مهم , موضوع , رايكم , عايز , فيه

موضوع مهم عايز رايكم فيه

السلام عليكم ورحمه الله وبركاته

الفيديو ده وانا بالصدفه علي اليوتيوب شوفته فكنت عايز اخد رايكم فيه

---

l,q,u lil uhd. vhd;l tdi

ياسلام هو وصل الجيش بتاعنا للمستوى الزباله دا
دا طبعا فيديو للضحك مش اكتر
واحتمال كمان ميكونشى تبع الجيش كمان
لا صعب جدا ان يوصل للدرجه دى
دا الى سمعته ان الى بيقولوه اناشيد حماسيه
ومش يغنوا الكلام دا

والله واكتر من كده يا ملكه

والله الفساد بقي في كل مكان وبالاخص الجيش اخر حاجه كنت اتوقعهاا

تحسي ان احنا شعب عايز يصدم ويضرب علشان يفوق من الا هو فيه

عادى على فكرة

يعنى ممكن يكون مجرد موقف للضحك أو للهزار لكن مش أكتر

مش معقول فترة الخدمة كلها تكون تكشير وأيام سودا

انا شايفه ان الفيديو ده مش معناه انه بيعبر
عن الجيش المصرى
لان ممكن يكون حاجه من الاتنين
1_انه مجرد تركيبه صوت على مشهد
ايه اللى خلاك تقر بمصدقيته انا اول ماشوفته مرة على اليوتوب
قولت كده انه مجرد تريقه مجرد تركيبه مشهد على صوت
2_ممكن يكون مجرد مشهد هزار فى الجيش
انت عارف المصريين ماشاء الله عليهم
بيحبوا الهزار موت
حتى فى اشد الاوقات
مش فى الجيش
بس مش معنى كده استهزاء بالموقف اللى هما فيه وان حال الجيش وصل لكده
ده رايئ انا مقتنعه ان مصر لسه فيها خير وهيفضل الخير موجود .

لا يا عبد الرحمن غلط طبعاا وانتي كمان يا اللهم ارزقني الجنه

اولاا هوضحلكم صحه الفيديو علشان محدش يقول ان الصوت متركب علي الفيديو

اولااا عند كلمه وزعلك انت كوم هتلاقي الراجل الا واقف قدام الطابور بيحرك صابعه عليه

ثانيا مع نهايه الاغنيه بالظبط وقفواا الخطوه المعتاده من الثبات

دول أشخاص غير متحملين للمسئولية و أزاي الموضوع دة يتصور في قلب الجيش
وعلي فكرة دة ممكن يكون صوت مركب
صح و لا أية
علي العموم شوف بردة الكلام دة تفهم قصدي أية

https://www.youtube.com/watch?v=ELuyNQIWJT8

]

انا مع ملكة وعبد الرحمن واللهم ارزقنى الجنة
الموضوع كله ممكن يكون دعابة بين زمايل قعدين مع بعض عادى
ولو عالقوة وتحمل المسؤلية
فالحقيقة ان جيش مصر ماشاء الله جيش قوى جدا ودى حاجة معروفة للكل
يمكن يكون الاهمال والفساد وصل لحاجات كتير فى مصر لكن الجيش لا
والموضوع ده بالذات انا واثقة منه
شكرا فارس على الفيديو

هههههههههههههه

على اخر الزمن فى مصر

وفى منطقه يبدو من خلفيتها الاهرامات يعنى تقريبا الرمايه

والحمد لله الصوت مفيهوش ولا زره صوت هوا بيتحرك

طبعا مش هحلل تركيب الصوت الكوميدى

لكن فى النهايه

اليوتيوب مليان فيديوهات اكتر من كده للجيوش المحترمه (الكبيره)
يعنى هتلاقى فيديوهات زيها للجيش الامريكى والروسى واكتر من كده كمان ومش متركبه صوت لا ده رقص واغانى من ورا القواد بتوعهم

المشاركة الأصلية كتبت بواسطة ملكة الرحمه

ياسلام هو وصل الجيش بتاعنا للمستوى الزباله دا
دا طبعا فيديو للضحك مش اكتر
واحتمال كمان ميكونشى تبع الجيش كمان
لا صعب جدا ان يوصل للدرجه دى
دا الى سمعته ان الى بيقولوه اناشيد حماسيه
ومش يغنوا الكلام دا

لالالالالالالالالالالالالالالالالالالالالالالالا

يجماعه مش كدا اولا دا مركز تدريب

ودول عساكر جديده لسه بصم للعساكر


وبص للخطوه بتعتهم مش منظمه اساسا

وبعدين ممكن يكون الحكمدار بيفك عنهم شويه


عشان الزهق والقرف وكدا

بس وقت الجد جد انا كنت فى الجيش وعارف


كنا بنعمل اكتر من كدا واحيانا والله نفس الاغنيه

فعلن بس فى اوقات راحه بس وقت التمرين الصح

والشغل الصح محدش بيعرف اخوه وكان فى رقص كمان عادى


بس يا ملكه متقوليش زباله مش من لقطه يبقى الجيش كله كدا

حتي انت يا فيب دا انا قولت انت الوحيد الا هتفهم المقصود من الفيديو

طلعت انت كمان خارج نطاق التفكير

مش مهم

المهم ان الاعضاء عندهم امل في الجيش المصري ودي حاجه حلوه مقدرشي اقول عليها ولا كلمه

شكرا مروركم وارائكم الجميله

بارك الله لكم

بس يا ملكه متقوليش زباله مش من لقطه يبقى الجيش كله كدا

ايه يافيب متقفليش على الوحده
انا بقول ان الجيش لو وصل للمستوى دا فى الحقيقه ووقت الجد يبقى زباله
مش الجيش بتاعنا حاليا زباله
ماانا اخويا فى الجيش وكل مايجى بخليه يسمعلى الاناشيد الى بيقولوها
وبيقولى انهم بيهزروا ويضحكوا ويغنوا عادى
وبيقولى على الاشعار الى مالفينها هما
هبقى اجيبلكم اشعارهم بس لما يجى بالسلامه
وعلى فكره الظابط الى واقف يظبط الطابور دا والى صور القيديو دا
اتحبسم

المشاركة الأصلية كتبت بواسطة ملكة الرحمه

وعلى فكره الظابط الى واقف يظبط الطابور دا والى صور القيديو دا
اتحبسم

دا صف ظابط مش ظابط خاااااااااالص

بلاش فضايح

خساره ان المنتدى فيه بنات

اصل انا ممكن احط عشرات الفيديوهات لاقوى جيوش العالم ( الجيش الامريكى) وهما بيعملوا حاجات الفيديو ده يبقى هيافه بالنسبه لهم

بس اعمل ايه

على العموم

انا قلت احط فيديو تانى

دا صف ظابط مش ظابط خاااااااااالص

وانا اعرف منين يافارس انا كنت دخلت الجيش انا اخرى بعرف انه تبع الجيش باللبس
ومعرفشى بالنجوم ولا اى حاجه
ابقى ادينى كورس بقى وعرفنى رتبهم