كله يهنيني

**سندريلا** · 2010-03-30, 09:49 PM

بعد الاضطلاع علي نتيجه كليه الاداب جامعه المنصوره
قسم اللغه العربيه
قررت الكليه ان تفرج عن الطالبه/سندريلا
وتكافئها بتقدير جيد
نظرا لمجهودتها وتعب اعصابها
طوال الترم
ولذا نرجو من سيادتكم
كل اعضاء تيفا المنتدي والملتقي المحترم
بأن يبارك لها
ولكم جزيل الشكر
التوقيع
انا

;gi dikdkd

**عيون الحب** · 2010-03-30, 10:03 PM

الف مبروك النجاح ياسندريلا

وعقبالي النتيجة لسة بكرة(ادعيلي)

وصبرتي ونولتي

**سندريلا** · 2010-03-30, 10:10 PM

الحمد لله
وعقبالك لما تجيب امتياااااااااااااااز

**عيون الحب** · 2010-03-30, 10:12 PM

مش للدرجة دي يعني
ههههههههه
انا راضي بمقبول

**عاشق الايمان** · 2010-03-30, 10:12 PM

مبرووووووووووووووووووووووووك ياسندريلاا

وعقبال يارب لما تحققي كل الا بتتمنيه

خوديلك بقي جوله حاجه ساقعه علي المنتدي

بمناسبه النجاح دي

**سندريلا** · 2010-03-30, 10:17 PM

انت تقمر يافارس
بس كدا
بيبسي وكل حاجه

**سندريلا** · 2010-03-30, 10:26 PM

ايه دا فين بقيه الاعضاء؟؟؟؟؟

**ساحر الحب** · 2010-03-30, 10:40 PM

مبرووووووووووووووووك يا سندريلا.........

**فجر الاسلام** · 2010-03-30, 10:44 PM

مبروووووووووووك يا سندريلا
عقباااااااااااال التيرم التانى وتكون امتياز

**Eng.Shapon** · 2010-03-30, 10:49 PM

اقتباس:

ايه دا فين بقيه الاعضاء؟؟؟؟؟

انا موجود اهو ،مش شايفاني ولاايه
عندك حق من كتر الفرحه مش شايفه حد

الف مبروك سند ريلا
وعقبال التيرم اللي جاي
بس عايزين تقدير (م أ) امتياز اوي يعني
شد حيلك عايزينك تبقي عروس اللغه العربية

مبروووك ويارب ايامك كلها سعيده

**غريبه في دنيا عجيبه** · 2010-03-30, 10:52 PM

ألف ألف مبــــــــــــــــرووووووووووك ودى هديتـــك

**سندريلا** · 2010-03-30, 10:57 PM

شكرا ياشابون
شكرا فجر
شكرا تيتو
شكرا غريبه
الله يبارك فيكم
وادعولي بمواصله النجاح
ومش ابقي عروس اللغه العربيه
دا تشبيه كبير جدا

**zezo_love323** · 2010-03-30, 11:32 PM

سندريلا
مبروك على النجاح
وربنا مضيعش تعبك
الحمد لله
وعقبال متحققى كل احلامك
مع ارق تحياتى
وارجوا ان تقبلى هديتك فى موضوع منفصل
زيزو

**AlSam3r** · 2010-03-31, 02:40 AM

مبارك لكى النجاح يا سندريلا
بس الافضل نقول بقى
عقبال ما تفرحى بليلة ابن مصر
اعتقد انها الفرحة الكبيرة
ولا ايه

**Muhamed** · 2010-03-31, 06:51 AM

اقتباس:

قررت الكليه ان تفرج عن الطالبه/سندريلا

وقفت كتير قدام الجمله دى

احنا فى شهر 3 مفيش بكالريوسات ولا ليسنسات بتطلع دلوقتى

لكن بالمتابعه والبحث فى ردود الاعضاء تبين لى ان العضوه المذكوره عاليه ليست فى ليسانس وانما مازلت فى مراحل الكليه لان لها تيرم تانى

وعليه فعلى العضوه سندريلا ان تقوم بتعديل المشاركه عاليه معلنه فيه اسفها التام عن الخطأ الذى سنعتبره غير مقصود فى كليه الاداب \ قسم اللغه العربيه

وتؤكد حبها وتفانيها لكليتها وولائها التام لها ولدكاترتها

كما على العضوه ان تقوم بتوضيح ان الافراج هوا ليس بفك حبس نهائيا وانما هوا افراج مؤقت ( زى الاعياد كده) على ان تعود الى دراستها وكليتها بعد يومين او ثلاثه

هذا

ولقد ندد بان كى مون الامين العام لامم المتحده بالبيان الصادر من العضوه عاليه وقال انه ليس من الحريه ولا الديموقراطيه ولا العداله الاجتماعيه ان يخرج الانسان مهاجما كليته واصفا ايها بالسجن

وعليه فلقد قرر مجلس الامن بالاجماع على احاله اوراق العضوه الى اقرب محل سوبر ماركت علشان يقوم بالواجب وتشترى منه علبه عصير لكل عضو

ويخصم ثمنهم جميعا من اخيها احمد حامد (شفت طلعت اصيل معاك ازاى يا احمد)

بعيدا عن الكام الف اللى ابن مصر هيدفعهم

فالف مبروك يا سندريلا وربنا يكرمك فى باقى الترمات ( سايبها عامه)

ويوفقك فى حياتك ان شاء الله

**الي الهدي ائتنا** · 2010-03-31, 07:10 AM

ألف ألف مبروك وعقبالي يارب

**سندريلا** · 2010-03-31, 08:57 AM

انا لسا في سنه اولي علفكره
وشكرا ليكم جميعا
وانا واحمد اخويا هنبشرأ علي تيفا ياعم
ولا تزعلوا

**سندريلا** · 2010-03-31, 09:01 AM

اقتباس:

المشاركة الأصلية كتبت بواسطة alsam3r

مبارك لكى النجاح يا سندريلا

بس الافضل نقول بقى
عقبال ما تفرحى بليلة ابن مصر
اعتقد انها الفرحة الكبيرة
ولا ايه

يعني ياجماعه مش افرح بنجاحي الاول بعد كدا
نبقي نشوف احمد بقي

**Muhamed** · 2010-03-31, 09:16 AM

فى واحد صاحبنا مش بيخش فى الموضوع رغم انه المفروض يكون اول المهنيين

مكنتش اعرف انك بخيل اوى كده يا احمد

دول كلهم على بعض كام الف عضو والعصير بجنيه ونص مش هتغرم كتير يعنى

**ابن مصر** · 2010-03-31, 09:39 AM

اقتباس:

ويخصم ثمنهم جميعا من اخيها احمد حامد (شفت طلعت اصيل معاك ازاى يا احمد)

بعيدا عن الكام الف اللى ابن مصر هيدفعهم

فالف مبروك يا سندريلا وربنا يكرمك فى باقى الترمات ( سايبها عامه)

ويوفقك فى حياتك ان شاء الله

فى واحد صاحبنا مش بيخش فى الموضوع رغم انه المفروض يكون اول المهنيين

مكنتش اعرف انك بخيل اوى كده يا احمد

دول كلهم على بعض كام الف عضو والعصير بجنيه ونص مش هتغرم كتير يعنى

من أمس وانا قاعد أسأل نفسي

هم المصحيحيين بقوا بيفتحوا اليومين دوول ولا ايه

المفروض انهم يراعوا شعور الناس المسافرة بره

واللي بيطلع عينهم عشان يكونوا مستقبلهم

ولكن بمواقف بايخه منهم

بيصححوا بضمير وبينجحوا

ادبست في الهدية

كان نفسي اكون زي كل الأعضاء

احطلك صورة بيبسي

ولا بالونه وشوية مفرقعات >> نظام تفاريح يعني

لكن وبكل أسف ادبست في هدية يعني ادبست

وأجمل شئ اني مش اختي لوحدها

دا انا مستني نتيجة خطيبتي كمان اليومين دووول

اللهم صلى على النبي

دعواتكم ياشباب 4 سنين الكلية يخلصوا في سنتين

لأني بعترض على نظام التعليم الجامعي في مصر

كفاية سنتين × 2 ترم = 4 هدايا

كفاية أوي

الواحد ينضم لحركة كفاية أحسن

على العموم

ألف مبروك ياصاحبة السمو الملكي سندريلا

ومن خلف الكاميرات باركتلها أمس

الساعة 12:38 بعد منتصف الليل بتوقيت مكة المكرمة

مكالمة دولية لمدة

23 دقيقة و13 ثانية و4 لحظات و 20 فنتو ثانية عشان زويل ميزعلش

وان شاء الله الهدية جاية على اول طيارة

مبرووووووووك