اختر لونك:

  شبـــكة تـيـفـا نت > المنتديات العامة > المنتدى العام

المنتدى العام كل ما لا يخص الاقسام الاخرى

صفـــــــــــ كبيييييييييييير ـــــــــــــــر (0)

معنى الصفر الكبير يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس

أضف رد جديد
 
أدوات الموضوع انواع عرض الموضوع

قديم 2010-05-15, 03:24 PM   #1
الصورة الرمزية حبيبـة ابـوها
^♥NoI$Y GiRl♥^
تاريخ التسجيل: 2009-11-05
الدولة: My Father's Home
المشاركات: 1,698
التقييم: 1021
الصورة الرمزية حبيبـة ابـوها
^♥NoI$Y GiRl♥^
تاريخ التسجيل: 2009-11-05
الدولة: My Father's Home
المشاركات: 1,698
التقييم: 1021
Exclamation صفـــــــــــ كبيييييييييييير ـــــــــــــــر (0)


معنى الصفر الكبير

يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!


يعنى يعملوا مؤتمر سنوى لإنجازات الحزب الوطنى ......و الناس كلها عارفة ان مؤسسة رسالة هى اللى فاتحة بيت ناس كتييير قوى فى البلد
!!!!

يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية
.!!!!!!!!

يعنى حسنى مبارك يعمل سور لقتل اطفال
غزه
ويطلع واحد يقولك البرادعى عميل لاسرائيل


يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة



يعنى وزير صحة شريك فى كبرى مستشفيات البلد
(دار الفؤاد) و مراته تتعالج على نفقة الدولة


يعنى ناس غلابة و مش لاقين الزلط حتى وعضو مجلس الشعب يطلب منهم ثلث قيمة قرار العلاج على نفقة الدولة رشوة عشان يتعلجوا على نفقة الدولة


يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز


يعني وزير الإسكان يبقي سمسار اراضي
!

ووزير الصحه بيتعالج علي نفقة الدوله
!

يعنى جمال مبارك يسرق فلوسنا وارضنا ويوزعها على اصحابه

و ييجى واحد يقولك اللى تعرفو احسن من اللى ما تعرفوش



يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الأمن فى جنوب أفريقيا و عدم و جود بنية تحتية فى المغرب و فجاة تاخد صفر كبييير من لجنة الفيفا


يعنى يطلع واحد فى التلفزيون يقولك آه البرادعى ...عارفه عارفه دا حمدى غيث بتاع انا البرادعى يا رشدى......... و يبقى تامر حسنى و شعر صدرة من علامات الرجولة و لا حول و لا قوة الإ بالله


يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك


يعني تترشح في الانتخابات عن فئة (العمال) وتنجح فتعيش عيشة (الملوك
)
.

. إنك تمنع التدخين جوه القطارات علشان تحافظ علي أرواح الناس ويروح القطر بكل اللي فيه يخش في قطر تاني.



يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه------ واحنا اللى كنا بنعلمهم من 30 سنه
الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى اللي عايش فية الشعب المصري

يعني تبقة نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب
!!!!

يعني لما الشعب ما يلاقاش سكن ويروح يسكن في الجبل ويقع علي يقولوا عشوائيات


يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا .... يطلع التحقيق انهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم


يعنى قناة ال
bbc فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!

يعني مصانع الحديد كانت بتبيع الطن ب2000 جنية ويجي بقدرة قادر
احمد عزمحتكر الحديد يبيعه ب8000 جنية ........ تيجي الحكومة تعمله قانون تفصيل مخصوص لية عشان تحمية من بطش الناس

يعني يبقي اليهود نهبوا فلوس العالم عشان الهولوكوست الوهمي

ويتباهو بقتل اسرانا في تليفزيونهم ومحدش يقولهم حاجه !


يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السودا كمان


لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس


يعني قطارين يخيشوا في بعض والي يتحاسب الكومساري وفي مقولة اخرى البقرة الي كانت واقفة على القضبان


يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة


يعني تبقي عندك بحرين و نيل قناة السويس و11 بحيره وبتستورد السمك من بره

!

يعني ربنا يكرمك وتكون رجل اعمال ولا سيدة اعمال وتاخد 2.800 مليار جنية مصري من 10 سنين وترد نصهم بالتقسيط بعد 10 سنين يعني المبلغ بيكون اضاعف معاك تلات اربع مرات وتكون برئ قدام الحكومة وكمان تنزل انتخابات مجلس الشعب وتنجح!!!!


يعني يتحرق مجلس الشورى والشعب يدعي ربنا ان النواب يكونوا جواه


لما الاعلام الحكومة والخاص مش همة الشعب الي مش لاقي ياكل ولا يلبس ولا يسكن وطبعا بدون عمل ...... وهمة كلة يعرف مين قتل سوزان تميم والمحكمة هتحكم باية في قضية مرتضى منصور وشوبير !!!


لما الدايرة الي فيها 2500 صوت مرشح الحزب الوطني ياخد لواحدة 13000 صوت


يعنى لما يكون يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات


لما يمنعونا من زراعة القطن الي بنتميز بية وبعد كده يروحو يبيعوا مصانع الغزل والنسيج لمستثمرين يهود يسرحوا العمالة ويقطعوا الشركات ويبعوها اراضي على النيل


يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امراءة 13 الف جنية


يعني من الاخر كده الولا عمر ابني مديون ب 13 الف جنية

ما تيجوا نلم ديون مصر


يعني
كلنا خايفين علي مستقبل مصر
واللي ماسكينها خايفين علي مستقبلهم هما


لما يكون الملاك فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طلعت يدى سوزان 50 مليون من جيب امه


يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان ابو مراة الننوس يبيع ويغتنى من دمنا


لما الموظف فى الحكومة بياخد 500 مرتب و يقولك مش عارف يعيش علشان الزيادة السكانية
!!!!

لما يكون عندانا مجلس قومى للمرأة و اعلى معدلات طلاق فى الوطن العربى
!!!!

لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة
.....

لما وزير الاسكان الحرامى يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى القاهره الجديده


و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا
!!!!

و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول - يقولك اتبرع للضحايا
!!!!!

لما طلعت السادات قال بقين على الهوا تترفع عنه الحصانة و يتسجن فى اقل من شهر... و ممدوح اسماعيل صاحب العبارة يسافر من صالة كبار الزوار
!!!!!

يعنى تجى تشترى شقه فى اسكان مبارك لمحدودى الدخل تحسبها تلائها وائفه عليك بسعر السوبر لوكس


لما الرئيس يحتفل بليلة القدر و يوزع جوائز على حفظة القرآن الكريم.... و لما اي حد محترم ومتدين يجي يعمل حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية
!!!!!!

و لما تتهد على اهلها يطلعوا يقولوا هم اللى غلط دول عشوائيات.... و كنتى فين يا حكومة على رأى معتز الدمرداش؟؟؟؟
!!!!!!
و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر
*********************************
م/ن/ق/و/ل


wtJJJJJJJJJJJ ;fddddddddddddv JJJJJJJJJJJJJJJv (0)

حبيبـة ابـوها غير متصل   رد مع اقتباس
قديم 2010-09-08, 01:24 PM   #2
الصورة الرمزية عبدالرحمن م
عضوية الإمتياز
تاريخ التسجيل: 2007-12-07
الدولة: b2aya nahr elneil
العمر: 30
المشاركات: 6,588
التقييم: 3161
الصورة الرمزية عبدالرحمن م
عضوية الإمتياز
افتراضي

ماتقلقيش يا حبيبة التغيير جاى قريب

كلها بتاع 400 سنة وكله هيبقى تمام وكل حاجة تتظبط
عبدالرحمن م غير متصل   رد مع اقتباس
قديم 2010-09-09, 12:00 AM   #3
الصورة الرمزية Muhamed
شخصية هامة
تاريخ التسجيل: 2006-09-20
الدولة: مصر ام الدنيا
المشاركات: 4,886
التقييم: 1049
الصورة الرمزية Muhamed
شخصية هامة
افتراضي

مش للدرجه يا عبده

الفساد موجود فى كل مكان وكل زمان وبنفس وجهه القبيح

لو نحب نقارن حالنا دلوقتى ياريت نقارنه بالفترات السابقه والعصور السابقه

مصر مبداش يحكمها مصريين على الاقل الا من 60 سنه

الفساد كان اكتر من كده وكان محدش يعرف عنه حاجه

على الاقل اليومين دول بيتفضحوا

فى انتظار الافضل باذن الله
Muhamed غير متصل   رد مع اقتباس
قديم 2010-09-09, 02:41 AM   #4
الصورة الرمزية عبدالرحمن م
عضوية الإمتياز
تاريخ التسجيل: 2007-12-07
الدولة: b2aya nahr elneil
العمر: 30
المشاركات: 6,588
التقييم: 3161
الصورة الرمزية عبدالرحمن م
عضوية الإمتياز
افتراضي

أنا كنت ببالغ بهدف السخرية

لكنى متفق تماماً معاك فى إن مصر ماشية للاحسن حتى فى وجود الـ.... والــ....

وفى الأول والآخر والله ماعدتش فارقة
عبدالرحمن م غير متصل   رد مع اقتباس
قديم 2010-09-09, 02:23 PM   #5
الصورة الرمزية حبيبـة ابـوها
^♥NoI$Y GiRl♥^
تاريخ التسجيل: 2009-11-05
الدولة: My Father's Home
المشاركات: 1,698
التقييم: 1021
الصورة الرمزية حبيبـة ابـوها
^♥NoI$Y GiRl♥^
افتراضي

والله برغم ان مصر فيها مساوئ كتير
بس فيها مزايا كتير بردو ويمكن لان المساوئ بتنتشر بسرعه
والمزايا تتنسى
كنت سمعت احمد نظيف ف لقاء مع لميس الحديدى
بيقولها ان تقرير الجهاز المركزى بيجى بحوالى 80% مزايا
و20% مساوئ الصحافه تاخد ال 20% تنشرهم وتنسى الباقى علشان كدا يمكن ظاهره صورة مصر بالمنظر دا
وربنا يحميها من ال.......... وال........... على راى عبد الرحمن
حبيبـة ابـوها غير متصل   رد مع اقتباس
قديم 2010-09-09, 05:25 PM   #6
الصورة الرمزية Muhamed
شخصية هامة
تاريخ التسجيل: 2006-09-20
الدولة: مصر ام الدنيا
المشاركات: 4,886
التقييم: 1049
الصورة الرمزية Muhamed
شخصية هامة
افتراضي

مين ال ..... وال .....
Muhamed غير متصل   رد مع اقتباس
قديم 2010-09-10, 05:15 PM   #7
الصورة الرمزية عبدالرحمن م
عضوية الإمتياز
تاريخ التسجيل: 2007-12-07
الدولة: b2aya nahr elneil
العمر: 30
المشاركات: 6,588
التقييم: 3161
الصورة الرمزية عبدالرحمن م
عضوية الإمتياز
افتراضي

اقتباس:
المشاركة الأصلية كتبت بواسطة mandozzz مشاهدة المشاركة
مين ال ..... وال .....
على حسب انت بتفكر فى ايه هتعرف مين أو ايه الـ..... والـ....
عبدالرحمن م غير متصل   رد مع اقتباس
أضف رد جديد

الكلمات الدلالية (Tags)
(0), صفـــــــــــ, ـــــــــــــــر, كبيييييييييييير


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



Internal & External Links

الساعة الآن 05:13 PM.
Powered by vBulletin Version 3.8.11
Copyright ©2000 - 2024, Jelsoft Enterprises Ltd
استضافة , دعم فنى