يبقى انت اكيد اكيد فى مصر

‏1‏ ـ لو لقيت من كل بيت خارج مدرس خصوصي تبقي أنت أكيد في مصر‏.‏
‏2‏ ـ لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏!‏

‏3‏ ـ لو لقيت في كل بيت واحد مات من السرطان‏..‏ تبقي أنت أكيد في مصر‏!‏
‏4‏ ـ لو رحت التأمين الصحي وإدوك حديد وزرنيخ‏..‏ تبقي أنت أكيد في مصر‏.‏

‏5‏ ـ لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏.‏
‏6‏ ـ لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏.‏

‏7‏ ـ لوخلصت دراستك وخدت الشهادة وقعدت علي القهوة سنين لحد ما الحكومة توظفك‏..‏ تبقي أنت أكيد في مصر‏!‏
‏8‏ ـ لو أنت في بلد ربع سكانها ساكنين في عاصمتها‏..‏ تبقي أنت أكيد في مصر‏!‏

‏9‏ ـ لو أنت في بلد كان زمان من خمسين سنة ممنوع كشف ستوماك يعني بطن الراقصات في الكباريهات ودلوقتي ستاتها وبناتها بـالستوماك في الشوارع ماشيين‏..‏ تبقي أنت أكيد في مصر‏!‏
‏10‏ ـ لو سمعت وقريت جملةاللي نعرفه أحسن من اللي منعرفوش تبقي أنت أكيد في مصر‏!‏

‏11‏ ـ لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات‏..‏ تبقي أنت أكيد في مصر‏!‏
‏12‏ ـ لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏!‏

‏13‏ ـ لو لقيت سواقين العربيات راسمين أحزمة أمان علي صدورهم تبقي أنت أكيد في مصر‏!‏
‏14‏ ـ لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏!‏

‏15‏ ـ لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها‏(‏ وكان ليه من أصله‏)!‏ تبقي أنت أكيد في مصر‏!‏
‏16‏ ـ لو مزنوق في الشارع وملقتشي مراحيض عامة يبقي أنت أكيد في مصر‏!‏

‏17‏ ـ لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏!‏
‏18‏ ـ لو سمعت أن القضايا بيتحكم فيها بعد وفاة المتقاضين‏..‏ تبقي أنت أكيد في مصر‏!‏

‏19‏ ـ لو مرة لقيت رسوم الزبالة علي فاتورة الكهرباء ومرة تانية علي فاتورة الغاز‏,,‏ تبقي أنت أكيد في مصر‏!‏
‏20‏ ـ لو فتحت التليفزيون وشفت ظرف البيت بيتك‏..‏ تبقي أنت أكيد في مصر‏!‏

‏21‏ ـ لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏!‏
‏22‏ ـ لو شفت الست تخلع جوزها بعد طول عشرة‏..‏ تبقي أنت أكيد في مصر‏!‏

‏23‏ ـ لو تقف في طابور علشان رغيف العيش‏..‏ تبقي أنت أكيد في مصر‏!‏
‏24‏ ـ لو حد النهاردة اسمه بوحة وإمبارح كان اسمه اللمبي والحد ده يقش ملايين‏..‏ تبقي أنت أكيد في مصر‏!‏

‏25‏ ـ لو سمعت الكبير بيقول للصغيرحضرتك تبقي أنت أكيد في مصر‏.‏
‏26‏ ـ لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز‏..‏ تبقي أنت أكيد في مصر‏!‏

‏27‏ ـ لو سمعت وقربت إن فنان ابن فنان يعمل عملته وينكر والقضاء مازال يفكر ثم يفكر تبقي أنت أكيد في مصر‏!‏

---

dfrn hkj h;d] tn lwv

خلاص يا طيب راح زمن الرجولة والشهامة والأمانة المصرية .. راح خلاص الإحترام والأدب والوقار إللي كان عند البنات ... راح خلاص الدم من اجسامهم ...... وأتى بدل كل ده زمن المياعة وقلة الأدب والبهرجة الزائدة والخيانة والرشوة والمرتشي .... واللبس الخليع والعاهرات ..... في النهاية راحت مصر ..
أنا بتحسر على مصر إللي أكلت اسرائيل العلقة المتينة وطردت الإنجليز وكذلك الفرنسيين دلوقتي خلاص أسرئيل أيوه اسرائيل لو عاوزه بين ليلة وضحاها انها تجتاح مصر بأكملها والله لاجتحتها .. وهيكون حكمهم أحسن شوية .. إذا كان المسلمين بلا شفقة ولا رحمة علينا .. هيكون اليهود والنصارى أحسن بقى
عارفين يا شباب ده ليه لان العدو مش لاقي في مصر رجالة .. مش لاقي غير المحسوبية والرشوة
واحسرتاه

معنديش تعليق غير انك نسيت واحده




28- لو لاقيت شعب مستحمل كل اللى فاتوا دول وبيحب بلده ويعشق ترابها يبقى انته اكيد فى مصر





الصوره سودا انا عارف



بس ارجع واقول احنا احسن من غيرنا



مش احنا بس اللى حاجات عندنا خربت


الجميع من حولنا سوواء فى المنطقه العربيه او العالم حتيث تغير الكثير من القواعد والمبادئ



واللى يشوف بلوه الناس تهون عليه بلوته


بس ارجع واقول



ان مفيش شعب مصرى الا فى مصر بس ولو كان مكانا شهب تانى كان هيهج ويسيب البلد

الجملة دى لخصت الموضوع كله

المشاركة الأصلية كتبت بواسطة الطيب احسن

‏10‏ ـ لو سمعت وقريت جملةاللي نعرفه أحسن من اللي منعرفوش تبقي أنت أكيد في مصر‏!‏

وعلى فكرة يا ماندوز فشل باقى الدول مش مبرر لينا نعلق عليه فشلنا
بالعكس ده المفروض يبقى دافع اقوى اننا ننهض بنفسنا علشان نساعد الدول دى بردو

‏2‏ ـ لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏!‏

هى دى الجملة الى اثرت فيه اوى

بس يا جماعة اكيد لو كل واحد بدا من نفسه هيغير حاجات كتير

من الحاجات دى..
ولو منجحش يكفيه انه هو حاول

وعلى فكرة يا ماندوز فشل باقى الدول مش مبرر لينا نعلق عليه فشلنا
بالعكس ده المفروض يبقى دافع اقوى اننا ننهض بنفسنا علشان نساعد الدول دى بردو

انا مش قصدى تبرير الفشل


وانما حتى لا يحبط الناس ويروا الدنيا سودا ولا امل


لان لازم يبقى فى امل فى النجاح



فى اننا نتغير للاحسن



المجتمع الغربى على سبيل المثال


نعم هوا اكثر تقدما


تعم ان شعوبه تعيش فى رخاء


ولكن العلاقات الاجتماعيه صفر


وللاسف ده اكبر خطر يهددنا دلوقتى


لان اللى فاضلنا هوا طبيعه مجتمعنا المصرى اللى لو خسرناه يبقى خسرنا كل شئ

هى دى الجملة الى اثرت فيه اوى

هقلك حاجه والله بجد وحصلت مع ناس زمايلى


فى حاجه اسمها طموح اللى بيتحقق بالتعب


يعنى مثلا


زمايلى اللى تخرجوا ومنهم 2 الدفعه مكنش هندسه القاهره فى الاساس رغم انه عايش فيها


ده معناه ان مجموعه كان 90 او 91


ودى نسبه كبيره عندنا كده


عارف عملوا ايه


اتشتتوا


دخلوا جامعات جنوب الوادى واسكندريه والقناه


بس بطموحهم


جابوا تقدير فى اول سنه


وحولوا القاهره



وبقوا زيهم زى اللى جاب 99% فى الثانويه العامه


بل انهم كمان كانوا بيجيبوا تقديرات اكتر


العمليه فى الاول والا خر طموح وعزيمه وشد للهمم

الاء الموضوع جامد

بس ليه تقلب المواجع

ما احنا كنا هننساه الهم ده

وشكرا علي موضوعك الجميل

فعلاً والله يا طيب احسن كل دا فعلاً شئ مصر اصبحت مشهوره به وكأنها بقت عاده

أشكرك جدا على الموضوع دا يا الطيب احسن

28- لو لاقيت شعب مستحمل كل اللى فاتوا دول وبيحب بلده ويعشق ترابها يبقى انته اكيد فى مصر
فعلا ماندوز معاه حق

يبقى فعلا اكيد انت فى مصر

تحياتى واحترامى على الموضوع


محمد الشافعى