كل اللي من الدقهلية يدخل !!

**Eng.Shapon** · 2010-04-21, 11:08 PM

كل اللي من الدقهلية يدخل !!

انا جتني فكره وانا قاعد سرحان مع نفسي
كل واحد من الدقهلية يدخل يقول هو منين بالظبط
يعني يقول عنوانة بدقة

يعني مثلا من قرية كذا جنب عم شلاطة بتاع البطاطا
علي اساس كرومبو يعني
المهم معلم بارز

انا عملت الفكره دي علي اساس في مشوار بعيد ولا حاجه وحبيت
اجرش البي ام واتغدي واريح شوية
كلام من دا يعني

يلا كل واحد يصارحنا بالحقيقة المره

وانا متأكد ان ماحدش هيتفاعل عشان موضوع الغدا د ا

;g hggd lk hg]rigdm d]og !! hlgn

**Eng.Shapon** · 2010-04-21, 11:11 PM

وانا هكون اول مشترك عشان اخلع من الغدا

طبعا محافظة الرجاله (دقهلية)
مركز الرجاله دكرنس

بلد الجرايم كفر عبد المؤمن هههه

جنب المضيفة بالمللي

محلات المدار سابقا
بتهيألي كده كفايا

ولا تحبوا اوصف السلم بتاعنا والصاله واوضتي بالمره

**ابن مصر** · 2010-04-22, 09:08 AM

ماشي ياعم

أنا ساكن في الدقهلية - دكرنس

جمهورية كفر عبد المؤمن

2 المشاية السفلية

- الكورنيش سابقا

برج الحاج حامد - شقة 3 لسه بتتشطب عشان اتجوز فيها

لما تيجي بلاش تضغط على الجرس كتير عشان بيزعجني و بيعطل بسرعه

**WebCraker** · 2010-04-22, 09:24 AM

طالما الموضوع فيه غدا وحاجات من دى
معاكوا ..

بسم الله الرحمن الرحيم .. الإجابة دقهلية دكرنس كفر عبد المؤمن الترعة بجوار الملعب القديم وجمب الجديد برضك ميضرش وانت عارف البيت ورقم التليفون يامحمد متنساش يابنى تقولى الغدا امته

اقتباس:

برج الحاج حامد - شقة 3 لسه بتتشطب عشان اتجوز فيها

والنبى شقة لأخوك الغلبان فى البرج ياحاج احمد
الواحد شكله فى الآخر هيتجوز فى تينت

**silver_shadow** · 2010-04-22, 12:45 PM

اوك
محافظه الدقهليه
المنصورة
بجوار مجمع المحاكم
خلف برج عنتر سينما نانسي
عمارة الاستاذ سعيد

بس بالنسبه لموضوع الغدا
احنا احتمال ننقل قريب لمكان مجهوووول

**ساحر الحب** · 2010-04-22, 02:41 PM

انا سندريلا
من جمهوريه مصر العربيه
عمار يامصر
برج الحاج حامد
كفرعبدالمؤمن
الدور التاني
بننام بدري محدش يجيلنا
ومابنستقبلش ضيوف
بلاش اقول لشابون عندنا انهارده محشي ودجاج مشوي
احسن يتهف في عقله ويجي
الاكل علي ادنا
وبلاش اقول اني عامله فروت سلاط
عشان وحش ع الصحه

وبالنسبه لكراكر
عاوز شقه
عندنا الدور الاول فاضي
وشقه كامله من مجاميعه
وبلكونه تشم الهوا فيها
وتبص يمينك علي مسيو سعيد
وشمالك علي البحر
واشطه
الايجار 2000جنيه في الشهر
وانا اللي باخد الفلوس
وربنا يكرم
سامو
عليكووووو

**ملكة الرحمه** · 2010-04-22, 04:58 PM

الدقهليه مركز محله دمنه
منيه محله الدمنه
الجمعيه الشرعيه
شارع سعدزغلول
اول بيت فى الشارع
قدام الترعه
والى هيجى عندنا هنوجب معاه احلى واجب
وتنورونا

**عاشق الايمان** · 2010-04-22, 07:54 PM

اخوكم قريه الدقهليه

مركز دكرنس

محافظه كفر عبد المؤمن

انما بالنسبه للتفاصيل العنوان

لو انت جاي من المنصوره هتركب دكرنس وتخلي السواق ينزلك فاتحه كفر عبد المؤمن

وبعدين تسألوا بقي عليااا

انما الا جااي من دكرنس يركب محل الدمنه وينزل برده الفاتحه

وبعدين يسأل عليااا

انما لو ساكن في المحافظه نفسهااا ممكن تسأل عن مسجد الشباب او الاستاد الجديد بتاع المحافظه ومن هناك تبدأ تدخل مرحله الاسئله عن المنزل

انما بالنسبه للغدا

فالدور الارضي عاملينه لكل ما لذ وطاب

**MohanneD** · 2010-04-23, 12:45 AM

اقتباس:

انما لو ساكن في المحافظه نفسهااا ممكن تسأل عن مسجد الشباب او الاستاد الجديد بتاع المحافظه ومن هناك تبدأ تدخل مرحله الاسئله عن المنزل

انما بالنسبه للغدا

انت ياعم فارس!!
انت خليتنى انسى عنوان بيتنا اصلا بكلامك
انت بتتكلم على بيت حد تانى ولا ايه

**WebCraker** · 2010-04-23, 03:52 AM

اقتباس:

بس بالنسبه لموضوع الغدا
احنا احتمال ننقل قريب لمكان مجهوووول

ايه الناس الجبانات اللى بتهرب دى ,,

اقتباس:

الايجار 2000جنيه في الشهر

انا معتش داخل الموضوع هنا على فكرة انا هأجر سميط كامل فى فونتوك
او ادفع الالفين جنيه مقدم توكتوك بحاله واتجوز فيه

اقتباس:

اخوكم قريه الدقهليه

مركز دكرنس

محافظه كفر عبد المؤمن

انما بالنسبه للتفاصيل العنوان

انتا دخلت المحافظات فى القرى فى الترع الدنيا باظت لو حد جايلك كدا هيروح بورسعيد

اقتباس:

انت ياعم فارس!!
انت خليتنى انسى عنوان بيتنا اصلا بكلامك
انت بتتكلم على بيت حد تانى ولا ايه

مش انت من نفس المحافظة برضوا ياعمدة .. !!

**MohanneD** · 2010-04-23, 07:56 AM

اقتباس:

مش انت من نفس المحافظة برضوا ياعمدة .. !!

هو فى كلام جديد نزل ؟؟
محافظة ايه ؟

**ساحر الحب** · 2010-04-23, 11:51 AM

ايه ياكراكر مستخسر تدفع 2000 جنيه
خلاص هعملك discount
دا كفايه انك هتبقي جارنا
وجار مسيو سعيدحسن
وكمان ابن مصر ساكن معاك
فيه احلي من كدا؟
سندريلا

**WebCraker** · 2010-04-23, 01:52 PM

اقتباس:

هو فى كلام جديد نزل ؟؟
محافظة ايه ؟

محافظه كفر عبد المؤمن انت مش مركز ليه ؟

اقتباس:

ايه ياكراكر مستخسر تدفع 2000 جنيه
خلاص هعملك discount
دا كفايه انك هتبقي جارنا
وجار مسيو سعيدحسن
وكمان ابن مصر ساكن معاك
فيه احلي من كدا؟

ههههه .... لأ إزاى دى الجيرة دى تساوى ملايين ياحاجة ,,
الأستاذ سعيد أستاذى واحمد باشا حامد ياااااه
بتحرجينى يعنى
خلاص انا اخدت الدور الارضى بس لو عملتى تخفيض زى ما بتقولى
120 ج كويس ؟

**عاشق الايمان** · 2010-04-23, 02:27 PM

اقتباس:

المشاركة الأصلية كتبت بواسطة mohanned

انت ياعم فارس!!
انت خليتنى انسى عنوان بيتنا اصلا بكلامك
انت بتتكلم على بيت حد تانى ولا ايه

يا ابني اقعد ساكت

بلاش فضايح

خليهم يتوهواا

دا فيها غداا يابا

**ساحر الحب** · 2010-04-23, 06:33 PM

طيب بما ان فارس الدور الارضي عندهم عاملينه لكل مالذ وطاب
نيابه عن فارس احنا معزومين عنده كلنا
وعاوزين غدا حلو كدا يافارس
واتوصي بالفاكهه والحلويات واللاذي منه
وماتخافش مش هنتووووووه
سندريلا

**Eng.Shapon** · 2010-04-26, 10:32 PM

اقتباس:

لما تيجي بلاش تضغط على الجرس كتير عشان بيزعجني و بيعطل بسرعه

قصدك يعني اطلع علطول من غير مارن الجرس ،،

طول عمرك ابو الكرم يااحمد والله

اقتباس:

طالما الموضوع فيه غدا وحاجات من دى معاكوا ..

ماتوهش يااخ محمد
الغدا علي الاعضاء المستضيفة
احنا فاقسين الحركات دي

اقتباس:

بس بالنسبه لموضوع الغدا
احنا احتمال ننقل قريب لمكان مجهوووول

حتي انتي ياسيلفر
ماكنش العشام برده والغدا

اقتباس:

بلاش اقول لشابون عندنا انهارده محشي ودجاج مشوي
احسن يتهف في عقله ويجي

دجاج مشوي !! حاااسب
ياعم روح انت اخرك كراميل بالحليب وساعات حاف

من غير حليب
انا اتهفيت في عقلي مره ومش مستعد اتهف تاني

اقتباس:

وشقه كامله من مجاميعه
وبلكونه تشم الهوا فيها

شؤال محيرني بقاله سنين لو سمحتي !

ايه الفكره انكم تحطوا مروحة سقف في البلكونة
انا دي لغاية الوقتي مش فاهمها
اكيد عشان تدحكوا علي الغلبان كراكر وتقولوا دا بلكونه بحري

شكلها كده نصبايا ياكراكر يااخويا،، شامم ريحة سمسرة
الناس دي ياعم مش سكتنا

اقتباس:

والى هيجى عندنا هنوجب معاه احلى واجب
وتنورونا

اجدع ناس بتوع المنية دول
الفتحة لنبي اجدع ناس

اشكرك ملكة علي الكرم دا
شكلي هطلع جدع وهاجي

**Sir.7amato** · 2010-04-27, 02:57 AM

اقتباس:

ايه الفكره انكم تحطوا مروحة سقف في البلكونة
انا دي لغاية الوقتي مش فاهمها

عادى يا محمد إيه المشكله
أساسا المرواح دى كانت نازله زمان عشان البلكونات
يعنى أيام زمان كنت تروح تشترى مروحه من عند أحمد أبو اسماعيل مثلا
تلاقيه بيقولك أكيد عندك البلكونه محتاجه مروحه فكانت حاجه عاديه
فبلاش بقى السؤال ده عشان متضحكش الناس عليك

وبعدين يا أخى ناس معاهم فلوس ( مش بحسد يا عم حامد والله )
عادى بقى يحطوا مروحه انشاله يحطوها ع البوابه انت مالك انت ؟

نرجع بقى للموضوع ،،

بيتنا الى فى الدقهليه بعناه
ودلوقتى فى بورسعيد
يبقى انا كده فاكس من الموضوع

قشده يا معلم /

**سندريلا** · 2010-04-27, 05:31 AM

ههههههههههههههههههههههههههه
يعني احنا غلطانيين يعني لما نحط مروحه في البلكونه
الله
احنا حوورين ان شاله نحطها في الشارع حتي
وبعدين ياشابون ماانت كلت الكريم كرامل ومااتكلمتوش
دا حتي كنت عاملاه مظبوط
امال احمد اخويا كان بقولي حلو ازاي

والاخ حماتو اللي بيهرب من العزايم ويقولك انا من بورسعيد
مش مشكله احنا ممكن نيجي نقضي الصيف عندكم
ولو عايزين اوصفلكم البيت بتاعه هنا حقول
دا في الشارع اللي بعد بعدنا
وطنط مامته ام الكرم
يعني ترحوله وايديكم فاضيه

وبلاش تريقه ع البلكونات بقي
جايلنا ساكن جديد يدبس االاول وبعدين اللي يحصل يحصل
خلوه كدا علي عماه
اهلا بيك ياكراكر
وصباح الفل

**Sir.7amato** · 2010-04-27, 05:48 AM

اقتباس:

والاخ حماتو اللي بيهرب من العزايم ويقولك انا من بورسعيد
م

لا انا مقولتش انا من بورسعيد

انا من كفر عبد المؤمن - مركز دكرنس - محافظة الدقهليه ( كنت بقول كده وانا صغير )

**ابن مصر** · 2010-04-27, 08:17 AM

اقتباس:

شؤال محيرني بقاله سنين لو سمحتي !

ايه الفكره انكم تحطوا مروحة سقف في البلكونة
انا دي لغاية الوقتي مش فاهمها
اكيد عشان تدحكوا علي الغلبان كراكر وتقولوا دا بلكونه بحري

شكلها كده نصبايا ياكراكر يااخويا،، شامم ريحة سمسرة
الناس دي ياعم مش سكتنا

نعمل ايه في فكركم المحدود

دي يابني لو كنت بتسمع عن حاجة اسمها 7 نجوم

فدي شقة 7 نجوم وقمر بمنافعهم

دي فرصة مع اني كنت حالف مانسكنها لحد

انما على كراكر دا زي جدي قصدي زي اخويا

ويلا ناخد فيه صواب قصدي ثواب

كل اللي من الدقهلية يدخل !!

كل اللي من الدقهلية يدخل !! انا جتني فكره وانا قاعد سرحان مع نفسي كل واحد من الدقهلية يدخل يقول هو منين بالظبط يعني يقول عنوانة بدقة يعني