شلة كبيرة من الشباب، أغلبهم منهمك في لعبة كمبيوتر شهيرة، فيما كان تامر يجلس بعيدا عنهم نسبيا ويقرأ خبرا منشورا على أحد مواقع الإنترنت قبل أن يصرخ:
- ستووووووووب.. خلاص يا رجالة إحنا ضعنا!
يتوقف الجميع عن اللعب قبل أن يهرولوا نحوه وهم يقولون في فزع:
- إيه اللي حصل يا ابني.. الأهلي خسر الدوري!
- يا ريت!
- أمال إيه؟!
ينظر لهم تامر في أسى مضاعف قبل أن يضع وجهه في الأرض مرددا في بطء:
- فيه حكم محكمة بمنع المواقع السيكو سيكو في مصر!
يتراجع بعض من الشباب إلى الخلف مصدومين وهم يرددون:
- المواقع السيكو سيكو! معقول!
ينفصل عنهم "عمرو" قائلا:
- والله أنتم شباب ولا مؤاخذة.. ده أحلى حكم صدر فيكِ يا مصر.. يلّا خلي الشباب يحترم نفسه!
تامر:
- يا سلام يا "عمرو" اللي يشوفك كده ما يعرفش إنك السبب في فضيحة مصر لما قالوا إن أول كلمة بيدور عليها المستخدمين على جوجل هي كلمة "Sex"!
عمرو:
- يعني أنا باعمل ده لوحدي؟ ما كلنا كده.. وبعدين إنتم ما بتقرأوش جرايد.. ما هو دكتور كبير في القصر العيني كان بيصور الستات في العيادة بشكل مش ولابد.. وزيه كتير.. يعني كلنا في الهوا سوا يا حبيبي!
تامر:
- بصراحة أمرنا غريب.. رغم إننا اتربينا على إن الجنس ده حاجة عيب إلا إنه تقريبا بَطَل كتير من الأخبار في حياتنا اليومين دول.
عمرو:
- ما هو ده اسمه انفصام في الشخصية.. عمركم شفتم مجتمع عنده انفصام في الشخصية؟ يقولوا لنا الجنس عيب وحرام وكلنا بندوّر عليه ونتكلم عنه!
تامر:
- يا سلام عليك يا عمرو لما تبقى فيلسوف!
عمرو:
- ولا فيلسوف ولا غيره.. هتكملوا لعب ولا هنقضيها فرجة!
***
الكلام اللي فوق ده صحيح؟
إحنا بنسألك يعني؟!
لأ مش بخصوص حكم القضاء الإداري الذي يلزم وزارة الاتصالات بحجب المواقع الإباحية؛ لأن ده حكم صدر بالفعل..
وإنما على فكرة أن بعضنا -بلاش كلنا- يعاني من ازدواجية في موضوع الجنس فعلا؟!
يعني مثلا لو ماكانش عندنا الازدواجية دي
كان حكم زي حجب المواقع الإباحية ده خبر عادي غير مهم
لأنه في الحالة دي المجتمع هيكون "متّسق مع نفسه"
بيدعو للفضيلة وبيتعامل مع الجنس بوصفه من المحرمات، وفي نفس الوقت لا يبحث عن الجنس بكل هذا النهم على الإنترنت
لكن ده مش حاصل..
وخبر منع المواقع الإباحية في مصر أثار اهتماما شديدا
وده معناه إنه خبر يهم قطاعا كبيرا من المصريين المتعاملين مع الإنترنت..
ليه؟
لأن فيه نسبة منهم -مش هنقول كبيرة أو صغيرة عشان إحنا ما عندناش أرقام محددة- بتدخل على المواقع دي
مش بس كده..
خبر زي إن طبيب بيصور السيدات في أوضاع غير لائقة أصبح خبرا شبه متكرر
مش بس كده..
خبر أن بعض محلات الملابس تضع كاميرات لتصوير الزبائن في "البروفه" برضه موجود بين الحين والآخر
معنى كده إيه؟
منين بنقول إننا مجتمع يتمتع بالفضيلة، ومع هذا هناك قطاع من نفس هذا المجتمع بيعمل كل هذه البلاوي؟
منين بنتكلم عن الجنس بسرية وبشويش بوصفه حاجة خطيرة ومرعبة.. وأغلب كلامنا في القهاوي والتجمعات عن الجنس؟
شايف ده أمر طبيعي بيحصل في كل المجتمعات؟
وأنه منطقي جدا يكون في كل مجتمع "مهووسون بالجنس"؟
ولا تعتقد إن المشكلة دي عندنا إحنا بس؟
والخلل بتاعنا موجود في ..................
كمّل السطر وجاوب
أو اشطب عليه وقول لنا:
إنتم غلط والدليل ....................
ما تكتب يلّا!
وقولنا رايك بصراحه
hglp;li hgh]hvdi jrvv p[f hgl,hru hghfhpdi >>>>>>>>,hgafhf fdk hgrdg ,hgrhg?
المحكمه الاداريه تقرر حجب المواقع الاباحيه ........والشباب بين القيل والقال؟
العرض العادي
