ميدالية , مينى , بلوفر , ورشة

ورشة مينى بلوفر ميدالية

السلام عليكم و رحمة الله و بركاته
نبدأ باسم الله يا بنات
اولا نتيجة التصويت تعادلت فى بلوفر رقم 12 و بلوفر رقم 11 و قررنا عمل الاثنين لانهما سهلين جدا ومش هياخدوا منك نصف ساعة شغل
انا راح انزل الشرح الاول وبعدبن انزل لكم الخطوات المصورة يالا هاتوا الابر و الخيوط بسرعة

اولا الموديل رقم 12

---

,vam ldkn fg,tv ld]hgdm

اولا بنعمل عدد غرز البداية 13 غرزة




ونشتغل باللون الثانى 3 اسطر عدل ثم بعدها نكمل بللون الاساسى للبلوفر بالجرسيه






هتستمرى بالجرسيه حتى مسافة 5,5 سم ارتفاع
وتقفى عند ظهر العمل ليكون اخر اسطر اشتغلتيه من ظهر العمل





بعد كدة هتضعى علامة فى اول غرزة و اخر غرزة كما فى الصورة لانها ستحدد مكان لقط الغرز للكم





ودى صورة مقربة لتوضيح وضع العلامة





هنا وصلت لطول 2,5 سم بعد العلامات




ودى شكلها من الظهر و ايضا انتهينا عن الظهر و كان اخر سطر حتى الان من لظهر العمل




السطر التالى هيكون من وجه العمل و هنعمل فيه فتحة الرقبة
بتشتغلى اول 3 غرز عدل عادى خالص وبعدها غيرى للون الثانى اللى بتستعمليه و اقفلى به 7 غرز كما فى الصورة
بهدها هاتى طرف تانى من اللون الاساسى علشان تكملى به باقى السطر
و اشتغلى ال 3 غرز الباقيين عدل كما فى الصورة





دى صورة اوضح ظاهر فيها طرفين للخيط الابيض اول 3 غرز عدل وخارج منها الخيط الاساسى اللى بنشتغل به تركينه علشان نقفل الغر ال 7 باللون الاخر و بعدها شبكنا خيط جديد باللون الاساسى الابيض لنكمل به اخر 3 غرز





وصلنا الى عمل الاكتاف ووقفنا عند و جه البلوفر لفى الشغل و اشتغلى سطر مقلوب من الظهر على الغرز اللى باقية على الابرة كل 3 غرز بالخيط بتاعهم يعنى مفصولين عن بعض
كما فى الصورة





السطر التالى هيكون من و جه البلوفر كالاتى (اشتغلى اول 3 غرز على الابرة ثم انشئى 7 غرز جديدة لتحل محل الغرز اللى قفلناها قبل كدة



ثم بنفس الخيط اشتغلى ال3 غرز الباقية بكدة نكون رجعنا ال 7 غرز المقفولة ورجعنا تانى نشتغل بخيط واحد الاصلى طبعا هتتركى الخيط الثانى و تقطعيه علشان لا يلخبط الشغل معاكى لاننا مش راح نحتاجه تانى




السطر التالى هيكون من الظهر و هتشتغليه مقلوب و تستمرى فى الجرسيه الى ان يصل الطول عندك من اول الغرز الجديدة التى انشأتيها الى 2,5 سم يعنى اعلى فتحة الرقبة منتهية بظهر العمل
ثم ضعى علامتين كالعلامتين السابقتين واحدة اول السطر و الاخرى اخر السطر



اكملى بالجرسيه حتى يصل الطول من اسفل العلامات الجديدة الى 5 سم بعدها اشبكى اللون الاخر و اشتغلى به 3 سطور عدل



و اقفلى الغرز كلها كدة يبقى جسم البلوفر






نيجى لعمل الاكمام
بين كل علامتين بالطول او بشكل رأسى مسافة القطى بهذه المساحة 12 غرزة
من امام البلوفر يعنى من الوجه





ودى صورة اقرب للغرز الملقوطة





وبعدها اشتغلى سطر مقلوب من الظهر و اكملى بالجرسيه لمسافة 2,5 سم بعدها اوصلى اللون الثانى و اشتغلى 3 سطور عدل لينتهى عمل اول كم كما فى الصورة



هتعملى الكم الثانى مثل الاول و هذا شكل البلوفر بعد الاكمام و قبل الخياطة






تبقى لنا الان خياطة االبلوفر قومى بطيه او ثنيه الى نصفين ليأخذ شكل البلوفر و خيطى من اسفل الجانب اليمين الى اعلى حتى نهاية الكم اليمين وبالمثل خيطى الجزء الشمال

ليصبح شكل البلوفر كالاتى




الان سيتم عمل الرقبة و هى بلقط غرز من على فتحة الرقبة الموجودة عندك باستخدام الابر مفتوحة الطرفين بتلقطى على كل ابرة بعض الغرز الى ان يصعب عليكى لقط غرزة اخرى بتستخدمى ابرة مفتوحة الطرفين اخرى لتقسمى بذلك الغرز المراد لقطها على الابر مفتوحة الطرفين التى معكى
قومى بلقط حوالى 17 غرزة وذكرت كلمة حوالى علشان ساعات بتحتاجى تزودى عليهم غرزة او اكثر حسب سمك الخيط و مقاس الابرة معكى
وهذا رابط فيديو لطريقة استخدام الابر مفتوحة الطرفين علشان تعرفى تشتغلى عليهم بعد عملية اللقط
https://www.knittinghelp.com/apps/fla...layer/play/9/1

المهم بعد اللقط بالابر المفتوحة الطرفين اشتغلى 3 لفات بالغرزة المقوبة ثم اقفلى الغرز باللفة الرابعة