يا جماعة انا آسفة جدا انى عايزة أعرف آرائكم فى الموضوع ده
و هو موضوع اتناقش في يوم 11/7/2007 فى برنامج 90 دقيقة على قناة المحور
هو حكاية الطفلة هند
طفلة عندها 11 سنة و تعرضت لحادث اغتصاب من شاب مدمن بالشارع و انتج هذا الحادث حمل الطفلة هند و إنجابها للطفلة منة
الحكاية و ما فيها ان الطفلة هند كانت رايحة النادى اللى جنب البيت علشان تجيب أخوها و قابلها الشاب اللى مش فى وعيه و هددها بالمطواه كانت فى إيديه و غرزها فى ظهرها على حد تعبير الطفلة و ساقها الى عمارة مهجورة بجوار النادى و اغتصبها و الطفلة من خوفها من اللى حصل خافت تقول لمامتها و باباها لغاية ما بقت حامل فى الشهر الرابع و ابتدت اعراض الحمل تظهر عليها . و أوجاع الحمل كمان ابتدت الطفلة لا تطيقها
امها ذهبت معها الى الدكتور و عرفت بالأمر و اتكلمت معاها هى و باباها بالراحة علشان يعرفوا ايه اصل الحكاية .
و لما عرفت الام بلغت البوليس و عملت محضر
و فضلوا معها حتى لحظة الولادة و قامت البنت بالسلامة و بعد عشر ايام استضافهم المذيع معتز بالبرنامج
تخيلوا طفلة 11 سنة تحمل طفلة عمرها 10 أيام و تقول انها ابنتها
جماعة لو سمحتوا تخيلوا المنظر اصلا طفلة عندها 11 سنة يبقى شكلها ايه ( فى الصف الخامس الإبتدائى )
مدى بشاعة الحادث بكل المقاييس خلى الناس بقت عاملة زى المجانين على تليفونات البرنامج و الكل طالب بإعدام هذا الشاب
تعالوا نشوف الشاب ده عمل كام جريمة : بداية الإدمان
ثانيا : حمل سلاح لإرهاب ما لا يرق له
ثالثا : إغتصاب
لا و الأدهى من ده كمان ان الولد اتقبض عليه و افرج عنه بكفالة لحين وضع البنت لمولودها و عمل تحليل DNA للمولود
يعنى ممكن لحين استدعائه مرة اخرى يكون عمله جريمتين ثلاثة كمان تخيلوا مدى استهتار القانون بتاعنا بحياة الناس و شرفهم و عرضهم و أمانهم كمان .
كل واحد يقول يشارك الرأي
تخيلوا
كل واحد فيكو يتخيل اذا البنت دى كانت بنته أو اخته كان ايه الحكم اللى يرضى به على الشاب ده
انا شخصيا لا اطالب باعدامه انا عايزاه يتعذب بالموت البطئ بتقطيعه حتة حتة علشان يموت فى اليوم الواحد ألف مرة و يكون الكلام ده فى ميدان عام يمكن يكون عبرة للى زيه من الشباب
&& l,q,u Nehv yqf hgauf hglwvn ;gi
&& موضوع آثار غضب الشعب المصرى كله &&
العرض العادي
