مممم
ايه اعياد الميلاد الفاضيه دى
طبعا فى الاول قبل منسى كل سنه وانتى طيبه يا لست ملاك
ثانيا الى العمل مباشره
طبعا انتى عارفه ( ولو مش عارفه تعرفى ) انى باخد جزء مما يقدم لاى عضو فى عيد ميلاده كنوع من (ممم ممكن تقولى ضريبه اعياد ميلاد )
يعنى ممكن تعتبرى بطرس غالى بتاع المنتدى
والصراحه لما دخلت الموضوع اتصدمت ان الناس شكلها فلست ولا ايه محدش جاب حاجه غير عيون جاب شويه تورت وفجر الصراحه هيا اللى جابت حاجه ينفع الضرايب تشتغل منها وحمتو عمل اغنيه
المهم
اللائحه بتقول
بخصوص ورد حبيبه ابوها فدى معفاه من الضرايب لان عقبال ما المحصل يجى ياخد الضريبه هيدفع اكتر من تمن الضريبه نفسها
نفس الكلام ينطبق على رسمه عبده معفاه من الضريبه
بخصوص عيون الحب فهو قدم 3 تورتات ونص القانون واضح وصريح فى موضوع التورتات وهوا تقديم تلت الوارد وبذلك وبما ان مصلحه الضريبه على اعياد الميلاد بتحب تورته الشكولاته فسيتم مصارده التورته رقم (3)
اما بخصوص رافعه راس مصلحه الضرائب اللى هتخيلنى نشتغل بقه بجد فهى العضوه فجر الاسلام اللى قدمت ساعه مطرزه بالماس وتم تقدير ثمنها ب 4500 يورو وبكده وطبقا لللائحه الخاصه بالمجوهرات فسيتم تحصيل 1500 يورو عقدا ونقدا ( ولو مش معاكى ادى الساعه للمحصل وهوا هيبعهالك وياخد الضريبه ويديك الباقى)
اما بخصوص الفنان حمتو اللى عمل اغنيه وشريط تتهنئه فى اعياد الميلاد فتم عمل تحقيقات وتبين ان الشريط تم طرحه فى الاسواق وكانت ارباحه تقارب ال 3 مليون قرش وبكده وطبقا للائحه الخاصه بالشرائط يبقى الضريبه 1 مليون قرش واغنيه هديه من الالبوم
هذا وفى النهايه وبعيدا عن دورى كرئيس مصلحه لم الضرائب من المنتدى
اعيد تهنئتى الخاصه بعيد ميلادك السعيد متمنيا ان تكونى باحسن صحه وافضل حال داعين الله ان يوفقك لما فيه الخير ويجعل عامك القادم اسعد من عامك المنصرم وتحققى فيه ما تمنيتى ان يتحقق فى العام الماضى
وانتهى البيان