طيب مبدائيا انا هقول رايى وبعدين هناقش البشوات اللى ردوا
طبعا انا فى هذا الموقف لو مكانى يسمح انى اوقف الشاب هحاول امسكه كمان لحظه هوا مش انتى قلتى شارع
يعنى امه لا اله الا الله واقفه واحنا فى مصر والمواقف دى مبنتوصاش وهتلاقى الشعب المصرى جرى ورا الواد وجابوه بالشنطه واتسحب على القسم وخدلوا كام .... على كام ....
وتوتا توتا خلصت الحدوته
اقتباس:
انا لو حصل قدامى الموقف دا لازم اجيبلها الشنطة بتاعتها حتى لو الواد دة هيرمينى فى النيل
|
يا عينى يا عبدو مهينوبك الا الرمى فى النيل لان شنطتتها راجعه راجعه بيك من غيرك راجعه
اما الحج احمد فاتوقعله
اقتباس:
الى هعمله بالظبط
با لظبط بالظبط بعنى
انى هعمل نفسى ميت
|
اقتباس:
انا همسك الواد ده اضربه علقة واجيب الشنطة منه واديها للبنت الحلوة الامورة وأسالها اسمها ايه !!
|
متاخد نمره الموبايل احسن
ولا اقلك انته توقفلها تاكسى وتوصلها بيتها وتطلع معاها تخطبها من ابوها ولما يقلك ليه تقله علشان متسبهاش تمشى لوحدها على الكرنيش
مبيجيش منك الا الكلام يا كراكر
اقتباس:
واقف في المستشفي مذهول و الدكتور بيقولك " احنا حاولنا علي قد ما نقدر .. لكن الحادثه كانت جامده جدا ... احمد ربنا ان الموضوع وقف عند حدود الشلل ... دي انكتب لها عمر جديد بعد الحادثه دي "
و سابك الدكتور و راح يسال علي العلاوه .. او يتغدي .. او يمكن حتي يكلم خطيبته
و ابتدت الافكار تلعب جوه دماغك ... و ابتديت تكلم نفسك
" بقي خلاص ... هي دي النهايه ... مكتوب عليا اعيش مع بنت مشلوله"
" و مين قال انك لازم نعيش معاها ... انتوا يادوب لسه مخطوبين من يومين ... اعتذر يا عم و شوف طريقك"
" انت بتقول ايه ... دا انا لو فضيت الخطوبه دلوقتي ... دي الصدمه لوحدها كفايه انها تموتها .. وفي الوقت ده بالذات "
" انت دلوقتي في فوره عواطف ... بص بعدين .. لما تتجوزوا و تبقي انت و هي بس في البيت .. شوف المسئوليات ... هتقومها و تقعدها و تاكلها و حاجات تانيه كتير .. يمكن تستحملها اسبوع اتنين مش العمر كله .. و في النهايه برضه هتمل منها ... و يمكن ساعتها تعاملها وحش ... و ده هيكون تاثيره عليها مش هين"
" لا ..لا .. طب افرض كان الموقف اتعكس .. كان هيبقي احساسي ايه لو سابتني "
" بس الموقف متعكسش ..."
" انت اناني"
" مش احسن ما ادعي البطوله بالكدب .. دي بقت مسئوليه و حمل كبير"
برضه مش عارف توصل لحل ...
تكمل معاها ... و لا تعتذر ... ولا تكمل معاها لفتره لحد ما تتعود هي علي الوضع و حالتها النفسيه تتحسن شويه ... ولا تستني لما هي تقولك انها بتحلك من اي وعود ما هي اكيد هتقول كده كلهم بيقولوا كده .
قولي بقي يا بطل ... لو انت مكانه هتعمل ايه
|
لو انا فكرت اساسا فى انى اسيبها يبقى انا خنتها واجرمت فى حق نفسى اكتر من حقها
اقتباس:
بصى يا توتااااااااااااااا فى المشكلة التانية
انا لو مكانة ماقدرش اسيبها ولو هستحملها العمر كلة لانى المفروض
بحبها لشخصها مش لجسدها مشلول او صحيح ولو انا واخدها عن حب
يبقى لازم اكمل معها لانى بحبها وماقدرش اعيش من غيرها وهيا
كمان لو انا متاكد ان هية بتحبنى قد ما انا بحبها وكان الوضع اتعكس
مش معقول انها كانت تسبنى فى اى حال من الاحوال وانا بجد لو حصل
معايا كدة اكيد اكيد وربنا شاهد على كدة ان انا مش هستغنى عنها
ومش هسيبها فى محنتها
|
على فكره ولو حتى انته مكنتش بتحبها بس كنتوا مرتبطين برضه نفس الرد بتاعى الاولانى
اقتباس:
لو بحب صحيح مش ممكن اسيبها
|
اقتباس:
ده طبعا لو حب حقيقى وبحب البنت دى مش هسيبها لأنها كانت اكيد هتعمل معايا كدا ,,,,
وبعدين ان الله مع الصابرين وأكيد ربنا هيجازينى خير ان شاء الله
|
طب فكروا معايا كده انسانه ارتبطت بيك و مكنش حد فيكم حابب التانى ولا كان فى قصه حب من الاساس ولكن الظروف جمعتكم وحصلها الموقف ده يعنى ببساطه ضاعت حياتها. انتهت. هل تتخلى عنها !!!!!!!!
اقتباس:
سيادتك راجع من شغلك تعبان و طالع عينك, طلعت منديل عشان العرق اللي مبهدلك خالص ... بتفكر و انت بتمسح عرقك انك عايز بسرعه تروح البيت عشان تلحق تتغدي و تناملك ساعتين عشان هتنزل باليل مع رشا و مامتها تجيبوا شويه حاجات الشقه محتاجاها
و رغم الحر و مديرك اللي معكنن عليك في الشغل انما حاسس انك مبسوط ان ميعاد جوازكم قرب كلها اقل من شهر .
و انت ماشي سرحان و بتتخيل هتقدوا شهر العسل فين لقيت اللي وقف متنح قدامك و بعلو صوته " مصطفي ... واحشني يا ندل "
ده حسين زميلك في ثانوي و اللي مبقتش تشوفه كتير عشان اختلاف مجال الدراسه
و بعد السلامات و الذي منه طبعا لازم تبلغه الخبر السعيد
" مش انا خلاص هتجوز يا واد "
" يا راجل ... الفين مبروك ... و ده بقي حب من ايام الجامعه ولا عرفتها من الشغل "
" لا .. الحقيقه هي جارتنا ... علي فكره دي نفس تخصصك و المفروض نفس دفعتك كمان"
" صحيح ؟؟... عموما احنا دفعتنا صغيره و كلنا عارفين بعض ... اسمها ايه ؟ "
" رشا **** .... "
عمك حسين سكت شويه ... و بعدين رجع اتاكد من الاسم ... و بان زي ما يكون مش مبسوط
" ايه يا حسين قفشت فجأه كده ليه "
" بص يا مصطفي احنا في يوم من الايام كنا صحاب جدا و برغم ان اللي هقولهولك يمكن يضايقك مني بس الصداقه ..
قاطعته انت بنرفزه ... " لخص يا حسين .. في ايه "
واقف في بيت خطيبتك اللي كلها كام يوم و تبقي زوجتك ... بتحاول تكون هادي و حاطط احتمال اخير ان حسين يكون كداب
دخلت هي فرحانه بيك و لسه هتسألك ايه اللي جابك بدري كده علي غير ميعاد
سالتها بشكل مباشر ... " ليه مقلتليش انك كنتي مرتبطه ايام الكليه "
بلمت هي شويه و بعدين لقيت ملوش معني انها تسالك عرفت منين ...
كملت انت بعد ما اتاكدت ان اللي عرفته صحيح .. " كنتي مرتبطه بزميل ليكي من تاني سنه في الدراسه و لحد قبل التخرج .. قصه حبكم كانت قويه لدرجه الدفعه كلها عارفاها "
اخير ابتدت تنطق " مصطفي .. الموضوع كان حب مراهقه ... و مكنش زي ما انت متخيل ... و ماما كانت عارفه بالموضوع ... انا معملتش حاجه غلط ... دفعتنا صغيره عشان كده طبيعي الحاجات دي تتعرف علي مستوي الدفعه مش علشان هي كانت قصه زي اللي في دماغك"
" و ليه مقولتليش ..." دي منك طبعا
" لان الموضوع انتهي و نسيته خلاص يا مصطفي ... صدقني يا مصطفي كل حاجه كانت في النور و ماما كانت عارفه من اول يوم"
سكت انت خالص و ابتدي عقلك يوقع في الحيره
" اصدقها ... كلنا حبينا قبل كده .. و بعدين بتقول مامتها كانت عارفه "
" و لو كانت القصه زي ما هي بتقول ليه خافت تقولك .. و تصدق منين ان مامتها كانت عارفه .. مهي ممكن تكون بتكدب عليك ... و طبعا امها مش هتبوز الجوازه علي حاجه زي دي حتي عشان خاطر سمعة بتها "
" لا بس حتي لو مكانتش مامتها عارفه ... انا واتق في رشا .. ما احنا جيران من زمان و مخطوبين بقالنا سنتين .. لو مكنتش بنت كويسه كنت حسيت "
" و ليه متقولش انها بقت كويسه بعد ما انكسر قلبها .. تضمن منين انها مش فاكراه .. و انها بس بتتجوزك كده من باب انه لازم تتجوز "
قولي بقي يا بطل .. لو انت مكان مصطفي و عرفة بالموضوع ده صدفه كده قبل الجواز .. هتمم الزواج ولا هترفض .. و ليه هترفض ؟
اما انتي يا جوهرتنا فلو اكتشفتي ان خطيبك كان عايش قصه حب جميله طول فترة الدراسه .. و برضه اكتشفتي ده صدفه و قبل الجواز ... هتممي الزواج .. ولا هترفضي
يالا يا شباب قولوا لمصطفي يعمل ايه
|
ببساطه لو هوا بيحبها وواثق انه بتحبه يبقى كل اللى فات هبل فى هبل وعادى يعنى (مع ملاحظه انها مقالتلوش على الموضوع ده دى نقطه سلبيه على فكره ) على فكره تقريبا انا اللى هيهمنى هيا نقطه انها مقلتليش لكن مش هيهمنى الموضوع اساسا
يعنى انا هتهم بنقطه انها مقلتليش ومش هتهم بالموضوع
اقتباس:
بصى يا توتاااااااااااااا هية ولو كانت مرتبطة وكانت بتحبة اوى وفعلا نسيتة شكل ما بتقول انا اصدقها لو انا بحبها ولو ماكنتش هية نسيتة احاول انا انسيهولها بكل ما اقدر افعلة واحسسها بحبى ليها من اول لحظة
|
لازم تكون واثق انها بتحبك وده ممكن تعرفه من فتره الخطوبه غير كده لو مش متاكد يبقى نصيحه بلاش
اقتباس:
فى المشكلة التالتة
انا لو مكان
درش
انسى كل حاجة فاتت
وافتح صفحة جديدة
لان مافيش حد مش له ماضى
او مش حب قيل كده
المهم انه يكون نسى الحب الى فات
|
مقدرش اقلك يا احمد غير
غير
غير
قوم زاكر يبنى وسيبك من الحب وسنينه انته فى ثانويه يعنى شهاده يناس