اتمنى انكم تشاركووني فيه ..
:
:
الفرق بين العرب والغرب اللي هم الامريكان والاسبان وغيرهم .... الخ ..
بس انا ودي اعرف شي واحد شنو الفرق بين العرب والغرب عندهم رجل عندنا رجل الله
يعزكم ..
عندهم عقل عندنا عقل عندهم الحواس الخمس عندنا الحواس الخمس وغيره من اشياء واااايد وااايد ..
كل شي عندهم عندنا صح ولا لاء ؟؟ من دون ماتقولون الجواب صح ..
الحين انا ابي اعرف ليش هم يصنعووون ويسووون واحنا حاطين ايادينا على خدنا وننطر اللي يجينا منهم .. ؟!؟
ويعني انتو مثل ماتعرفون كل شي متوفر ..
مثلا في الخليج البترول والغاز كل مكان ولا حتى الغرب يجون وياخذون منا ويشتغلون فيها
واحنا لا حول ولا قوه ..
وليش احنا على الاقل ما نحاول نقلدهم بس في البدايه وبعدين نصير نفسهم واحسن منهم ان شاءالله .. !!
احنا العرب صرنا نقلد الغرب في كل شي ( شين ) و اللي يقول لي كلامك غلط ..يواجهني ..و برد عليه ..
الصراحة شوفوا احنا شنو خذنا منهم ؟
الاغاني !!..
اللباس الغير محتشم !!..
الموضة التافهة !!!...
الأفلام الهااادمة !!!...
العادات السلبية !!!...
((اللغة)) !!!,،،
الصراحة والله شي يقهر ..
انزين بنقلد نقلد في شي صح
،،
واقول لكم احنا صج عايشين في رفاهية ..لكن في غيرنا ..مدفونين بالحيا ..
من داري عنهم ؟؟
من يشوف المناطق الفقيرة ..حتى هني في دولة قطر رغم التحضر العمراني والزراعي
و التقدم ..من يقول انه ما في عندنا ناس يموتون بسبب بيوتهم اللي تتهدم على روسهم ..
أو يموتون من الحررر اللي يذبح ..او يموووتوون حتى من القهرر ..
وبعدين مب شرط نخترع صواريخ ..
أو أسلحة نووية ..
أبسط شي مب قادرين يخترعونه ..
جهاز كهربائي ..اوكي ..خل نقول سيارة !!!!..
ما يقدرون ..والله العلم موجود ..لكن الخوووف في القلوب موجود من الغرب..
قسم بالله قاهريني ..
ويوم يكون في شاب او شابة عندهم طموح ..
و أحلام .. يحققونها باسم بلادهم
ما يلقون حد يستقبلهم
ما يلقون دعم مادي ..أو حتى معنوي..
اللي نلقاه استهزاااااااء والله ..
أكبر قهر ..يوم تشوف شاب في أول عمره ..ذكاءه عجيب ..و عنده رغبة في الدراسة ..و انه يكون شي عظيم ..
و يتسكر الباب في ويهه ..
أكبر قهر والله .. يوم يروح يدور اللي يباه عند الغرب ..
و بعدين ياخذونه ..وواحنا بس نستانس ..
و نقول : ترا فلان الفلاني .. هو اللي اخترع جهاز غسيل الكلى ..
ولا فلان الفلاني ..عربي..هو مدير ناسا ..
خلاص..
ما بقول راحت عليهم ..
الحين احنا بيدنا نغير كل هالواقع الأليــــم
بيدنا احنا .. بطموحنا نقدر نسوي اشياء غيرنا ما قدروا عليها
احنا بنفسنا نقدر نرد اعتبار كل شاب طموح مات قهر و اتسكر الباب في ويهه
و الله الحــــــــال ما يســـــــــر ..
صدق قهر من قلــــــــــب..
و للأسف في النهاية ..
يوم أقول لشخص .. مب مهم يكون انا اللي اقول .. غيري يقول :
طموحي كذا و كذا و كذا
تلقى : هههههههههههههههههههههه ..وايد تحلم ..
خلاص هني ماعندي تعلييق .. بعد كل هاي .. مب قهر في ذمتكم .. !!!!!!!!
بس ابي اخبر كل واحد وكل وحده في هالعالم ..
انه : (( مثل ما الله سبحانه وتعالى عطاهم عطانا ترى )) ..
بس شاقول وشاتكلم ولين مت نقول ......................... ونقول ..................
وهذا رايي الشخصي وابي اعرف رايكم اذا سمحتوا
ak, tdil ,lh tdkh?