الخل , عايز

عايز الحل

يا جماعه عايز الحل في مشكلتي انا مشكلتي صعبه جدا

ساعات وانا قاعد كده بس اني خايف جدا

لكن مش عارف خايف ليه وبخاف من بكره مش عارف ليه

عايز الحل

---

uhd. hgpg hgog

كلمنا عن نفسك شويه

سنك دراستك

طموحاتك

اهدافك

احلامك

:: :


"

حلمي : أطلع لاعب كبير
طمحاتي : عمل ملجأ للأطفال


"

:: :

سنك دراستك

طموحاتك

اهدافك

احلامك

حلمي : أطلع لاعب كبير
طمحاتي : عمل ملجأ للأطفال

ياريت تجاوب علي كل الاسئلة
السن بتهيألي عرفينو 13 سنة
انما الهدف؟ و دراستك ؟ محتاجة توضيح

وطبعا قبل اي حاجه لازم تحافظ علي الصلاة في الجماعة
وتبقي صلتك بالله كويسه هتحس براحة في القلب وطمأنينة

من سنك أظن ان سبب خوفك هو إنك داخل على سن المسؤولية

يعنى بتبدأ تشوف الدنيا بشكل مختلف تماماً عن المرحلة اللى قبل كده

لو كان ده خوفك فده طبيعى

زود ثقتك فى نفسك بس

يا جماعه انا عمري 17 ولو مكتوب اقل يبقى فيه غلط

وحمتو عارف ان عمري 17

لو فيه غلط ممكن اي حد ليه صلحيات يعدلو

ويا جماعه انا بكون خايف لكن مفيش اي سبب

طيب لما الخوف بيظهر الظروف اللى حواليك بتكون عاملة ازاى ؟

اعتقد ان سبب الخوف او عدم الاطمئنان انك ممكن تكون بعيد عن ربنا ودى مشكلة عامة فينا

اعتقد المفروض تزود علاقتك مع ربنا وتقرأ قرأن كتير

وتزود كمان ثقتك بنفسك وتعرف انك مش هتاخد اكتر او اقل من نصيبك

وانصحك بكتاب للدكتور صلاح الراشد ممكن تنزله من ع النت اسمه ( كن مطمئا ) بجد هيفيدك قوى لانى استفدت منه قوى

وربنا يوفقك

اولا: ياسمو الخوف دا حاجه طبيعيه بس المهم انك مش تستلم ليه.

ثانيا:متخافش من بكرة لانك معلش فى الكلمه مش ضامن تعيشه
عيش يومكـ وسيب بكرة لربنا هو أعلم بيه.

ثالثا: حاول زى ماقالك شابون تقوى علاقتك بالله سبحانه وتعالى
وقد يكون جواك خوف من حاجه معينه او حاجه قلقاك مثلاا
انت ادرى بحال نفسك .

عموما ان شااءلله تكون وقت ويعدى وحاول تشغل نفسك فى حاجات
كتيره تنفعك وتفيدك وتستغل وقتكـ وشيل فكرة الخوف دى من دماغكـ وخليها على الله ...
وابقى طمنّا عليك ياسمو ودايما يارب انت والجميع بخير
ان شااءلله
معلش طولت عليكـ,,

لو 17 سنه يبقى تصرف عادى

يعنى انته بتبدأ مرحله المراهقه

بتشوف الدنيا بشكل معين

وبتتصرف فى ماقف كتير بشكل معين

والشكل ده لو دورت مش هتلاقى نفسك انت بس اللى بتتصرفه هتلاقى الجيل بتاعك او معظمه هيبقى ليه نفس النظره ونفس التصرف

وشعور الخوف اللى بيجيلك من وقت للتانى لانك مش واقف على ارض ثابته

طموحك اللى قلته فوق يدل على كده

انت قلت ان طموحك انك تبقى لاعب كبير

دى مشكله من وجهه نظرى

لو كان طموحك انك تلعب

كنت اتوقع تقول نجاح دراسى او نجاح انك تكبر وتشتغل فى مكان كويس او تتجوز واحده مناسبه

لكن لقيتك بتقول انك عايز تبقى لاعب وده زء من مشكلتك

الثوابت عندك عايزه تتغير علشان تشيل الشعور ده من جواك

بس للاسف سنك هوا سن التقلبات

وتعقيبا على الناس اللى ردت فوق ومن خبره كل الناس اللى عدت المرحله اللى انت فيها

فافضل فتره هتعدى عليك وهتحس بالاستقرار هيا الفتره اللى هتقرب فيها من ربنا

كلنا فى فتره المراهقه عدت علينا مراحل كتيره لانها زى مقلتلك مرحله متقلبه

لكن معظمنا ان مكنش كلنا عارف من جواه ان المرحله اللى الواحد قرب اوى من ربنا كانت اجمل مرحله وكان الواحد هادى وواقف على ارض ثابته ( كان عنده ثبات)

مدام انت عايز الحل

يبقى الحل انك تبدأ بالمرحله دى وتحاول بقدر الامكان انك تطول فيها على قدر المستطاع وهتعرف من نفسك التاثير

استعنا على الشقى بالله
السلام عليكم ورحمة الله وبركاته
أخي الحبيب سمو الإحساس ،
الخوف أمر طبيعي يحدث لأي إنسان في كل مراحل عمره وغير مقتصر على عمر معين ، ولكنه يختلف باختلاف التوجهات فهناك خوف وهمي بيحصل لما تكون جالس في مكان ما مظلم تخاف يكون فيه مثلا جن أو لصوص هتهجم عليك، ممكن الخوف يكون عن
طريق العدوى فمثلا واحد يحكيلك أمر مخيف ومن خلال كلامه تحس ان الأمر دا هيحصل ليك انت ، ممكن الخوف بيجيلك من احداث مفاجئة بتحصلك سواء خبر مفاجئ مكنتش متوقعه يكون خبر غير سار ويكون عالق في ذهنك أو صوت عالي بيحدث فجأه أمامك، وغيره من الأسباب المختلفه اللي ممكن تكون السبب
علاجك للخوف بشكل عام ياسيدي ، ان إيمانك ويقينك بالله تعالى يكون قوي جدا ، وتعرف أن كل شيء مقدر من الله ، و تحاول بقدر الامكان تكون اجتماعي مع الناس وخصوصا اللي هم أكبر منك سنا وتناقشهم في حواراتهم ، يكون ليك الأسبقية في التعارف عليهم ودا بيعطيك القدرة على تحمل المسئولية لمقابلة أي شئ مفاجئ ونزع روح الهزيمة والانكسار اللي بتدعم الخوف جواك وان شاء الله الأمر بسيط
في النهاية في صلاة شرعت للخوف ، فاذا حسيت بالخوف اتوضأ وصلي وادعي ربنا ان يطمن قلبك وتلاقي امورك بقت في التمام
اوك ياجميل ؟؟

ابن مصر
مشرف - حلال العقد

اول حاله من فتره يا مشرف - حلال العقد اشتغل بقه

المشاركة الأصلية كتبت بواسطة mandozzz

اول حاله من فتره يا مشرف - حلال العقد اشتغل بقه

والله مانا عارف يابني الناس مبقتش تشتكي من حاجة بقالها فترة


شكلي هنزل مصر اشوف ايه السبب

الراتب بناخده ع الفاضي

عاوزين نحلل القرشين اللي بناخدهم

انابرضو رايى ان تقرب من ربنا اكتر وخليك واثق فيه اقر قرآن وخليك واثق خوفك وقلقك وتوترك دا طبيعى جدا عشان انت فى مرحلة بتتكون فيها شخصيتك
وكمان خليك واثق فى نفسك والثقة فى النفس دى هتيجى من اولا ان زى مقالولك لازم يكون عندك طموح حقيقى تسعى انك تنفذه
وكمان من خلال تعاملك مع الناس اتعامل معاهم كتير خليك اجتماعى من غير خوف بس برضو خلى بالك من اصدقاء السوء

والله مانا عارف يابني الناس مبقتش تشتكي من حاجة بقالها فترة


شكلي هنزل مصر اشوف ايه السبب

الراتب بناخده ع الفاضي

عاوزين نحلل القرشين اللي بناخدهم

الناس زهقت من كتر الشكوى بقوا يكلوا بلالم

معلشي اتاخرت عليك ياسمو في الرد

حالة الخوف الا انت فيها دي بتبقي بسبب انك بتكون فعلاا محط مسئولية ومحتاج فيهاا توصل لاقصي درجات النجاح

الخوف مش ضعف شخصيه ولا قله حيله انما بيقبي القصد منهم الخوف من الفشل

عايز تعيش بكره صح يبقي لازم تخططلها صح لازم تعيش الواقع صح وتخطط لبكره علشان تلقاها صح ارسم لنفسك الطريق ارسمه في مخيلتك بس عيشه واقع

عموما في الاخر عيش اللحظه الا انت فيهاا بكل ما فيها من جمال ومن سعاده ... من حب ومن امل ... وقول ان شاء الله بكره هيكون كذا وكذا وان شاء الله هوصل لكذا لان بكره مش في ايدينا بكره في ايدي ربناا بس لازم السعي ولازم التعب والمجهود


وطول ما احنا عايشين في حالة رهبه وخوف عمرنا ما هنوصل لاهدافنا وطموحتناا هنحس ان حياتنا ثابته عمرها ما بتتغير ولا بتتقدم

وربنا يوفقك ان شاء الله وتقدر تحقق كل الا بتتمناه بس لازم تسعي وتتعب

تسلمو يا جماعه على الردود وشكرا للمجهود