدش بيعرف غلاوه مصر الا لما تكون محتجاه بجد

فى العصور السابقه كان فى حروب وكان الشعب كله ملفوف حوالين البلد

دلوقتى فى سلام واستقرار يمكن دا يكون سبب تانى وصل الناس للفتور ده

وماله ياملكه بحجابى دا حتى السجن للجدعان

العيب اكيد فينا كبشر مش فى البلد يا pure heart ( نعيب زماننا والعيب فينا وما لزماننا عيب سوانا )//

اجابه مقنعه يا ماندوز,,
وانا قصدت بطرحى للموضوع الطبقه الغالبيه اللى منتشره فى المجتمع طبقه الشباب والطبقه شبه الفقيره لان الطبقه المتوسطه تكاد تكون انعدمت.. واصبح المجتمع الطبقه الغنيه اللى عاشت من ايام الرؤوساء السابقين ومعاصرة الوقت ( مخضرمين يعنى)
( وصدق فعلا السادات لما قال اللى مش هيغتنى فى عهدى عمره ما هيغتنى بعد كدا ) والطبقه شبه الفقيره الناس اللى يدوب الحمد لله اليوم معاها بيعدى؛؛ واللى شغال فى اى مهنه يجيب منها قروش ونماذج كتيره جداااااااااا ////