ممكن تدخلو تسالو نفسكم وتدونى اجابات مقنعه؟

ليه يا شباب مش قادرين نواجه الحقيقه ان بلدنا فى طريقها للضياع؟

ليه بنطبق مثل الجبن سيد الاخلاق

ليه ملناش طموحات نحققها؟


ليه دلوقتى بنتخانق مع دبان وشنا ومحدش طايق التانى؟


ليه بنطبق مثل اللى يمشى جنب الحيط؟


ليه السلبيه اللى احنا فيها؟



ليه بنسكت عن حقنا فى العيش فى حياه كريمه؟



ليه بنبقى عارفين الغلط فين وبنروح نعمله؟


ليه حاسين بالذل وساكتين؟



ليه بقت الحاجه الهايفه هى اللى تهمنا؟


ليه بقينا مستضعفين فى الارض؟




ارجوكم فكرو وهاتو سبب مقنع نكون كلنا موافقين عليه؟

---

ll;k j]og, jshg, kts;l ,j],kn h[hfhj lrkui?

يا أخ طيب احنا لو بصينا من منظور الفشل إللي انت بتفكر بيه عمرنا ما هنتقدم أما من ناحية حالنا هذا فمن رأي هذا يرجع لسبب وحيد ألا وهو الضمير لأن دلوقتي معظم الناس إللي في الحكومة ناس معندهومش ريحة الضمير والضمير الصحيح يأتي عن طريق الايمان الصحيح فلو كان إيماننا صحيح لم ولن يستطيع العالم كله أن يلمسنا .. هذا رأيي

بسم الله الرحمن الرحيم
السلام عليكم ورحمة الله وبركاته
والله ياطيب أحسن أنا شايفة إن كل اللى احنا فيه دة ابتلاءات من ربنا
أو يمكن يكون اختبارت من الله عزوجل وإن احنا يعنى مش بنعرف نتصرف وبنأخد المواضيع بسلبية وزى ما أنت بتقول كدة بنعارك ذبان وشنا فدة غلط منا أحنا فمعنى كدة إن احنا ولا عندنا صبر ولا قوة ولا إرادة ولا بنعمل بالصبر اللى المفروض ربنا أمرنا به يعنى المفروض نستعين بالصبر والصلاة والدعاء
ولو شايفيين إن اللى حولينا غلط يبقة دة من عند ربنا ولازم نرضا بما كتبه الله لنا أو علينا
والسلام عليكم ورحمة الله وبركاته

انا تفكير مش فاشل بس عشان نتقدم لازم نبص للاسباب اللى وصلتنا للدرجه دى من الضياع
انا عارف ان الحكومه معندهاش ضمير بس ارجع واققولك مين اللى انتخب راس الحكومه؟
واظن انت عارف راس الحكومه مين؟؟؟؟؟؟؟؟؟؟؟؟؟؟

يا توتا انا معاكى فان معظم اللى حولينا غلط وان ربنا عايز كده الحمد لله بس مش معنى كده ان احنا نسكت ربنا مامرناش بكده لازم نغير من تفكير الللى حولينا يعنى مثلا يوجد حديث فيما معناه ان ربنا امر بخسف قريه كافره
فقال جبريل ان فيها عبد صالح فقال الله سبحانه وتعالى فابدا به

انتى عارفه قاله ابدا به لييييييييه؟

لانه اخد موقف سلبى ولم يقم بدعوه الذين منحوله بالهدايه

وعلى فكره الصبر اللى بتتكلمى عليه ده صبر سلبى لان احنا مش بنصبر عشان نعمل حاجه احنا بنصبر عشان مستنيين الفرج والفرج مش هييجى لوحده كده لازم نعمل ونجتهد عشان ربنا يدينا على قد اللى بنعمله ولا اييييييييه؟

بسم الله الرحمن الرحيم
السلام عليكم ورحمة الله وبركاته
والله ياطيب أحسن انا شايفة ومن وجهة نظرى اللى احنا فيه دة مش من السلبية لأننا بنصبر وكمان احنا الحجمد لله عن نفسى انا شايفة ان محدش فينا مااخدش اكتر من حقه يعنى انت بتدرس مثلا او بتشتغل على قد جهدك على قد راتبك اللى انت بتخده يبقة انت مش مظلوم
او حتى لو كنت مظلوم كلمتك مش هتفيد بشىء يبقة الصمت والسكوت والصبر أفضل من أن احنا نعمل شوشرة على الفاضى
وعلى فكرة انا مش ناوية ابعت رد للموضوع دة تانى وانا قلت رأيى
والسلام عليكم ورحمة الله وبركاته

انا مش هاجاوب عليكى من دماغى بس هقولك الحديث الشريف اللى بيقول

من راى منكم منكرا فليغيره بيده فان لم يكن فبلسانه فان لم يكن فبقلبه وهذا اضعف الايمان

موضوع جميل بس ممكن يا طيب تقولى الحل ايه

نغير نظام الحكم مهو اتغير قبل كده من سلطنه الى ملكيه الى جمهوريه كله موجود(يعنى جربنا الشخليله واليويو)

نعمل مظاهرات (اولا المظاهرات نفسها حرام لان ملهاش سند ان الناس بتعمل ثوره على الحكام واحنا واخدنها من الغرب)
(كمان مهو برضه مصر كل يوم فيها مظاهرات يا راجل دانا لسه متخرج السنه دى ومعداش عليا اسبوع فى الخمس سنين اللى فاتوا الا لما اشوف مظاهره وبعدين؟)

نصلح من نفسنا

وهوه ده اللى انا شايفه ينفع يعنى لو الواحد اجتهد وتوكل على الله حق توكل اكيد ربنا مش هيضيع مجهوده
ولو كل واحد اشتغل صح البلد كلها هيتصلح حالها