لفريق , الأهلي , الأقل , الباص , بالمصدر , بالجزائر , تحطم , زجاج

بالمصدر / تحطم زجاج الباص المقل لفريق الأهلي بالجزائر

الأهلي المصري يؤكد أن فريقه تعرض لاعتداء في الجزائر

القاهرة - رويترز:

قال الأهلي المصري إن حافلة تقل فريقه تعرضت لاعتداء من مشجعين جزائريين بينما كان اللاعبون في طريقهم لأداء المران الأخير قبل مواجهة شبيبة القبائل في تيزي وزو في دوري أبطال أفريقيا لكرة القدم غدا الأحد.

وأضاف الأهلي في بيان بموقعه على الانترنت إن حافلته تعرضت لرشق بالحجارة وهو ما نتج عنه إصابة اللاعبين أسامة حسني وأحمد السيد بجروح. وأكد الأهلي أن الشرطة الجزائرية حضرت إلى موقع الحادث للسيطرة على الوضع. وقال الأهلي إنه استدعى مراقب المباراة لإثبات ما تعرض له الفريق من اعتداء وتقديم تقرير إلى الاتحاد الأفريقي بالواقعة.

وشاب التوتر علاقات مصر والجزائر بعد تبادل اتهامات بحدوث اعتداءات على المشجعين في مباراتين بين منتخبي البلدين في التصفيات المؤهلة لكأس العالم في نوفمبر الماضي. وعاقب الاتحاد الدولي (الفيفا) مصر بنقل مباراتين لها خارج العاصمة بعد تعرض حافلة منتخب الجزائر للرشق بالحجارة وإصابة ثلاثة من لاعبيه في القاهرة قبل مباراة منتخبي البلدين يوم 14 نوفمبر. وأوقعت قرعة دور الثمانية لدوري أبطال أفريقيا الأهلي والإسماعيلي المصريين في مجموعة واحدة مع شبيبة القبائل.



تعرض أتوبيس لاعبى الأهلى وهو فى طريقه إلى ملعب أول نوفمبر لأداء المران إلى اعتداء من بعض الجماهير التى تواجدت فى طريق الأتوبيس وراحت تقذفه بالحجارة وهو ما نتج عنه إصابة أسامة حسنى وأحمد السيد بجروح نتيجة ارتطام الحجارة بأجساد اللاعبين وسريعاً حضرت الشرطة الجزائرية للسيطرة على الأجواء ومكثت بعثة الفريق فترة فى الأتوبيس دون أن تتمكن من النزول لأداء المران بعد حالة الهرج والمرج التى حدثت فى مكان الاعتداء .


الأهلي يستدعى مراقب المباراة لتسجيل واقعة الاعتداء على الأتوبيس



قام مسئولو النادى الأهلى باستدعاء مراقب المباراة لتسجيل واقعة الاعتداء على أتوبيس اللاعبين وتقديم تقرير بها إلى الاتحاد الإفريقى .. يذكر أن أتوبيس الفريق كان قد تعرض للاعتداء وهو فى طريقه إلى ملعب أول نوفمبر لأداء مرانه الأخير مساء اليوم قبل مباراة الغد أمام شبيبة القبائل فى دورى أبطال أفريقيا وهى المقرر لها العاشرة بتوقيت الجزائر والحادية عشر بتوقيت القاهرة .

Download52572

---

fhglw]v L jp'l .[h[ hgfhw hglrg gtvdr hgHigd fhg[.hzv hgHrg

البيان في كذب الصحف الجزائرية


جريدة الهداف تنشر خبرين يوضحان فشلهما الصحفي

عاجل: انحراف حافلة الأهلي المصري في منحدرات تيزي وزو

لم تكن الحصة الأخيرة لنادي الأهلي المصري على ملعب أول نوفمبر بتيزي وزو عادية حيث انحرفت الحافلة التي تقل لاعبي النادي باتجاه الملعب وكادت تتسبب في حادث، والسبب هو سقوط أمطار خفيفة عشية اليوم على عدد كبير من المدن الجزائرية ومن بينها مدينة تيزي وزو التي تقع في أسفل سفوح جبال جرجرة، ولذا كانت الطرقات زلجة مما تسبب في انزلاق عجلات الحافلة، التي كانت تقل اللاعبين، ولحسن الحظ أن السائق تمكن من التحكم في القيادة وأوصل اللاعبين سالمين إلى أرضية الملعب، وكانت هناك حافلة أخرى تقل المسيرين والطاقمين الفني والطبي.
إدارة الشبيبة تتدخل وتغير الحافلة والسائق
وأمام هذا الحادث البسيط الذي أرعب لاعبي النادي الأهلي بعض الشيء، سارعت إدارة شبيبة القبائل إلى احتواء المشكل وراجت تقوم بتغيير الحافلة والسائق معا، حتى لا تدع أي مجال للشك، فكان بالإمكان تغيير الحافلة فقط بالرغم من أن المشكل كان في الطرقات المبللة، إلا أن إدارة الكناري أرادت أن نهي المشكل بسرعة البرق حتى لا تكون سببا في تعكر الأجواء بين الناديين.
الحصة التدريبية تأخرت بنحو نصف ساعة
وراح مشكل الحافلة يتسبب في تأخر الفريق عن البدء في التدريبات نصف ساعة عن موعد الحصة القانوني، وهو ما تسبب أيضا في تأخر الحصة التدريبية للشبيبة التي كانت تنتظر انتهاء الحصة لتنطلق التدريبات مما جعل طاقم الشبيبة واللاعبين يتابعون جزاءا من الحصة التدريبية للنادي الأهلي وصل إلى حوالي عشر دقائق لكن طاقم النادي المصري لم يبد انزعاجا من ذلك.

Download70780

الخبر الثاني من نفس الجريدة

الجاني في قبضة الأمن
عاجل: حافلة الأهلي تتعرض للرشق وإصابة لاعب
تعرضت حافلة الأهلي المصري المصري إلى اعتداء من أحد الأنصار المتطرفين الذي كان مختبئا في وسط أشجار القصب في منطقة تسمى "تالا علام"، واستغل مرور حافلة اللاعبين ليرشقهم بحجر واحد أصاب زجاجها وهو ما أدى إلى إصابة اللاعب أسامة حسني الذي وجدناه فور وصولنا إلى مكان الحادث ومعصوب الرأس، وقد وجدنا اللاعبين والطاقم الفني في قمة التوتر، وبعدها بدقائق حاصرت قوات الأمن المرافقة للأهلي المكان وألقت القبض على الجاني، وهو الآن رهن التحقيق، اللاعبون بعدها واصلوا مسيرهم نحو الملعب بعد توقف دام قرابة الساعة من الزمن، يذكر أن الحادثة جرت في حدود الساعة التاسعة وعشرين دقيقة (21:20) وفي هذه الأثناء يجري النادي الأهلي مرانه الأخير استعدادا لمباراة الغد التي ستكون بداية من الساعة العاشرة مساءا بتوقيت الجزائر التاسعة بتوقيت غرينتش.

Download11708

السلام عليكم
رمضان مبارك علينا وعلى الجميع ان شاء الله
أكيد هذه شرزمة قليلة يا أستاذ أحمد وأكيد يوجد فى الجماهير شرزمة ولو قليلة تشجع الرياضة تشجيع عنصرى أعمى وهذا الموقف اعتقد انه يوجد فى كل مكان ..
لكننا فى هذا الشهر المبارك ندعو الجميع إلى تمالك الأعصاب وعدم الاقتياد وراء هذه الأخبار وعدم الاستشاطة غضبا أو العنصرية وما إلى ذلك فنحن والشعب الشقيق اشقاء واخوان وتجمعنا راية واحدة راية الإسلام

بالتوفيق للجميع إن شاء الله

رى عالموضوع دا هو الموضوع اللى عمله ماندوز

https://tefanet.protector.pw/vb/show...781#post126781

واتمنى ان المنتدى باى شكل من الاشكال ميكنش ليه يد فى انتشار الفتنة بين المسلمين ومن الاحسن تجاهلها

وبعدين احنا فى شهر كريم ندور فيه عن الحب مش الكره عن التسامح والعفو مش عن الزعل والخصام

واظن ان الحدث دا كان بسيط بشهادة بعثة النادى الاهلى نفسها ان قالت الحدث بسيط ومش هيأثر عن الاستقبال الجيد والامن اللى اتمتعت بيه البعثة ولا هيأثر عن النادى الاهلى نفسه
وياريت يا احمد وانت فى العمرة وادام بيت ربنا تدعى ربنا ان يوحد شمل المسلمين وان يطفأ نار الفتنة بينهم ويألف بين قلوبهم
احنا فى قضايا اهم عاوزين نغضب ونثور عشانها

تعبت بجد
لا تعليق
اللهم انى صائمه

المشاركة الأصلية كتبت بواسطة فجر الاسلام

رى عالموضوع دا هو الموضوع اللى عمله ماندوز

https://tefanet.protector.pw/vb/show...781#post126781
ا

وبعدين احنا فى شهر كريم ندور فيه عن الحب مش الكره عن التسامح والعفو مش عن الزعل والخصام

واظن ان الحدث دا كان بسيط بشهادة بعثة النادى الاهلى نفسها ان قالت الحدث بسيط ومش هيأثر عن الاستقبال الجيد والامن اللى اتمتعت بيه البعثة ولا هيأثر عن النادى الاهلى نفسه
وياريت يا احمد وانت فى العمرة وادام بيت ربنا تدعى ربنا ان يوحد شمل المسلمين وان يطفأ نار الفتنة بينهم ويألف بين قلوبهم
احنا فى قضايا اهم عاوزين نغضب ونثور عشانها

سلمت اناملك وانامل كل من ينهى هن المنكر ويامر بالمعروف
الحب يا فجر بيجي وحدو لاصحاب القلوب الطيبة والنفوس المرتاحة ، لاكن اصحاب القلوب السوداء ومرضى القلوب اذا صح التعبير اعاذنا الله هم من يذهبو للبحث عن الشر والافعال والاقوال الشيطانية لكي يفسدو كل ماهو جميل .... فلا تستغربي انهم محرومون من الحب وطعم الحب والكلمة الطيبة التي تخرج من القلب الصادق ، لاحب لمن يحاول نشر الشر لن يستطيع ان يحب

تعقيب
انا مثلا لما اشوف خبر مش كويس يعني ممكن يسئ للعلاقة بين الجزائر ومصر انصرف عنو مع غض النضر انو حقيقة او كذب ، يعني بمعنى الكلمة قلبي صادق في حب الخير .....لا يمكن ان انقل خبر يضر ويأزم الاوضاع اه انا هكذا حتى لو كانت الجزائر كلها بلطجية وحرمية ومجرمين ، سابقى ادعو للخير ولو كانت مصر كذالك ايضا سابقى ادعو للخير لان القضية ليست كرة قدم انها قضية امة مسلمة كاملة . سابقى دائما احب الخير وادعو الى الخير وانقل الاخبار الجميلة التي يضهر فيها التعاون والتصالح بين البلدين ولما يكون مشكل ما لا قدر الله سابقى ادعي ربنا يصلح الامور ويثبتنا
انا هكذا احب الخير وسابقى احب الخير

عرفتم الأن لماذا أصر على موقفي من الجماهير الهمجية التي لم تقدر أمس معنى رمضان ويتغنون بالشعارات وهم أول من يستحق العقاب . أرأيتم أمس الحرس الأزرق الذي كان مهمته الأساسية حماية لاعبي الملعب وهم يعتدون بهمجية على لاعبي الأهلي وكأنهم حيوانات تحت أيديهم ونكن ماعلينا سوى أن نقول أنه حادث فردي ، الى متى سندفن رؤوسنا في الرمل مثل النعام. فقط أحببت أن أخبركم بأن اللي فيه خصله عمره مابيقدر يمحيها والمباراة الجاية في القاهرة والرد سيكون جدا قاسي

وان غدا لناظره قريب

عرفتم الأن لماذا أصر على موقفي من الجماهير الهمجية التي لم تقدر أمس معنى رمضان ويتغنون بالشعارات وهم أول من يستحق العقاب . أرأيتم أمس الحرس الأزرق الذي كان مهمته الأساسية حماية لاعبي الملعب وهم يعتدون بهمجية على لاعبي الأهلي وكأنهم حيوانات تحت أيديهم ونكن ماعلينا سوى أن نقول أنه حادث فردي ، الى متى سندفن رؤوسنا في الرمل مثل النعام. فقط أحببت أن أخبركم بأن اللي فيه خصله عمره مابيقدر يمحيها والمباراة الجاية في القاهرة والرد سيكون جدا قاسي

متخليش التعصب يعميك يا ابن مصر
كان واضح اوى وباين ان الامن كان بيحاول يحمى الحكم ودا وظيفة الامن واظن ان حتى وائل جمعة ضرب الامن وكانت واضحة اوى


بص يا ابن مصر هقولهالك واضحة وصريحة المنتدى هنا مش قابل اى مواضيع من قريب ولا من بعيد تشعل الفتنة بين المسلمين
الحمد لله رب العالمين معظم اعضاء المنتدى هنا وجهة نظرهم متوحدة حوالين الموضوع دا وهو رفض الفتنة بين المسلمين ورفض اشعالها

كونك مش بتحب شعب الجزائر او شعب اخر انت حر تحب اللى تحبه وتكره اللى تكرهه واحنا برضو احرار

بس المنتدى هنا بيحترم كل الشعوووب المسلمة والشعوووب الغير مسلمة التى تحب المسلمين ويرفض وصفها باى كلام يجرحها
واحنا فى رمضان والناس بتجرى ورا الحسنات
كل سنة وانت طيب

مش تعصب يافجر
ده امر طبيعى بعد الهمجيه والتخلف اللى حصل
هو احنا لحد امتى هنفضل نطاطى ونقول اشقاء
نتشتم ونتضرب وكرامتنا تضيع
ونقول عرب ورمضان كريم
هما هناك مقدروش رمضان!!!
ومطلوب اننا نقدره هنا
نقدرهم بعد مااتضربنا واتحدف علينا طوب
والامن اللى مفروض يحمى رجالتنافجاه اتحول وضربهم
امن ايه باه وعرب ايه؟؟؟
لا ياعم لو هو ده حال العرب
يبقى على قد بلدى وبس
مصر وبعدها الطوفان

اساسا دول عندهم عقده اسمها مصر
بيكرهونا ليه مش عارفه؟؟؟؟
لو حد عارف يقولى

متاكده ان ردى ممكن يتحذف بس ده قليل جدا ع اللى انا حساه
ودى الحقيقه اللى كل واحد مصري نفسه يقولها
بس بيحاول يبان مطيباتى ومنتمى للعرب
انا مش فاهمه اشمعنا احنا اللى بنقدر العرب قوى كده؟؟؟
ليه هما مش قادرين ينتموا للعرب ذينا؟؟؟؟

بجد خلاص باه الواحد تعب وقرف وزهق
وزى ماقالها الصقر العميد
((لا للذهاب للجزائر مرة اخرى مهما كانت الاسباب....حتى لو كانت ماتش حاسم ف تصفيات كاس العالم
لازم يعرفوا ان كرامة المصري فوق كل شئ))

ياسيلفر اسكتي بدل ماتاخدي مخالفه بالخطأ
اللي بيتكلم صح الايام دي بيكتموه

مش تعصب يافجر
ده امر طبيعى بعد الهمجيه والتخلف اللى حصل
هو احنا لحد امتى هنفضل نطاطى ونقول اشقاء
نتشتم ونتضرب وكرامتنا تضيع
ونقول عرب ورمضان كريم
هما هناك مقدروش رمضان!!!
ومطلوب اننا نقدره هنا
نقدرهم بعد مااتضربنا واتحدف علينا طوب
والامن اللى مفروض يحمى رجالتنافجاه اتحول وضربهم
امن ايه باه وعرب ايه؟؟؟
لا ياعم لو هو ده حال العرب
يبقى على قد بلدى وبس
مصر وبعدها الطوفان

اساسا دول عندهم عقده اسمها مصر
بيكرهونا ليه مش عارفه؟؟؟؟
لو حد عارف يقولى

متاكده ان ردى ممكن يتحذف بس ده قليل جدا ع اللى انا حساه
ودى الحقيقه اللى كل واحد مصري نفسه يقولها
بس بيحاول يبان مطيباتى ومنتمى للعرب
انا مش فاهمه اشمعنا احنا اللى بنقدر العرب قوى كده؟؟؟
ليه هما مش قادرين ينتموا للعرب ذينا؟؟؟؟

بجد خلاص باه الواحد تعب وقرف وزهق
وزى ماقالها الصقر العميد
((لا للذهاب للجزائر مرة اخرى مهما كانت الاسباب....حتى لو كانت ماتش حاسم ف
تصفيات كاس العالم
لازم يعرفوا ان كرامة المصري فوق كل شئ))

عارفة يا سليفر
انا قادرة بفضل ربنا انى ارد على كلامك لان فى نقط سهل اوى ارد عليها
بس عارفة كلامك دا خلانى احمد ربنا سبحانه وتعالى على حاجات كتير اووى ونعم كتيرة اوى ربنا اعطهالى مش فى صدد ذكرها
اتمنى ان ربنا يديهالك او انتى تكتشفيها جواكى

عشان كدا يا سنريلا انا مش هحذف الرد ولا هديها مخالفة

المشاركة الأصلية كتبت بواسطة فجر الاسلام

عارفة يا سليفر
انا قادرة بفضل ربنا انى ارد على كلامك لان فى نقط سهل اوى ارد عليها
بس عارفة كلامك دا خلانى احمد ربنا سبحانه وتعالى على حاجات كتير اووى ونعم كتيرة اوى ربنا اعطهالى مش فى صدد ذكرها
اتمنى ان ربنا يديهالك او انتى تكتشفيها جواكى

عشان كدا يا سنريلا انا مش هحذف الرد ولا هديها مخالفة

والله لو حد عنده رد
يرد عليا ويقولى كل اللى حصل ده حصل ليه؟؟؟
لو هما عرب واشقاء حصل ليه؟؟؟

المشاركة الأصلية كتبت بواسطة silver_shadow

والله لو حد عنده رد
يرد عليا ويقولى كل اللى حصل ده حصل ليه؟؟؟
لو هما عرب واشقاء حصل ليه؟؟؟

السلام عليكم
يابنت ياسيلفر لو نقارن علاقتنا ببعضنا كمسلمين واخوة بماتش كورة اكيد انكم انتم ستنقسمون الى طائفة اهلاوية واخرى زملكاوية واخرى اسماعلية وهكذا ، وكلنا نعرف ماذا يحصل في مباريات الاهلي والزمالك . فلا نستطيع ربط علاقتنا كامة اسلامية بما حصل في ملعب كرة قدم لازم تفهميها
ثانيا : فجر بتقولك انك عندك حاجة بداخلك ارجو ان تكتشفيها احسن او بدلا من تربطي الي حصل بمصير امة كاملة ، انا لن اتكلم عن ما حصل في المبارة لاننا حقا زهقنا زي ماتقولي انت انا زهقت
لاكن انا بقولك حاجة ولكل الي بيحملو نفس وجهة نضرك في الموضوع : حاولي تكتشفي الحاجة الي قالتلك عليها فجر فانك سترتاحين وتحسين بحب حتى في لحضات الخسارة او الانكسار . الاهلي

قليلين هنا فى المنتدى اللى يعرفوا انى اهلاوى متعصب

وبصراحه زعلت جدا امبارح بالخساره خصوصا انه كان عيد ميلادى وانضرب فى اخره


المهم

فى بعض النقاط بقولها كمشجع اهلاوى

اولا المتابع للمتش اكيد عارف ان فى فضيحه تدريبيه اسمها حسام البدرى

واظن كل مشجعين الاهلى مقتنعين بكده

ملاحظتى على الحكم ان الفاولات كان بيأفور فيها شويتين ناحيه الاهلى والكروت

بس برضه هفكر نفسى بمتش 4\0 اللى الاخوه الجزائريين قالوا نفس الكلام على الحكم

فى النهايه هيا كره قدم

لو حسبنا صح

الاهلى لو الحكام مظبوطين كان الحق انه يتعادل مع الاسماعيلى ويتعادل من الشبيبه هياخد نقطتين

الاهلى بالحكام كسب الاسماعيلى وخسر من الشبيبه المحصله ثلاث نقاط

دا عشان لو هنتكلم عن التحكيم اللى شايف ان موقف الاهلى منه المتش ده زى موقف الجزائر فى متش 4\0

المهم

ملاحظات اخرى حول المباره

رافض بشده الصاروخ الصوتى اللى اطلق وسقط جنب اكرامى فى احد الفاولات والحكم استغربت انه ملغاش المتش فيها لان الصاروخ نزل جنب اكرامى وقت الشوطه والحكم معملش حاجه

جون شوقى تسلل واضح

وهنا هتكلم عن وجهه نظرى فى اللى حصل

انا اعتقد ان شوقى جاب الجون ومكنش يعرف ان الجون اتلغى ففرحان وبيجرى ناحيه يمين المقصوره اللى هو المفروض مكان الجاليه المصريه

الامن اللى لابس ازرق عارف اللى فيها وعارف ان لو شوقى قرب من الجمهور هتحصل كارثه لان الكل ساعتها حتى لاعيبه الشبيبه افتكرت الكوره جون ورد فعلهم كان واضح

فالامن اظن انه منع شوقى اللى كان خارج بقوه بره التراك

رد الفعل الامنى خلى لاعيبه الاهلى تشوف زميلهم ملوم عليه الناس مفكروش ودخلوا يخوشوا

وبعض اللقطات اظهرت ضرب من بعض افراد الامن للاعيبه الاهلى خصوصا وائل جمعه

طرد حسام غالى برضه مفهمتلوش سبب بس ممكن يكون عمل حاجه للحكم اثناء الدوشه اللى حصلت

مخرج المباره محترف جدا وارجو ان يتعلم منه مخرجونا ترك الخناقه وجاب الجمهور

بس بمبدأ الفيفا الحالى لو حد من جاليه الاهلى صورت هيعتد باللى صوروه

الاعتداء بعض المباره مكنش بالصوره المبالغه طوبه محدوفه برضه

يعنى الالتراس بيعملوا اكتر من كده فى بعض فى مصر

لقطه ايجابيه لامير القلوب عند خروجه الغريب من مدرب غريب هيا الاجمل فى اللقاء عندما حيا جمهور الجزائر الذى لم يتوانى عن تشجيع النجم الكبير

الذى يفهم ان كره القدم هيا للمتعه وحتى ولو خسرت والتحكيم وكل حاجه ضدى فهى لعبه للتقريب بين الشعوب

واتحدى انى لو نزلت الجزائر الاقى حد يشتم فى تريكه

اللى اتمنى ان لاعيبه العرب كلهم يفكروا فى تفكيره ان الكوره حتى ولو خسرت اهم من المجد الكروى الزائل فهناك حب الناس الذى لا يموت

عرضت وجهه نظرى فى الموضوع

واتمنى من الجميع انها تفهم اننا بنتكلم عن كوره

وانا بلعب مع اصحابى اوقات اخبط واحد والحكم ميحبهاش ونجيب جون ونكسب الفرقه والولد اللى خبطته يبقى متغاظ منى

لكن بعد ما المتش ما يخلص ممكن الاقى نفسى فى تقسيمه معاه فى نفس الفريق

كان فى زمان منتخب اسمه المنتخب العربى زى منتخب العالم

طبعا من 10 سنين او اكتر مسمعتش عنه حاجه


متش وعدى ولسه فى متش العوده فى القاهره والاهلى يقدر يعوض وجماهيره تفرح

متش الفيصل فى المجموعه من وجهه نظرى هوا مباره الاسماعيلى والشبيبه فى الجزائر

ياماندوز دا الحكم امبارح كان مهذله
وان شاء الله ماتش العوده هوا الحاسم بأذن الله
لكن تغييرات حسام البدري امبارح كانت معوقه
وكل سنه وانت طيب ياماندوز
زعلتوا انتوا الراجل الوقتي في عيد ميلاده
وشك كان خير ياماندوز
عقبال مليون سنه ان شاء الله

المشاركة الأصلية كتبت بواسطة silver_shadow

والله لو حد عنده رد
يرد عليا ويقولى كل اللى حصل ده حصل ليه؟؟؟
لو هما عرب واشقاء حصل ليه؟؟؟

معلشي يا سيلفر وسوسه شيطان بعيد عنك ولا تزعلي نفسك

والعصبيه وحشه برضه

يلاا هارد لك لكل الاهلاويه ومبروك لشبيبه القبائل

اما بالنسبه ليك ياماندوز فشكلك هتتعصب كتير الايام الجايه لو انت اهلاوي متعصب يعني فنصيحه ليك يا اخوياا تاخد معاك كوره مطاط كده وطول ما انت متعصب تقعد تضغط عليهااا بدل ما طلع عصبيتك علي حد تاني فالحق نفسك

اما انتي ياسيلفر بقي نفس الكوره المطاط بتاع ماندوز هتيلك واحده زيهاا بتنفع برضه في اوقات العصبيه

انا جاي اشمت في الاهلاويه النهارده بس مع اني اهلاوي اصلي رايق شويه

فارس ماتولعاش اكتر ماهي ولعه
ا

علي فكره انا هطلب من الاداره ان هي تجيب طفايه حريق في المنتدي

علشان لو فيه عضو ولا حاجه ولع من الغيظ او اي شئ

يبقي فيه امكانيه ان احنا نطفيه بدل ما يولع فيناا

دا قصدك انا صح؟
ماتخفش مش هولع فيكم
اصلك انت بتتكلم بروقاااااااان خالص
وكأن شئ لم يحدث

انا هجيب الكوره اللي ماندوز هيجيبها
هي دي اللي تنفع معايا