الزبالة للجميع

الزبالة للجميع


مش شتيمة , دى اقوى انتاج قومي






شوف انت لما شعب كيانة 70 مليون نسمة على الاقل و كلة بينتج زبالة حتى الاطفال المولودين يبقا الناتج القومي اد ايه



تاريخ الزبالة في مصر يرجع لعهد الاسرات او يمكن للديناصورات مهو اكيد طول ما فية بشر يبقا فيه زبالة
ارتباط البشر بالزبالة ارتباط وثيق




مش عارفة ليه الناس في مصر معتقدة ان الشارع ما هو الا تكبـــــــــــــــير لصفيحة الزبالة ولو في ايدك ايه ارمية في الشارع




حتى لو عيل صغير و عايز تخلص منه ارميه في الشارع
واحدة ست قتلت جوزها و قطعته حتت و حطته في اكياس زبالة و رمته في الشارع بردو



سيبك من الجزء الاسود انها قطعت جوزها بص للجزء الأبيض انها حطته في أكياس زبالة - منتهى النظام



و لو واحد ضميره انبه و حس ان الشارع المفروض ميبقاش مزبلة كدة و قال يحط الورقة اللي في ايدة في جيبة مثلا لحد ما يلاقي صندوق زبالة تبص تلاقي واحد من شياطين الانس من اللي معاه او يمكن هو بس ضميره جاله إغماءة مفاجأة يقول ايه الهبل دة ما كل الناس بترمي و يروح رامي على اعتبار انها موضة





و ان الشارع جزء من الزبالة و الزبالة جزء من الشارع و مينفعش جزء فيهم يختفي عشان مانتوهش




حتى الناس بقا عندها انتماء للزبالة



ممكن جداً تلاقي واحد بيوصف لحد العنوان اللي هو مستنية فيه و بيقوله اول شارع فلان الفلاني كوم الزبالة الاولاني لا و التاني لا تحود شمال جمب كوم الزبالة التالت حتلاقيني واقف مستنيك جمب كوم الزبالة اللي جمب السوبر ماركت





كتير بحس ان الناس بتزبل الشارع بالعند في الحكومة
مهي الحكومة فرضت علينا رسوم زبالة مقابل الزبالة



فالناس بقت ترمي في الشارع مهي دافعة دافعة من منطلق حكمة شمشون الجبار عليا و على أعدائي يا رب




صحيح نسيت اقولكم
اول لما اتحطت الصناديق الشيك دي بتاعت الزبالة اللي في الشارع كانوا حاطين صندوق تقريبا لكل 5 عماير
و انتوا طبعا عارفين انتاج المصريين في الموضوع دة عامل ازاي



فطبعا الصناديق دي مكنتش بتكفي و الناس كانت بتعترض ان الصناديق بعيدة عن العماير و مش معقول يعني الباشا و هو نازل الشغل الصبح يمسك اللاب توب بأيد و كيس الزبالة بأيد عشان يرميه في الصندوق البعيد و اساساً مليان زبالة
فاللي بالي بالك قالوا ايه




قال ايه كان فيه صناديق كتير بس الناس سرقت صناديق الزبالة دي عشان بعجل و عملتها تلاجات لبيع الحاجة الساقعة




و متفهمش ليه جابولنا اصلا شركات الزبالة الاجنبية دي
دي ملت الشوارع زبالة و خلت الزبالين كمان يكبوها و يقلبوا فيها و يوسخوا الشارع بزيادة




كنت بتفرج من يومين على فيلم أجنبي و البطل و البطلة واقفين جمبهم صندوق زبالة من بتاع عمدان النور مكتوب عليه اونيكس زي اونيكس بتاعتنا اللي في اسكندرية فسألت نفسي اومال اللي عندنا تقرف ليه دي اللي عندهم لو اتحط فيها مية حتتعقم




و متفهمش بقا هو احنا اللي مش منضفين الصناديق بتاعتنا و الا الشركة هي اللي مستهونة بينا



و الا دة جزء من مشروع الزبالة الذكية و دي طبعاً غير الزبالة الالكترونية



اصل الزبالة الالكترونية دي عظمة على عظمة و لو عندنا في مصر كنا ظبطنا الدنيا اخر تظبيط


اصلها عبارة عن الاجهزة الكهربائية القديمة و الكمبيوترات و التليفونات و الحاجات دي يعني اللي بتستغنى عنهم الدول الغنية و ترميهم في صناديق الزبالة الكبيرة اللي هي بعض الدول الفقيرة الغلبانة بدون غيبة و ذكر اسماء




طيب و العمل في اكوام الزبالة اللي بتنتشر دي
دة فيه اكوام قربت تنافس الهرم الاكبر
نعمل ايه



نعمل وزارة للزبالة و يبقا عندنا وزير الزبالة


محدش حيرضى غير انه , مش حينفع بردو ما احنا عندنا وزراة اقتصاد و معندناش اقتصاد




نقتل الناس عشان تبطل ترمي زبالة

مش حنقدر عليهم كلهم ما احنا جربنا نقتلهم بمليون طريقة مماتوش ايشي عبارات ايشي قطورات ايشي هجرة غير شرعية ايشي ارتفاع اسعار و مبقوش لاقيين اللقمة و بردو مفيش فايدة





طيب نفتح خرم في الهرم من فوق و نعمله مقلب عمومي مش حيقضي بردو




طب و العمل دي الزبالة بقت كتير اوي و بقا فيه كوم لكل مواطن ( نصيب الفرد من الناتج الوطني )




واحتمال مصر اسمها يتغير في يوم من ارض الكنانة الى ارض القمامة





منقول بتصرف

---

hg.fhgm gg[ldu

فعلا الموضوع دة صحيح جدا

ياه طب والناس دي بتعيش ازاي والله حرام

موضوع جميل

شكرا ليك موضوع رائع جدا ومعاصر وشايفينه ف كل مكان

بصراحه شكرا يا احمد على فتحك الموضوع
دى فعلا مشكله
وممكن يكون السبب فيها حجات كتير ياريت بجد كل واحد يبدأ بنفسه
بدل ما يرمى وهو ماشى او راكب العربيه او فى البيت حاجه من الشباك
يحافظ على النظافه بتاعته
لان نص الشعب بيرمى بصراحه(هى فوضى)
وكمان انت قولت علب الزباله مش كفايه
فعلا
فى كل كام شارع علبه واحدة
وكمان الزباله بتبقى حوليها
والاسخن
يجى بتاع العربيه اللى بتلمها يروح شايل اللى فى الصندوق بس
واللى على الارض مش مهم
ونسى ان شغلانته لم الزباله اصلا
.
.
.
.
.
.
كانوا كلمتين مكبوتين
.
.
.
.
.
.
.
وبصراحه على الصور اللى انت جايبها بتبين الحيقة
بس الحقيقة ابشع
بكتيرررررررررررررررررررر

شكرا لكل الأعضاء اللى أثنوا ع الموضوع
وشكرا للأعضاء الذين وضعوا اقتراحات
نتمنى التفاعل ولتبدأ الحملة من هذا المنتدى

المشاركة الأصلية كتبت بواسطة a7medlight

شكرا لكل الأعضاء اللى أثنوا على الموضوع
وشكرا للأعضاء الذين وضعوا اقتراحات
نتمنى التفاعل ولتبدأ الحملة من هذا المنتدى

هو بجد حاجه مقرفه جدا

ان واحد او وحده ترمى زباله

بيقف بعيد ويرميها وقعت فى الصندوق تبقى بركه يا جامع


وقعت جمب الصندوق اهه محدش شايف حاجه

الكل سيبها لله


اشكرك يا حمد على طرحك الموضوع دا

وان شفتك ترمى زباله فى النيل انت حر

من نا حية الزباله .. زبالهـ

بسـ لا تحاول تغير وضع الناس

مهما صرخنا

لا حياتا لمن تنادي<<< فيلسوفة زمانها

مشكووور اخوي على الموضوع