المصريين الخونة

السلام عليكم ورحمة الله وبركاته اعذرونى لاختيار هذا العنوان واقرأوا الموضوع وهتفهموا
انا قليل لما بهتم بالسياسة بس الامر لما يوصل لضرب غزه او لفلسطين او لاى حد من المسلمين لازم اهتم واما الامر يوصل ان يصفوا مصر بانها خائنة لازم اهتم اكتر واكتر

لان دى بلدى اللى مهما كان فيها من فساد فهى بلدى اللى بحبها وبعشقها وافديها بروحى انا انتقد على بلدى واعيب فيها وانا جواها ماشىلكن حد تانى يجى يقول علي بلدى خاينين انا احط صوابعى العشرة فى عينيه
انا ادعى على ولدى واكره اللى يقول عليه امين

وتعالوا شوفوا مين بيقول علينا خاينين عملوا ايه دول لفلسطين غير اللى هم يشجبوا وينددوا وهم اعدين نايمين تحت اللحاف

قطر دولة قطر اللى رايحين يعملوا فيها مظاهرات وحاملين لافتات مصر ام الدنيا فاين غزه من هذه الدنيا
المظاهرات كانت ضد مصر مش ضد اسرائيل قوليلى يا قطر عملتى ايه للفلسطنيين وزير الخارجية بتاعتك بيروح هو واسرته يصيفوا فى تل ابيب كل صيف يروحوا يصيفوا عنده منزل فى تل ابيب فى مدينة نهاريا
ده انتى يا قطر اكتر دولة عاملة علاقات مع اسرائيل ده انتى فيكى اكبر قاعدة امريكية ده امريكا ضربت العراق من ارضك له بقه مقلناش انها خاينة

سوريا عملت ايه لفلسطين راحت تعمل مفاوضات مع اسرائيل جايين يعملوا مظاهرات ادام السفارة ضد مصر مش ضد اسرائيل ياريت المظاهرات دى كانت تتعمل لما الطيارات الاسرائيل لما دخلت طيارتها وضربتكم وكانت بتحلق قرب مقر الرياسةده انتو ساكتين على نفسكم مفكرتوش حتى تضربوا رصاصة واحدة لما اسرائيل دخلت بطيارتها

لبنان حسن نصر الله انا بحترمه الراجل ده كقائد سياسى بس لما يهاجم بلدى لازم ارد عليه انت بتطالب ملايين المصريين يخرجوا يفتحوا معبر رفح اه نخرج ملايين نتوجه لرفح و الامن يمنعنا وده طبيعى فى اى بلد ونضرب فى الامن والامن يضرب فينا وتبقى حرب بقه كمان فى مصر ويلا
طب بدل ما تطلب من دولة تانية ابدأ انت بنفسك متضرب اسرائيل فى الجنوب
ارمى عليها صاروخين يخففوا الضغط شوية بدل متتهمنا بالخيانة
واحدة لبنانية على احد القنوات كانوا بيتكلموا فى كلام حسن نصر الله قالتلهم اذا هو بيخون ناس من بلده مش عاوزينه يخونكم
مش انت يا حسن نصر الله كانت بلدك فى امان رحت عملت حركة ملهاش لازمة خطفت جندى اسرائيلى ودخلت بلدك كلها فى حرب هى كانت فى غنى عنها

ده غير دول عربية مفتحتش افواها
ولا انتى يا ايران عمالة تعملى فى اسلحة وتجربى فيها ونووى ومش نووى مفكرتيش تضربى صاروخ واحد فى اسرائيل

ولا قناة الجزيرة اللى بتشتم ومعروفة بكرها لمصرمش لما اسرائيل قفلتلكم مقركم عشان مش عارفة بسبب ايه رحتوا واتأسفتولها واترجتوها انها تسمحلكم بفتح المقر تانى

بذمتكم مش مصر تقدر تطلع ترد عليهم بنفس اسلوبى ده
بس هى معملتش كدا عشان مش عاوزه اللى هم يفضلوا يشتمونا واحنا نشتمهم ونرد الشتيمة وهم يردوا ونتلهى وننسى الفلسطنيين ونعمل خصومات وننقسم اكتر ما احنا منقصمين

انا مع فتح معبر رفح جدا بس يتفتح بنظام و يكون فى تنظيم امنى عشان ميحصلش زى اللى حصل فى اول السنة
دى لما الفلسطنيين دخلوا وعملوا اللى عملوه ومع فتح كل مستشفياتنا
ومنمنعش اى مساعدات دول مسلمين واخواتنا ولازم نقف جمبهم
لكن يتهمونا العرب بالخيانة لا ولا والف لا
اوعوا تكونوا فاكرين يا عرب ان وزيره الخارجية كانت جاية تاخد الاذن ولو احنا كنا قلنلها وحياة الغالية والدتك متضربهمش كانت هتسمع الكلام

ده خدعة من اسرائيل بالظبط زى ما انا لسه عارفه ان على ايام السادات كان بيجن فى زيارة لمصر وبعد 12 ساعة ضربوا العراق

واتهمتم مصر بالخيانة
مفكرتوش ان دى سياستهم عشان يبعدوا انظاركم عنهم ويخلوكوا تتهموا بعض بدل متقوموا عليهم وبعدين بدل مترموا الاتهامات على بعضكم وتشجبوا وتنددوا فوقوا بقة شوية كفاية كلام
احنا عاوزين تنفيذعايزين نحارب نحارب بس كلنا نحارب مش مصر بس
مش زى القذافى لما قال نقاتل لغاية اخر قطرة فى دم جندى مصرى
وعلى فكرة زى لما تحرير القدس على يد صلاح الدين كان من مصر
ان شاء الله تحرير فلسطين هيكون على يد مصر وهيكون فى مصريين كتير وده مش شعار دى حقيقة لانى مؤمنة بسيدنا محمد عليه الصلاة والسلام وهو قال اذا فتح الله عليكم مصر اتخذوا منها جندا كثيفا لانهم فى رباط هم وازواجهم فى رباط الى يوم الدين


واسأل الله ان ينزل على اليهود رجسا من السماء
وان يتجمع شعب المسلمين و العرب سويا
وان يشفى مصابين القذف العدوانى
وان يجمعنا بهؤلاء الشهداء الاشراف فى الجنة الى جانب الحبيب المصطفى صلى الله عليه وسلم

وان يرد لنا الاقصى مردا جميلا

---

hglwvddk hgo,km

ده الطبيعي من دول نشجب ونستنكر وكأن مصر هي اللي كانت بتقصف غزة

كل اللي هيقدروا يعملوه انهم هيطالبوا بقمة عربية

ويعملوا زي ما يعملوا ولا هيسوا شئ زي ما كل مره بنشوفها

ربنا يستر بس والله من اللي جاي

شكرا فجر الإسلام

الهجوم على مصر لم يكن سببه الاحداث الاخيره وانما كان اغلاق معبر رفح الفتره الماضيه امام دخول اى مساعدات انسانيه الى فلسطين

غزه المتنفس الوحيد بتاعها اما من مصر او عن طريق البحر

كنا نسمع كل فتره دخول سفينه مساعدات من دول حوض البحر المتوسط جايه من ناس مش مسلمين

مصر قفلت المعبر للاسباب امنيه

وللاسف امبارح بعد ما المعبر اتفتح برضه حصل نفس اللى حصل من كام شهر

مسلحين مش مصدق انهم فلسطنين لانهم لو كده يبقه حسبى الله ونعم الوكيل فى هؤلاء الخونه

دخلوا كالعاده نتيجه ان اسرائيل ضربت اخد الجداران وتكرر نفس المنظر ان مسلحين يضربوا نار على جنود مصريين واستشهد الرائد المصرى فريج عسوى نتيجه ضرب النار ده

هل الناس هناك عاميه

مش بتشوف

اللى عمل التصرف ده بنسببه كبيره من عملاء الصهاينه

واظن ضربه الجددار كان متجهزلها

واحتمال كبير اللى عمل التصرف ده لو فلسطينى يبقى هيكون من العملاء

لان اى تفسير اخر من حركه حماس معناه ان حماس تبعد عن السلطه فورا

وقلت قبل كده حماس كسبت السلطه واحنا خسرنا فلسطين

حماس حركه مقاومه

والمقاومه لا يمكن ان تتحكم بالسياسه الا لما الاحتلال يزول وتقام دوله

قبل ذلك ستكون مذبحه كالتى تحدث الان

اسرائيل فى هجومها اللى وصل فيه عدد الشهداء الى 300 قالت انها بتضرب المقرات الامنيه

اتفضلوا اديناها زريعه لان ببساطه المقار الامنيه فى اماكن سكنيه ماهوله فالطبيعى نشوف المناظر اللى شفناها لانهم اكتر ناس فى العالم بيستعبطوا

كعاده الشعب العربى العاطفه تتكلم قبل عقله

المواطن العربى سيرى التالى

مصر اغلقت المعبر علشان حماس ميخشلهاش سلاح تحارب بيه اسرائيل وفوق ده منعت دخول الحاجات الاساسيه لحياه الشعب الفلسطينى وتركته بين رحمه من لا رحمه فى قلبه

والان وبعد خراب ملطه فتحوا المعبر لما اسرائيل موتتهم وخلاص

ادى التفسير للمواطن العربى

فوق كده سقطه وزاره الخارجيه المصريه لانها لم تستطيع ان تفهم ان فى الافق ضربه اسرائيليه اكيده ورغم ذلك قبلت بالزياره

سقطه كالتى اشارت اليها فجر فى السابق بخصوص موقف السادات وضرب المفاعل النووى العراقى

لم نتعلم من تلك التصرفات الصهيونيه حتى الان

ارى ما حدث مفيد تجاه السلطه فى مصر حتى تتخذ قرار حازم نسبيا تجاه الطرف الاخر ولا اظن انها هتهتم بالمعونات بالدرجه التى كانت تهتم بيه قبل هذا الموقف

اغلاق معبر رفح علنا اظن انه كان بالتفاقيه

من يقوم بمظاهرات تجاه مصر الان فلياتى بطائره الى مطار العريش وسنزوده بسلاح والمعبر مفتوح واتفضل خش

الاجتياح البرى لغزه اقترب

فهل سنرى نيران المقاومه التى لا ارى انها تقتل بعدما مسكت السلطه الا فلسطنيني حكموا عليهم بالخيانه وضباط حرس الحدود المصريه وقليلا من اليهود على فترات متباعده

كما ذكرت سابقا شعور بالاختناق عندما ترى ان السلاح يكون هدفه الاستعراض وضربه فى الهواء او فى صدور اخوانهم المسلمين

فلنرى عند الاجتياح البرى ماذا سيفعل هذا السلاح

الشجرة المثمرة هى اللى بتتلق بالطوب
وبكره أفكر الجميع
هتفضل مصر سبب النصر

انا مع كلامكم كله ياجماعة
بس بجد الحالة فعلا هناك أصعب مما تتخيلو
الغرب نجح انو يفرق بين الوحدة العربية
الوحدة العربية دى اللى كانت احدى اسباب النصر لينا فى 73
الغرب نجح ان يبقى فيه انقسامات عديدة بين الدول مش بس كده اصبح الان فى الدولة الواحد
والحزب الواحد والبيت الواحد
دا اللى وصلنا لكده لازم نوحد صفوفنا وأرضينا حتى لو على حسبنا مادووول اخونا ودى ارضنا وهنتسأل ادام ربنا ايه اللى احنا عملناه
انما اللى يغلط فينا فنسيبه وبعدين هوا بعين هيفهمنا
الناس بس زعلانة جامد على اللى بيحصل غى غزة وكانو متوقعين لو المعبر مفتوح كان هيقلل شوية من اللى حصل
بس ما حدش فاهم كويس
ياجماعة انا شايف ان الواجب علينا فعلا ان نبدأ نوحد نقسنا فى بلادنا ونبقى ايد واحدة وفى الوقت نفسه بنحاول نوحد كل العرب
وما ننساش كل سجدة نسجدها ندعى فيها لفلسطين والعراق وافغانستان وكل البقاع الاسلاميه احنا مسؤلين عليها قدام ربنا
اشكركم

اللى بيقولوا ان المصريين خونة هم اكتر ناس فاهمين الكلام ده كويس
متهيألى مصر مش محتاجة أدلة تثبت بيها ولائها وفضلها على الكل
االلى بيروجوا ان مصر خاينة دول ناس مش قاصدين الا الفتنة بين العرب
من نحية عشان مصر توقف مساعداتها
ومن نحية تانية عشان الوطن العربى يتفتت ويضعف
ياترى ايه انسب حل لمواجهة الفتنة دى؟

يا جماعة فعلا اللمصررين مش خونة ........... ومع احترامي لكل الردود وخاصة فجر الإسلام وماندووز



بس أنا شايف إن لما ناس تبقى ببتعذب مش بتمووت

بتموت كل يوم


والعالم كله ما بيعملش حاجة
حتى اللي انتي قلتيهم يا فجر


لبنان وقطر وسوريا وقناة الجزيرة وكل الناس دي...



لو معملوش حاجة احنا لازم نعمل

بصراحة ومن الاخر انا مش شايف ان مصر قامت بدورها نحو غزة
اللي في الأصل جزء من مصر !!



يا جدعان والله حرام اللي بيحصل هناك احنا لازم يكون لينا دور

مش نفضل قاعدين حاطين ايدينا ع خدنا




------------------







احنا مش خونة ... لكننا مؤمناش بدورنا










احنا لازم نساعدهم بأي طريقة تحت أي ظرف من الظروف

الناس كلها بتتكلم في الشارع العربي كلة

طب وبعدين ؟؟ كلة كلام بس !!!!!!!!!

عايزين رد فعل . والمطلوب ايه بالظبط

كل واحد يعرف هوا عايز ايه

الناس بتموت كل يوم وصلوا 345 يعني حاجه تحزن بجد

ولا اي حد بتحرك ولا اي حاجه

عجبنى جدا رد عمرو أديب على حسن نصر الله ،،
وهو دا فعلا حال مصر ..

فعلا كلامه صحيح
والله العظيم كل الذى يعده نصر الله ذلك الذى يتزعم حزب الشيطان
انما يعده لقتل أهل السنة المسلمون وهو لا حاجة له بفلسطين
انظروا إلى ذلك الفيديو ليبين لكم
بيان ما تكلمت به

أرجوكم يا شعب مصر الأبي لبوا النداء

هبوا وانتفضوا واغضبوا

لأجل لأهلكم وأحبابكم في غزة العزة

افتحوا المعابر

نعم افتحوا المعابر

أجل افتحوا المعابر

الدماء تسيل بكثافة ونحن صامتون إلى متى هذا الصمت العربي المضني

كفانا والله كفانا

أنتم يا أهل المروءة والبطولة

يا مصر يا أم الدنيا

أنتم الشعب الأبي البطل هبوا أرجوكم

مصر وشعب مصر وأهل مصر

هم أطيب الناس إلينا

تقبلي مروري أختي فجر الإسلام بارك ربي فيك

مشكورة يابنت الشام جدا
على حماسك دا واحنا بنحاول وبنعمل كل اللى نقدر عليه
بس
ياريت كمان انتم فى سورية تهبوا وترجعوا الجولان
هوا دا الوقت المناسب اللى تقدروا ترجعوا فيه الجولان
وإذا كانت المقاومة فى فلسطين مش معاها إمكانات وصامدة وستنتصر بإذن الله
فالجيش السورى يمتلك الإمكانات التى تجعله يستطيع أن ينتصر
يمتلك طائرات ودبابات وصواريخ بعيدة المدى وجيش قرابة 3 مليون جندى
كما يمتلك صواريخ مضادة للطائرات
فأفضل وقت لإسترداد الجولان هذا التوقيت واسرائيل مشغولة فى غزة مع حماس
تنشغل أيضا بكم فى الجولان
وتنشغل بالمقاومة فى لبنان لاسترداد مزارع شبعا
بيتهيقلى ساعتها اسرائيل وقتها ستعيد النظر لما تفعله فى المنطقة

أنا متأسف جدا يافجر لأنى بعدت شوية عن لب الموضوع بس بيتهيأ لى ان الموضوع يرتبط بموضوعك

وبعد الكلام دا كلووووووووو...

إيه إلي حصل..

ها ولا حاجه..

2009-01-12, 12:39 am

الموضوع بقاله سنة و4 شهور

وانتهى النقاش فيه

للغلق

وبعدين ؟؟؟

ماهو احنا لو استمرينا بالطريقة دى كل اللى نعمله هو اننا نرد على اللى بيتهمونا باتهامات فى حقهم يبقى هو ده اللى هنفضل نعمله

مجرد كلام

ماهو ايه اللى مبهدل الإتحاد العربى .... إن فى كل مرة نقول هنقف جنب بعض نطلّع فى الملفات القديمة

الحل الوحيد هو اننا ننسى كل اللى فات ونقف جنب بعضنا ولما تبقى تحصل مشكلة بين دولتين أهو يبقوا إخوات مع بعضهم ومش هياكلوا بعض

ونجرب بقى لمرة فى حياتنا نصد السوسة اللى فى وسطنا دى

أنا عمرى النهارده 16 سنة وكل يوم أسمع عن بطولات العرب ودمهم الحامى وللأسف ماشفتش أى حاجة من دى