أما , ميعرفش , القانون , يخليك

لما القانون ميعرفش يحميك

تخيل انت فجأة ماشى فى المترو فى امان الله مع اتنين اصحابك رايحين تقطعوا تذاكر
ويجى واحد من وراك يقولك بتعاكس اخواتى ليه ياض ؟
تقولو يا عم انا عاكست حد ولا كلمتك ؟
المهم يفضل يزعق وتلاقى واحد ملوش دعوه بالموضوع اساسا ولا بيهم يقولك يالا امشى يالا يا عبيط من هنا
ازاى يعنى حد يشتمك ؟ وكمان واحد ملوش لازمه اساسا ؟ وكمان ملوش دعوه اساسا بالبنات او الموضوع ؟
المهم روحنا قسم شرطة المترو ودخلت قولت لأمين الشرطة اللى قاعد اعملى محضر سب وقذف .. ( امناء شرطة معفنين يقوللى اصبر انت يالا ) على اساس انى عيل صغير يعنى طبعاً شافوا منى احلى صوت

لحد ما الراجل الكذاب والجبان بيحكى اللى حصل راح قايلة دا شتمنى وشتم بناتى وفارد قميصة علينا وانا مش عاوز مشاكل وروحنى يا باشا من هنا
امين شرطة طيب كدا خدنى على جنب قالى بص سيبه يمشى عشان بجد انت حتروح فيها عشان هو معاه بنات وانت فاهم بقى .
———
اهو فى اللحظة دى يعنى القانون ميعرفش يحميك بقى ولا ايه ؟
عشان هو معاه بنات يمشى يتبلى على خلق الله يعنى ؟
واحنا نتشتم عادى من البنات ولو فكرنا نرد نروح فيها ؟
مستنى رايكم فى الموضوع ده لانه اصبح صورة فعليه فى حياتنا

---

glh hgrhk,k lduvta dpld; Hlh dogd;

هو فى حالة الموقف اللى عرضته فوق ده من المفروض إنك تستخدم حيلة مثلاً ترجّع لك حقك

ولازم الحيلة تكون مظبوطة بحيث ماتضركش وتخلى اللى قدامك يكره إنه إستهبل معاك

.....

أو ممكن تنادى اتنين اصحابك وتاخدوه على جنب وخد حقك يا عم