ممنووووووووووووووووع البوس ألحق !!!!!

**The_boss22** · 2007-12-10, 03:45 AM

أحبابى الكرام قرأت هذا الخبر بالصدفة البحته على موقع مصري
أجمل مافى الموضوع هو تعليقات القراء لم أتمالك نفسى من الضحك عندما قرأت التعليقات
أرجوا من كم أن تقرأو ا المقال جيدا قبل قراءة التعليقات
المقال طويل وأنا أكتفيت ببعض الفقرات منه
وأحلى تعليق هو الأخير
طبيب مصرى يعلن انشاء جمعية لمنع القبلات بين الأزواج

في تقليعة جديدة لا يعرف أحد الهدف منها أعلن دكتور عادل عاشور أستاذ
طب الأطفال بكلية الطب جامعة القاهرة عن رغبته في انشاء جمعية لمنع
القبلات بين الأصدقاء و زاد على ذلك بإعلان رغبته في منع القبلات بين
الأزواج و هو الأمر الذي بدا غريبا وفجر المناقشات داخل المجتمع
المصري
و عن السبب الرئيسي في طرحه فكرة إنشاء الجمعية أكد دكتور عادل أن
كافة الأبحاث العلمية التي نشرت في كبرى المجلات الطبية العالمية
أجمعت على الأضرار الطبية الخطيرة التي يسببها تبادل القبلات من خلال
انتشار العدوى من الأمراض الخطيرة الفيروسية و الميكروبية وأبرزها
الأمراض الجلدية و يأتى على رأسها حب الشباب و من الأمراض الميكروبية
مثل مجموعة الميكروبات العنقودية و هي ميكروبات موجودة في فم الإنسان
بصورة طبيعية
كذلك الحمى الشوكية و الأمراض الفيروسية التي تنقلها القبلة أيضا مثل
الزكام و الرشح والتي يجب عدم الاستهانة بها حيث قد تصيب الخلايا
المبطنة لخلايا ا لمخ و ينتج عنها ارتفاع شديد في درجة الحرارة يصعب
السيطرة عليها و قد تؤدى الى الوفاة في بعض الأحيان أيضا التهاب الغدة
النكفية و كذلك الحصبة الرمادية و الألمانية و الفيروسات الكبدية و
أكد أن الجمعية تضم في عضويتها كافة التخصصات الطبية لشرح الآثار
السيئة للقبلة
وعن رأى الدين في أهداف هذه الجمعية أكد الدكتور إسماعيل معروف بجامعة
الأزهر أن تعاليم الدين الأسلامى تحرم القبلة في غير الإطار
الزوجي وقد أكد العلم على وجود إضرار جسيمة لذلك
وعن أراء المواطنين حول هذة الجمعية المزمع إنشاءها تنوعت الآراء بين
الرفض و القبول هدى محمد طالبة بكلية العلام وصفت الإعلان عن الجمعية
بأنه كوميدي و لا يهدف سوى الى لفت النظر الى القائمين عليها إذ افتقد
الإعلان عن منع القبلات الأساليب التي سوف تتبع للتأكد من حدوث هذا
المنع

التعليقات

هذا كلام فاسد و باطل بدون تردد ، و معارض لصحيح السنة النبوية ، فقد
ثبت أن النبي صلى الله عليه و سلم كان يقبل زوجاته ، و كان يقبل
السيدة فاطمة و الحسن و الحسين رضي الله عن الجميع ، و أفتى للشيخ
بالقبلة في الصيام .
أنصح الدكتور أن يبيع لب و يبطل تخاريف .
ــــــــــــــــــــــــــــــــــــــــــــــــــ ــــــــــــــــــــــــــ
وانا اقول الرئيس البوسنى مات ليه؟؟
ــــــــــــــــــــــــــــــــــــــــــــــــــ ـــــــــ
واحد يحرم البوسة بين الأزواج ، وواحد يحلل إن الواحدة ترضع زميلها ،
ما ترسونا على بر نرضع وما نبوسش ولا نبوس وما نرضعش
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
الدكتور ده اكيد معندوش شفايف
ــــــــــــــــــــــــــــــــــــــــــــــــــ ــــــــــــــــــــــــ
كل حاجة بقت مشكوك فيها وبتجيب امراض حتى البووووس اظاهر كل واحد
حيروح يبوس نفسة فى المراايا
ــــــــــــــــــــــــــــــــــــــــــــــــــ ـــــــــــــــــــ
روح شوف العيش المسرطن ولا الشيبسى ولاالمياه المجارى ولا الخضروات
المسرطنه والهرمونات ولالالالالا وبعدين اتكلم على البوس
ــــــــــــــــــــــــــــــــــــــــــــــــــ ـــــــــــــــــــــــــــــــــــ
فعلا فعلا الدكتور ده يستاهل بوسه ف بؤه مش بوسه واحده لا
ده يستاهل 80مليون بوسه من 80 مليون بوووؤ عشان تجيله كل الامراض اللى
ف الدنيا
ــــــــــــــــــــــــــــــــــــــــــــــــــ ــــــــــــ
نحن جمعية هنبوس هنبوس حتى لو البوس بفلوس وياريت الدكتووووور
يجى يبوس الواوا
ــــــــــــــــــــــــــــــــــــــــــــــــــ ـــــــــــــــــــــــــــــــــــ
الحياة من غير بوس زي قوله من غير مايه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مش عارف اقول أية مش كفاية مش لاقين نتجوز كمان اللى مجوزين مش
حايبوسوا طب دة نسمية أية ؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ ــــــــــــــــ
اليوم تقليعة البوس ينقل الامراض الجلدية وبكرة لاتلمس جسد زوجتك لمنع
انتشار الامراض الجلدية وبعد غدا يستحسن ابادة صنف النساء انكم تسعون
لتحريم الحلال(واضح ان البوس عامل مشكلةللدكتور)اقولك حاجةاعمل زي
اللمبي بلغ لجنة حروق الانسان
ــــــــــــــــــــــــــــــــــــــــــــــــــ ــــــــــــــــ
طيب ولما رغيف العيش يقع على الارض اجيبه وابوسه ولا غلط
يا حلاوة على العلم واللي بيتعلموه
واحب اقول لسعادة الدكتورة الفاضل ادرسلك حاجة تنفعك احسن وسيب الناس
تبوس ياعم وبلاش وساوس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
لقد صدر اخر التعديلات الستورية وهي منع البووووووووس نهاءي نظرا
لانتشار الامراض و قد نفذ حتي علي الازواج ما عدا كل ما هو وطنيييي و
يعتبر ممارسيه نوع جديد من الارهاب و يسمي الاخوان البايسين طبعا لا
ينفذ علي الحكومة لانهم مبيدات
ــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
انا عايزه اطمن الدكتور ده واقوله انه ولله الحمد معظم الازواج فى مصر
مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز
وندفع دم قلبنا ولاد وبنات علشان نبوس !! ايه المسخره ديه !!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
يعنى لو واحدة اسمها بوسى تغيرة ويبقى متبوسيش بس كدة اتحلت خلاص
مع تحيات شركه متبوسيشى لانسر
يا عم بوس اية اللى عايز تمنعة؟؟
ــــــــــــــــــــــــــــــــــــــــــــــــــ ـــــــــــــــــــــــــــــ
دة الواحد بيبقى لسة سايب صاحبة من ربع ساعة يشوفة يقوم نازل فية
بوس..بوس اخوى طبعا..وكمان عايز تمنعة بين
الازواج...لا دة كدة الواحد يلحق يتجوز قبل ميبقى قرار ويتناقش فى
مجلس الشغب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
يعني بوس الواوا دح
ــــــــــــــــــــــــــــــــــــــــــــــــــ ـــــــــــــــــــــــــــــــ
على رأى الفنان محمد رضا:مش هنبوس بقى
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
ممكن كل واحد قبل ما يبوس البت بتاعته يتمضمض بمحلول 'البيتادين'ويدهن
شفايفه بردو بمحلول 'البيتادين'وبعد ميخلص البوسه يتف تلات مرات ويشرب
كباية ....أكيد 'بيتادين'... ربنا يشفيكم

ممنووووووووووووووووع البوس ألحق !!!!! ongue.gif

Download43308

llk,,,,,,,,,,,,,,,,u hgf,s Hgpr !!!!!

**mrmr** · 2007-12-10, 01:57 PM

ههههههههه الردود دى فظيعة مفيش تعليق طبعا

**WebCraker** · 2007-12-10, 07:16 PM

يخربيت مطنك ياجدع . . . إيه التعليقات دى ههههههه دانا سخست انا والناس اللى هنا والله حاجه كويسة فعلا . . الدكتور ابحاثه على عينا وراسنا ومش هنغالط فيها هيا فكرة الجمعية بس اللى شايفها مش تمام وهتخلى الشعب يهيص عليك يا دوك . . . إرجع عن اللى فى دماغك

**انسان** · 2007-12-10, 08:49 PM

يعنى لو واحدة اسمها بوسى تغيرة ويبقى متبوسيش بس كدة اتحلت خلاص
مع تحيات شركه متبوسيشى لانسر
يا عم بوس اية اللى عايز تمنعة؟؟

هههههههههههههههههههههه
هو الراجل ده بيتكلم صح بس فين الى يفهموااااا

**The_boss22** · 2007-12-11, 01:23 AM

هههههههههههههههههههههههههههه الموضوع أصلا أنا أول مشوفته كان لازم أحطه هنا
كفايه التعليقات وربنا تموت من الضحك
علي رأي اللمبي مش عارف أبوس البنت

**Lost Angel** · 2007-12-11, 05:55 PM

ههههههههههههههههههههههههههههه
ايه ده يا بوس انا مش لاقية تعليق بصراحة
كفاية الردود الفظيعة دي

**The_boss22** · 2007-12-13, 02:09 AM

طبعا محدش هيعرف يرد عليه لأنه مستكفي ردووووووووووود
أنا ذات نفسي معرفتش أرد ههههههه

**hagar** · 2008-01-05, 08:42 AM

اية يابوس الشغل الجامد ده الموضوع مستكفى ردود
بس تعرف الدكتور ده اكيد عبيط

**نانيس** · 2008-01-06, 10:03 AM

هههههههههههههههههههههههههههههههههههههههههههههههههه هههههه
والله حكاية غريبه اكيد فعلا الدكتور دا ملوش شفايف عشان كدا محبش يبقى لوحده ففرضه على الشعب
دكتور عبط هو وجمعيته
ميرسى يا بوص على النعليقات جامدة وتموت من الضحك

**عمر محمد حسام** · 2008-02-04, 05:27 AM

موضوع يموت من الضحك

:Sho wLetter2:

**The_boss22** · 2008-02-25, 01:36 AM

أي خدعه يا جدعان بنحب نخدم بس

**jaguar88** · 2008-02-25, 01:48 AM

إزاي يبقي جواز من غير ...............................

**The_boss22** · 2008-03-04, 05:58 PM

والله مش عارف يا جدع جواز من غير ..... اللي أنتا بتقوله ده ازاي بس أهه
الواحد مش عايز يبوس

**الطيب احسن** · 2008-03-05, 01:39 AM

يعنى الدكتور ده ساب كل امراض الدنيا ووقف عند البوسة
دى حاجه تجنن
بس الردود مشكله
ههههههههههههه

**ايناس** · 2008-03-05, 07:20 PM

هههههههههههههههههههههههههههههه

ايه اللي انا بسمعه دا هيمنعوا البوس ازاي طيب ؟ دا الشعب المصري اول اهتماماته البوس دا انا زمان كان لما صاحبتي تشوفني تبوسني بوستين دلوقتي اتطوروا بقوا اربعه

الناس كلها بتبوس حد مات؟؟؟؟؟؟؟؟

ثانكس علي الموضوع تحففففففففففففه

الردود فظييييييييييييييييييييييييييييييعه